പ്രജേഷ് സെൻ തിരക്കഥ രചിച്ച് സംവിധാനം ചെയ്യുന്ന പുതിയ ചിത്രമാണ് ഹൗഡിനി. ചിത്രത്തിന്റെ ഷൂട്ടിംഗ് കോഴിക്കോട് ആരംഭിച്ചു. ജാഫർ ഖാൻ കോളനിയിലെ ലയൺസ് ക്ലബ്ബ് ഹാളിലായിരുന്നു തുടക്കം.
വി.പി.സത്യന്റെ ഭാര്യ അനിതാ സത്യൻ സ്വിച്ചോൺ കർമ്മം നിർവഹിച്ചു. ബിജിത്ത് ബാല ഫസ്റ്റ് ക്ലാപ്പ് നൽകി.
ബോളിവുഡ് സംവിധായകൻ ആനന്ദ് എൽ. റായിയുടെ നിർമാണക്കമ്പനിയായ കളർ യെല്ലോ പ്രൊഡക്ഷൻസും കർമ്മ മീഡിയാ ആൻഡ് എന്റർടൈൻമെന്റ്സിനൊപ്പം ഷൈലേഷ് ആർ.സിംഗും പ്രജേഷ് സെൻ മൂവി ക്ലബ്ബും സഹകരിച്ചാണ് ഈ ചിത്രം ഒരുക്കുന്നത്.
ആസിഫ് അലിയാണ് ചിത്രത്തിലെ നായകൻ. മാജിക്കാണ് ചിത്രത്തിന്റെ ഇതിവൃത്തം. ഒരു ചെറുപ്പക്കാരന്റെ ജീവിതത്തിൽ മാജിക്ക് ഉണ്ടാക്കുന്ന സ്വാധീനവും തുടർന്നുണ്ടാകുന്ന സംഭവങ്ങളും സംഘർഷങ്ങളുമാണ് ഈ ചിത്രത്തിലൂടെ അവതരിപ്പിക്കുന്നത്.
മജീഷ്യൻ അനന്തൻ എന്ന കഥാപാത്രത്തെയാണ് ആസിഫ് അവതരിപ്പിക്കുന്നത്. ഗുരു സോമസുന്ദരം, ജഗദീഷ്, ശ്രീകാന്ത് മുരളി തുടങ്ങിയവരും ചിത്രത്തിലുണ്ട്. സംഗീതം ബിജിപാൽ. നൗഷാദ് ഷെരിഫ് ഛായഗ്രഹണം. എഡിറ്റിംഗ് - ബിജിത്ത് ബാല. കലാസംവിധാനം - ത്യാഗു തവനൂർ.
മേക്കപ്പ് - അബ്ദുൾ റഷീദ്. കോസ്റ്റ്യും - ഡിസൈൻ - ആഫ്രിൻ കല്ലാൻ. ചീഫ് അസോസിയേറ്റ് ഡയറക്ടർ - ഗിരീഷ് മാരാർ. ടൈറ്റിൽ ഡിസൈൻ - ആനന്ദ് രാജേന്ദ്രൻ. നിശ്ചല ഛായാഗ്രഹണം - ലിബിസൺ ഗോപി. ഡിസൈൻ - താമിർ ഒ.കെ. പബ്ലിസിറ്റി ഡിസൈൻ -- ബ്രാൻഡ് പിക്സ്. പ്രൊഡക്ഷൻ മാനേജർ - ശ്രീജേഷ് ചിറ്റാഴ. പ്രൊഡക്ഷൻ എക്സിക്യുട്ടീവ് - മനോജ്.എൻ. പ്രൊഡക്ഷൻ കൺട്രോളർ-ജിത്ത് പിരപ്പൻകോട്. കോഴിക്കോട്, മുംബൈ, രാജസ്ഥാൻ എന്നിവിടങ്ങളിലായി ഈ ചിത്രത്തിന്റെ ചിത്രീകരണം പൂർത്തിയാകും. വാഴൂർ ജോസ്. ഫോട്ടോ - ലിബിസൺ ഗോപി.