സൊ​രാ​യ ഉ​മ്മ​യ്ക്ക് എ​ന്തു​പ​റ്റി

സ​ങ്ക​ല്പ​ങ്ങ​ളെ വെ​ല്ലു​ന്ന വൈ​ചി​ത്ര്യ​ങ്ങ​ളും ഭീ​ക​ര​ത​ക​ളും ച​രി​ത്ര​ത്തി​ൽ അ​ര​ങ്ങേ​റി​യി​ട്ടു​ണ്ട്. പ​ല​തും ലോ​കം അ​റി​യാ​റി​ല്ലെ​ന്നു​മാ​ത്രം. അ​ത്ത​രം ഒ​രു യ​ഥാ​ർ​ഥ സം​ഭ​വ​ത്തി​ന്‍റെ സി​നി​മാ ആ​ഖ്യാ​ന​മാ​ണ് സൈ​റ​സ് നൗ​രാ​സ്തെ എ​ന്ന ഇ​റാ​നി​യ​ൻ ച​ല​ച്ചി​ത്ര​കാ​ര​ൻ ത​ന്‍റെ ’ദ ​സ്റ്റോ​ണിം​ഗ് ഓ​ഫ് സൊ​രാ​യ എം’ ​എ​ന്ന ക​ഥ​യി​ലൂ​ടെ ലോ​ക​ത്തി​നു സ​മ​ർ​പ്പി​ക്കു​ന്ന​ത്. പാ​ർ​ശ്വ​വ​ത്കൃ​ത​രും അ​ടി​ച്ച​മ​ർ​ത്ത​പ്പെ​ട്ട് സ​ത്ത​യും ശ​ബ്ദ​വും ന​ഷ്ട​പ്പെ​ട്ട​വ​രു​മാ​യ മ​നു​ഷ്യ​രു​ടെ വ​ക്താ​വാ​ണ് നൗ​രാ​സ്തെ. ഇ​തു​മൂ​ലം അ​ദ്ദേ​ഹ​ത്തി​ന്‍റെ സൃ​ഷ്ടി​ക​ൾ പ​ല​പ്പോ​ഴും എ​തി​ർ​പ്പും വി​വാ​ദ​ങ്ങ​ളും സൃ​ഷ്ടി​ക്കാ​റു​ണ്ട്.

സ്വ​ന്തം പ​ശ്ചാ​ത്ത​ല​മാ​യ ഇ​റാ​നി​യ​ൻ സം​സ്കാ​ര​ത്തി​ന്‍റെ ഭാ​വ​പ​രി​ണാ​മ​ങ്ങ​ളെ വി​ല​യി​രു​ത്തു​ന്ന ചി​ത്ര​മാ​ണ് സ്റ്റോ​ണിം​ഗ്. 1986ൽ ​അ​യ​ത്തൊ​ള്ള ഖൊ​മേ​നി​യു​ടെ വാ​ഴ്ച​യ്ക്കു കീ​ഴി​ൽ സ്വ​ന്തം രാ​ജ്യ​ത്ത് അ​ര​ങ്ങേ​റി​യ ഒ​രു ’നി​യ​മാ​നു​സൃ​ത’ ആ​ൾ​ക്കൂ​ട്ട കൊ​ല​യു​ടെ ക​ഥ​യാ​ണി​ത്. അ​തി​ന്‍റെ ഇ​ര​യാ​യി​ത്തീ​ർ​ന്ന​ത് നി​സ​ഹാ​യ​യാ​യ സൊ​രാ​യ മാ​നു​ച്ചെ​മി​ൽ എ​ന്ന 36 വ​യ​സു​ള്ള ഒ​രു വീ​ട്ട​മ്മ​യും.

പ്ര​സ്തു​ത കൊ​ല​യു​ടെ പി​ന്നി​ലെ ക​ഥ പ്രേ​ക്ഷ​ക​നെ പി​ടി​ച്ചി​രു​ത്തു​ന്ന രീ​തി​യി​ൽ അ​വ​ത​രി​പ്പി​ക്കു​ന്പോ​ൾ, അ​തോ​ടൊ​പ്പം ന​മ്മു​ടെ മു​ന്പി​ലേ​ക്കു നാം ​ജീ​വി​ക്കു​ന്ന ലോ​ക​ത്തെ സം​ബ​ന്ധി​ച്ച അ​ലോ​സ​ര​പ്പെ​ടു​ത്തു​ന്ന ചി​ല ചോ​ദ്യ​ങ്ങ​ളു​മു​ണ്ട്. 21-ാം നൂ​റ്റാ​ണ്ടി​ൽ ലോ​ക​ത്തി​ന്‍റെ ചി​ല കോ​ണു​ക​ളി​ൽ നി​ല​നി​ർ​ത്ത​പ്പെ​ടു​ന്ന​തും സം​ര​ക്ഷി​ക്ക​പ്പെ​ടു​ന്ന​തു​മാ​യ കി​രാ​ത സാ​മൂ​ഹ്യ​വ്യ​വ​സ്ഥ​ക​ളും നി​യ​മ​സം​ഹി​ത​ക​ളും അ​തി​നു​ള്ളി​ൽ അ​മാ​ന​വീ​ക​രി​ക്ക​പ്പെ​ടു​ന്ന മ​നു​ഷ്യ​ജീ​വി​ക​ളും ലോ​ക​ത്തി​ന്‍റെ ശ്ര​ദ്ധ അ​ർ​ഹി​ക്കു​ന്നി​ല്ലേ?

1979ൽ ​വി​പ്ല​വ​ത്തെ​ത്തു​ട​ർ​ന്ന് ഇ​റാ​നി​ൽ നി​ല​വി​ൽ​വ​ന്ന ഖൊ​മേ​നി ഭ​ര​ണ​കൂ​ടം ആ ​രാ​ജ്യ​ത്തി​ന്‍റെ ആ​ധു​നി​ക​ത​യി​ലേ​ക്കു​ള്ള പ​രി​ണാ​മ​ത്തി​ന് സ​ഡ​ൻ ബ്രേ​ക്കി​ട്ടു എ​ന്നു പ​റ​യാം. ഏ​ഴാം നൂ​റ്റാ​ണ്ടി​ൽ ഉ​രു​ത്തി​രി​ഞ്ഞ അ​റേ​ബ്യ​ൻ ഗോ​ത്ര​വ​ർ​ഗ നി​യ​മ​ങ്ങ​ളു​ടെ പ്രാ​കൃ​ത ലോ​ക​ത്തി​ലേ​ക്കു​ള്ള മ​ട​ക്ക​മാ​യി​രു​ന്നു അ​ത്. ഈ ​മാ​റി​യ വ്യ​വ​സ്ഥ​യു​ടെ ഇ​ര​യാ​ണ് സൊ​രാ​യ. കു​പ്പാ​യേ എ​ന്ന ചെ​റു​പ​ട്ട​ണ​ത്തി​ൽ ജീ​വി​ച്ച നാ​ലു​മ​ക്ക​ളു​ടെ അ​മ്മ പു​രു​ഷ​ധാ​ർ​ഷ്ഠ്യ​ത്തി​ന്‍റെ​യും ക്രൂ​ര​മ​ത​നി​യ​മ​ങ്ങ​ളു​ടെ​യും കു​രു​ക്കി​ൽ​പ്പെ​ട്ട് കൊ​ല്ല​പ്പെ​ട്ടു. ഈ ​ക​ഥ മൂ​ടി​വ​ച്ച ര​ഹ​സ്യ​മാ​യി​രു​ന്നു.

എ​ങ്കി​ലും ആ​ക​സ്മി​ക​മാ​യി അ​തു ലോ​ക​ശ്ര​ദ്ധ​യി​ൽ​പ്പെ​ട്ടു. ഇ​റാ​നി​യ​ൻ-​ഫ്ര​ഞ്ച് പ​ത്ര​പ്ര​വ​ർ​ത്ത​ക​നാ​യ ഫ്രൈ​ദൂ​ണ്‍ സാ​ഹെ​ബ്ജാം സൊ​രാ​യ​യു​ടെ വ​ധം ന​ട​ന്നു​ക​ഴി​ഞ്ഞ നാ​ളു​ക​ളി​ൽ കു​പ്പാ​യേ​വ​ഴി കാ​റി​ൽ സ​ഞ്ച​രി​ക്ക​വേ വാ​ഹ​നം കേ​ടാ​യ​തു​മൂ​ലം ഒ​രു​ദി​വ​സം സ്ഥ​ല​ത്ത് താ​മ​സി​ക്കാ​നി​ട​യാ​യി. സൊ​രാ​യ​യു​ടെ അ​മ്മാ​വി​യും അ​വ​രു​ടെ സം​ര​ക്ഷ​ക​യു​മാ​യി​രു​ന്ന സാ​ഹ്റ എ​ന്ന സ്ത്രീ​യെ വ​ഴി​യി​ൽ കാ​ണു​ക​യും അ​വ​രി​ൽ​നി​ന്ന് ക​ഥ കേ​ൾ​ക്കു​ക​യും ചെ​യ്തു.

സ്ത്രീ​ക​ൾ​ക്കു ക​ർ​ശ​ന നി​യ​ന്ത്ര​ണ​ങ്ങ​ളു​ള്ള നാ​ട്ടി​ൽ അ​പ​രി​ചി​ത​നു​മാ​യി അ​വ​ർ സം​സാ​രി​ക്കു​ന്ന​തു ശ്ര​ദ്ധി​ച്ച സ്ഥ​ല​ത്തെ അ​ധി​കാ​രി ഫ്രൈ​ദൂ​ണി​നെ ചോ​ദ്യം​ചെ​യ്യു​ക​യും അ​യാ​ളോ​ട് ഒ​രു ഹോ​ട്ട​ലി​ൽ താ​മ​സി​ക്കാ​ൻ നി​ർ​ദേ​ശി​ക്കു​ക​യും ചെ​യ്തു. എ​ന്നാ​ൽ അ​തീ​വ​ര​ഹ​സ്യ​മാ​യി സാ​ഹ്റ ഫ്രൈ​ദൂ​ണി​നെ ബ​ന്ധ​പ്പെ​ട്ട് ത​നി​ക്കു പു​റം​ലോ​ക​ത്തെ അ​റി​യി​ക്കാ​ൻ ഒ​രു ക​ഥ​യു​ണ്ടെ​ന്നു പ​റ​യു​ന്നു. തു​ട​ർ​ന്ന് അ​വ​ർ ത​ന്‍റെ അ​ന​ന്തി​ര​വ​ൾ​ക്കു നേ​രി​ടേ​ണ്ടി​വ​ന്ന ദു​ര​ന്തം മു​ഴു​വ​ൻ പ​ത്ര​ലേ​ഖ​ക​നു വി​ശ​ദ​മാ​യി പ​റ​ഞ്ഞു​കൊ​ടു​ത്തു.

ഇ​ക്കാ​ര്യം മ​ന​സി​ലാ​ക്കി​യ സി​റ്റി മേ​യ​റും സ്ഥ​ല​ത്തെ മു​ല്ല​യും ലേ​ഖ​ക​ന്‍റെ കൈ​വ​ശ​മു​ള്ള കു​റി​പ്പു​ക​ൾ പി​ടി​ച്ചെ​ടു​ത്തെ​ങ്കി​ലും സാ​ഹ്റ ര​ഹ​സ്യ​മാ​യി കൈ​മാ​റി​യ ത​ന്‍റെ ക​ഥ​യു​ടെ ടേ​പ്പു​ക​ൾ അ​ദ്ദേ​ഹം ഫ്രാ​ൻ​സി​ൽ എ​ത്തി​ക്കു​ക​യും തു​ട​ർ​ന്നു പു​സ്ത​ക​മാ​ക്കു​ക​യും ചെ​യ്തു. 1994ൽ ​സൊ​രാ​യ​യു​ടെ ക​ഥ ഇം​ഗ്ലീ​ഷി​ൽ വ​രി​ക​യും ഇ​തി​നോ​ട​കം വി​വാ​ദ​മാ​യി മാ​റി​യ ഈ ​സം​ഭ​വം സൈ​റ​സ് നൗ​രാ​സ്തെ സി​നി​മ​യാ​ക്കാ​ൻ തീ​രു​മാ​നി​ക്കു​ക​യും ചെ​യ്തു. ’ദ ​പാ​ഷ​ൻ ഓ​ഫ് ദ ​ക്രൈ​സ്റ്റ്’ നി​ർ​മി​ച്ച സ്റ്റീ​ഫ​ൻ മ​ക് എ​വി​റ്റി നി​ർ​മാ​ണം ഏ​റ്റെ​ടു​ക്കു​ക​യും പാ​ഷ​നി​ലെ മു​ഖ്യ​ന​ട​ൻ ജിം ​കാ​വി​യേ​സ​ൽ ഫ്രൈ​ദൂ​ണി​ന്‍റെ വേ​ഷം ചെ​യ്യു​ക​യു​മാ​ണു​ണ്ടാ​യ​ത്.

ഫ്ര​ഞ്ച് പ​ത്ര​ലേ​ഖ​ക​ന്‍റെ കാ​ഴ്ച​പ്പാ​ടി​ലൂ​ടെ​യാ​ണ് സൊ​രാ​യ​യു​ടെ ക​ഥ അ​നാ​വ​ര​ണം ചെ​യ്യ​പ്പെ​ടു​ന്ന​ത്. സൊ​രാ​യ​യു​ടെ പ​ട്ട​ണ​ത്തി​ൽ സാ​ഹ്റ​യു​മാ​യു​ള്ള കൂ​ടി​ക്കാ​ഴ്ച​യും തു​ട​ർ​ന്ന് അ​വ​ർ ഫ്ളാ​ഷ്ബാ​ക്കി​ലൂ​ടെ പ​റ​യു​ന്ന ക​ഥ​യും ലേ​ഖ​ക​ൻ റെ​ക്കോ​ർ​ഡ് ചെ​യ്യു​ന്നു. സൊ​രാ​യ​യു​ടെ ഏ​റ്റ​വും അ​ടു​പ്പ​മു​ള്ള ബ​ന്ധു​വാ​ണ് സാ​ഹ്റ. ഭ​ർ​ത്താ​വും അ​യ​ൽ​ക്കാ​രും അ​ടു​ത്ത പു​രു​ഷ​ബ​ന്ധു​ക്ക​ളും സ്ഥ​ല​ത്തെ മേ​യ​ർ, മു​ല്ല എ​ന്നി​വ​രും ചേ​ർ​ന്നാ​ണ് സൊ​രാ​യ​യു​ടെ ജീ​വി​തം ദു​ര​ന്ത​മാ​ക്കി​യ​ത്. തി​ക​ച്ചും പൈ​ശാ​ചി​കം എ​ന്നു വി​ശേ​ഷി​പ്പി​ക്കേ​ണ്ട സം​ഭ​വം.

നാ​ലു മ​ക്ക​ളു​ള്ള സൊ​രാ​യ​യു​ടെ ഭ​ർ​ത്താ​വ് ഗോ​ർ​ബ​ൻ അ​ലി കു​ടി​ല​ബു​ദ്ധി​യും ക്രൂ​ര​നു​മാ​യ ഒ​രു ജ​യി​ൽ​വാ​ർ​ഡ​നാ​ണ്. ത​ന്‍റെ ജ​യി​ലി​ൽ വ​ധ​ശി​ക്ഷ​യ്ക്കു വി​ധി​ക്ക​പ്പെ​ട്ട ഒ​രു പ്ര​മു​ഖ കു​റ്റ​വാ​ളി​യു​ടെ പ​തി​നാ​ല് വ​യ​സു​ള്ള മ​ക​ളി​ൽ അ​യാ​ൾ​ക്കു നോ​ട്ട​മു​ണ്ട്. ത​ന്‍റെ രാ​ഷ്ട്രീ​യ​സ്വാ​ധീ​ന​മു​പ​യോ​ഗി​ച്ച് പ്ര​തി​യെ വ​ധ​ശി​ക്ഷ​യി​ൽ​നി​ന്നു ര​ക്ഷി​ക്കാ​ൻ ഉ​പാ​ധി​യാ​യി അ​യാ​ളു​ടെ മ​ക​ളെ ര​ണ്ടാം ഭാ​ര്യ​യാ​യി ത​ര​ണ​മെ​ന്നു പ​റ​ഞ്ഞു. ബ​ഹു​ഭാ​ര്യാ​ത്വ​വും ബാ​ല​വി​വാ​ഹ​വും അ​നു​വ​ദ​നീ​യ​മാ​യ നാ​ട്ടി​ൽ ഇ​തു പ്ര​ശ്ന​മ​ല്ല.

അ​ലി​യു​ടെ പ്ര​ശ്നം സ്വ​ന്തം കു​ടും​ബ​മാ​ണ്. ര​ണ്ടാം വി​വാ​ഹം ന​ട​ന്നാ​ൽ ര​ണ്ടു കു​ടും​ബ​ങ്ങ​ളെ പോ​റ്റാ​ൻ അ​യാ​ൾ​ക്കു പ​റ്റി​ല്ല. അ​തു​കൊ​ണ്ട് അ​യാ​ൾ സൊ​രാ​യ​യോ​ട് ത​നി​ക്കു വി​വാ​ഹ​മോ​ച​നം ആ​വ​ശ്യ​പ്പെ​ടു​ന്നു. സൊ​രാ​യ ഇ​തു നി​ഷേ​ധി​ക്കു​ന്നു. കാ​ര​ണം വി​വാ​ഹ​മോ​ച​നം ക​ഴി​ഞ്ഞാ​ൽ​പി​ന്നെ മ​ക്ക​ളെ വ​ള​ർ​ത്താ​ൻ അ​വ​ൾ​ക്കു വ​രു​മാ​ന​മി​ല്ല. മ​ർ​ദ​ന​വും സ​മ്മ​ർ​ദ​വും വി​ല​പ്പോ​കു​ന്നി​ല്ല. അ​ലി സ്ഥ​ല​ത്തെ മു​ല്ലാ​യെ ഇ​ക്കാ​ര്യ​ത്തി​ൽ ഇ​ട​പെ​ടാ​ൻ നി​ർ​ബ​ന്ധി​ക്കു​ന്നു. മു​ല്ല ആ​ദ്യം എ​തി​ർ​ത്തു.

എ​ന്നാ​ൽ മു​ല്ല മു​ൻ​പ് ക്രി​മി​ന​ൽ കു​റ്റ​ത്തി​ൽ ശി​ക്ഷ അ​നു​ഭ​വി​ച്ച കാ​ര്യം പ​ര​സ്യ​മാ​ക്കു​മെ​ന്ന ഭീ​ഷ​ണി​ക്കു വ​ഴ​ങ്ങി അ​യാ​ൾ സൊ​രാ​യ​യോ​ട് സ​ഹ​ക​രി​ക്കാ​നാ​വ​ശ്യ​പ്പെ​ടു​ന്നു. ത​ന്‍റെ നി​സ​ഹാ​യ​ത പ​റ​യു​ന്ന സ്ത്രീ​യോ​ട് താ​ൻ അ​വ​ളെ വെ​പ്പാ​ട്ടി​യാ​ക്കി സം​ര​ക്ഷി​ക്കാ​മെ​ന്ന സൂ​ച​ന കൊ​ടു​ത്ത മു​ല്ലാ​യെ അ​വ​ൾ പു​ച്ഛി​ച്ചു ത​ള്ളി. അ​ങ്ങ​നെ​യി​രി​ക്കെ ഭാ​ര്യ​യെ ഒ​ഴി​വാ​ക്കാ​ൻ അ​യാ​ൾ​ക്ക് ഒ​ര​വ​സ​രം വീ​ണു​കി​ട്ടി.

സൊ​രാ​യ​യു​ടെ അ​യ​ല​ത്ത് രോ​ഗി​യാ​യ ഒ​രു മെ​ക്കാ​നി​ക്ക് താ​മ​സി​ക്കു​ന്നു​ണ്ട്. അ​യാ​ളു​ടെ ഭാ​ര്യ മ​രി​ച്ചു. മ​ക​നെ നോ​ക്കാ​നോ സ്വ​ന്തം കാ​ര്യ​ങ്ങ​ൾ നി​ർ​വ​ഹി​ക്കാ​നോ പ​റ്റാ​ത്ത ഈ ​മ​നു​ഷ്യ​നെ സ​ഹാ​യി​ക്കാ​ൻ മു​ല്ലാ​യു​ടെ ശി​പാ​ർ​ശ​യോ​ടെ സാ​ഹ്റ​യും സൊ​രാ​യ​യും ത​യാ​റാ​കു​ന്നു.

ഈ ​സ​ന്പ​ർ​ക്കം വ്യ​ഭി​ചാ​ര​മാ​ണെ​ന്ന പ്ര​ച​ര​ണം അ​ലി ആ​രം​ഭി​ച്ചു. വ്യ​ഭി​ചാ​രം ക​ല്ലെ​റി​ഞ്ഞു കൊ​ല്ല​പ്പെ​ടേ​ണ്ട കു​റ്റ​മാ​ണ്. നി​ല​വി​ലു​ള്ള നി​യ​മ​പ്ര​കാ​രം ഭ​ർ​ത്താ​വി​നെ​തി​രേ ഭാ​ര്യ വ്യ​ഭി​ചാ​രം ആ​രോ​പി​ച്ചാ​ൽ അ​തു തെ​ളി​യി​ക്കേ​ണ്ട​തു ഭാ​ര്യ​യാ​ണ്. മ​റി​ച്ച് ഭാ​ര്യ​യ്ക്കെ​തി​രേ ഭ​ർ​ത്താ​വ് കു​റ്റ​മാ​രോ​പി​ച്ചാ​ൽ നി​ര​പ​രാ​ധി​ത്വം തെ​ളി​യി​ക്കേ​ണ്ട​തു ഭാ​ര്യ​ത​ന്നെ​യാ​ണ്. പു​രു​ഷ​ന്‍റെ സാ​ക്ഷ്യ​മാ​ണ് പ്ര​ധാ​നം. സ്ത്രീ​ക്ക് പ്ര​സ​ക്തി​യി​ല്ല.

അ​ലി ഇ​തു മു​ത​ലെ​ടു​ത്ത് മേ​യ​റ​ട​ക്കം പ്ര​മു​ഖ​രെ​യെ​ല്ലാം വ​രു​തി​യി​ലാ​ക്കി, ഒ​പ്പം സൊ​രാ​യ​യു​ടെ വൃ​ദ്ധ​നാ​യ പി​താ​വി​നെ​യും. വ്യ​ഭി​ചാ​ര​ത്തി​ൽ പ​ങ്കാ​ളി​യാ​യി ആ​രോ​പി​ക്ക​പ്പെ​ട്ട വൃ​ദ്ധ​നാ​യ മെ​ക്കാ​നി​ക്കി​നെ​യും അ​യാ​ൾ സൊ​രാ​യ​യ്ക്കെ​തി​രേ സാ​ക്ഷി​യാ​ക്കി. പു​രു​ഷ പ​ങ്കാ​ളി​ക്കു ശി​ക്ഷ​യി​ല്ല.

പ​ര​സ്യ​മാ​യി ഒ​രു നാ​ട​കം ക​ളി​ച്ച് സ്വ​ഭാ​ര്യ വ്യ​ഭി​ചാ​രി​ണി​യാ​ണെ​ന്ന് അ​വ​ർ പ്ര​ഖ്യാ​പി​ക്കു​ക​യും തു​ട​ർ​ന്ന് പു​രു​ഷ·ാ​ർ മാ​ത്രം അ​ട​ങ്ങി​യ ഒ​രു​സം​ഘം അ​വ​ളെ കു​റ്റം വി​ധി​ക്കു​ക​യും ചെ​യ്യു​ന്നു. സൊ​രാ​യ​യു​ടെ നി​ര​പ​രാ​ധി​ത്വം തെ​ളി​യി​ക്കാ​ൻ സാ​ഹ്റ ന​ട​ത്തി​യ ശ്ര​മം പ​രാ​ജ​യ​പ്പെ​ട്ടു.

അ​വ​ളെ സ്ഥ​ല​ത്തു​നി​ന്ന് നാ​ടു​ക​ട​ത്തി​ക്കൊ​ണ്ടു​പോ​കാ​നു​ള്ള ശ്ര​മ​വും ന​ട​ന്നി​ല്ല. പി​ന്നീ​ട് ന​ട​ക്കു​ന്ന​ത് ഹൃ​ദ​യ​ഭേ​ദ​ക​മാ​യ രം​ഗ​ങ്ങ​ളാ​ണ്. മു​ല്ല​യു​ടെ കു​റ്റാ​രോ​പ​ണ പ്ര​സം​ഗ​ത്തി​ൽ തു​ട​ങ്ങി ആ​ദ്യം സ്വ​പി​താ​വ്, പി​ന്നെ ഭ​ർ​ത്താ​വ്, ആ​ണ്‍​മ​ക്ക​ൾ, പി​ന്നാ​ലെ നാ​ട്ടു​കാ​ർ എ​ന്ന ക്ര​മ​ത്തി​ൽ ക​ഴു​ത്ത​റ്റം മ​ണ്ണി​ൽ കു​ഴി​ച്ചി​ട്ട സ്ത്രീ ​ക​ല്ലെ​റി​യ​പ്പെ​ടു​ന്നു.

മ​ര​ണ​ത്തി​ലേ​ക്കു ശാ​ന്ത​ത​യോ​ടെ ന​ട​ന്നു​നീ​ങ്ങു​ന്ന സൊ​രാ​യ പ​ര​സ്യ​മാ​യി ത​ന്‍റെ നി​ര​പ​രാ​ധി​ത്വം പ്ര​ഖ്യാ​പി​ച്ചു​കൊ​ണ്ട് കൊ​ല​യാ​ളി​ക​ളോ​ട് ഒ​രു​കാ​ര്യം പ​റ​യു​ന്നു​ണ്ട്- “നി​ങ്ങ​ളെ ദൈ​വം വെ​റു​തേ വി​ടി​ല്ല.’’ സ്ത്രീ​ക​ൾ അ​ടി​മ​ക​ൾ മാ​ത്ര​മാ​ണെ​ന്ന പ്ര​സ്താ​വ​വും സൊ​രാ​യ​യും സാ​ഹ്റ​യും പ​ങ്കു​വ​യ്ക്കു​ന്നു. വ​ധി​ക്ക​പ്പെ​ട്ട​വ​ൾ​ക്ക് മാ​ന്യ​മാ​യ സം​സ്കാ​രം പോ​ലും അ​നു​വ​ദി​ക്കു​ന്നി​ല്ല.

വ​ഴി​പോ​ക്ക​രാ​യ ചി​ല​ർ ശ​രീ​ര​മെ​ടു​ത്തു പൊ​തി​ഞ്ഞ് വ​ന​ത്തി​ൽ ഉ​പേ​ക്ഷി​ക്കു​ന്നു. സാ​ഹ്റ​യു​ടെ നി​ശ്ച​യ​ദാ​ർ​ഢ്യ​വും ധാ​ർ​മി​ക​രോ​ഷ​വും അ​വ​ളെ​ക്കൊ​ണ്ട് ദൃ​ഢ​നി​ശ്ച​യം ചെ​യ്യി​ച്ചി​രു​ന്നു. ഈ ​ക​ഥ പു​റം​ലോ​ക​ത്ത് എ​ത്തി​ക്ക​ണം. അ​ത​വ​ൾ സാ​ധി​ക്കു​ക​യും ചെ​യ്തു.

ജി​ജി ജോ​സ​ഫ്
കൂ​ട്ടു​മ്മേ​ൽ