മമ്മൂട്ടി ചെയർമാനായ കെയർ ആൻഡ് ഷെയർ ഇന്റർനാഷണൽ ഫൗണ്ടേഷന്റെ ആശ്വാസം പദ്ധതിയിലെ സൗജന്യ ഓക്സിജൻ കോൺസെൻട്രേറ്റർ കൊല്ലം ജില്ലയിൽ വിതരണം ചെയ്തു. ചിതറ കെപി ഫൗണ്ടേഷൻ ആസ്ഥാനമായ സ്നേഹവീട്ടിൽ വച്ച് പി.എസ്. സുപാൽ എംഎൽഎ പദ്ധതിയുടെ ജില്ലാതല ഉദ്ഘാടനം നടത്തി.
സംഘടനയുടെ വൈസ് ചെയർമാനും എംജീഎം ഗ്രൂപ്പ് ഓഫ് ഇൻസ്റ്റിറ്റ്യൂഷൻ ചെയർമാനുമായ ഡോ. ഗീവർഗീസ് യോഹന്നാൻ ഓക്സിജൻ കോൺസെൻട്രേറ്റർ കടയ്ക്കൽ താലൂക്ക് ആശുപത്രിയുടെ കീഴിൽ മാങ്കോട് കുടുംബാരോഗ്യ കേന്ദ്രത്തിന്റെ പ്രവർത്തന പരിധിയിലുള്ള പാലിയേറ്റിവിന് കൈമാറി.
ചിതറ ഗ്രാമപഞ്ചായത്ത് പ്രസിഡന്റ് എം.എസ്. മുരളി, വികസനകാര്യ ചെയർമാൻ മടത്തറ അനിൽ എന്നിവർ ആശംസകൾ അറിയിച്ചു.
മമ്മൂട്ടിയുടെ ആ"ശ്വാസം' പദ്ധതി; കൊല്ലം ജില്ലയിൽ ഓക്സിജൻ കോൺസെൻട്രേറ്റർ കൈമാറി
03:45 PM Aug 21, 2023 | Deepika.com