മാർ മാത്യു ആനിക്കുഴിക്കാട്ടിലിന്‍റെ ലാളിത്യവും നിഷ്കളങ്കതയും ആത്മീയ ചൈതന്യവും മാതൃകാപരമെന്ന് കോട്ടയം ആർച്ച്ബിഷപ് മാർ മാത്യു മൂലക്കാട്ട് . ആനിക്കുഴിക്കാട്ടിൽ പിതാവിന്‍റെ കബറടക്ക ശുശ്രൂഷയിൽ അനുസ്മരണ പ്രസംഗം നടത്തുകയായിരുന്നു അദ്ദേഹം.
ഹൈറേഞ്ചിലെ കോട്ടയം അതിരൂപതാംഗങ്ങളോട് അതീവതാത്പര്യം പ്രകടിപ്പിച്ചിരുന്ന ആനിക്കുഴിക്കാട്ടിൽ പിതാവ് സമുദായത്തിന്‍റെ ഏത് ആവശ്യത്തിനും സദാ സമീപസ്ഥനുമായിരുന്നു. ഹൈറേഞ്ച് ജനതയെ ഒന്നിച്ചു നിർത്തുവാൻ അദ്ദേഹത്തിന് കഴിഞ്ഞു. കോട്ടയം അതിരൂപതയുടെ വലിയ സുഹൃത്തുമായിരുന്നു ആനിക്കുഴിക്കാട്ടിൽ പിതാവെന്ന് മാർ മൂലക്കാട്ട് പറഞ്ഞു.
രണ്ടാംഘട്ട കബറടക്ക ശുശ്രൂഷയ്ക്ക് മാർ മാത്യു മൂലക്കാട്ട് മെത്രാപ്പോലീത്ത മുഖ്യകാർമികത്വം വഹിച്ചു. വികാരി ജനറാൾ ഫാ. മൈക്കിൾ വെട്ടിക്കാട്ട്, പടമുഖം ഫൊറോനാ വികാരി ഫാ. ബെന്നി കന്നുവെട്ടിയേൽ, തടിയന്പാട് പള്ളി വികാരി ഫാ. ജോബിൻ പ്ലാച്ചേരിപ്പുറത്ത്, കെസിസി അതിരൂപത പ്രസിഡന്‍റ് തന്പി എരുമേലിക്കര, സെക്രട്ടറി ബിനോയി ഇടയാടിയിൽ തുടങ്ങിയവരും കബറടക്ക ശുശ്രൂഷയിൽ സംബന്ധിച്ചു.
മാർ ആനിക്കുഴിക്കാട്ടിലിന്‍റെ ലാളിത്യവും നിഷ്കളങ്കതയും മാതൃകാപരം: മാർ മൂലക്കാട്ട്
11:06 AM May 06, 2020 | Deepika.com