നാ​ഗ​ലി​ന്‍റെ വ​രി​ക​ൾ വ​യ​ലാ​ർ ഏ​റ്റു​വാ​ങ്ങി

“സ​മ​യ​മാം ര​ഥ​ത്തി​ൽ ഞാ​ൻ
സ്വ​ർ​ഗ​യാ​ത്ര ചെ​യ്യു​ന്നു
എ​ൻ സ്വ​ദേ​ശം കാ​ണ്‍​മ​തി​നാ​യി ഞാ​ൻ ത​നി​യെ പോ​കു​ന്നു...”

മൃ​ത​സം​സ്കാ​ര ച​ട​ങ്ങു​ക​ളി​ൽ പ​തി​വാ​യി കേ​ൾ​ക്കു​ന്ന വി​ലാ​പ ഗാ​നം. ഈ ​ഗാ​ന​ത്തി​ന്‍റെ ആ​ദ്യ​രൂ​പം ര​ചി​ച്ച​ത് 1893ൽ ​കേ​ര​ള​ത്തി​ൽ സു​വി​ശേ​ഷ പ്ര​വ​ർ​ത്ത​ന​ത്തി​നു വ​ന്ന ജ​ർ​മ​ൻ മി​ഷ​ന​റി വോ​ൾ​ബ്രെ​റ്റ് നാ​ഗ​ൽ ആ​ണ്. നാ​ഗ​ൽ സാ​യി​പ്പ് എ​ന്ന് നാ​ട്ടു​കാ​ർ വി​ളി​ച്ചി​രു​ന്ന ഇ​ദ്ദേ​ഹം കു​ന്നം​കു​ള​ത്ത് താ​മ​സി​ക്കു​ന്ന കാ​ല​ത്താ​ണ് ഈ ​ഗാ​നം ര​ചി​ച്ച​ത്. ഈ ​ഗാ​ന​ത്തെ അ​ഴി​ച്ചു​പ​ണി​ത് ഇ​ന്ന​ത്തെ നി​ല​യി​ൽ ആ​സ്വാ​ദ​ക​രു​ടെ​യും ഭ​ക്ത​രു​ടേ​യും ഹൃ​ദ​യ​ത്തി​ൽ പ്ര​തി​ഷ്ഠി​ച്ച​ത് വ​യ​ലാ​ർ രാ​മ​വ​ർ​മ ആ​ണെ​ന്നു ച​ല​ച്ചി​ത്ര​ഗാ​ന നി​രൂ​പ​ക​ൻ ടി.​പി. ശാ​സ്ത​മം​ഗ​ലം പ​റ​യു​ന്നു. അ​ര​നാ​ഴി​ക​നേ​രം എ​ന്ന ചി​ത്ര​ത്തി​നു​വേ​ണ്ടി വ​യ​ലാ​റി​ന്‍റെ തൂ​ലി​ക മാ​റ്റി​യെ​ഴു​തി, ജി. ​ദേ​വ​രാ​ജ​ൻ ഈ​ണം പ​ക​ർ​ന്ന അ​ന​ശ്വ​ര ഗാ​ന​മാ​ണ് ഏ​റെ​ക്കാ​ല​മാ​യി അ​ന്ത്യ​യാ​ത്രാ വേ​ള​യി​ൽ ഒ​രു വി​ഭാ​ഗം ക്രൈ​സ്ത​വ​ർ ആ​ല​പി​ക്കു​ന്ന​ത്.

നാ​ഗ​ൽ എ​ഴു​തി​യ ആ​ദ്യ വ​രി​ക​ൾ ഇ​ങ്ങ​നെ​യാ​ണ്.
’സ​മ​യ​മാം ര​ഥ​ത്തി​ൽ ഞാ​ൻ സ്വ​ർ​ഗ​യാ​ത്ര ചെ​യ്യു​ന്നു
എ​ൻ സ്വ​ദേ​ശം കാ​ണ്‍​മ​തി​ന്നു ബ​ദ്ധ​പ്പെ​ട്ടോ​ടി​ന്നു’ ഇ​തി​ലെ ര​ണ്ടാ​മ​ത്തെ വ​രി വ​യ​ലാ​ർ എ​ൻ സ്വ​ദേ​ശം കാ​ണ്‍​മ​തി​ന്നാ​യ് ഞാ​ൻ ത​നി​യെ പോ​കു​ന്നു എ​ന്നു മാ​റ്റി എ​ഴു​തു​ക​യാ​യി​രു​ന്നു. മ​ര​ണ​ത്തി​ൽ മ​നു​ഷ്യ​ർ ഒ​റ്റ​യ്ക്കാ​ണ് എ​ന്ന സ​ത്യം വ​യ​ലാ​ർ ഇ​വി​ടെ ഭം​ഗി​യാ​യി അ​വ​ത​രി​പ്പി​ക്കു​ന്നു എ​ന്നു പ​റ​യാം. ’ബ​ദ്ധ​പ്പെ​ട്ടോ​ടു​ന്നു’ എ​ന്ന പ്ര​യോ​ഗം, മ​ര​ണ ഗാ​ന​ത്തി​ന് ഉ​ചി​ത​മ​ല്ല എ​ന്ന ചി​ന്ത​യും കൂ​ടി ചേ​ർ​ന്ന​പ്പോ​ഴാ​ണ് പു​തി​യ വ​രി പി​റ​ന്ന​തെ​ന്നും ടി.​പി. വി​ല​യി​രു​ത്തു​ന്നു.

അ​നു​പ​ല്ല​വി​യി​ൽ വോ​ൾ​ബ്രെ​റ്റ് നാ​ഗ​ൽ എ​ഴു​തി​യ​ത് ‘ആ​കെ​യ​ല്പ​നേ​രം മാ​ത്രം എ​ന്‍റെ യാ​ത്ര തീ​രു​വാ​ൻ യേ​ശു​വേ! നി​ന​ക്കു സ്തോ​ത്രം വേ​ഗം നി​ന്നെ കാ​ണും ഞാ​ൻ’ എ​ന്നാ​ണ്. എ​ന്നാ​ൽ അ​ര​നാ​ഴി​ക​നേ​രം എ​ന്ന സി​നി​മ​യ്ക്കു​വേ​ണ്ടി​യാ​യ​തു കൊ​ണ്ടു​ത​ന്നെ വ​യ​ലാ​ർ ആ​കെ അ​ര​നാ​ഴി​ക മാ​ത്രം. ഈ ​ഉ​ടു​പ്പ് മാ​റ്റു​വാ​ൻ എ​ന്നാ​ക്കി മാ​റ്റി.

അ​തു​പോ​ലെ ’രാ​ത്രി​യി​ൽ ഞാ​ൻ ദൈ​വ​ത്തി​ന്‍റെ കൈ​ക​ളി​ൽ ഉ​റ​ങ്ങു​ന്നു
അ​പ്പോ​ഴു​മെ​ൻ ര​ഥ​ത്തി​ന്‍റെ ച​ക്രം മു​ന്നോ​ട്ടോ​ടു​ന്നു’ എ​ന്നി​ങ്ങ​നെ നാ​ഗ​ലി​ന്‍റെ മ​ന​സി​ൽ​നി​ന്നു​ണ​ർ​ന്ന വ​രി​ക​ൾ അ​തു​പോ​ലെ സ്വീ​ക​രി​ച്ച വ​യ​ലാ​ർ ’രാ​വി​ലെ ഞാ​ൻ ദൈ​വ​ത്തി​ന്‍റെ കൈ​ക​ളി​ലു​ണ​രു​ന്നു അ​പ്പോ​ഴു​മെ​ൻ മ​ന​സി​ന്‍റെ സ്വ​പ്നം മു​ന്നോ​ട്ടോ​ടു​ന്നു എ​ന്ന മ​നോ​ഹ​ര​മാ​യ വ​രി​ക​ൾ​കൂ​ടി എ​ഴു​തി​ച്ചേ​ർ​ത്തു. മ​ന​സി​ന്‍റെ സ്വ​പ്നം മു​ന്നോ​ട്ടോ​ടു​ന്നു എ​ന്ന വ​രി​യി​ൽ വ​യ​ലാ​റി​ന്‍റെ കാ​വ്യ​പ്ര​തി​ഭ ക​ട​ന്നു​വ​രി​ക​യാ​ണ്. മ​ര​ണ​ത്തി​ന്‍റെ കൊ​ടും​വേ​ദ​ന കു​റെ​യെ​ങ്കി​ലും മാ​റ്റാ​നും ജീ​വി​ത​വും മ​ര​ണ​വും യേ​ശു​വി​ന്‍റെ പാ​ദ​ങ്ങ​ളി​ൽ അ​ർ​പ്പി​ക്കാ​നും ഭ​ക്ത​രെ പ്രാ​പ്ത​രാ​ക്കാ​ൻ ഈ ​ഗാ​നം വ​ള​രെ​യേ​റെ സ​ഹാ​യ​ക​മാ​ണ്.

സി​നി​മ​യി​ൽ മ​ര​ണ​ശ​യ്യ​യി​ൽ കി​ട​ക്കു​ന്ന കു​ഞ്ഞേ​നാ​ച്ച​ൻ കേ​ൾ​ക്കു​ന്ന പ്രാ​ർ​ഥ​നാ ഗാ​ന​മാ​ണി​ത്. ഈ ​പ്ര​പ​ഞ്ച​സു​ഖം തേ​ടാ​ൻ ഇ​പ്പോ​ഴ​ല്ലോ സ​മ​യം
എ​ൻ സ്വ​ദേ​ശ​ത്ത് ചെ​ല്ലേ​ണം യേ​ശു​വി​നെ കാ​ണേ​ണം എ​ന്ന വ​രി​ക​ളും വ​യ​ലാ​റി​ന്‍റേ​താ​ണ്. ഗാ​ന​ത്തി​ന്‍റെ തു​ട​ക്ക​ത്തി​ൽ എ​ൻ സ്വ​ദേ​ശം കാ​ണ്‍​മ​തി​നാ​യി പോ​കു​ന്നു എ​ന്ന് നാ​ഗ​ൽ എ​ഴു​തി. അ​തേ ഭ​ക്തി ഉ​ള്ളി​ൽ നി​റ​ച്ച് സ്വ​ദേ​ശ​ത്ത് ചെ​ല്ലേ​ണം യേ​ശു​വി​നെ കാ​ണേ​ണം എ​ന്ന് വ​യ​ലാ​ർ രാ​മ​വ​ർ​മ എ​ഴു​തി.

സ്വ​ർ​ഗ​മെ​ന്ന ഈ ​സ്വ​ദേ​ശ​ത്തി​ലെ​ത്തി​ച്ചേ​രു​ക എ​ന്ന മ​നു​ഷ്യ​ന്‍റെ ല​ക്ഷ്യ​വും സ്വ​പ്ന​വു​മാ​ണ് ഇ​തി​ൽ ല​യി​ച്ചു​ചേ​ർ​ന്നി​രി​ക്കു​ന്ന​ത്. നാ​ഗ​ലി​ന്‍റെ യ​ഥാ​ർ​ഥ ര​ച​ന​യി​ൽ നാ​ല്പ​തോ​ളം വ​രി​ക​ളു​ണ്ട്. ച​ല​ച്ചി​ത്ര​ത്തി​നു​വേ​ണ്ടി പ​ല്ല​വി​യും ര​ണ്ട് ച​ര​ണ​ങ്ങ​ളും മാ​ത്ര​മാ​യാ​ണ് എ​ടു​ത്തി​ട്ടു​ള്ള​ത്.

ഈ ​ഗാ​ന​ത്തെ ഭാ​വ​തീ​വ്ര​മാ​ക്കി​യ​ത് ജി. ​ദേ​വ​രാ​ജ​ന്‍റെ സം​ഗീ​ത​മാ​ണെ​ന്നു പ​റ​യാം. സി​നി​മ​യി​ൽ പി. ​ലീ​ല​യും മാ​ധു​രി​യു​മാ​ണ് ഗാ​നം ആ​ല​പി​ച്ചി​രി​ക്കു​ന്ന​ത്. ഇ​രു​പ​ത്തി​ര​ണ്ടാം വ​യ​സി​ൽ കേ​ര​ള​ത്തി​ലെ​ത്തി​യ നാ​ഗ​ലി​നു മ​ല​യാ​ള ഭാ​ഷ​യും സം​സ്കാ​ര​വും വ​ള​രെ ഇ​ഷ്‌​ട​മാ​യി​രു​ന്നു. മ​ല​യാ​ളി​യാ​യി​രു​ന്നു ഭാ​ര്യ ഹാ​രി​യ​റ്റ് മി​ഷ​ൽ. ഹാ​രി​യ​റ്റി​ന്‍റെ സ​ഹാ​യ​ത്തോ​ടെ മ​ല​യാ​ളം പ​ഠി​ച്ച നാ​ഗ​ൽ അ​റു​പ​തോ​ളം കൃ​തി​ക​ൾ മ​ല​യാ​ള​ത്തി​നു ന​ല്കി​യി​ട്ടു​ണ്ട്. കു​ന്നം​കു​ള​ത്തു​നി​ന്ന് ക​ണ്ണൂ​രി​ലേ​ക്കു​ള്ള കാ​ള​വ​ണ്ടി യാ​ത്ര​യ്ക്കി​ട​യി​ലാ​ണ് ഇ​ദ്ദേ​ഹം സ​മ​യ​മാം ര​ഥ​ത്തി​ൽ എ​ഴു​തി​യ​തെ​ന്ന് ക​രു​ത​പ്പെ​ടു​ന്നു. വി​ലാ​പ​സ്തു​തി​യാ​യി ഇ​ക്കാ​ല​ത്തു മാ​റി​യ ഈ ​ഗാ​നം വി​ലാ​പ​ഗാ​ന​മാ​യി എ​ഴു​ത​പ്പെ​ട്ട​ത​ല്ല എ​ന്ന​തും ശ്ര​ദ്ധേ​യ​മാ​ണ്.

എ​സ്. മ​ഞ്ജു​ളാ​ദേ​വി