പയ്യന്നൂര്‍: ഡോ.എം.വി.വിഷ്ണുനമ്പൂതിരിയുടെ സ്മരണ നിലനിര്‍ത്താന്‍ ഫോക്‌ലോര്‍ മ്യൂസിയം ഒരുക്കുന്നു. കുന്നരുവിലെ നാലുകെട്ട് ഭവനത്തിലെ എഴുത്തുമുറിയാണ് കുടുംബാംഗങ്ങള്‍ നവീകരിച്ച് മ്യൂസിയമാക്കി മാറ്റുന്നത്. എം.വി.വിഷ്ണു നന്പൂതിരിയുടെ കൈയെഴുത്തുപ്രതികള്‍, ഗ്രന്ഥശേഖരം, അവാര്‍ഡ് ശില്പങ്ങള്‍ തുടങ്ങിയവ ഇവിടെയൊരുക്കും. ഗവേഷണ വിദ്യാര്‍ഥികള്‍ക്ക് ഉപകാരപ്രദമാകുന്ന രീതിയില്‍ വെബ്‌സൈറ്റും ഒരുക്കുന്നുണ്ട്. വെബ്‌സൈറ്റിന്‍റെ പ്രകാശനകര്‍മവും മ്യൂസിയം ഉദ്ഘാടനവും വിഷ്ണു നമ്പൂതിരിയുടെ ഒന്നാം ശ്രാദ്ധദിനമായ 26ന് നടത്തും.
