വിദേശങ്ങളില്‍ കുടുങ്ങിയ പ്രവാസികളെ തിരിച്ചു നാട്ടിലെത്തിക്കുമ്പോഴുണ്ടാകുന്ന സാഹചര്യം നേരിടാന്‍ സ്വീകരിച്ച നടപടികള്‍ വ്യക്തമാക്കി കേന്ദ്ര, സംസ്ഥാന സര്‍ക്കാരുകള്‍ വിശദീകരണം നല്‍കണമെന്ന് ഹൈക്കോടതി നിര്‍ദേശം നല്‍കി.
കോവിഡ് ഭീഷണിയെത്തുടര്‍ന്ന് യാത്രാവിലക്ക് ഏര്‍പ്പെടുത്തിയതോടെ വിദേശരാജ്യങ്ങളില്‍ കുടുങ്ങിയവരെ നാട്ടിലെത്തിക്കണമെന്നാവശ്യപ്പെട്ട് ദുബായിലെ കേരള മുസ്‌ലിം കള്‍ച്ചറല്‍ സെന്‍റര്‍ ഉള്‍പ്പെടെ നല്‍കിയ ഹര്‍ജികളിലാണ് ഹൈക്കോടതിയുടെ നിര്‍ദേശം.
വിദേശത്തു കുടുങ്ങിയവരെ നാട്ടിലെത്തിക്കുന്നത് പൊതുതാത്പര്യത്തിന്‍റെ ഭാഗമാണെന്നും കേന്ദ്രസര്‍ക്കാരിന്‍റെ ക്വാറന്‍റൈന്‍ നിര്‍ദേശങ്ങള്‍ക്കനുസരിച്ചാണ് സംസ്ഥാന സര്‍ക്കാര്‍ നടപടിയെടുക്കേണ്ടതെന്നും ഹൈക്കോടതി വ്യക്തമാക്കി.
പ്രവാസികളുടെ തിരിച്ചുവരവ്: കേന്ദ്ര, സംസ്ഥാന സര്‍ക്കാരുകള്‍ വിശദീകരണം നല്‍കണമെന്ന് ഹൈക്കോടതി
06:44 PM May 06, 2020 | Deepika.com