നാ​ട​ക​ത്തെ നാ​ട​കം​കൊ​ണ്ടു നേ​രി​ട്ട​പ്പോ​ൾ!

ഒ​രു നാ​ട​കം സ​മൂ​ഹ​ത്തി​ലു​ണ്ടാ​ക്കി​യ അ​സ്വ​സ്ഥ​ത​ക​ൾ​ക്കും മു​റി​വു​ക​ൾ​ക്കും ന​ല്ല നാ​ട​ക​ങ്ങ​ൾ​കൊ​ണ്ടു മ​റു​പ​ടി പ​റ‍​യു​ക... ഈ ​ചി​ന്ത​യി​ൽ രൂ​പം​കൊ​ണ്ട കെ​സി​ബി​സി നാ​ട​ക​മേ​ള ഇ​ന്നു കേ​ര​ള​ത്തി​ലെ ഏ​റ്റ​വും മി​ക​ച്ച നാ​ട​ക​മേ​ള​യാ​യി വ​ള​ർ​ന്നി​രി​ക്കു​ന്നു.

36 വ​ർ​ഷം മു​ന്പ് എ​റ​ണാ​കു​ളം പാ​ലാ​രി​വ​ട്ടം പി​ഒ​സി​യി​ലെ ഒ​രു സാ​യം​സ​ന്ധ്യ​യി​ൽ നെ​ടു​നീ​ള​ൻ മ​ണി​യ​ടി​ക്കു ശേ​ഷം നാ​ട​ക​തി​ര​ശീ​ല ഉ​യ​രു​ന്പോ​ൾ ഈ ​സ​ന്ദേ​ശം കൂ​ടി ഉ​റ​ക്കെ​യു​യ​ർ​ന്നു കേ​ട്ടു."​അ​ര​ങ്ങി​ലെ മു​റി​വി​ന് അ​ര​ങ്ങി​ന്‍റെ ക​രു​ത്തു​കൊ​ണ്ടൊ​രു മ​റു​പ​ടി'.

ഒ​രു നാ​ട​കം സ​മൂ​ഹ​ത്തി​ലു​ണ്ടാ​ക്കി​യ അ​സ്വ​സ്ഥ​ത​ക​ൾ​ക്കും മു​റി​വു​ക​ൾ​ക്കും ന​ല്ല നാ​ട​ക​ങ്ങ​ൾ കൊ​ണ്ടു പ്ര​തി​രോ​ധം തീ​ർ​ക്കു​ക​യാ​ണ് ഉ​ചി​ത​മെ​ന്ന ച​രി​ത്ര​പ​ര​മാ​യ തീ​രു​മാ​ന​ത്തി​ന്‍റെ സാ​ക്ഷാ​ത്കാ​ര​ത്തി​ലേ​ക്കു കൂ​ടി​യാ​ണ് അ​ന്നു തി​ര​ശീ​ല ഉ​യ​ർ​ന്ന​ത്. മൂ​ന്ന​ര പ​തി​റ്റാ​ണ്ടു പ്രാ​യ​മെ​ത്തി​യ കെ​സി​ബി​സി നാ​ട​ക മേ​ള​യു​ടെ തു​ട​ക്കം അ​താ​യി​രു​ന്നു.

നാ​ട​ക​മേ​ള​യ്ക്കു തു​ട​ക്കം

ക​സ​ന്ത്സാ​ക്കീ​സി​ന്‍റെ : ദ് ​ലാ​സ്റ്റ് ടെം​പ്റ്റേ​ഷ​ന്‍ ഓ​ഫ് ജീ​സ​സ് ക്രൈ​സ്റ്റ്'' എ​ന്ന നോ​വ​ലി​നെ ആ​ധാ​ര​മാ​ക്കി, പി.​എം. ആ​ന്‍റ​ണി എ​ഴു​തി​യ ''ക്രി​സ്തു​വി​ന്‍റെ ആ​റാം തി​രു​മു​റി​വ്'' എ​ന്ന നാ​ട​കം കേ​ര​ള​ത്തി​ൽ വി​വാ​ദ​മു​യ​ർ​ത്തി​യ നാ​ളു​ക​ൾ നാ​ട​കാ​സ്വാ​ദ​ക​ർ​ക്കു മ​റ​ക്കാ​നാ​വി​ല്ല.

ക്രി​സ്തു​വി​നെ​യും ക്രി​സ്തു സം​ഭ​വ​ങ്ങ​ളെ​യും ആ​വി​ഷ്കാ​ര സ്വാ​ത​ന്ത്ര്യ​ത്തി​ന്‍റെ ക്രൂ​ര​സാ​ധ്യ​ത ഉ​പ​യോ​ഗ​പ്പെ​ടു​ത്തി വി​ക​ല​മാ​യി വ്യാ​ഖ്യാ​നി​ച്ച നാ​ട​ക​ത്തെ, ക്രി​യാ​ത്മ​ക​മാ​യി പ്ര​തി​രോ​ധി​ക്കാ​ൻ എ​ന്തു ചെ​യ്യ​ണ​മെ​ന്ന ആ​ലോ​ച​ന​യാ​ണ് ''നാ​ട​ക​ത്തെ നാ​ട​കം കൊ​ണ്ടു നേ​രി​ടു​ക'' എ​ന്ന സ​ർ​ഗാ​ത്മ​ക​മാ​യ നി​ല​പാ​ടി​ലേ​ക്കെ​ത്തി​യ​ത്.

മൂ​ല്യാ​ധി​ഷ്ഠി​ത​മാ​യ ന​ല്ല നാ​ട​ക​ങ്ങ​ളെ പ്രോ​ത്സാ​ഹി​പ്പി​ച്ചു ന​ന്മ​യു​ടെ​യും സു​വി​ശേ​ഷ​ത്തി​ന്‍റെ​യും സ​ന്ദേ​ശം ജ​ന​ങ്ങ​ളി​ലേ​ക്കെ​ത്തി​ക്കു​ക എ​ന്ന ദൗ​ത്യം ഏ​റ്റെ​ടു​ത്ത കെ​സി​ബി​സി മാ​ധ്യ​മ ക​മ്മീ​ഷ​ൻ, 1987 ഓ​ഗ​സ്റ്റി​ൽ അ​ഖി​ല കേ​ര​ള നാ​ട​ക മ​ത്സ​ര​ത്തി​നു തു​ട​ക്ക​മി​ട്ടു. പി​ന്നീ​ട് ഇ​തു കെ​സി​ബി​സി നാ​ട​ക​മേ​ള​യാ​യി.

മേ​ള​ക​ളു​ടെ അ​മ​ര​ത്ത്

കേ​ര​ള​ത്തി​ലെ നാ​ട​ക​മേ​ള​ക​ളു​ടെ ച​രി​ത്ര​ത്തി​ൽ ശ്ര​ദ്ധേ​യ​സ്ഥാ​ന​മാ​ണ് എ​ല്ലാ വ​ർ​ഷ​വും ന​ട​ക്കു​ന്ന കെ​സി​ബി​സി നാ​ട​ക​മേ​ള​യ്ക്കു​ള്ള​ത്. ആ​ദ്യ​കാ​ല​ത്തു ബൈ​ബി​ൾ നാ​ട​ക​ങ്ങ​ൾ മാ​ത്ര​മാ​യി​രു​ന്നു മേ​ള​യി​ലെ​ത്തി​യി​രു​ന്ന​തെ​ങ്കി​ൽ, ഇ​ന്നു കേ​ര​ള​ത്തി​ലെ പ്ര​മു​ഖ പ്ര​ഫ​ഷ​ണ​ൽ നാ​ട​ക​സം​ഘ​ങ്ങ​ളു​ടെ മി​ക​ച്ച സാ​മൂ​ഹ്യ​നാ​ട​ക​ങ്ങ​ളാ​ണ് അ​വ​ത​രി​പ്പി​ക്ക​പ്പെ​ടു​ന്ന​ത്. ഓ​രോ വ​ർ​ഷ​വും നാ​ട​ക​സം​ഘ​ങ്ങ​ളു​ടെ ഏ​റ്റ​വും പു​തി​യ നാ​ട​ക​ങ്ങ​ൾ​ക്ക് ആ​ദ്യ വേ​ദി​യാ​കു​ന്ന​തും പി​ഒ​സി​യാ​ണ്.

സ്ക്രി​പ്റ്റു​ക​ൾ ക്ഷ​ണി​ച്ചു ജൂ​റി​യു​ടെ തെ​ര​ഞ്ഞെ​ടു​പ്പു പൂ​ർ​ത്തി​യാ​ക്കി അ​ര​ങ്ങി​ലെ​ത്തു​ന്ന​ത് പ്ര​തി​വ​ർ​ഷം പ​ത്തു മി​ക​ച്ച നാ​ട​ക​ങ്ങ​ൾ. മ​ത്സ​ര​നാ​ട​ക​ങ്ങ​ളും പ്ര​ദ​ർ​ശ​ന നാ​ട​ക​ങ്ങ​ളും ചേ​രു​ന്ന​താ​ണു മേ​ള. നാ​ട​ക​ക​ല വി​നോ​ദ​സാ​ധ്യ​ത​ക​ൾ​ക്കൊ​പ്പം മൂ​ല്യ​ബോ​ധ​ന​ത്തി​നു​ള്ള മാ​ധ്യ​മം കൂ​ടി​യാ​ണെ​ന്നു വി​ളി​ച്ചു​പ​റ​യു​ന്ന നാ​ട​ക​ങ്ങ​ളാ​ണ് പി​ഒ​സി​യു​ടെ ക​ളി​ത്ത​ട്ടി​ലെ​ത്തു​ന്ന​ത്. അ​തു​കൊ​ണ്ടു​ത​ന്നെ കേ​ര​ള​ത്തി​ലെ നാ​ട​ക​മേ​ള​ക​ളു​ടെ അ​മ​ര​ത്തു​ത​ന്നെ​യാ​ണ് പി​ഒ​സി​യി​ലെ നാ​ട​ക​മേ​ള​യു​ടെ ഇ​ടം.

ആ​ദ്യ​മേ​ള​യി​ൽ എ​ട്ടു നാ​ട​ക​ങ്ങ​ൾ

എ​ട്ടു ബൈ​ബി​ൾ നാ​ട​ക​ങ്ങ​ളാ​യി​രു​ന്നു 1987ലെ ​ആ​ദ്യ നാ​ട​ക​മേ​ള​യു​ടെ അ​ര​ങ്ങി​ലെ​ത്തി​യ​ത്. ആ​ല​പ്പി തീ​യ​റ്റേ​ഴ്സ്, കൊ​ച്ചി​ൻ നാ​ട​ക​വേ​ദി, പാ​ലാ സാ​ൻ​പ​യ​സ്, പൂ​ഞ്ഞാ​ർ ന​വ​ധാ​ര, കൊ​ച്ചി​ൻ തീ​യ​റ്റേ​ഴ്സ്, ചാ​ല​ക്കു​ടി ഫൈ​വ് സ്റ്റാ​ർ, പാ​ലാ ദീ​പ്തി തീ​യ​റ്റേ​ഴ്സ് എ​ന്നീ നാ​ട​ക​സം​ഘ​ങ്ങ​ളാ​ണ് അ​ന്നു നാ​ട​കം അ​വ​ത​രി​പ്പി​ച്ച​ത്.

പ്ര​മു​ഖ​രു​ടെ ക​ള​രി

നാ​ട​ക അ​ര​ങ്ങി​ലും അ​ണി​യ​റ​യി​ലും പി​ന്നീ​ട് സി​നി​മ​യി​ലു​മെ​ല്ലാം ശ്ര​ദ്ധേ​യ​രാ​യ പ​ല​രു​ടെ​യും ക​ലാ​രം​ഗ​ത്തെ ആ​ദ്യ​ചു​വ​ടു​ക​ളി​ൽ പി​ഒ​സി​യി​ലെ നാ​ട​ക​മേ​ള​ക​ളു​ണ്ടാ​യി​രു​ന്നു.

സം​ഗീ​ത നാ​ട​ക അ​ക്കാ​ദ​മി​യു​ടെ സാ​ര​ഥി​യാ​യി​രു​ന്ന സേ​വ്യ​ർ പു​ൽ​പ്പാ​ട്ട്, പ്ര​മു​ഖ നാ​ട​ക കൃ​ത്തും ഗ്ര​ന്ഥ​കാ​ര​നു​മാ​യ എ.​കെ. പു​തു​ശേ​രി, ജോ​സ് താ​ന, ശ്രീ​മൂ​ല​ന​ഗ​രം വി​ജ​യ​ൻ, ശ്രീ​മൂ​ല​ന​ഗ​രം മോ​ഹ​ൻ എ​ന്നി​വ​രു​ടെ​യെ​ല്ലാം ആ​ദ്യ​കാ​ല നാ​ട​ക​ങ്ങ​ൾ പി​ഒ​സി നാ​ട​ക​മേ​ള​യി​ലേ​താ​യി​രു​ന്നു.

പി​ൽ​ക്കാ​ല​ത്തു സി​നി​മ​യി​ലെ​ത്തി​യ ചെ​ന്പി​ൽ അ​ശോ​ക​ൻ, പി​ഒ​സി​യി​ലെ പ​തി​നൊ​ന്നാം നാ​ട​ക​മേ​ള​യി​ലെ അ​മ്മൂ​മ്മ​ക്കി​ളി നാ​ട​ക​ത്തി​ലൂ​ടെ മി​ക​ച്ച സ​ഹ​ന​ട​നു​ള്ള പു​ര​സ്കാ​രം നേ​ടി​യി​രു​ന്നു. സി​നി​മ​ക​ളി​ലും സീ​രി​യ​ലു​ക​ളി​ലും അ​റി​യ​പ്പെ​ട്ട പൗ​ളി വ​ൽ​സ​ൻ നാ​ട​ക​ങ്ങ​ളി​ലൂ​ടെ​യാ​ണ് അ​ഭി​ന​യ​രം​ഗ​ത്തേ​ക്കെ​ത്തി​യ​ത്. 2009 ലെ ​മേ​ള​യി​ൽ ശ്ര​ദ്ധി​ക്ക​പ്പെ​ട്ട അ​ശോ​ക​ച​ക്ര നാ​ട​ക​ത്തി​ലൂ​ടെ മി​ക​ച്ച ന​ടി​യാ​യി തെ​ര​ഞ്ഞെ​ടു​ക്ക​പ്പെ​ട്ട​ത് പൗ​ളി​യാ​യി​രു​ന്നു.

ഒ​രു കാ​ല​ത്ത് ഗാം​ഭീ​ര്യ​മാ​ർ​ന്ന ശ​ബ്ദം​കൊ​ണ്ടു നാ​ട​ക​വേ​ദി​ക​ളെ കീ​ഴ​ട​ക്കി​യ കു​യി​ല​നും കെ​സി​ബി​സി നാ​ട​ക​മേ​ള​ക​ളി​ലെ സ്ഥി​രം സാ​ന്നി​ധ്യ​മാ​യി​രു​ന്നു. മ​ത്സ​ര​നാ​ട​ക​ങ്ങ​ളെ​ന്ന നി​ല​യി​ൽ പ്ര​മു​ഖ നാ​ട​ക​പ്ര​വ​ർ​ത്ത​ക​രും എ​ഴു​ത്തു​കാ​രും കെ​സി​ബി​സി നാ​ട​ക​മേ​ള​ക​ളി​ൽ വി​ധി​ക​ർ​ത്താ​ക്ക​ളാ​യെ​ത്തി.

ജോ​ൺ​പോ​ൾ, തോ​മ​സ് മാ​ത്യു, ടി.​എം. ഏ​ബ്ര​ഹാം, ജോ​ൺ ടി. ​വേ​ക്ക​ൻ തു​ട​ങ്ങി​യ​വ​രെ​ല്ലാം വി​വി​ധ വ​ർ​ഷ​ങ്ങ​ളി​ൽ ജൂ​റി അം​ഗ​ങ്ങ​ളാ​യി​രു​ന്നു​വെ​ന്നു കെ​സി​ബി​സി മീ​ഡി​യ ക​മ്മീ​ഷ​ൻ സെ​ക്ര​ട്ട​റി റ​വ.​ഡോ. ഏ​ബ്ര​ഹാം ഇ​രി​മ്പി​നി​ക്ക​ൽ പ​റ​ഞ്ഞു.

ബെ​ന്നി പി. ​നാ​യ​ര​ന്പ​ലം, ടി.​എം. ഏ​ബ്ര​ഹാം, ഷേ​ർ​ളി സോ​മ​സു​ന്ദ​ര​ൻ എ​ന്നി​വ​രാ​ണ് 2023 ലെ ​നാ​ട​ക​മേ​ള​യി​ലെ വി​ധി​ക​ർ​ത്താ​ക്ക​ൾ.

ട്രി​പ്പി​ൾ നേ​ട്ട​ത്തി​ന്‍റെ സ്മ​ര​ണ​യി​ൽ എ.​കെ. പു​തു​ശേ​രി

കെ​സി​ബി​സി​യു​ടെ ആ​ദ്യ​ത്തെ മൂ​ന്നു നാ​ട​ക​മ​ത്സ​ര​ങ്ങ​ളി​ലും ഒ​ന്നാ​മ​തെ​ത്തി​യ നാ​ട​ക​ങ്ങ​ൾ പ്ര​മു​ഖ നാ​ട​ക​കൃ​ത്തും ഗ്ര​ന്ഥ​കാ​ര​നു​മാ​യ കൊ​ച്ചി​യി​ലെ എ.​കെ. പു​തു​ശേ​രി​യു​ടെ തൂ​ലി​ക​യി​ലാ​ണു പി​റ​ന്ന​ത്. ആ​ദ്യ​മേ​ള​യി​ലെ മി​ക​ച്ച നാ​ട​കം കാ​നാ​യി​ലെ ക​ല്യാ​ണം, ര​ണ്ടാം മേ​ള​യി​ൽ ഒ​ന്നാം സ്ഥാ​നം നേ​ടി​യ വ​ച​നം തി​രു​വ​ച​നം എ​ന്നി​വ എ​ഴു​തി​യ​ത് പു​തു​ശേ​രി​യാ​ണ്. ര​ണ്ടു നാ​ട​ക​ങ്ങ​ളും അ​വ​ത​രി​പ്പി​ച്ച​ത് കൊ​ച്ചി​ൻ‌ തീ​യ​റ്റേ​ഴ്സ്.

മൂ​ന്നാം വ​ർ​ഷം എ​ഴു​തി​യ യ​ഹോ​വ​യു​ടെ മു​ന്തി​രി​ത്തോ​പ്പ് മേ​ള​യി​ലെ സ്പെ​ഷ​ൽ കാ​ഷ് അ​വാ​ർ​ഡി​ന് അ​ർ​ഹ​മാ​യി. പു​തു​ശേ​രി​യു​ടെ നാ​ട​ക​ങ്ങ​ൾ സം​വി​ധാ​നം ചെ​യ്ത ജെ.​സി. കു​റ്റി​ക്കാ​ട് പി​ൽ​ക്കാ​ല​ത്തു സി​നി​മ​യി​ലെ​ത്തി.

108 പ​ള്ളി​ക​ളി​ൽ അ​വ​ത​രി​പ്പി​ച്ച വാ​ഗ്ദ​ത്ത​ഭൂ​മി ഉ​ൾ​പ്പെ​ടെ 22 ബൈ​ബി​ൾ നാ​ട​ക​ങ്ങ​ൾ പു​തു​ശേ​രി ര​ചി​ച്ചി​ട്ടു​ണ്ട്. നാ​ട​ക​ങ്ങ​ളും മ​റ്റു ര​ച​ന​ക​ളു​മാ​യി 92 പു​സ്ത​ക​ങ്ങ​ൾ ഇ​ദ്ദേ​ഹം എ​ഴു​തി. നാ​ട​ക​രം​ഗ​ത്തെ പ്ര​തി​ഭ​ക​ളെ വാ​ർ​ത്തെ​ടു​ക്കു​ന്ന​തി​ൽ കെ​സി​ബി​സി നാ​ട​ക​മേ​ള വ​ലി​യ പ​ങ്കു​വ​ഹി​ച്ചി​ട്ടു​ണ്ടെ​ന്ന് എ.​കെ. പു​തു​ശേ​രി പ​റ​ഞ്ഞു.

സി​ജോ പൈ​നാ​ട​ത്ത്