ഇ​റോ​മി​ന്‍റെ ക​ണ്ണീ​ര്‍, മ​ണി​പ്പു​രി​ന്‍റെയും

മ​ണി​പ്പു​രി​ലെ വം​ശീ​യ അ​രും​കൊ​ല​ക​ളും നി​ല​വി​ളി​യും പ്ര​മേ​യ​മാ​ക്കി മൂ​വാ​റ്റു​പു​ഴ സെ​ന്‍റ് അ​ഗ​സ്റ്റി​ന്‍​സ് സ്കൂ​ള്‍ വി​ദ്യാ​ര്‍​ഥി​ക​ള്‍ വേ​ദി​യി​ല്‍ അ​വ​ത​രി​പ്പി​ച്ച രം​ഗാ​വി​ഷ്കാ​രം ക​ണ്ട് സ​ദ​സി​ലി​രു​ന്ന ഇ​റോം ചാ​നു ശ​ര്‍​മി​ള വി​തു​മ്പി. ത​ന്‍റെ ജ​ന്മ​നാ​ട്ടി​ലെ ജ​ന​സ​മൂ​ഹം ചേ​രി​തി​രി​ഞ്ഞ് ന​ട​ത്തി​ക്കൊ​ണ്ടി​രി​ക്കു​ന്ന ക​ലാ​പം. നാ​ലു മാ​സ​മാ​യി സ്ത്രീ​ക​ളും കു​ട്ടി​ക​ളും ഉ​ള്‍​പ്പെ​ടെ നാ​ട് അ​നു​ഭ​വി​ക്കു​ന്ന ന​ര​ക​യാ​ത​ന​യെ​പ്പ​റ്റി​യു​ള്ള ആ​കു​ല​ത മാ​ത്ര​മാ​യി​രു​ന്നി​ല്ല ഇ​റോ​മി​നു ക​ണ്ണീ​രാ​യി മാ​റി​യ​ത്. മ​ണി​പ്പു​രി​ല്‍​നി​ന്ന് ഏ​റെ അ​ക​ലെ​യാ​ണ് കേ​ര​ള​മെ​ങ്കി​ലും ഇ​വി​ട​ത്തെ ജ​ന​ത​യും മ​ണി​പ്പു​രി​ലെ മ​നു​ഷ്യാ​വ​കാ​ശ​ധ്വം​സ​ന​ത്തി​നെ​തി​രേ തീ​വ്ര​മാ​യി പ്ര​തി​ക​രി​ക്കു​ന്നു എ​ന്ന തി​രി​ച്ച​റി​വു​കൂ​ടി​യാ​യി​രു​ന്നു നി​റ​ഞ്ഞൊ​ഴു​കി​യ ക​ണ്ണീ​ര്‍ അ​ട​യാ​ള​മാ​ക്കി​യ​ത്.

മ​ണി​പ്പു​രി​ലെ ക​ലാ​പ​ങ്ങ​ളി​ലും സ്ത്രീ​ക​ള്‍​ക്കു നേ​രേ​യു​ള്ള അ​ക്ര​മ​ങ്ങ​ളി​ലും പ്ര​തി​ഷേ​ധി​ച്ച് വി​വി​ധ മേ​ഖ​ല​ക​ളി​ലെ 101 വ​നി​ത​ക​ള്‍ ന​ട​ത്തി​യ വു​മ​ണ്‍ ഇ​ന്ത്യ കാ​മ്പ​യി​നി​ല്‍ പ​ങ്കെ​ടു​ക്കാ​നാ​ണ് മ​ണി​പ്പു​രി​ലെ ഉ​രു​ക്കു​വ​നി​ത എ​ന്ന​റി​യ​പ്പെ​ടു​ന്ന ഇ​റോം ശ​ര്‍​മി​ള ഇ​ക്ക​ഴി​ഞ്ഞ സ്വാ​ത​ന്ത്ര്യ​ദി​ന​ത്ത​ലേ​ന്ന് കേ​ര​ള​ത്തി​ലെ​ത്തി​യ​ത്. മ​ണി​പ്പു​രി​ലെ ജ​ന​ത​യ്ക്കാ​യി വ​ര്‍​ഷ​ങ്ങ​ളോ​ളം പോ​രാ​ടി​യി​ട്ടു​ള്ള ഇ​റോം ശ​ര്‍​മി​ള, ഇ​പ്പോ​ള്‍ സ​മ​ര​ങ്ങ​ളി​ലും പ്ര​ക്ഷോ​ഭ​ങ്ങ​ളി​ലും നി​ന്ന​ക​ന്ന് കു​ടും​ബ​സ​മേ​തം ബം​ഗ​ളൂ​രു​വി​ലാ​ണു താ​മ​സം. മ​ണി​പ്പു​രി​ലെ കി​രാ​ത പ​ട്ടാ​ള​നി​യ​മ​ത്തി​നെ​തി​രേ പ​തി​നാ​റു വ​ര്‍​ഷം നി​രാ​ഹാ​ര സ​ഹ​ന​സ​മ​രം ന​ട​ത്തി​യ ഇ​റോം ശ​ര്‍​മി​ള​യി​ലെ പെ​ണ്‍​വീ​ര്യം ഏ​റെ​ക്കാ​ലം ലോ​ക​ശ്ര​ദ്ധ നേ​ടി​യി​രു​ന്നു.

മ​ണി​പ്പു​രി​ല്‍ പ​ട്ടാ​ള​ത്തി​നു​ണ്ടാ​യി​രു​ന്ന പ്ര​ത്യേ​ക അ​ധി​കാ​ര നി​യ​മ​ങ്ങ​ൾ പി​ന്‍​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു മെ​ന്‍​ഗൂ​ബി എ​ന്ന​റി​യ​പ്പെ​ടു​ന്ന ഇ​റോ​മി​ന്‍റെ നി​രാ​ഹാ​രം. ഈ ​ഉ​രു​ക്കു​വ​നി​ത​യു​ടെ വീ​റു​റ്റ സ​ഹ​ന​സ​മ​രം അ​ന്താ​രാ​ഷ്‌​ട്ര​മാ​ധ്യ​മ​ങ്ങ​ളി​ലും ക​വ​ര്‍ സ്റ്റോ​റി​ക​ളാ​യി മാ​റി​യി​രു​ന്നു. മ​ണി​പ്പു​രി​ന്‍റെ വ​ര്‍​ത്ത​മാ​ന​കാ​ല സ​ങ്ക​ട​ങ്ങ​ളും പി​ന്നി​ലെ രാ​ഷ്‌​ട്രീ​യ​വും ഇ​റോം ചാ​നു ശ​ര്‍​മി​ള സ​ൺ​ഡേ ദീ​പി​ക​യോ​ടു പ​ങ്കു​വ​യ്ക്കു​ന്നു.

ഞാ​ന്‍ ല​ജ്ജി​ക്കു​ന്നു

മ​ണി​പ്പു​രി​ല്‍​നി​ന്ന് ദി​വ​സ​വും കേ​ട്ടു​കൊ​ണ്ടി​രി​ക്കു​ന്ന ഭീ​തി​പ്പെ​ടു​ത്തു​ന്ന വാ​ര്‍​ത്ത​ക​ളി​ലൊ​ക്കെ അ​തീ​വ സ​ങ്ക​ട​വും ല​ജ്ജ​യു​മു​ണ്ട്. സ്ത്രീ​ക​ള്‍​ക്കു​നേ​രേ ആ​വ​ര്‍​ത്തി​ച്ചു​കൊ​ണ്ടി​രി​ക്കു​ന്ന അ​തി​ക്ര​മ​ങ്ങ​ള്‍​ക്ക് ഏ​തു​ത​രം വം​ശീ​യ​ത​യു​ടെ പേ​രി​ലാ​യാ​ലും നീ​തീ​ക​ര​ണ​മി​ല്ല. സ്ത്രീ​ക​ളു​ടെ ക​ണ്ണീ​രി​ലും വി​ലാ​പ​ങ്ങ​ളി​ലും ആ​ന​ന്ദം ക​ണ്ടെ​ത്തു​ന്ന കാ​ട​ന്‍ രീ​തി​ക്കാ​ര്‍ മ​ണി​പ്പു​രി​ലു​മു​ണ്ടെ​ന്ന​ത് ഏ​റെ ല​ജ്ജി​പ്പി​ക്കു​ന്നു. ത​ല​മു​റ​ക​ളാ​യി പു​രു​ഷ​മേ​ധാ​വി​ത്വ​മാ​ണ് മ​ണി​പ്പു​രി​ലു​ള്ള​ത്. സ്ത്രീ​ക​ള്‍ എ​ല്ലാ​ക്കാ​ല​ത്തും ചൂ​ഷ​ണം ചെ​യ്യ​പ്പെ​ടു​ന്ന പ്ര​ദേ​ശം. രാ​ജ്യ​ത്തി​നും ലോ​ക​ത്തി​നും മു​ന്നി​ല്‍ ഇ​പ്പോ​ൾ മ​ണി​പ്പു​ര്‍ ത​ല കു​നി​ച്ചു നി​ല്‍​ക്കു​ക​യാ​ണ്. മ​ണി​പ്പു​രു​കാ​രി എ​ന്ന നി​ല​യി​ല്‍ ഈ ​സം​ഭ​വ​ങ്ങ​ളി​ല്‍ ഞാ​നും ത​ല​കു​നി​ക്കു​ക​യാ​ണ്.

വം​ശീ​യ ക​ല​ഹ​ങ്ങ​ള്‍ മു​ന്‍​കാ​ല​ങ്ങ​ളി​ലും മ​ണി​പ്പു​രി​ല്‍ ഉ​ണ്ടാ​യി​ട്ടു​ണ്ടെ​ങ്കി​ലും അ​തി​ക്രൂ​ര​വും നി​ന്ദ്യ​വു​മാ​യ സം​ഭ​വ​ങ്ങ​ള്‍ ആ​ദ്യ​മാ​ണ്. സ്ത്രീ​ക​ളെ മാ​ന​ഭം​ഗ​പ്പെ​ടു​ത്തു​ക, ചു​ട്ടു​കൊ​ല്ലു​ക, ഗ്രാ​മ​വാ​സി​ക​ളെ അ​ടി​ച്ചോ​ടി​ക്കു​ക തു​ട​ങ്ങി കേ​ള്‍​ക്കാ​ന്‍ ഭ​യ​പ്പെ​ടു​ന്ന എ​ത്ര​യോ സം​ഭ​വ​ളാ​ണ് ആ​വ​ര്‍​ത്തി​ച്ചു​കൊ​ണ്ടി​രി​ക്കു​ന്ന​ത്.

കു​ക്കി- മെ​യ്തെ​യ് ഗോ​ത്ര​വി​ഭാ​ഗ​ങ്ങ​ള്‍ ത​മ്മി​ല്‍ സൗ​ഹൃ​ദം പു​ല​രു​ന്ന ചി​ല ഇ​ട​ങ്ങ​ള്‍ ഇ​പ്പോ​ഴും മ​ണി​പ്പു​രി​ലു​ണ്ട്. കു​റ​ച്ചു​വ​ര്‍​ഷ​ങ്ങ​ളാ​യി മെ​യ്തെ​യ് വി​ഭാ​ഗം ‍ കു​ക്കി വി​ഭാ​ഗ​ക്കാ​രു​ടെ​മേ​ല്‍ മേ​ധാ​വി​ത്വ​മു​റ​പ്പി​ക്കാ​ന്‍ പ​ല​ത​ര​ത്തി​ല്‍ ശ്ര​മ​ങ്ങ​ള്‍ തു​ട​ങ്ങി​യി​രു​ന്നു. ഇ​താ​ണ് ഈ​യി​ടെ സം​ഘ​ര്‍​ഷ​ങ്ങ​ളി​ലേ​ക്കു ന​യി​ച്ചി​രി​ക്കു​ന്ന​ത്. എ​ന്‍റെ ജ​ൻ​മ​നാ​ട്ടി​ൽ ഇ​നി​യെ​ന്ന് സ​മാ​ധാ​ന​മു​ണ്ടാ​കും എ​ന്ന ചി​ന്ത ഏ​റെ വേ​ദ​നി​പ്പി​ക്കു​ന്നു. മ​ണി​പ്പു​രി​ല്‍ ഉ​ള്‍​പ്പെ​ടെ രാ​ജ്യ​ത്തൊ​ട്ടാ​കെ സ്ത്രീ​ക​ള്‍​ക്കു നേ​രേ​യു​ള്ള ആ​ക്ര​മ​ണം വ​ര്‍​ധി​ച്ചു​വ​രി​ക​യാ​ണ്. സ്ത്രീ​സു​ര​ക്ഷ ഉ​റ​പ്പാ​ക്കാ​ന്‍ കേ​ര​ള​ത്തി​ന്‍റെ ത​ന​ത് ആ​യോ​ധ​ന ക​ല​യാ​യ ക​ള​രി​പ്പ​യ​റ്റ് രാ​ജ്യ​ത്തെ സ്ത്രീ​ക​ളെ​യൊ​ന്നാ​കെ പ​രി​ശീ​ലി​പ്പി​ക്ക​ണ​മെ​ന്നാ​ണ് എ​ന്‍റെ നി​ര്‍​ദേ​ശം.

ഭ​ര​ണ​ക്കാ​ര്‍ എ​വി​ടെ​യാ​ണ്

ക​ലാ​പ​ങ്ങ​ള്‍​ക്കും അ​തി​നു വ​ഴി​തെ​ളി​ച്ച സാ​ഹ​ച​ര്യ​ങ്ങ​ള്‍​ക്കും പ​രി​ഹാ​രം കാ​ണാ​ന്‍ മ​ണി​പ്പു​രി​ലെ ഭ​ര​ണ, രാ​ഷ്‌​ട്രീ​യ നേ​തൃ​ത്വ​ങ്ങ​ള്‍ ആ​ത്മാ​ര്‍​ഥ​മാ​യി ശ്ര​മി​ക്കാ​ത്ത​താ​ണ് പ്ര​ശ്ന​ങ്ങ​ള്‍ രൂ​ക്ഷ​മാ​കാ​ന്‍ കാ​ര​ണ​മാ​യി​രി​ക്കു​ന്ന​ത്. മ​ണി​പ്പു​രി​ലെ എം​എ​ല്‍​എ​മാ​ര്‍ നി​യ​മ​സ​ഭ​യി​ലും എം​പി​മാ​ര്‍ പാ​ര്‍​ല​മെ​ന്‍റി​ലും വ​സ്തു​നി​ഷ്ഠ​മാ​യി ഈ ​വി​ഷ​യം അ​വ​ത​രി​പ്പി​ക്കാ​ന്‍ ശ്ര​ദ്ധി​ക്കു​ന്നി​ല്ല. അ​വ​രു​ടെ ബോ​ധ​പൂ​ര്‍​വ​മാ​യ നി​ശ​ബ്ദ​ത​യാ​ണ് എ​ന്നെ അ​തി​ശ​യി​പ്പി​ക്കു​ന്ന​ത്. ശ​ക്ത​മാ​യ നേ​തൃ​ത്വ​ത്തി​ന്‍റെ അ​ഭാ​വം ഇ​ക്കാ​ല​ത്ത് മ​ണി​പ്പു​രി​നു​ണ്ട്. ജ​നാ​ധി​പ​ത്യ, മ​തേ​ത​ര മൂ​ല്യ​ങ്ങ​ള്‍ മു​റു​കെ​പ്പി​ടി​ക്കു​ന്ന ശ​ക്ത​രാ​യ നേ​താ​ക്ക​ളെ​യാ​ണ് മ​ണി​പ്പു​ര്‍ തേ​ടു​ന്ന​ത്.

തെ​ര​ഞ്ഞെ​ടു​പ്പു​കാ​ല​ത്ത് ജ​യി​ക്കാ​ന്‍ പ​ല​ത​ര​ത്തി​ല്‍ അ​വ​ര്‍ നി​ല​പാ​ടെ​ടു​ക്കും, വാ​ഗ്ദാ​ന​ങ്ങ​ള്‍ ന​ല്‍​കും. വി​ജ​യി​ച്ചു ക​ഴി​ഞ്ഞാ​ല്‍ പി​ന്നെ ഉ​റ​പ്പു​ക​ളൊ​ക്കെ മ​റ​ക്കും. ഇ​തി​ല്‍ പ്ര​കോ​പി​ത​രാ​കു​ന്ന വി​ഭാ​ഗ​ങ്ങ​ളാ​ണ് ‍ തെ​രു​വി​ലേ​ക്കി​റ​ങ്ങു​ന്ന​ത്. ഇ​പ്പോ​ഴ​ത്തെ ക​ലാ​പ​സാ​ഹ​ച​ര്യം സൃ​ഷ്ടി​ച്ചി​രി​ക്കു​ന്ന​ത് ഭ​ര​ണ​ക്കാ​ര്‍ ത​ന്നെ​യാ​ണ്. ക​ലാ​പം ഒ​ഴി​വാ​ക്കു​ന്ന​തി​ൽ സ​ര്‍​ക്കാ​രും അ​ടി​ച്ച​മ​ര്‍​ത്തു​ന്ന​തി​ല്‍ പ​ട്ടാ​ള​വും പ​രാ​ജ​യ​പ്പെ​ട്ടി​രി​ക്കു​ന്നു. ഇ​വ​ർ​ക്ക് ആ​ത്മാ​ര്‍​ഥ​ത​യു​ണ്ടെ​ങ്കി​ല്‍ ഒ​രാ​ഴ്ച​യ്ക്കു​ള്ളി​ല്‍ സ​മാ​ധാ​നം തി​രി​കെ​യെ​ത്തി​ക്കാ​നാ​കും.
മ​ണി​പ്പു​ര്‍ ക​ത്തി​ത്തു​ട​ങ്ങി​യി​ട്ട് മാ​സ​ങ്ങ​ള്‍ പി​ന്നി​ട്ടി​രി​ക്കേ​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ത്ര​യേ​റെ ക​ലു​ഷി​ത​മാ​യ വി​ഷ​യ​ത്തി​ല്‍ ക്രി​യാ​ത്മ​ക ന​ട​പ​ടി​ക​ള്‍​ക്കു ത​യാ​റാ​കു​ന്നി​ല്ല. അ​തു​കൊ​ണ്ടു​ത​ന്നെ, മ​ണി​പ്പു​രി​നെ രാ​ജ്യം ക​ണ്ട ഏ​റ്റ​വും വ​ലി​യ വം​ശീ​യ ക​ലാ​പ​ത്തി​ലേ​ക്ക് ത​ള്ളി​യി​ട്ട​തി​ന്‍റെ പൂ​ര്‍​ണ ഉ​ത്ത​ര​വാ​ദി​ത്തം ഭ​ര​ണ​കൂ​ട​ത്തി​നാ​ണെ​ന്നു ഞാ​ന്‍ പ​റ​യും.

സ്വാ​ഭാ​വി​ക​മാ​യു​ണ്ടാ​യ അ​ക്ര​മ​സം​ഭ​വ​ങ്ങ​ള​ല്ല മ​ണി​പ്പു​രി​ല്‍ സം​ഭ​വി​ച്ചി​രി​ക്കു​ന്ന​തെ​ന്ന് സു​പ്രീം​കോ​ട​തി പോ​ലും നി​രീ​ക്ഷി​ച്ചു. കു​ക്കി​ക​ളും മെ​യ്തെ​യ്ക​ളും ത​മ്മി​ലു​ള്ള ച​രി​ത്ര​പ​ര​മാ​യ വൈ​രു​ധ്യ​ങ്ങ​ളെ അ​പ​ക​ട​ക​ര​മാം​വി​ധം ‍ രാ​ഷ്‌​ട്രീ​യ ലാ​ഭ​ത്തി​നു​വേ​ണ്ടി ഉ​പ​യോ​ഗി​ക്കു​ക​യാ​ണ് ബി​ജെ​പി​യും സം​ഘ​പ​രി​വാ​റും. ഭൂ​രി​പ​ക്ഷ​മാ​യ മെ​യ്തെ​യ് വി​ഭാ​ഗ​ത്തെ കൂ​ടെ​നി​ര്‍​ത്തി കു​ക്കി​ക​ള്‍​ക്കെ​തി​രേ ആ​സൂ​ത്രി​ത​മാ​യ ആ​ക്ര​മ​ണ​മാ​ണ് സം​ഘ​പ​രി​വാ​റി​ന്‍റെ നേ​തൃ​ത്വ​ത്തി​ല്‍ അ​ഴി​ച്ചു​വി​ടു​ന്ന​ത്. ‍ ‍ ചെ​റു​വി​ര​ല്‍ പോ​ലും അ​ന​ക്കാ​തെ, എ​രി​തീ​യി​ല്‍ എ​ണ്ണ​യൊ​ഴി​ക്കാ​നാ​ണ് സം​സ്ഥാ​ന സ​ര്‍​ക്കാ​രും കേ​ന്ദ്ര​വും ശ്ര​മി​ക്കു​ന്ന​ത്.

"പ​ന്ത​മേ​ന്തി​യ സ്ത്രീ​ക​ള്‍’

കി​രാ​ത പ​ട്ടാ​ള​നി​യ​മ​ങ്ങ​ള്‍​ക്കെ​തി​രേ ഞാ​ന്‍ മ​ണി​പ്പു​രി​ല്‍ കാ​ല​ങ്ങ​ളോ​ളം സ​മ​രം ന​ട​ത്തി​യ​പ്പോ​ള്‍ എ​നി​ക്കൊ​പ്പം ശ​ക്ത​മാ​യി നി​ല​യു​റ​പ്പി​ച്ച​വ​രാ​ണ് മെ​യ്രാ പെ​യ്ബീ​സ് (പ​ന്ത​മേ​ന്തി​യ സ്ത്രീ​ക​ള്‍) എ​ന്ന സം​ഘം. എ​ന്നാ​ല്‍, ഇ​വ​ര്‍ ഇ​ന്നു കു​ക്കി ജ​ന​ത​യെ ശ​ത്രു​ത​യോ​ടെ കാ​ണു​ക​യും അ​വ​രു​മാ​യി പോ​ര​ടി​ക്കു​ക​യും ചെ​യ്യു​ന്ന​തു കാ​ണു​മ്പോ​ള്‍ സ​ങ്ക​ട​മു​ണ്ട്.

പ​ട്ടാ​ള നി​യ​മ​ത്തി​നെ​തി​രേ പ്ര​തി​ഷേ​ധ​മു​യ​ര്‍​ത്തി ന​ഗ്ന​രാ​യി ബാ​ന​റു​ക​ളേ​ന്തി സ​മ​രം ന​ട​ത്തി​യ പാ​ര​മ്പ​ര്യം മ​ണി​പ്പു​രി സ്ത്രീ​ക​ള്‍​ക്കു​ണ്ട്. മ​ണി​പ്പു​രി​ലെ സ്ത്രീ​ക​ള്‍ പൊ​തു​വെ ധൈ​ര്യ​ശാ​ലി​ക​ളു​മാ​ണ്. അ​വ​കാ​ശ​പോ​രാ​ട്ട​ത്തി​ല്‍ അ​വ​രെ​ന്നും മു​ന്നി​ലു​ണ്ട്.

എ​ന്നാ​ല്‍, ഇ​ന്ന് മ​ണി​പ്പു​രി​ല്‍ യു​വ​തി​ക​ളെ ന​ഗ്ന​രാ​ക്കി തെ​രു​വി​ല്‍ ന​ട​ത്തി​ക്കു​ന്ന​തും ആ​ള്‍​ക്കൂ​ട്ടം ബ​ലാ​ത്സം​ഗം ചെ​യ്യു​ന്ന​തും ഞെ​ട്ട​ലോ​ടെ ന​മ്മ​ള്‍ കാ​ണു​ന്നു. അ​വി​ടെ സം​ഭ​വി​ച്ചു​കൊ​ണ്ടി​രി​ക്കു​ന്ന കാ​ഴ്ച​ക​ളെ​യും അ​വ​സാ​നി​ക്കാ​ത്ത ക​ലാ​പ​ത്തെ​യും ന​ടു​ക്ക​ത്തോ​ടെ​യാ​ണ് നോ​ക്കി​ക്കാ​ണു​ന്ന​ത്. എ​ന്‍റെ നാ​ടി​ന് എ​ന്തു സം​ഭ​വി​ക്കു​ന്നു എ​ന്ന​തി​ലാ​ണ് വേ​ദ​ന. വീ​ടു​ക​ള്‍ മാ​ത്ര​മ​ല്ല, മ​നു​ഷ്യ​രെ​യും ജീ​വ​നോ​ടെ ചു​ട്ടെ​രി​ക്കു​ന്ന പ്രാ​കൃ​ത പ്ര​വൃ​ത്തി​ക​ളി​ലേ​ക്ക് എ​ന്‍റെ ജ​ന​ത എ​ത്തി​യെ​ന്നോ​ര്‍​ക്കു​മ്പോ​ള്‍ ല​ജ്ജ തോ​ന്നു​ന്നു, ഒ​പ്പം കു​റ്റ​ബോ​ധ​വും.

മ​ണി​പ്പു​രി​ന്‍റെ ഉ​രു​ക്കു​വ​നി​ത

ക​വ​യ​ത്രി​യും പ​ത്ര​പ്ര​വ​ര്‍​ത്ത​ക​യു​മാ​യ ഇ​റോം ചാ​നു ശ​ര്‍​മി​ള 1972 മാ​ര്‍​ച്ച് 14ന് ​ഇം​ഫാ​ലി​ലെ കോം​ഗ്പാ​ലി​ല്‍ ജ​നി​ച്ചു. മ​ണി​പ്പു​രി​ല്‍ പ​ട്ടാ​ള​ത്തി​നു പ്ര​ത്യേ​ക അ​ധി​കാ​രം ന​ല്‍​കു​ന്ന ആം​ഡ് ഫോ​ഴ്സ​സ് സ്പെ​ഷ​ല്‍ പ​വേ​ഴ്സ് ആ​ക്ട് പി​ന്‍​വ​ലി​ക്ക​ണ​മെ​ന്ന് ആ​വ​ശ്യ​പ്പെ​ട്ട് 16 വ​ര്‍​ഷം നി​രാ​ഹാ​ര സ​മ​രം ന​ട​ത്തി​യ​തി​ലൂ​ടെ ശ്ര​ദ്ധേ​യ​യാ​യി.

2000-ല്‍ ആ​സാം റൈ​ഫി​ള്‍​സി​ലെ പ​ട്ടാ​ള​ക്കാ​ര്‍ ബ​സ് കാ​ത്തു​നി​ന്ന മെ​യ്തെയ് വി​ഭാ​ഗ​ത്തി​ലെ പ​ത്തു പേ​രെ വെ​ടി​വ​ച്ചു കൊ​ല​പ്പെ​ടു​ത്തി​യ (മൗ​ലോം കൂ​ട്ട​ക്കൊ​ല) സം​ഭ​വ​ത്തെ​ത്തു​ട​ര്‍​ന്നാ​ണ് ഇ​വ​ര്‍ സ​മ​രം തു​ട​ങ്ങി​യ​ത്. ആ​രോ​ഗ്യ​നി​ല വ​ഷ​ളാ​യ​പ്പോ​ള്‍ ആ​ത്മ​ഹ​ത്യാ​ക്കു​റ്റം ആ​രോ​പി​ച്ച് പോ​ലീ​സ് ഇ​റോം ശ​ര്‍​മി​ള​യെ അ​റ​സ്റ്റു ചെ​യ്തു.

ശ്വാ​സ​നാ​ള​ത്തി​ലൂ​ടെ കു​ഴ​ലി​ട്ട് നി​ര്‍​ബ​ന്ധി​ച്ചു ദ്ര​വ​രൂ​പ​ത്തി​ലു​ള്ള ഭ​ക്ഷ​ണം ന​ല്‍​കി​യാ​ണ് ജീ​വ​ന്‍ നി​ല​നി​ര്‍​ത്തി​യ​ത്. 2000 ന​വം​ബ​ര്‍ ര​ണ്ടി​ന് 28ാം വ​യ​സി​ല്‍ ആ​രം​ഭി​ച്ച നി​രാ​ഹാ​ര സ​മ​രം 2016 ഓ​ഗ​സ്റ്റ് ഒ​മ്പ​തി​നാ​ണ് അ​വ​സാ​നി​പ്പി​ച്ച​ത്.

2010ലെ ​ര​വീ​ന്ദ്ര​നാ​ഥ ടാ​ഗോ​ര്‍ സ​മാ​ധാ​ന പു​ര​സ്കാ​രം ഉ​ള്‍​പ്പെടെ സാ​മൂ​ഹ്യ​പ്ര​വ​ര്‍​ത്ത​ന​ങ്ങ​ള്‍​ക്കു വി​വി​ധ അം​ഗീ​കാ​ര​ങ്ങ​ള്‍ ഇ​റോം ശ​ര്‍​മി​ള​യ്ക്കു ല​ഭി​ച്ചി​ട്ടു​ണ്ട്. 2017ല്‍ ​ബ്രി​ട്ടീ​ഷ് പൗ​ര​നാ​യ ഡെ​സ്മ​ണ്ട് കു​ടി​ഞ്ഞോ​യെ വി​വാ​ഹം ചെ​യ്തു. കു​ടും​ബ​സ​മേ​തം ഇ​പ്പോ​ള്‍ ബം​ഗ​ളൂ​രു​വി​ലാ​ണു താ​മ​സം.

സി​ജോ പൈ​നാ​ട​ത്ത്