സിഡ്നി: ഓസ്ട്രേലിയൻ മലയാള സാഹിത്യ രംഗത്തെ നിറസാന്നിധ്യമായ കേരള നാദത്തിന്റെ 2018 പതിപ്പ് പ്രകാശനം ചെയ്തു. ടൂഗാബി സ്കൂൾ ഹാളിൽ നടന്ന ചടങ്ങിൽ നിയുക്ത സെവൻ ഹിൽസ് മണ്ഡലം സ്ഥാനാർഥി ദുർഗ ഓവൻ ആദ്യ പ്രതി പത്രാധിപസമിതി അംഗം ടി.സി. ജോർജിന് നൽകി കൊണ്ട് പ്രകാശനം നിർവഹിച്ചു. ചടങ്ങിൽ മുഖ്യ പത്രാധിപർ ജേക്കബ് തോമസ് സ്വാഗതം പറഞ്ഞു.
പ്രകാശനത്തോടനുബന്ധിച്ചു നടന്ന "മതങ്ങളിലും വിശ്വാസ സമൂഹങ്ങളിലും സ്ത്രീ പുരുഷ സമത്ത്വം നിലനിൽക്കുന്നുവോ' എന്ന വിഷയത്തെ അധികരിച്ചുള്ള സംവാദത്തിൽ സരസ്വതി ശശി, സുഹറ ഫൈസൽ , അന്നന്ദ് ആന്റണി, ഷൈൻ ഓസ് എന്നിവർ വിഷയാവതാരകരായി. സന്തോഷ് ജോസഫ് മോഡറേറ്ററായിരുന്നു.
മലയാളി എഴുത്തുകാരുടെ മലയാളത്തിലും ഇംഗ്ലീഷിലുമുള്ള രചനകൾ പ്രസിദ്ധപ്പെടുത്തിവരുന്ന കേരളനാദം കഴിഞ്ഞ 17 വർഷമായി സിഡ്നിയിൽ നിന്ന് പ്രസിദ്ധീകരിച്ചു വരുന്നു. സാഹിത്യ സ്നേഹികൾ ക്ക് തീർത്തും സൗജന്യമായി വിതരണം ചെയ്യുന്ന കേരള നാദത്തിൽ ഓസ്ട്രേലിയയിലെ എഴുത്തുകാർക്കു പുറമേ മലയാളത്തിലെ പ്രശസ്തരായ സക്കറിയ, എം.എൻ. കാരശേരി, ഷൈനി ബെഞ്ചമിൻ എന്നിവരുടെ രചനകളും പ്രസിദ്ധപ്പെടുത്തിയിട്ടുണ്ട്.
സിഡ്നി സാഹിത്യ വേദിയും കേരള നാദവും സംയുക്തമായി നടത്തിയ പ്രകാശന ചടങ്ങിൽ കേരളനാദം 2018 പതിപ്പിലെ എഴുത്തുകാർക്കുള്ള കോപ്പികൾ ചടങ്ങിൽ വിതരണം ചെയ്തു. സിഡ്നി സാഹിത്യ വേദി സെക്രട്ടറി ലീന മേഴ്സി നന്ദി പറഞ്ഞു.
റിപ്പോർട്ട്: ഷിനോജ് കല്ല്യാടൻ
കേരള നാദം 2018 പ്രകാശനം ചെയ്തു
09:27 PM Jan 04, 2019 | Deepika.com