ഒളിന്പിക്സ് ബാഡ്മിന്‍റണിൽ ഇന്ത്യക്ക് ജയവും തോൽവിയും. പുരുഷ ഡബിൾസിൽ ആവേശകരമായ ഗ്രൂപ്പ് എ മത്സരത്തിൽ സാത്വിക്‌രാജ് രങ്കറെഡ്ഢി-ചിരാഗ് ഷെട്ടി സഖ്യം ലോക മൂന്നാം നന്പറുകളായ ചൈനീസ് തായ്പേയുടെ യാംഗ് ലീ-ചി ലിൻ വാംഗ് സഖ്യത്തെ തകർത്തു.
ഇന്ത്യൻ സഖ്യത്തിന്‍റെ ആദ്യ ഒളിന്പിക്സാണിത്. ലോക പത്താം നന്പറുകളായ രങ്കറെഡ്ഡി-ഷെട്ടി സഖ്യം 21-16, 16-21, 27-25നാണ് ജയിച്ചത്.
പുരുഷ സിംഗിൾസ് ഗ്രൂപ്പ് ഡിയിൽ 13-ാം സീഡ് ഇന്ത്യയുടെ സായ് പ്രണീതിന് തോൽവി. 45-ാം റാങ്കിലുള്ള ഇസ്രയേലിന്‍റെ മിഷാ സിൽബെർമാനോട് നേരിട്ടുള്ള (21-17, 21-15) ഗെയിമുകൾക്കു തോറ്റു.
"ബാഡ് ’ആയില്ല ബാഡ്മിന്‍റൺ
11:28 AM Jul 25, 2021 | Deepika.com