ടൊവീനോ തോമസിനെ നായകനാക്കി ലാൽ ജൂനിയർ സംവിധാനം ചെയ്യുന്ന നടികർതിലകം എന്ന ചിത്രത്തിന്റെ പൂജ കൊച്ചിയിൽ നടന്നു. ഡേവിഡ് പടിക്കൽ എന്ന സൂപ്പർ താരത്തിന്റെ കഥയാണ് ചിത്രം പറയുന്നത്. ഡ്രൈവിംഗ് ലൈസൻസ് എന്ന ചിത്രത്തിനു ശേഷം ലാൽ ജൂനിയർ സംവിധാനം ചെയ്യുന്ന ചിത്രമാണിത്.
ലാൽ ജൂനിയറിന്റെ മാതാപിതാക്കളായ ലാലും നാൻസി ലാലും ആദ്യ ഭദ്രദീപം തെളിയിച്ചു. വൈ. രവി ശങ്കർ(മൈത്രി മൂവി മേക്കേഴ്സ്), ടൊവീനോ നോമസ്, സൗബിൻ ഷാഹിർ, സുരേഷ് കൃഷ്ണ, അനൂപ് മേനോൻ തുടങ്ങിയവരും ചടങ്ങിൽ പങ്കെടുത്തു.
ഗോഡ് സ്പീഡ് ആൻഡ് മൈത്രിമൂവി മേക്കേഴ്സിന്റെ ബാനറിൽ നവീൻ യേർനേനി, വൈ. രവിശങ്കർ, അലൻ ആന്റണി, അനൂപ് വേണുഗോപാൽ എന്നിവരാണ് ഈ ചിത്രം നിർമിക്കുന്നത്. 40 കോടിയാണ് ചിത്രത്തിന്റെ ബജറ്റ്. കൊച്ചി, ഹൈദരബാദ്, കാശ്മീർ,ദുബായ് എന്നിവിടങ്ങളാണ് ലൊക്കേഷൻ.
ഭാവനയാണ് നായിക.സൗബിൻ ഷാഹിർ, ധ്യാൻ ശ്രീനിവാസൻ, അനൂപ് മേനോൻ, രഞ്ജിത്ത്, ലാൽ, ബാലു വർഗീസ്, ഇന്ദ്രൻസ്, സുരേഷ് കൃഷ്ണാ, മധുപാൽ, ഗണപതി, അൽത്താഫ് സലിം, മണിക്കുട്ടൻ, സഞ്ജു ശിവറാം, ജയരാജ് കോഴിക്കോട്, ഖാലിദ് റഹ്മാൻ, അഭിരാം പൊതുവാൾ, ബിപിൻ ചന്ദ്രൻ ,അറിവ്, മനോഹരി ജോയ്, മാലാ പാർവതി, ദേവികാഗോപാൽ, ബേബി ആരാധ്യ, അഖിൽ കണ്ണപ്പൻ, ജസീർ മുഹമ്മദ്, രജിത്ത്, ബ്രിഗ് ബോസ് ഫെയിം) ഖയസ് മുഹമ്മദ് എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു.
രചന - സുവിൻ സോമശേഖരൻ. സംഗീതം -യാക്സിൻ നേഹാ പെരേര, ഛായാഗ്രഹണം ആൽബി. എഡിറ്റിംഗ് - രതീഷ് രാജ്, കലാസംവിധാനം - പ്രശാന്ത് മാധവ്. മേക്കപ്പ് - ആർ.ജി.വയനാടൻ. കോസ്റ്റ്യും - ഡിസൈൻ - യെക്താ ഭട്ട്. ചീഫ് അസോസിയേറ്റ് ഡയറക്ടർ - നിധിൻ മൈക്കിൾ.
പ്രൊഡക്ഷൻ മാനേജർ - ശരത് പത്മാനാഭൻ. പ്രൊഡക്ഷൻ എക്സിക്യുട്ടീവ് നസീർ കാരന്തൂർ. പ്രൊഡക്ഷൻ കൺട്രോളർ- മനോജ് കാരന്തൂർ. പിആർഒ- വാഴൂർ ജോസ്. ഫോട്ടോ - വിവി ആന്റണി.