തെന്നിന്ത്യൻ താരറാണിയും മലയാളികളുടെ സ്വകാര്യ അഹങ്കാരവുമാണ് നയൻതാര. മക്കളുമൊത്ത് ഓണം ആഘോഷിക്കുന്ന താരത്തിന്റെ ചിത്രങ്ങളാണ് ഇപ്പോൾ സമൂഹമാധ്യമങ്ങൾ ഏറ്റെടുത്തിരിക്കുന്നത്. ഭർത്താവും സംവിധായകനുമായ വിഗ്നേഷാണ് ചിത്രങ്ങൾ പങ്കുവച്ചിരിക്കുന്നത്.
കസവുമുണ്ട് ഉടുത്ത് ഉയിരും ഉലകവും ഇരിക്കുന്നതാണ് ചിത്രത്തിലുള്ളത്. എന്നാൽ കുഞ്ഞുങ്ങളുടെ മുഖം മറച്ചിരിക്കുകയാണ്.
തൂശനിലയിൽ ഇവർക്കായി സദ്യയും വിളന്പിയിട്ടുണ്ട്. സദ്യ കുട്ടികൾക്ക് വാരിക്കൊടുക്കുന്ന ചിത്രവും ഒപ്പമുണ്ട്. കേരള വസ്ത്രത്തില് നയന്താരയ്ക്കൊപ്പം നില്ക്കുന്ന ചിത്രവും വിഘ്നേശ് പങ്കുവച്ചിട്ടുണ്ട്.
ഞങ്ങളുടെ ലളിതവും സുന്ദരവുമായ ജീവിതത്തില് ഈ ചെറിയ നിമിഷം വിലപ്പെട്ടതാണ്. ഓണാഘോഷം ഇവിടെ ആരംഭിക്കുന്നു. ഞങ്ങളുടെ ഉയിരിനും ഉലഗത്തിനുമൊപ്പം. എല്ലാവര്ക്കും ഓണാശംസകള്. വിഘ്നേശ് ഇൻസ്റ്റഗ്രാമിൽ കുറിച്ചു.
ഉയിരിന്റെ യഥാർഥ പേര് രുദ്രോനീൽ എൻ. ശിവ എന്നും ഉലകിന്റെ യഥാർഥ പേര് ദൈവിക് എൻ. ശിവ എന്നുമാണ്. കഴിഞ്ഞ വർഷം ഒക്ടോബറിലാണ് വാടക ഗർഭധാരണത്തിലൂടെവിഘ്നേഷ് ശിവനും നയൻതാരയ്ക്കും ആൺ കുഞ്ഞുങ്ങൾ പിറന്നത്.