പോ​ലീ​സി​നെ ഗു​ണ്ട​ക​ൾ വ​ള​ഞ്ഞു, ഒ​ടു​വി​ൽ പ്ര​തി​യെ വി​ട്ടു മ​ട​ങ്ങി

കോ​ഴി​ക്കോ​ട്: ന്യൂ​ജ​ന്‍ മ​യ​ക്കു​മ​രു​ന്നാ​യ മെ​ത്ത​ലി​ന്‍ ഡ​യോ​ക്‌​സി മെ​ത്താം​ഫി​റ്റ​മി​ന്‍ (എം​ഡി​എം​എ) വി​ത​ര​ണ​ത്തി​ന്‍റെ മു​ഖ്യ​സൂ​ത്ര​ധാ​ര​നു പോ​ലീ​സ് 'സു​ര​ക്ഷ'. ത​മി​ഴ്‌​നാ​ട് തി​രു​വാ​രൂ​ര്‍ സ്വ​ദേ​ശി​യും കേ​സി​ലെ മു​ഖ്യ​ക​ണ്ണി​യു​മാ​യ വി​നോ​ദ്കു​മാ​റി​നാ​ണ് പോ​ലീ​സി​ലും അ​ടു​ത്ത ബ​ന്ധ​മു​ള്ള​ത്.

ത​മി​ഴ്‌​നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ന്‍റെ നാ​ട്ടി​ലാ​ണ് കേ​ര​ള പോ​ലീ​സ് മ​ണി​ക്കൂ​റു​ക​ളോ​ളം അ​ഗ്നി​പ​രീ​ക്ഷ​ണം നേ​രി​ട്ട​ത്. 44 ഗ്രാം ​എം​ഡി​എം​എ​യു​മാ​യി ചേ​വാ​യൂ​ര്‍ പോ​ലീ​സ് അ​റ​സ്റ്റു​ചെ​യ്ത എ​ളേ​റ്റി​ല്‍ സ്വ​ദേ​ശി​ക​ളാ​യ നൗ​ഫ​ല്‍ (33), അ​ന്‍​വ​ര്‍ ത​സ്നിം (30), ക​ട്ടി​പ്പാ​റ സ്വ​ദേ​ശി മ​ന്‍​സൂ​ര്‍ (35) എ​ന്നി​വ​രെ ക​സ്റ്റ​ഡി​യി​ല്‍ വാ​ങ്ങി ചോ​ദ്യം ചെ​യ്ത​തി​ല്‍ നി​ന്നാ​ണ് ത​മി​ഴ്‌​നാ​ട്ടി​ലെ തി​രു​വാ​രൂ​ര്‍ സ്വ​ദേ​ശി വി​നോ​ദ്കു​മാ​റി​നെ​യും ചെ​ന്നൈ മു​ത​ലി​പ്പേ​ട്ട് സ്ട്രീ​റ്റി​ല്‍ റം​സാ​ന്‍ അ​ലി​യെ​യും കു​റി​ച്ചു വി​വ​രം ല​ഭി​ക്കു​ന്ന​ത്.

മ​ഫ്തി പോ​ലീ​സ്

റം​സാ​ന്‍ അ​ലി​യെ പി​ടി​കൂ​ടി​യ മെ​ഡി​ക്ക​ല്‍ കോ​ള​ജ് അ​സി. ക​മ്മീ​ഷ​ണ​ര്‍ കെ. ​സു​ദ​ര്‍​ശ​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം പി​ന്നീ​ട് തി​രു​വാ​രൂ​റി​ലേ​ക്ക‌ു പു​റ​പ്പെ​ട്ടു. ഇ​വി​ടു​ത്തെ പോ​ലീ​സ് സ്‌​റ്റേ​ഷ​നി​ല്‍ എ​ത്തി സ​ഹാ​യം ആ​വ​ശ്യ​പ്പെ​ട്ടു. വി​നോ​ദ്കു​മാ​റി​ന്‍റെ ഗ്രാ​മ​ത്തി​ലേ​ക്ക് ക​ട​ക്കാ​ന്‍ പോ​ലും തി​രു​വാ​രൂ​ര്‍ പോ​ലീ​സി​ന് ഭ​യ​മാ​യി​രു​ന്നു.

തമിഴ്നാട് പോലീസ്

ര​ണ്ടു മ​ണി​ക്കൂ​റോ​ളം സം​സാ​രി​ച്ച​തി​നു​ശേ​ഷം അ​ര്‍​ധ രാ​ത്രി​യോ​ടെ വീ​ടു കാ​ണി​ച്ചു​ത​രു​വാ​ന്‍ ഒ​രു പോ​ലീ​സു​കാ​ര​നെ നി​യോ​ഗി​ച്ചു. യൂ​ണി​ഫോ​മി​ല്‍ പോ​ലും ഇ​യാ​ള്‍ ഗ്രാ​മ​ത്തി​ലേ​ക്കു വ​രാ​ന്‍ ത​യാ​റാ​യി​ല്ല. മ​ഫ്തി​യി​ല്‍ ബൈ​ക്കി​ല്‍ എ​ത്തി​യ ശേ​ഷം ദൂ​രെ​നി​ന്നു കേ​ര​ള പോ​ലീ​സി​നു വീ​ട് കാ​ണി​ച്ചു. പി​ന്നീ​ട് ഇ​വ​ര്‍ മു​ങ്ങു​ക​യും ചെ​യ്തു.

കത്തിക്കുമെന്ന് ഭീഷണി

വീ​ട്ടി​ലെ​ത്തി​യ പോ​ലീ​സ് സം​ഘം വി​നോ​ദ്കു​മാ​റി​നെ ക​സ്റ്റ​ഡി​യി​ലെ​ടു​ക്ക​ണ​മെ​ന്ന​റി​യി​ച്ച​തോ​ടെ വീ​ട്ടി​ലു​ള്ള​വ​രും നാ​ട്ടു​കാ​രും കൂ​ടി. കൊ​ണ്ടു​പോ​വാ​ന്‍ സ​മ്മ​തി​ക്കി​ല്ലെ​ന്നും പോ​ലീ​സ് ജീ​പ്പ് ക​ത്തി​ക്കു​മെ​ന്നും ഭീ​ഷ​ണി​പ്പെ​ടു​ത്തു​ക​യും ചെ​യ്തു. പ​ര​സ്യ​ഭീ​ഷ​ണി​യെ​ത്തു​ട​ര്‍​ന്നു പോ​ലീ​സ് സം​ഘം തി​രു​വാ​രൂ​ര്‍ സ്റ്റേ​ഷ​നി​ലെ പോ​ലീ​സു​കാ​രു​ടെ മൊ​ബൈ​ലി​ല്‍ വി​ളി​ച്ചു. എ​ന്നാ​ല​വ​ര്‍ ഫോ​ണെ​ടു​ക്കാ​ന്‍ ത​യാ​റാ​യി​ല്ല.

ബന്ദിയാക്കി

മ​ണി​ക്കൂ​റു​ക​ളോ​ളം ജ​ന​ങ്ങ​ള്‍ പോ​ലീ​സി​നെ ബ​ന്ദി​ക​ളാ​ക്കു​ക​യാ​യി​രു​ന്നു. ക്ര​മ​സ​മാ​ധാ​ന പ്ര​ശ്‌​ന​ങ്ങ​ള്‍ ഉ​ണ്ടാ​കു​മെ​ന്ന​തി​നാ​ല്‍ വി​നോ​ദ്കു​മാ​റി​നെ ക​സ്റ്റ​ഡി​യി​ലെ​ടു​ക്കാ​തെ പോ​ലീ​സ് തി​രി​ച്ചു പോ​ന്നു. അ​തേ​സ​മ​യം വി​നോ​ദ്കു​മാ​റി​ന് രാ​ഷ്‌​ട്രീ​യ സ്വാ​ധീ​ന​വും ഉ​ണ്ടാ​വു​മെ​ന്നാ​ണ് പോ​ലീ​സ് പ​റ​യു​ന്ന​ത്.

അ​തി​നാ​ലാ​ണ് ത​മി​ഴ്‌​നാ​ട് പോ​ലീ​സ് പോ​ലും വി​നോ​ദ്കു​മാ​റി​നെ പി​ടി​കൂ​ടാ​ന്‍ സ​ഹാ​യി​ക്കാ​തി​രു​ന്ന​ത്. അ​തേ​സ​മ​യം, കോ​ട​തി വ​ഴി അ​റ​സ്റ്റ് വാ​റ​ന്‍റ് പു​റ​പ്പെ​ടു​വി​ച്ചു വി​നോ​ദ്കു​മാ​റി​നെ ലോ​ക്ക​ല്‍ പോ​ലീ​സി​ന്‍റെ സ​ഹാ​യ​ത്തോ​ടെ ത​ന്നെ പി​ടി​കൂ​ടാ​നാ​ണ് അ​ന്വേ​ഷ​ണ സം​ഘം തീ​രു​മാ​നി​ച്ച​ത്.
- സ്വ​ന്തം ലേ​ഖ​ക​ന്‍