ചിറ്റൂർ: വേലന്താവളത്ത് ബൈക്കിൽ ഒളിപ്പിച്ച് കടത്തിയ രണ്ടു കിലോ കഞ്ചാവുമായി യുവാവിനെ കൊഴിഞ്ഞാന്പാറ പോലീസ് അറസ്റ്റ് ചെയ്തു. മലപ്പുറം പാണിക്കാട് അബ്ദുള്ളയുടെ മകൻ ഇസ്ഹാക്ക് (45) ആണ് അറസ്റ്റിലായത്. ഇന്നലെ ഉച്ചയ്ക്കു ഒന്നരയ്ക്കു വേലന്താവളത്ത് വെച്ചായിരുന്നു സംഭവം. ബൈക്കും പോലീസ് കസ്റ്റഡിയിലെടുത്തു.
തമിഴ്നാട് പഴനിയിൽ ഇരുപതിനായിരം രൂപ നൽകി വാങ്ങിയ കഞ്ചാവ് രണ്ടു ലക്ഷത്തിന് മലപ്പുറത്തെത്തിച്ച് വിൽപ്പന നടത്താനാണ് പ്രതി ലക്ഷ്യമിട്ടിരുന്നത്. എസ്ഐ അൻഷാദ്, എസ്.സി.പി.ഒ.സുരേഷ് സി.പി.ഒ.മാരായ വിനോദ് .രാജേന്ദ്രൻ, സജിത്ത് എന്നിവരടത്തിയ സംഘമാണ് കഞ്ചാവ് വേട്ടയിലുണ്ടായിരുന്നത്. പ്രതിയെ ഇന്നു കോവിഡ് പരിശോധിച്ച ശേഷം കോടതിയിൽ ഹാജരാക്കും.
രണ്ടുകിലോ കഞ്ചാവുമായി യുവാവ് അറസ്റ്റിൽ
12:02 AM Jul 12, 2020 | Deepika.com