കൊറോണ വൈറസ് ബാധയുടെ പശ്ചാത്തലത്തിൽ ഓസ്ട്രേലിയൻ പര്യടനം ന്യൂസിലൻഡ് ക്രിക്കറ്റ് ടീം അവസാനിപ്പിച്ചു. മൂന്നു മത്സരങ്ങളുടെ ഏകദിന പരമ്പരയിലെ ആദ്യ മത്സരത്തിൽ ഓസ്ട്രേലിയ ജയിച്ചിരുന്നു. രണ്ടാം മത്സരം ഞായറാഴ്ച സിഡ്നിയിലാണ് നടക്കേണ്ടിയിരുന്നത്.
എന്നാൽ ഞായറാഴ്ച അർധരാത്രിക്കു ശേഷം രാജ്യത്തെത്തുന്ന എല്ലാവരും 14 ദിവസത്തെ ഐസലേഷിൽ പ്രവേശിക്കണമെന്ന് ന്യൂസിലൻഡ് പ്രധാനമന്ത്രി ജസീൻഡ ആൺഡേൺ പ്രഖ്യാപിച്ചതിനു പിന്നാലെയാണ് ന്യൂസിലൻഡ് ടീം പര്യടനം അവസാനിപ്പിച്ചത്.
പര്യടനത്തിൽ മൂന്ന് ഏകദിനവും മൂന്ന് ട്വിന്‍റി 20 മത്സരങ്ങളുമാണ് ഉണ്ടായിരുന്നത്. കൊറോണയുടെ പശ്ചാത്തലത്തിൽ ആദ്യ മത്സരം അടച്ചിട്ട സ്റ്റേഡിയത്തിലാണ് നടത്തിയത്.
