നടി നൂറിൻ ഷെരീഫും യുവനടനും തിരക്കഥാകൃത്തുമായ ഫാഹിം സഫറും വിവാഹിതരായി. സിനിമ മേഖലയിലെ സുഹൃത്തുക്കളും ബന്ധുക്കളുമടക്കം നിരവധി പേരാണ് ചടങ്ങിനെത്തിയത്.
പ്രിയ വാര്യർ, അഹാന കൃഷ്ണ, രജിഷ വിജയൻ, ചിപ്പി രഞ്ജിത്ത് തുടങ്ങി നിരവധി പേർ വധുവരൻമാർക്ക് ആശംസകളുമായെത്തി.
കഴിഞ്ഞ വർഷം ഡിസംബറിലായിരുന്നു നൂറിന്റെയും ഫാഹിമിന്റെയും വിവാഹനിശ്ചയം കഴിഞ്ഞത്. ദീർഘനാളുകളായിരുന്നു ഇരുവരും പ്രണയത്തിലായിരുന്നു. കൊല്ലം സ്വദേശിയാണ് നൂറിൻ. ഒമർ ലുലു സംവിധാനം ചെയ്ത ചങ്ക്സ് എന്ന ചിത്രത്തിലൂടെയാണ് നൂറിൻ സിനിമരംഗത്തെത്തുന്നത്.
ഒരു അഡാര് ലൗ എന്ന സിനിമയില് നൂറിനായിരുന്നു നായിക. സാന്താക്രൂസ്, വെള്ളേപ്പം, ബര്മൂഡ തുടങ്ങിയവയാണ് മറ്റു ചിത്രങ്ങള്. ജൂണ്, മാലിക്, ഗ്യാംഗ്സ് ഓഫ് 18, മധുരം തുടങ്ങിയ ചിത്രങ്ങളിലൂടെയാണ് ഫഹീം സഫര് ശ്രദ്ധനേടുന്നത്. മധുരത്തിന്റെ തിരക്കഥകൃത്തുക്കളിൽ ഒരാൾ കൂടിയാണ് ഫഹിം.