പാ​ഠം പ​ഠി​ച്ചു മു​ന്നേ​റാം

1994 ജൂ​ണ്‍ 15നു ​പു​റ​ത്തി​റ​ങ്ങി​യ ഒ​രു ഡി​സ്നി അ​നി​മേ​റ്റ​ഡ് സി​നി​മ​യാ​ണ് ‘ദ ​ല​യ​ണ്‍ കിം​ഗ്.’ അ​ക്കാ​ലം​വ​രെ പു​റ​ത്തി​റ​ങ്ങി​യ സി​നി​മ​ക​ളി​ൽ ഏ​റ്റ​വും കൂ​ടു​ത​ൽ പ​ണം വാ​രി​യ​തി​നു​ള്ള ര​ണ്ടാം സ്ഥാ​നം ഈ ​ചി​ത്ര​ത്തി​നു​ണ്ട്. ബെ​സ്റ്റ് മോ​ഷ​ൻ പി​ക്ച​റി​നു​ള്ള ഗോ​ൾ​ഡ​ൻ ഗ്ലോ​ബ് അ​വാ​ർ​ഡ് നേ​ടി​യി​ട്ടു​ള്ള ഈ ​ചി​ത്ര​ത്തി​ന് ര​ണ്ട് ഓ​സ്ക​ർ അ​വാ​ർ​ഡു​ക​ളും ല​ഭി​ച്ചു.

വി​ല്യം ഷേ​ക്സ്പി​യ​റു​ടെ പ്ര​സി​ദ്ധ​മാ​യ ‘ഹാം​ലെ​റ്റ്’ എ​ന്ന നാ​ട​ക​ത്തി​ൽ​നി​ന്നു പ്ര​ചോ​ദ​നം സ്വീ​ക​രി​ച്ചാ​ണ് ഈ ​കാ​ർ​ട്ടൂ​ണ്‍ ചി​ത്ര​ത്തി​ന്‍റെ ക​ഥ ആ​വി​ഷ്ക​രി​ച്ചി​രി​ക്കു​ന്ന​ത്. ക​ഥ​യി​ലെ നാ​യ​ക​ൻ സി​ന്പ എ​ന്ന പേ​രി​ലു​ള്ള ഒ​രു സിം​ഹ​ക്കു​ട്ടി​യാ​ണ്. കാ​ട്ടി​ലെ രാ​ജാ​വാ​യി ഭ​ര​ണം ന​ട​ത്തു​ന്ന​ത് സി​ന്പ​യു​ടെ പി​താ​വാ​യ മു​ഫാ​സ സിം​ഹ​വും.

മു​ഫാ​സ രാ​ജാ​വാ​യി ഭ​ര​ണം ന​ട​ത്തു​ന്ന​തി​ൽ ഏ​റെ അ​തൃ​പ്ത​നാ​ണു മു​ഫാ​സ​യു​ടെ സ​ഹോ​ദ​ര​നാ​യ സ്കാ​ർ എ​ന്ന സിം​ഹം. കാ​ട്ടു​നാ​യ്ക്ക​ളു​ടെ സ​ഹാ​യ​ത്തോ​ടെ മു​ഫാ​സ​യെ വ​ധി​ച്ചു സ്കാ​ർ അ​ധി​കാ​രം പി​ടി​ച്ചെ​ടു​ത്തു. അ​തി​നു​ശേ​ഷം മു​ഫാ​സ​യു​ടെ മ​ര​ണ​ത്തി​ന്‍റെ ഉ​ത്ത​ര​വാ​ദി സി​ന്പ ആ​ണെ​ന്നു സ്കാ​ർ അ​വ​നെ പ​റ​ഞ്ഞു ബോ​ധ്യ​പ്പെ​ടു​ത്തി.

അ​തി​നു​ശേ​ഷം ജീ​വ​ൻ വേ​ണ​മെ​ങ്കി​ൽ നാ​ടു​വി​ട്ടോ​ളാ​ൻ സ്കാ​ർ ക​ല്പി​ച്ചു. സി​ന്പ നാ​ടു​വി​ടു​ന്പോ​ൾ അ​വ​നെ വ​ധി​ക്കാ​ൻ കാ​ട്ടു​നാ​യ്ക്ക​ളെ സ്കാ​ർ മു​ൻ​കൂ​ർ ചു​മ​ത​ല​പ്പെ​ടു​ത്തി​യി​രു​ന്നു. എ​ങ്കി​ലും അ​വ​രു​ടെ കെ​ണി​യി​ൽ വീ​ഴാ​തെ സി​ന്പ മ​റ്റൊ​രു പ്ര​ദേ​ശ​ത്തു ചെ​ന്നെ​ത്തി. അ​വി​ടെ സി​ന്പ ക​ണ്ടെ​ത്തി​യ ര​ണ്ടു കൂ​ട്ടു​കാ​രാ​യി​രു​ന്നു പൂ​ന്പ എ​ന്ന കാ​ട്ടു​പ​ന്നി​യും ടൈ​മ​ണ്‍ എ​ന്ന കു​ഞ്ഞി​ക്കീ​രി​യും.

ഈ ​ര​ണ്ടു കൂ​ട്ടു​കാ​രു​ടെ​യും സ​ഹാ​യ​ത്തോ​ടെ സി​ന്പ വ​ള​ർ​ന്നു വ​ലു​താ​യി. അ​ങ്ങ​നെ​യി​രി​ക്കു​ന്പോ​ഴാ​ണ് പ​ണ്ട് സി​ന്പ​യു​ടെ ക​ളി​ക്കൂ​ട്ടു​കാ​രി​യാ​യി​രു​ന്ന നാ​ള എ​ന്ന സിം​ഹി ഇ​ര​തേ​ടി സി​ന്പ വ​സി​ക്കു​ന്ന കാ​ട്ടി​ലെ​ത്തി​യ​ത്. പ​ര​സ്പ​രം തി​രി​ച്ച​റി​ഞ്ഞ അ​വ​ർ അ​നു​രാ​ഗ​ബ​ദ്ധ​രാ​യി. സി​ന്പ സ്വ​ന്തം കാ​ട്ടി​ലേ​ക്കു പോ​ക​ണ​മെ​ന്നും അ​വി​ടെ​യെ​ത്തി ത​നി​ക്ക​ർ​ഹ​മാ​യ രാ​ജാ​ധി​കാ​രം പി​ടി​ച്ചെ​ടു​ക്ക​ണ​മെ​ന്നും അ​വ​ൾ ഉ​പ​ദേ​ശി​ച്ചു. മാ​ത്ര​മ​ല്ല, കാ​ട്ടി​ലെ മൃ​ഗ​ങ്ങ​ളു​ടെ സം​ര​ക്ഷ​ണ​ത്തി​നു സി​ന്പ​യു​ടെ സേ​വ​നം അ​ത്യാ​വ​ശ്യ​മാ​യി വ​ന്നി​രി​ക്കു​ക​യാ​ണെ​ന്നും അ​വ​ൾ വാ​ദി​ച്ചു.

നാ​ള​യു​ടെ​യും പൂ​ന്പ​യു​ടെ​യും ടൈ​മ​ണി​ന്‍റെ​യും നി​ർ​ബ​ന്ധ​ത്തി​നു വ​ഴ​ങ്ങി സി​ന്പ ത​ന്‍റെ സ്വ​ന്തം കാ​ട്ടി​ൽ തി​രി​ച്ചെ​ത്തി. ത​ന്‍റെ പി​താ​വി​നെ ത​ന്ത്ര​പൂ​ർ​വം കൊ​ല​ചെ​യ്ത സ്കാ​ർ എ​ന്ന പി​തൃ​സ​ഹോ​ദ​ര​നെ സി​ന്പ യു​ദ്ധ​ത്തി​ൽ തോ​ല്പി​ച്ചു. എ​ങ്കി​ലും സി​ന്പ സ്കാ​റി​നോ​ട് ക​രു​ണ കാ​ണി​ച്ചു സ്കാ​റി​നെ കൊ​ന്നി​ല്ല. പ​ക​രം നാ​ടു​വി​ട്ടോ​ടി​ക്കൊ​ള്ളാ​ൻ സി​ന്പ ക​ല്പി​ച്ചു.

പ​ക്ഷേ, അ​തി​നു ത​യാ​റാ​കാ​തെ സ്കാ​ർ വീ​ണ്ടും യു​ദ്ധ​ത്തി​നു മു​തി​രു​ക​യാ​ണു ചെ​യ്ത​ത്. അ​ങ്ങ​നെ​യാ​ണു സ്കാ​റി​നെ സി​ന്പ പാ​റ​മു​ക​ളി​ൽ​നി​ന്നു താ​ഴേ​ക്കു ത​ള്ളി​യി​ട്ട​ത്. ആ ​വീ​ഴ്ച​യെ സ്കാ​ർ അ​തി​ജീ​വി​ച്ചെ​ങ്കി​ലും കാ​ട്ടു​നാ​യ്ക്ക​ൾ സ്കാ​റി​നെ വ​ക​വ​രു​ത്തി. അ​തേ​ത്തു​ട​ർ​ന്നു സി​ന്പ അ​ധി​കാ​ര​മേ​റ്റു രാ​ജാ​വാ​യി. നാ​ള രാ​ജ്ഞി​യും. അ​വ​ർ​ക്കൊ​രു സിം​ഹ​ക്കു​ട്ടി പി​റ​ന്നു. അ​ങ്ങ​നെ ജീ​വി​ത​ച​ക്രം മു​ന്നോ​ട്ടു​പോ​കു​ന്ന​തോ​ടെ ക​ഥ തീ​രു​ന്നു.

കാ​ഴ്ച​ക്കാ​ർ കൗ​തു​ക​പൂ​ർ​വം ക​ണ്ടി​രി​ക്കു​ന്ന ഈ ​കാ​ർ​ട്ടൂ​ണ്‍ സി​നി​മ​യ്ക്ക് ഏ​റ്റ​വും ന​ല്ല സം​ഗീ​ത​ത്തി​നു​ള്ള ഓ​സ്ക​ർ അ​വാ​ർ​ഡ് നേ​ടി​ക്കൊ​ടു​ത്ത ഗാ​ന​മാ​ണ് ‘ഹ​ക്കു​ണ മ​റ്റാ​റ്റ.’ പ്രാ​ണ​ര​ക്ഷാ​ർ​ഥം സ്വ​ന്തം കാ​ടു​വി​ട്ട് മ​റ്റൊ​രു കാ​ട്ടി​ലെ​ത്തി​യ സി​ന്പ അ​വി​ടെ ക​ണ്ടെ​ത്തി​യ ക​ളി​ക്കൂ​ട്ടു​കാ​രാ​യി​രു​ന്ന​ല്ലോ പൂ​ന്പ​യും ടൈ​മ​ണും. അ​വ​രു​മാ​യി കൂ​ട്ടു​ചേ​ർ​ന്നു സി​ന്പ പാ​ടു​ന്ന ഗാ​ന​മാ​ണി​ത്.

പൂ​ന്പ​യും ടൈ​മ​ണും പി​ന്തു​ട​രു​ന്ന ആ​പ്ത​വാ​ക്യ​മാ​ണ് ഹ​ക്കു​ണ മ​റ്റാ​റ്റ. കി​ഴ​ക്ക​ൻ ആ​ഫ്രി​ക്ക​യി​ലെ സ്വാ​ഹി​ളി എ​ന്ന ഭാ​ഷ​യി​ലു​ള്ള ഈ ​വാ​ക്കു​ക​ളു​ടെ അ​ർ​ഥം ഒ​ന്നി​നെ​ക്കു​റി​ച്ചും ഒ​രു ആ​ശ​ങ്ക​യും വേ​ണ്ട എ​ന്നാ​ണ്. ഒ​രു കാ​ര്യ​ത്തെ​ക്കു​റി​ച്ചും ആ​കു​ല​ചി​ന്ത​യി​ല്ലാ​തെ ഭ​യ​ര​ഹി​ത​രാ​യി ജീ​വി​ക്കാ​നാ​ണ് പൂ​ന്പ​യു​ടെ​യും ടൈ​മ​ണി​ന്‍റെ​യും പ​രി​ശ്ര​മം. ഈ ​പാ​ത പി​ന്തു​ട​രാ​നാ​ണ് അ​വ​ർ സി​ന്പ​യെ പ്രേ​രി​പ്പി​ക്കു​ന്ന​തും. അ​ങ്ങ​നെ ജീ​വി​ക്കാ​ൻ സി​ന്പ ശ്ര​മി​ക്കു​ന്നു​മു​ണ്ട്.

പ​ക്ഷേ, പ്രാ​യോ​ഗി​ക​മാ​യ കാ​ര്യ​മാ​ണോ അ​ത്? ഒ​രു ആ​കു​ല​ചി​ന്ത​യു​മി​ല്ലാ​തെ സി​ന്പ ന​ട​ക്കു​ന്പോ​ഴാ​ണ് സ്വ​ന്തം കാ​ട്ടി​ൽ തി​രി​ച്ചെ​ത്തി രാ​ജാ​ധി​കാ​രം തി​രി​ച്ചു​പി​ടി​ക്കാ​ൻ നാ​ള എ​ന്ന ക​ളി​ക്കൂ​ട്ടു​കാ​രി സി​ന്പ​യോ​ട് ആ​വ​ശ്യ​പ്പെ​ട്ട​ത്. ഒ​ന്നി​നെ​ക്കു​റി​ച്ചും ആ​കു​ല​ചി​ന്ത​കൂ​ടാ​തെ ന​ട​ന്നി​രു​ന്ന സി​ന്പ​യ്ക്ക് അ​തു ചി​ന്തി​ക്കാ​ൻ​പോ​ലും സാ​ധ്യ​മാ​യി​രു​ന്നി​ല്ല.

എ​ന്നാ​ൽ, ആ​കു​ല​ചി​ന്ത കൂ​ടാ​തെ ജീ​വി​ക്കാ​ൻ​വേ​ണ്ടി ജീ​വി​ത​ത്തി​ൽ​നി​ന്ന് ഒ​ളി​ച്ചോ​ടു​ന്ന​തു ശ​രി​യ​ല്ലെ​ന്നു സി​ന്പ​യ്ക്ക് ബോ​ധ്യം​വ​ന്നു. അ​ങ്ങ​നെ​യാ​ണ് പ്ര​തി​ബ​ന്ധ​ങ്ങ​ൾ മു​ന്നി​ൽ ക​ണ്ടി​ട്ടും ത​ന്‍റെ ക​ട​മ നി​ർ​വ​ഹി​ക്കാ​ൻ സ്വ​ന്തം കാ​ട്ടി​ലേ​ക്കു മ​ട​ങ്ങി​യ​ത്.

ഒ​ന്നി​നെ​ക്കു​റി​ച്ചും ആ​കു​ല​ചി​ന്ത​കൂ​ടാ​തെ ജീ​വി​ക്കാ​ൻ സാ​ധി​ച്ചാ​ൽ അ​ത് ന​ല്ല​കാ​ര്യം​ത​ന്നെ. എ​ന്നാ​ൽ, ജീ​വി​ത​ത്തി​ലെ ക​ട​മ​ക​ൾ വി​സ്മ​രി​ച്ചു​കൊ​ണ്ടാ​ണ് അ​ങ്ങ​നെ ജീ​വി​ക്കു​ന്ന​തെ​ങ്കി​ൽ വ​ലി​യ അ​ബ​ദ്ധം​ത​ന്നെ. അ​ങ്ങ​നെ ചെ​യ്യു​ന്ന​വ​ർ ജീ​വി​ത​ത്തി​ൽ​നി​ന്ന് ഒ​ളി​ച്ചോ​ടാ​ൻ ശ്ര​മി​ക്കു​ന്ന​വ​രാ​ണെ​ന്ന​തി​ൽ സം​ശ​യം വേ​ണ്ട.

സി​ന്പ​യെ സം​ബ​ന്ധി​ച്ചി​ട​ത്തോ​ളം അ​വ​ന്‍റെ ബാ​ല്യ​കാ​ലം ദുഃ​ഖ​പൂ​ർ​ണ​മാ​യി​രു​ന്നു. ത​ന്മൂ​ലം അ​തെ​ല്ലാം മ​റ​ന്ന് പു​തി​യ കൂ​ട്ടു​കാ​രോ​ടൊ​പ്പം ആ​ടി​പ്പാ​ടി ന​ട​ക്കാ​നാ​യി​രു​ന്നു അ​വ​നി​ഷ്ടം. അ​പ്പോ​ഴാ​ണ് അ​വ​ന് ഉ​പ​ദേ​ശ​ക​നാ​യി പ്ര​ത്യ​ക്ഷ​പ്പെ​ടു​ന്ന റ​ഫീ​ക്കി എ​ന്ന ആ​ൾ​ക്കു​ര​ങ്ങ് ഇ​പ്ര​കാ​രം പ​റ​ഞ്ഞ​ത്, “ഭൂ​ത​കാ​ലം ന​മ്മെ വേ​ദ​നി​പ്പി​ക്കാം. എ​ന്നാ​ൽ, ഞാ​ൻ കാ​ണു​ന്ന​ത​നു​സ​രി​ച്ച്, നി​ന​ക്ക് അ​തി​ൽ​നി​ന്ന് ഓ​ടി​യൊ​ളി​ക്കാ​നോ അ​ല്ലെ​ങ്കി​ൽ പാ​ഠം പ​ഠി​ക്കാ​നോ സാ​ധി​ക്കും.’’

വേ​ദ​നി​പ്പി​ക്കു​ന്ന ഒ​രു ഭൂ​ത​കാ​ലം ന​മു​ക്കു​ണ്ടെ​ങ്കി​ൽ അ​തി​ൽ​നി​ന്ന് ഓ​ടി​യൊ​ളി​ക്കാ​നാ​യി​രി​ക്കും പ​ല​പ്പോ​ഴും ന​മ്മു​ടെ ശ്ര​മം. എ​ന്നാ​ൽ, അ​ത​ല്ല ശ​രി​യാ​യ വ​ഴി. റ​ഫീ​ക്കി സൂ​ചി​പ്പി​ക്കു​ന്ന​തു​പോ​ലെ, ഭൂ​ത​കാ​ല​ത്തി​ൽ​നി​ന്നു പാ​ഠം പ​ഠി​ച്ചു മു​ന്നോ​ട്ടു​പോ​കു​ക​യാ​ണു നാം ​ചെ​യ്യേ​ണ്ട​ത്. സി​ന്പ ചെ​യ്ത​തും അ​തു​ത​ന്നെ​യാ​ണ്. അ​ങ്ങ​നെ​യാ​ണ് സി​ന്പ ജീ​വി​ത​ത്തി​ൽ വി​ജ​യം ക​ണ്ടെ​ത്തി​യ​തും.

ജീ​വി​ത​ത്തി​ൽ ആ​കു​ല​ചി​ന്ത​ക​ൾ ഇ​ല്ലാ​തി​രി​ക്കു​ന്ന​ത് ഏ​റെ ന​ല്ല​ത്. എ​ന്നാ​ൽ, ജീ​വി​ത ക​ട​മ​ക​ൾ മ​റ​ക്കാ​നു​ള്ള കു​റു​ക്കു​വ​ഴി​യാ​യി അ​തു നാം ​ക​ണ്ടാ​ൽ ന​മ്മു​ടെ ജീ​വി​തം പ​രാ​ജ​യ​പ്പെ​ടു​ക​ത​ന്നെ ചെ​യ്യും.

ഫാ. ​ജോ​സ് പ​ന്ത​പ്ലാം​തൊ​ട്ടി​യി​ൽ