നടൻ ദിലീപിന്റെയും ഭാര്യ കാവ്യ മാധവന്റെ ഏറ്റവും പുതിയ ലുക്കാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്.
സ്റ്റൈലിഷ് ലുക്കിലാണ് ഇരുവരും വീഡിയോയിൽ പ്രത്യക്ഷപ്പെട്ടിരിക്കുന്നത്. പാന്റും ഷർട്ടുമിട്ട് എക്സിക്യുട്ടീവ് ലുക്കിൽ ദിലീപെത്തിയപ്പോൾ ഓർഗൻസ സാരിയും സീക്വൻസ് ബൗസുമണിഞ്ഞ് കാവ്യയും തിളങ്ങി.
ദുബായി റാസ് അൽ ഖൈമയിൽ നടന്ന ഒരു വിവാഹചടങ്ങിൽ പങ്കെടുക്കാനാണ് താരദന്പതികളെത്തിയത്. കാവ്യയുടെ തന്നെ വസ്ത്ര സ്ഥാപനമായ ലക്ഷ്യയുടെ സാരിയാണ് താരം ധരിച്ചിരിക്കുന്നത്.
മലയാളികളുടെ പ്രിയ താരമായിരുന്ന കാവ്യ ദിലീപിനെ വിവാഹം കഴിച്ചതോടെ സിനിമയില് നിന്ന് അകന്നു നിന്നെങ്കിലും പൊതുപരിപാടികളിലും മറ്റ് ചടങ്ങുകളിലേക്കുമെല്ലാം ദിലീപിനൊപ്പം എത്താറുണ്ട്. അടുത്തിടെയാണ് സമൂഹ മാധ്യമങ്ങളിൽ കാവ്യ വീണ്ടും സജീവമായത്.
2016ൽ റിലീസ് ചെയ്ത ‘പിന്നെയും’ എന്ന അടൂർ ഗോപാലകൃഷ്ണൻ ചിത്രത്തിലാണ് കാവ്യ അവസാനമായി അഭിനയിച്ചത്. 2019 ഒക്ടോബറിലാണ് ദിലീപിനും കാവ്യയ്ക്കും പെൺകുഞ്ഞ് ജനിക്കുന്നത്. വിജയദശമി ദിനത്തില് ജനിച്ച മകള്ക്ക് മഹാലക്ഷ്മി എന്നാണ് പേര്.