നടികർ സിനിമയുടെ ചിത്രീകരണത്തിനിടയിൽ ടൊവീനോ തോമസിന് പരിക്ക്. പെരുമ്പാവൂരിനടുത്ത് മാറമ്പള്ളിയിൽ ചിത്രീകരണം നടക്കുന്നതിനിടയിലാണ് പരിക്കു പറ്റിയത്.
പരിക്ക് ഗുരുതരമല്ലെങ്കിലും ഒരാഴ്ച്ചത്തെ വിശ്രമമാണ് ഡോക്ടർമാർ നിർദേശിച്ചിരിക്കുന്നത്. തുടർന്ന് ചിത്രീകരണം നിർത്തിവച്ചു. ഒരാഴ്ചയ്ക്ക് ശേഷം ചിത്രീകരണം പുനരാരംഭിക്കുമെന്ന് സംവിധായകൻ ലാൽ ജൂനിയർ പറഞ്ഞു.
ഡേവിഡ് പടിക്കൽ എന്ന കഥാപാത്രത്തെയാണ് ടൊവീനോ ഈ ചിത്രത്തിൽ അവതരിപ്പിക്കുന്നത്. പുഷ്പ സിനിമയുടെ നിർമാതാക്കളായ മൈത്രി മൂവി മെക്കേഴ്സ് ആദ്യമായി മലയാളത്തില് നിർമിക്കുന്ന ചിത്രം കൂടിയാണിത്.
അലന് ആന്റണി, അനൂപ് വേണുഗോപാല് എന്നിവരുടെ നേതൃത്വത്തിലുള്ള ഗോഡ്സ്പീഡിനൊപ്പം ചേര്ന്നാണ് മൈത്രി മൂവി മെക്കേഴ്സിന്റെ വൈ. നവീനും, വൈ. രവി ശങ്കറും നടികര് തിലകം നിര്മിക്കുന്നത്.
സിനിമ ചിത്രീകരണത്തിനിടെ ടൊവീനോ തോമസിന് പരിക്ക്
09:39 AM Sep 05, 2023 | Deepika.com