തമന്ന ഭാട്ടിയയുടെ മാസ്മരിക നൃത്ത ചുവടുകൾ. ഒപ്പം സ്റ്റൈൽ മന്നൻ രജനീകാന്തും. ഒരു പാട്ടിനെ ആവേശമാക്കാൻ ഇതിൽപരം എന്തുവേണം.
പാട്ടിന്റെ തുടിപ്പുകൾക്ക് ജീവൻ പകരാൻ തമിഴകത്തിന്റെ യുവസംഗീത മാന്ത്രികൻ അനിരുദ്ധും കൂടി ചേർന്നാൽ ആ പാട്ട് ഹിറ്റാകുമെന്നതിൽ സംശയമില്ല. കാവാല എന്നു തുടങ്ങുന്ന ഈ ഗാനം ഇതിനോടകം കണ്ടത് 77 ലക്ഷം പേരാണ്.
നെൽസൺ സംവിധാനം ചെയ്യുന്ന ജയിലറിൽ രജനീകാന്താണ് നായകൻ. മോഹൻലാൽ അതിഥി വേഷത്തിലെത്തുന്ന ചിത്രത്തിൽ തമന്നയാണ് നായിക.
മോഹൻലാൽ രജനികാന്തിനൊപ്പം പ്രത്യക്ഷപ്പെടുന്ന ആദ്യ ചിത്രമെന്ന പ്രത്യേകതയും ഈ ചിത്രത്തിനുണ്ട്. സൺ പിക്ചേഴ്സിന്റെ ബാനറിൽ കലാനിധി മാരൻ നിർമിക്കുന്ന ചിത്രം ഓഗസ്റ്റ് 10നാണ് തിയറ്ററുകളിൽ എത്തുന്നത്.
മുത്തുവേല് പാണ്ഡ്യന് എന്ന ജയിലറുടെ വേഷത്തിലാണ് രജനി ചിത്രത്തിലെത്തുന്നത്. ദളപതി വിജയ് നായകനായെത്തിയ ബീസ്റ്റ് എന്ന ചിത്രത്തിന് ശേഷം നെൽസൻ സംവിധാനം ചെയ്യുന്ന ചിത്രം കൂടിയാണ് ജയിലർ.
സ്റ്റണ്ട് ശിവയാണ് ചിത്രത്തിന്റെ ആക്ഷൻ. വിജയ് കാര്ത്തിക് കണ്ണനാണ് ഛായാഗ്രാഹണം. രമ്യ കൃഷ്ണന്, വിനായകന്, ശിവ്രാജ് കുമാർ, ജാക്കി ഷ്റോഫ്, സുനില് തുടങ്ങിയ വമ്പൻ താരനിരയും ചിത്രത്തിൽ അണിനിരക്കുന്നുണ്ട്. ഗോകുലം ഗോപാലനാണ് ചിത്രം കേരളത്തില് വിതരണത്തിനെത്തിക്കുന്നത്.