സ്വ​ര്‍​ഗ​രാ​ജ്യം ഇ​വ​ര്‍​ക്കു​ള്ള​ത​ല്ലേ!

ഇ​റാനി​യ​ന്‍ സി​നി​മാ​ലോ​കം ഇ​ന്ത്യ​ന്‍ പ്രേ​ക്ഷ​ക​ര്‍​ക്കു പ്രാ​യേണ അ​പ​രി​ചി​ത​മാ​ണ്. പേ​ര്‍​ഷ്യ​ന്‍ സം​സ്കാ​ര​വു​മാ​യി അ​ഗാ​ധ​മാ​യ ച​രി​ത്ര​ബ​ന്ധ​മു​ണ്ടെ​ങ്കി​ലും ഇ​ന്ന​ത്തെ പൊ​തു ബോ​ധ​ത്തി​ല്‍ ഇ​റാ​ന്‍ ഉ​ണ​ര്‍​ത്തു​ന്ന​ത്, പു​രോ​ഹി​താ​ധി​പത്യത്തി​ല്‍ ഞെ​രു​ങ്ങു​ന്ന ഒ​രു മ​ത​രാ​ഷ്ട്ര​ത്തി​ന്‍റെ ചി​ന്ത​ക​ളാ​ണ്; പ്ര​ത്യേ​കി​ച്ചും 1979നു​ശേ​ഷം. ഫ​ത്വ​ക​ളു​ടെ​യും സെ​ന്‍​സ​ര്‍​ഷി​പ്പി​ന്‍റെ​യും ക​ടും​പി​ടിത്ത​ങ്ങ​ള്‍​ക്കി​ട​യി​ല്‍ ക​ലാ​വി​ഷ്കാ​ര​ങ്ങ​ള്‍ പ്ര​ത്യേ​കി​ച്ച് സി​നി​മ​യു​ടെ അ​വ​സ്ഥ എ​ന്താ​യി​രി​ക്കും? ഓ​ര്‍​ക്കു​ക; ഇ​റാ​നി​യ​ന്‍ സി​നി​മ​യ്ക്ക് എ​റെ​ക്കു​റെ സി​നി​മാ ച​രി​ത്ര​ത്തോ​ളം പ​ഴ​ക്ക​മു​ണ്ട്.

1960ക​ളി​ല്‍ യൂ​റോ​പ്യ​ന്‍ സി​നി​മ​യു​ടെ സ്വാ​ധീ​ന​ത്തി​ല്‍ അ​വി​ടെ ഒ​രു ന​വോ​ത്ഥാ​നം ത​ന്നെ ന​ട​ന്നു. ഇ​ന്ന​ത്തെ വ്യ​വ​സ്ഥി​തി​യു​മാ​യി പൊ​രു​ത്ത​പ്പെ​ടാ​ത്ത പ​ല ച​ല​ച്ചി​ത്ര​കാ​ര​ന്മാ​രും നാ​ടു​വി​ട്ടു പോ​യെ​ങ്കി​ലും പേ​രെ​ടു​ത്തു പ​റ​യാ​ന്‍ ഒ​രു പി​ടി പ്ര​തി​ഭ​ക​ള്‍ ഇ​പ്പോ​ഴും അ​വി​ടെ​യു​ണ്ട്. അ​ന്താ​രാ​ഷ്‌ട്ര ബ​ഹു​മ​തി​ക​ള്‍ നേ​ടി​യ അ​സ്ഗ​ര്‍ ഫ​ര്‍​ഹാ​ദി, മോ​ഹ് സെ​ന്‍ മ​ഖ്മ​ല്‍​സാ​ഫ് തു​ട​ങ്ങി അ​ബ്ബാ​യ് കി​യ റോ​സ്താ​മി, ജാ​ഫ​ര്‍ പ​നാ​ഗി, ബാ​ഹ്മാ​ന്‍ ഗോ​ബാ​ദി, വ​നി​താ സം​വി​ധാ​യി​ക ര​ഖ​ഷ്ഹോ​ന്‍ ബ​നി​യ​ത് മ​ജീ​ദ് മ​ജീ​ദി എ​ന്നി​വ​ര്‍ എ​ടു​ത്തു പ​റ​യ​പ്പെ​ടേ​ണ്ട പേ​രു​ക​ളാ​ണ്.

ലോ​ക​സി​നി​മ​യി​ല്‍ കു​ട്ടി​ക​ളു​ടെ ച​ല​ച്ചി​ത്രം എ​ന്ന നി​ല​യി​ല്‍ ഏ​റ്റ​വും മി​ക​ച്ച സൃ​ഷ്ടി എ​ന്നു വാ​ഴ്ത്ത​പ്പെ​ടു​ന്ന​താ​ണ് മ​ജീ​ദി​യു​ടെ ’സ്വ​ര്‍​ഗ​ത്തി​ന്‍റെ കു​ഞ്ഞു​ങ്ങ​ള്‍’. ഡി​സി​ക​യെ​യും സ​ത്യ​ജി​ത് റേ​യെയും ഓ​ര്‍​മി​പ്പി​ക്കു​ന്ന നി​യോ​റി​യ​ലി​സ്റ്റു ശൈ​ലി​യി​ല്‍ തയാറാ ക്ക​പ്പെ​ട്ടി​ട്ടു​ള്ള ഈ ​ചി​ത്രം അ​യ​ത്ന ല​ളി​ത​വും ആ​ര്‍​ദ്ര​ഭാ​വ​ങ്ങ​ളു​ണ​ര്‍​ത്തു​ന്ന​തു​മാ​യ ദൃ​ശ്യ​കാ​വ്യ​മാ​ണ്.

ടെ​ഹ്റാ​നി​ലെ ഒ​രു ദ​രി​ദ്ര തൊ​ഴി​ലാ​ളി കു​ടും​ബ​ത്തി​ലെ കു​ട്ടി​ക​ളാ​ണ് അ​ലി​യും സാ​റാ​യും. ഒ​രു ദി​വ​സം സാ​റാ​യു​ടെ സ്കൂ​ള്‍ ഷൂ​സ് ന​ന്നാ​ക്കി മ​ട​ങ്ങു​ന്ന വ​ഴി​യി​ല്‍ പ​ല​ച​ര​ക്കു വാ​ങ്ങാ​ന്‍ ക​യ​റി​യ ക​ട​യി​ല്‍​വ​ച്ച് ഒ​രാ​ള്‍ ഈ ​ഷൂ​സ് അ​റി​യാ​തെ എ​ടു​ത്തു കൊ​ണ്ടു​പോ​യി. ക​ട​യി​ലെ ചാ​ക്കു​ക​ള്‍​ക്കി​ട​യി​ല്‍ അ​തു തെ​ര​ഞ്ഞ് ആ​കെ അ​ല​ങ്കോ​ല​മാ​ക്കി​യ​തി​ന് ക​ട​ക്കാ​ര​ന്‍ അ​ലി​യെ ആ​ട്ടി​യോ​ടി​ച്ചു.

വീ​ട്ടു​വാ​ട​ക​യും ക​ട​യി​ലെ ക​ട​വും വീ​ട്ടാ​നാ​കാ​തെ ന​ട്ടംതി​രി​യു​ന്ന അ​വ​രു​ടെ അ​ച്ഛ​നി​ല്‍​നി​ന്ന് കു​ട്ടി​ക​ള്‍ ഈ ​ന​ഷ്ടം മ​റ​ച്ചു​വ​ച്ചു. സാ​റ​യെ സാ​ന്ത്വ​നി​പ്പി​ക്കാ​ന്‍ അ​ലി ഒ​രു മാ​ര്‍​ഗം ക​ണ്ടെ​ത്തി. സാ​റ രാ​വി​ലെ​യാ​ണ് സ്കൂ​ളി​ല്‍ പോ​കു​ന്ന​ത്. അ​ലി​യു​ടെ ക്ലാ​സു​ക​ള്‍ ഉ​ച്ച​തി​രി​ഞ്ഞാ​ണ്. അ​വ​ളു​ടെ കാ​ലു​ക​ള്‍​ക്കു വ​ലു​താ​ണെ​ങ്കി​ലും ഉ​ച്ച​വ​രെ അ​ത് അ​വ​ള്‍ അ​ണി​ഞ്ഞു. ഉ​ച്ച​ക​ഴി​ഞ്ഞ് വ​ഴി​യി​ല്‍​വ​ച്ച് ത​ന്‍റെ ഷൂ​സ് അ​ലി തി​രി​കെ വാ​ങ്ങി ധ​രി​ച്ചു​കൊ​ണ്ട് സ്കൂ​ളി​ല്‍ പോ​കും.

പ​ഠ​ന​സാ​മ​ര്‍​ഥ്യ​ത്തി​ന് ത​നി​ക്കു സ​മ്മാ​നം കി​ട്ടി​യ പു​തി​യ പേ​ന​യും അ​ലി പെ​ങ്ങ​ള്‍​ക്കു കൊ​ടു​ത്തു. എ​ന്നാ​ല്‍ അവന് സ്കൂ​ളി​ല്‍ കൃ​ത്യ​സ​മ​യ​ത്ത് ഓ​ടി​യെ​ത്താ​ന്‍ പ​ല​പ്പോ​ഴും ക​ഴി​യു​ന്നി​ല്ല. തു​ട​ര്‍​ച്ച​യാ​യി വൈ​കി വ​ന്ന​തി​ന് അ​ച്ഛ​നെ കൂ​ട്ടി​ക്കൊ​ണ്ടു​വ​രാ​ന്‍ പ്രി​ന്‍​സി​പ്പാൾ ‍ ക​ല്പി​ച്ച​പ്പോ​ള്‍ അ​വ​ന്‍റെ ക​ര​ച്ചി​ല്‍ ക​ണ്ട് ക്ലാ​സ് ടീ​ച്ച​ര്‍ അ​ലി​യെ ര​ക്ഷി​ച്ചു. സ​ഹ​പാ​ഠി​യാ​യ റോ​സ എ​ന്ന കു​ട്ടി ത​ന്‍റെ ന​ഷ്ട​പ്പെ​ട്ട ഷൂ​സു​മാ​യി സ്കൂ​ളി​ല്‍ വ​ന്ന​ത് ശ്ര​ദ്ധി​ച്ച സാ​റ അ​തു തി​രി​കെ പി​ടി​ക്കാ​ന്‍ ജ്യേ​ഷ്ഠ​നു​മാ​യി റോ​സ​യെ നേ​രി​ടാ​ന്‍ ചെ​ന്ന​പ്പോ​ള്‍, റോ​സ​യു​ടെ അ​ന്ധ​നാ​യ പി​താ​വി​ന്‍റെ അ​വ​സ്ഥ ക​ണ്ട് മ​ന​സ​ലി​ഞ്ഞു പി​ന്‍​വാ​ങ്ങി. ന​ന്നാ​യി പ​ഠി​ക്കു​ന്ന റോ​സ​യ്ക്കു പി​ന്നീ​ട് അ​വ​ളു​ടെ പി​താ​വ് പു​തി​യ പാ​ദു​ക​ങ്ങ​ള്‍ വാ​ങ്ങി​ക്കൊ​ടു​ത്ത​പ്പോ​ള്‍ അ​വ​ള്‍ ക​ള​ഞ്ഞുകി​ട്ടി​യ ഷൂ​സ് ഉ​പേ​ക്ഷി​ച്ചു​ക​ള​ഞ്ഞു.

പു​തി​യ വ​രു​മാ​ന​മാ​ര്‍​ഗം തേ​ടി അ​ല​യു​ന്ന സ്വ​ന്തം പി​താ​വി​ന് ഒ​രി​ട​ത്തും ര​ക്ഷ​യി​ല്ലാ​തെ വ​ന്ന​പ്പോ​ള്‍ അ​ലി ത​ന്‍റെ സാ​മ​ര്‍​ഥ്യം കൊ​ണ്ട് ഒ​രു പ്ര​ഭു​വി​ന്‍റെ തോ​ട്ട​ക്കാ​ര​നാ​യി ജോ​ലി നേ​ടി​ക്കൊ​ടു​ത്തു. സ​മ്പ​ന്ന​നാ​യ ആ ​മ​നു​ഷ്യ​ന്‍റെ പേ​ര​ക്കു​ട്ടി​യു​മാ​യു​ള്ള ച​ങ്ങാ​ത്തം അ​ലി​ക്കും പി​താ​വി​നും ഗു​ണം ചെ​യ്തു. കി​ട്ടി​യ പ്ര​തി​ഫ​ല​വു​മാ​യി സൈ​ക്കി​ളി​ല്‍ വീ​ട്ടി​ലേ​ക്കു മ​ട​ങ്ങു​മ്പോ​ള്‍ അ​ലി പ​റ​ഞ്ഞ​ത​നു​സ​രി​ച്ച് സാ​റാ​യ്ക്ക് പു​തി​യ ഒ​രു ജോ​ഡി ഷൂ​സ് വാ​ങ്ങാ​നു​റ​ച്ചു​വെ​ങ്കി​ലും വ​ഴി​യി​ലുണ്ടാ​യ അ​പ​ക​ട​ത്തി​ല്‍ സൈ​ക്കി​ള്‍ ത​ക​രു​ക​യം പി​താ​വി​ന് പ​രി​ക്കു പ​റ്റു​ക​യും ചെ​യ്ത​തി​നാ​ല്‍ കാ​ര്യം ന​ട​ന്നി​ല്ല.

ഒ​രു ദി​വ​സം വീ​ട്ടി​ലേ​ക്കു മ​ട​ങ്ങു​മ്പോ​ള്‍ സാ​റായു​ടെ അ​യ​ഞ്ഞ ഷൂ ​ഓ​ട​യി​ലെ ഒ​ഴു​ക്കുവെ​ള്ള​ത്തി​ല്‍ വീ​ണ് ന​ഷ്ട​മാ​യി. അ​തി​ന്‍റെ പി​റ​കേ ഓ​ടി വ​ല​ഞ്ഞ കു​ട്ടി​ക്ക് ര​ണ്ട് അ​പ​രി​ചി​ത​ര്‍ ഷൂ ​ക​ണ്ടെ​ടു​ത്തു കൊ​ടു​ത്ത് സാ​ന്ത്വ​നി​പ്പി​ച്ചു വി​ട്ടു.

കാ​ര്യ​ങ്ങ​ള്‍ കൈ​വി​ട്ടു പോ​കു​മെ​ന്ന ഭ​യ​ത്തി​ല്‍ ക​ഴി​യു​മ്പോ​ള്‍ പു​തി​യ പ്ര​തീ​ക്ഷ​യാ​യി അ​ലി​ക്ക് ഒ​രു ജോ​ഡി ഷൂ​സ് സ്വ​ന്ത​മാ​ക്കാ​നൊ​ര​വ​സ​രം കി​ട്ടി. പ​ട്ട​ണ​ത്തി​ലെ പ്ര​ധാ​ന​പ്പെ​ട്ട സ്കൂ​ള്‍ മാ​ര​ത്ത​ണ്‍ ന​ട​ക്കാ​ന്‍ പോ​കു​ക​യാ​ണ്. അ​തി​ല്‍ മൂ​ന്നാം സ​മ്മാ​നം ഒ​രു ജോ​ഡി ഷൂ​സാ​ണ്. ന​ല്ല ഓ​ട്ട​ക്കാ​ര​നാ​യ അ​ലി​യും മ​ത്സ​ര​ത്തി​നി​റ​ങ്ങി. ഒ​ന്നും ര​ണ്ടും സ്ഥാ​ന​ങ്ങ​ളൊ​ഴി​വാ​ക്കി മൂ​ന്നാം സ്ഥാ​നം പി​ടി​ക്കാ​നാ​യി അ​വ​ന്‍ സൂ​ക്ഷി​ച്ചാ​ണ് ഓ​ടി​യ​ത്.

എ​ന്നാ​ല്‍ അ​വ​സാ​ന ഭാ​ഗ​ത്തു സം​ഭ​വി​ച്ച ഒ​ര​പ​ക​ടം മൂ​ലം അ​ലി ഒ​ന്നാം സ്ഥാ​ന​ത്തെ​ത്തി. മ​ന​സി​ടി​ഞ്ഞ അ​വ​ന്‍ സ​ങ്ക​ട​ത്തോ​ടെ ത​ന്‍റെ പ​രി​ക്കു പ​റ്റി​യ കാ​ലു​മാ​യി പെ​ങ്ങ​ളെ കാ​ണാ​ന്‍ ചെ​ല്ലു​ക​യാ​ണ്. മു​ഴു​വ​ന്‍ കാ​ര്യ​ങ്ങ​ളും കേ​ള്‍​ക്കും മു​ന്പേ അ​വ​രു​ടെ അ​മ്മ​യു​ടെ വി​ളി​കേ​ട്ട് സാ​റ വീ​ട്ടി​ലേ​ക്കു പോ​യി. അ​ലി​യു​ടെ സ​ങ്ക​ട​ത്തി​നു നിവൃത്തി​യു​ണ്ടാ​യി എ​ന്ന സൂ​ച​ന​ക​ളോ​ടെ​യാ​ണ് ചി​ത്രം സ​മാ​പി​ക്കു​ന്ന​ത്.

കു​ട്ടി​ക​ളു​ടെ ക​ണ്ണി​ലൂ​ടെ ലോ​ക​ത്തെ കാ​ണു​ക​യാ​ണ് മ​ജീ​ദി. ധ​ര്‍​മ​ബോ​ധ​ത്തി​ലും ആ​ധ്യാ​ത്മി​കാ​വ​സ്ഥ​യി​ലും മു​തി​ര്‍​ന്ന​വ​രേ​ക്കാ​ള്‍ മു​ന്നി​ല​ല്ലേ കു​ഞ്ഞു​ങ്ങ​ള്‍ എ​ന്ന തോ​ന്ന​ലു​ണ​ര്‍​ത്തു​ന്നു ഈ ​കു​ട്ടി​ക​ള്‍. "നി​ങ്ങ​ള്‍ ശി​ശു​ക്ക​ളെ​പ്പോ​ലെ ആ​കു​വി​ന്‍; ദൈ​വ​രാ​ജ്യം അ​വ​രേ​പ്പോ​ലെ​ ഉ​ള്ള​വ​രു​ടേ​താ​കു​ന്നു’ എ​ന്ന സൂ​ച​ന​യാ​ണ് ടൈ​റ്റി​ലി​ല്‍.

ജി​ജി ജോ​സ​ഫ് കൂ​ട്ടു​മ്മേ​ൽ