ടൈംസ് നൗ എൻആർഐ ഓഫ് ദ ഇയർ അവാർഡ് പ്രഫ. സജീവ് കോശിക്ക്

മെൽബൺ: ടൈംസ് ഓഫ് ഇന്ത്യയുടെ ന്യൂസ് ചാനൽ ആയ ടൈംസ് നൗവിന്‍റെ ഈ വർഷത്തെ NRI Of The Year അവാർഡിന് പ്രഫഷണൽ കാറ്റഗറിയിൽ മലയാളിയായ അസോസിയേറ്റ് പ്രഫ. സജീവ് കോശി തെരഞ്ഞെടുക്കപ്പെട്ടു. മുംബൈയിൽ നടന്ന ചടങ്ങിൽ പുരസ്കാരം സജീവ് കോശി ഏറ്റുവാങ്ങി.

ലോകം മുഴുവനുമുള്ള ഇന്ത്യക്കാരുടെ കഴിവുകളേയും നേട്ടങ്ങളേയും അംഗീകരിച്ച് നൽകുന്ന അവാർഡാണ് എൻആർഐ ഓഫ് ദ ഇയർ അവാർഡ്. ‌‌‌‌

മെൽബണിലെ റോയൽ ഡെന്‍റൽ ഹോസ്പിറ്റലിലെ Entodontics, Prostodontics, Periodontics വിഭാഗങ്ങളിലെ സ്പെഷലിസ്റ്റ് ഹെഡ് ആണ് ഡോ.സജീവ് കോശി. 2015 ൽ ആണ് ഡോ. കോശി സെൻട്രൽ ബോർഡ് ഓഫ് ഓസ്ട്രേലിയയിൽ നിയമിതനായത്. 2016 ൽ ഓസ്ട്രേലിയൻ സിവിലിയൻ ഹോണറും (OAM) അദ്ദേഹത്തെ തേടിയെത്തിയിട്ടുണ്ട്.

കേരള ഡന്‍റൽ കൗണ്‍സിലിന്‍റെ മുൻ പ്രസിഡന്‍റായിരുന്ന ഡോ. സജീവ് കോശി, തിരുവനന്തപുരം ഗവൺമെന്‍റ് ഡന്‍റൽ കോളജ് പൂർവ വിദ്യാർഥിയാണ്. തിരുവനന്തപുരം കൈതമുക്കിൻ കുടുംബാംഗമായ ഇദ്ദേഹം മെൽബണ്‍ മാർത്തോമ്മ ചർച്ച് അംഗം ആണ്.

റിപ്പോർട്ട് :ജോർജ് തോമസ്