അബിജാനിലെ മലയാളി കൂട്ടായ്മ ഓണം ആഘോഷിച്ചു

അബിദ്ജാൻ: മലയാളിയുടെ ദേശീയോത്സവമായ ഓണം കേരളത്തനിമയോടെ വിപുലമായ രീതിയിൽ ആഘോഷിച്ചുകൊണ്ടു പടിഞ്ഞാറൻ ആഫ്രിക്കൻ രാജ്യമായ ഐവറി കോസ്റ്റിലെ മലയാളി സമൂഹം പുതിയ തുടക്കം കുറിച്ചു. അത്തപൂക്കളവും, മാവേലി മന്നനും മലയാളത്തനിമയിലുള്ള ഓണസദ്യയും ഓണക്കളികളും വിവിധ കലാകായിക മത്സരങ്ങളും ഈ വർഷത്തെ ഓണത്തെ മറക്കാനാവാത്ത അനുഭവമാക്കി.

വിവിധ മത്സരങ്ങളിൽ വിജയികളായവർക്ക് ആകർഷകങ്ങളായ സമ്മാനങ്ങളും നൽകി. ഐവറി കോസ്റ്റിലെ ഇന്ത്യൻ എംബസിയിലിൽ നിന്നും സെക്കൻഡ് അംബാസിഡർ ജയകുമാർ സകുടുംബം വിശിഷ്‌ടാതാഥിയായി ആഘോഷത്തിന്റെ ആദ്യാവസാനം പങ്കെടുത്തു. പരിപാടികൾക്ക് അനീഷ് ദേവസ്യ, അജീഷ് ബാബു തുടങ്ങിയവർ നേത്യത്വം നല്കി.