സിഡ്നി: വിശ്രമ ജീവതത്തിലേക്കു പ്രവേശിച്ച പ്രിയപ്പെട്ടവർക്കായി സിഡ്നി മലയാളി അസോസിയേഷൻ ഒരുക്കുന്ന മൂന്നാമത് സ്നേഹസംഗമം "തണൽ ’ നവന്പർ 24 ശനിയാഴ്ച ബെറാല ജൂബിലി ഹാളിൽ നടക്കപ്പെടും.
രാവിലെ പതിനൊന്നിനു ആരംഭിക്കുന്ന സംഗമത്തിൽ സൗഹൃദങ്ങളെ പുതുക്കുവാനും ഓർമ്മകളുടെ തീരങ്ങളിലൂടെ സഞ്ചരിക്കുവാനുമുള്ള അവസരത്തിനൊപ്പം വിവിധ കലാപരിപാടികളും വിഭവ സമൃദ്ധമായ ഉച്ചഭക്ഷണവും ക്രമീകരിച്ചിട്ടുണ്ട്. നാട്ടിൽ നിന്നും സന്ദർശനത്തിനെത്തിയിട്ടുള്ള മാതാപിതാക്കൾക്കും ഈ സംഗമത്തിൽ പങ്കെടുക്കാവുന്നതാണ്. വാഹന സൗകര്യം ആവശ്യമുള്ളവർ മുൻകൂട്ടി ഭാരവാഹികളെ അറിയിക്കേണ്ടതാണ്.
കൂടുതൽ വിവരങ്ങൾക്ക് കെ.പി. ജോസ് 0419306202, ജോർജ് പണിക്കർ 0418119834 എന്നിവരുമായി ബന്ധപ്പെടാവുന്നതാണ്.
റിപ്പോർട്ട്: ജെയിംസ് ചാക്കോ
"തണൽ ’ സ്നേഹസംഗമം നവംബർ 24ന്
02:57 AM Nov 07, 2018 | Deepika.com