മാ​റു​ന്ന മ​ഴ​ക്കാ​ലം

പ​ണ്ടൊ​ക്കെ മ​ഴ​യ്ക്കും അ​തി​ന്‍റെ വ​ര​വു​പോ​ക്കി​നും കൃ​ത്യ​ത​യു​ണ്ടാ​യി​രു​ന്നു, പ​ക്ക​വും താ​ള​വു​മു​ണ്ടാ​യി​രു​ന്നു. കോ​ട​മ​ഞ്ഞ് ക​രി​ന്പ​ടം പു​ത​പ്പി​ക്കു​ന്ന സ​ന്ധ്യ​ക​ളി​ലും കൂ​രി​രു​ൾ രാ​ത്രി​ക​ളി​ലും മാ​നം മ്ലാ​ന​മാ​കു​ന്ന പ​ക​ലു​ക​ളി​ലു​മൊ​ക്കെ വേ​റി​ട്ട ഭാ​വ​ങ്ങ​ൾ തീ​ർ​ക്കു​ന്ന മ​ഴ.

ഇ​ക്കൊ​ല്ലം ക​ർ​ക്ക​ട​ക വാ​വി​നും മ​ഴ​യു​ണ്ടാ​യി​ല്ല. ക​രി​മേ​ഘ​ങ്ങ​ളു​മു​ണ്ടാ​യി​ല്ല. വ​രാ​നി​രി​ക്കു​ന്ന ചി​ങ്ങ​ത്തി​ലെ അ​ത്തം പ​ത്തോ​ണം കു​തി​ർ​ക്കാ​നാ​കും മ​ഴ​യു​ടെ ഒ​ളി​ച്ചു​ക​ളി.

മ​ഴ​യാ​ര​വം മ​ണ്‍​സൂ​ണ്‍ പ​കു​തി​യി​ലും എ​ത്തി​യി​ട്ടി​ല്ല. ഇ​ട​വ​പ്പാ​തി​യി​ൽ തു​ള്ളി​ക്കൊ​രു തു​ടം പെ​യ്തി​റ​ങ്ങി കു​ളി​രു കോ​രി​യി​ടേ​ണ്ട​താ​യി​രു​ന്നു. ന​മ്മു​ടെ മ​ഴ​ക്കാ​ലം ആ​കെ മാ​റി​യി​രി​ക്കു​ന്നു. വേ​ന​ലി​ൽ മ​ഴ. മ​ഴ​ക്കാ​ല​ത്ത് വെ​യി​ൽ. മേ​ഘ​ക്കീ​റു​ക​ളി​ലെ​വി​ടെ​യോ ഉൗ​ളി​യി​ട്ടു​പോ​യ മ​ഴ കാ​ലം​തെ​റ്റി മൂ​ന്നു​നാ​ലു നാ​ള​ങ്ങു തി​മ​ർ​ക്കും, പി​ന്നാ​ലെ മി​ന്ന​ൽ​പ്ര​ള​യ​വും ദു​ര​ന്ത​ക്കെ​ടു​തി​ക​ളും പ​ക​ർ​ച്ച​വ്യാ​ധി​ക​ളും. നാ​ല​ഞ്ചു കൊ​ല്ല​മാ​യി കാ​ല​വ​ർ​ഷം ഇ​ത്ത​ര​ത്തി​ൽ ക​ളി​പ്പി​ക്കാ​നും ക​ല​ഹി​ക്കാ​നും തു​ട​ങ്ങി​യി​ട്ട്.

ഇ​ങ്ങ​നെ​യാ​യി​രു​ന്നി​ല്ല അ​റ​ബി​ക്ക​ട​ലും സ​ഹ്യ​സാ​നു​ക്ക​ളും അ​തി​രി​ടു​ന്ന കേ​ര​ള​ത്തി​ന്‍റെ കാ​ല​ച​ക്രം. ഇ​ന്ത്യ​ൻ ഉ​പ​ഭൂ​ഖ​ണ്ഡ​ത്തി​ലേ​ക്കു തെ​ക്കു​പ​ടി​ഞ്ഞാ​റ​ൻ മ​ണ്‍​സൂ​ണി​ന്‍റെ വാ​തി​ലാ​യി​രു​ന്നു കേ​ര​ളം. ജൂ​ണി​ൽ തു​ട​ങ്ങി മൂ​ന്നു മാ​സ​ത്തെ കാ​ല​വ​ർ​ഷ​ത്തി​നു പി​ന്നാ​ലെ വ​ട​ക്കു​കി​ഴ​ക്ക​ൻ മ​ണ്‍​സൂ​ണ്‍. ഒ​ക്ടോ​ബ​റി​ലെ അ​ന്തി​ക്കോ​ളി​ന് അ​ക​ന്പ​ടി​യാ​യി വെ​ള്ളി​ടി​യും മി​ന്ന​ലും കൂ​ടെ പെ​രു​മ​ഴ​യും.

അ​റ​ബി​ക്ക​ട​ലി​ൽ​നി​ന്നു​ള്ള നീ​രാ​വി നി​റ​ഞ്ഞ കാ​റ്റാ​ണ് ഇ​ട​വ​പ്പാ​തി​യെ ആ​ന​യി​ക്കു​ന്ന​തെ​ങ്കി​ൽ ബം​ഗാ​ൾ ഉ​ൾ​ക്ക​ട​ലി​ൽ​നി​ന്നു ത​മി​ഴ്നാ​ടു ക​ട​ന്നു​വ​രു​ന്ന കാ​റ്റാ​ണ് തു​ലാ​മ​ഴ​യെ എ​ത്തി​ക്കു​ന്ന​ത്. കേ​ര​ള​ത്തി​ലെ വാ​ർ​ഷി​ക മ​ഴ​യു​ടെ ദീ​ർ​ഘ​കാ​ല ശ​രാ​ശ​രി 2924.7 മി​ല്ലി മീ​റ്റ​റാ​ണ്. ഇ​തി​ൽ 2049.2 മി​ല്ലി മീ​റ്റ​ർ ഇ​ട​വ​പ്പാ​തി​യി​ലും 491.7 മി​ല്ലി മീ​റ്റ​ർ തു​ലാ​പ്പെ​യ്ത്തി​ലും ല​ഭി​ക്കേ​ണ്ട​താ​ണ്.

ഇ​തി​ൽ​ത​ന്നെ 720.1 മി​ല്ലി മീ​റ്റ​ർ മ​ഴ ജൂ​ലൈ​യി​ലും 643 മി​ല്ലി​മീ​റ്റ​ർ മ​ഴ ജൂ​ണി​ലും ദീ​ർ​ഘ​കാ​ല ശ​രാ​ശ​രി​യാ​യി ക​ണ​ക്കാ​ക്ക​പ്പെ​ട്ടി​രു​ന്നു. ആ ​അ​നു​പാ​ത​മൊ​ക്കെ വ​ഴി​പി​ഴ​ച്ചു വ​ർ​ഷ​കാ​ല​ത്തി​ന്‍റെ മു​ക്കാ​ൽ​പ​ങ്കും ഓ​ഗ​സ്റ്റി​ലോ സെ​പ്റ്റം​ബ​റി​ലോ പ്ര​ള​യ​പ്പെ​യ്ത്താ​യി മാ​റു​ന്നു. ഈ ​ദു​ര​ന്ത​മ​ഴ കേ​ര​ള​മൊ​ന്നാ​കെ​യോ ജി​ല്ല​യൊ​ട്ടാ​കെ​യോ പെ​യ്യ​ണ​മെ​ന്നു​മി​ല്ല.

ഏ​താ​നും കു​ന്നോ​ര​ങ്ങ​ളി​ൽ ഏ​താ​നും മ​ണി​ക്കൂ​റു​ക​ൾ മാ​ത്രം അ​തി​വ​ർ​ഷ​മു​ണ്ടാ​യി മ​ല​യി​ടി​ച്ചി​ലും ഉ​രു​ൾ​പ്പൊ​ട്ട​ലും മ​ഹാ​പ്ര​ള​യ​വും ദു​ര​ന്ത​ങ്ങ​ളു​മാ​യി മാ​റു​ന്ന പ്ര​തി​ഭാ​സം. രാ​ശി തെ​റ്റി​യ ക​ലി​കാ​ലം നാ​ല​ഞ്ചു മ​ണി​ക്കൂ​റി​നു​ള്ളി​ൽ പു​ത്തു​മ​ല, ക​വ​ള​പ്പാ​റ, പെ​ട്ടി​മു​ടി, കൊ​ക്ക​യാ​ർ, കൂ​ട്ടി​ക്ക​ൽ ഗ്രാ​മ​ങ്ങ​ളെ​യും ഗ്രാ​മ​വാ​സി​ക​ളെ​യും വ​ക​ഞ്ഞെ​ടു​ത്ത​തി​ന്‍റെ മു​റി​വു​ക​ളും ക​ണ്ണീ​രോ​ർ​മ​ക​ളും എ​ന്നു മാ​യാ​ൻ.

ഓ​ർ​മ​യി​ലെ മ​ഴ​ക്കാ​ലം

പ​ണ്ടൊ​ക്കെ മ​ഴ​യ്ക്കും അ​തി​ന്‍റെ വ​ര​വു​പോ​ക്കി​നും കൃ​ത്യ​ത​യു​ണ്ടാ​യി​രു​ന്നു, പ​ക്ക​വും താ​ള​വു​മു​ണ്ടാ​യി​രു​ന്നു. കോ​ട​മ​ഞ്ഞു ക​രി​ന്പ​ടം പു​ത​പ്പി​ക്കു​ന്ന സ​ന്ധ്യ​ക​ളി​ലും കൂ​രി​രു​ൾ രാ​ത്രി​ക​ളി​ലും മാ​നം മ്ലാ​ന​മാ​കു​ന്ന പ​ക​ലു​ക​ളി​ലു​മൊ​ക്കെ വേ​റി​ട്ട ഭാ​വ​ങ്ങ​ൾ തീ​ർ​ക്കു​ന്ന മ​ഴ.

മീ​ന​മാ​സ​ത്തി​ലെ പൊ​ള്ളു​ന്ന ചൂ​ടു മാ​ന്തി​ക്കീ​റു​ന്ന മ​ണ്ണി​ലേ​ക്ക് ആ​ർ​ത്ത​ല​ച്ചി​റ​ങ്ങു​ന്ന പു​തു​മ​ഴ​യു​ടെ ഗ​ന്ധം, മ​ണ്ണി​ൽ മു​ള​ച്ചു പൊ​ന്തു​ന്ന പു​തു​നാ​മ്പു​ക​ൾ, മ​ഴ തീ​ർ​ന്നാ​ലും പെ​യ്യു​ന്ന മ​ര​ങ്ങ​ൾ, കു​ടി​ച്ചു​കു​തി​ർ​ന്ന മ​ണ്ണി​ൽ​നി​ന്നു പൊ​ട്ടി​യൊ​ഴു​കു​ന്ന ഉ​റ​വ​ച്ചാ​ലു​ക​ൾ.

നി​റ​ഞ്ഞു പ​ത​ഞ്ഞൊ​ഴു​കു​ന്ന പു​ഴ​ക​ളും തോ​ടു​ക​ളും. ത​വ​ള​ക​ളു​ടെ​യും ചീ​വീ​ടു​ക​ളു​ടെ​യും സ​ന്ധ്യാ​സം​ഗീ​തം. ക​രി​ന്പ​ട​ത്തി​നു​ള്ളി​ലേ​ക്കു​വ​രെ അ​രി​ച്ചു​ക​യ​റു​ന്ന ത​ണു​പ്പ്. നേ​ര​ഭേ​ദ​മി​ല്ലാ​തെ ചൂ​ളം​വി​ളി​യോ​ടെ പു​ര​പ്പു​റ​ത്തു വീ​ഴു​ന്ന ക​ല്ലു​മ​ഴ​യു​ടെ ചി​ല​ന്പൊ​ലി. മ​ഴ ന​ന​ഞ്ഞും ചേ​ന്പി​ല ചൂ​ടി​യും ന​ട​ക്കു​ന്ന ഗ്രാ​മീ​ണ​ർ.

ഉ​ച്ച​ത്തോ​ർ​ച്ച​പോ​ലു​മി​ല്ലാ​തെ തോ​രാ​മ​ഴ​യും കാ​റ്റും പ്ര​തീ​ക്ഷ​ക​ളെ ത​കി​ടം​മ​റി​ച്ചി​രു​ന്ന ക​ർ​ക്ക​ട​ക പ​ഞ്ഞ​കാ​ലം. ഞാ​റ്റു​വേ​ല​ക്ക് വി​ത​ച്ച വി​ത്തും വി​ള​വും ന​ശി​ക്കാ​തെ പാ​ട​ങ്ങ​ളി​ലും പ​റ​ന്പു​ക​ളി​ലും ക​ർ​ഷ​ക​ർ ഉ​റ​ക്ക​മി​ള​ച്ചി​രി​ക്കു​ന്ന സ​ഹ​നം.

ക​ർ​ക്ക​ട​ക​ത്തി​ൽ പ​ത്തു​ണ​ക്ക് എ​ന്നൊ​രു പ​ഴ​ഞ്ചൊ​ല്ലു​ണ്ടാ​യി​രു​ന്നു. പ​ത്തു മ​ഴ, പ​ത്തു​വെ​യി​ൽ, പ​ത്തു മ​ഞ്ഞ് അ​ങ്ങ​നെ​യാ​ണ് ക​ർ​ക്ക​ട​കം ചി​ങ്ങ​ത്തി​നു വ​ഴി​മാ​റി​യി​രു​ന്ന​ത്. ചി​ങ്ങ​ത്തി​ൽ മാ​നം തെ​ളി​യു​ന്പോ​ൾ ഓ​ണ​ത്തു​ന്പി​യും ഓ​ണ​പ്പൂ​ക്ക​ളും ആ​ഘോ​ഷം തു​ട​ങ്ങും. പ്ര​കൃ​തി​യു​ടെ ആ ​ക​ണി​ശ​മൊ​ക്കെ കാ​ല​ത്തി​ന്‍റെ പി​ഴ​വി​ൽ കൈ​മോ​ശം വ​ന്നി​രി​ക്കു​ന്നു.

മ​ഴ​യ​നു​ഭ​വം

ഓ​രോ മ​ഴ​യ്ക്കും അ​ന്നൊ​ക്കെ ത​ന​തു താ​ള​വും സം​ഗീ​ത​വും ​അ​ട​യാ​ള​വു​മു​ണ്ടാ​യി​രു​ന്നു. ചി​ല​പ്പോ​ൾ താ​ണ്ഡ​വ​ത്തി​ന്‍റെ അ​ത​ല്ലെ​ങ്കി​ൽ ലാ​സ്യ​ത്തി​ന്‍റെ അ​തു​മ​ല്ലെ​ങ്കി​ൽ ഭ​യാ​ന​ക​ത​യു​ടെ​യൊ​ക്കെ താ​ളം​തു​ള്ളി​യാ​ണ് മ​ഴ വ​ന്നു തോ​ർ​ന്നി​രു​ന്ന​ത്. പ്ര​പ​ഞ്ച​വി​പ​ഞ്ചി​ക​യി​ൽ കാ​റ്റി​ന്‍റെ വി​ര​ലു​ക​ൾ ത​ഴു​കു​ന്പോ​ൾ ഉ​തി​ർ​ന്നു​വീ​ഴു​ന്ന മ​ഴ​യു​ടെ സം​ഗീ​തം എ​ത്ര ഹൃ​ദ്യ​മാ​യി​രു​ന്നു. കാ​റ്റി​നു ക​രു​ത്തു​കൂ​ടു​ന്പോ​ൾ ആ​ലി​പ്പ​ഴം വീ​ഴ്ത്തും. അ​ത​ല്ലെ​ങ്കി​ൽ കോ​രി​ച്ചൊ​രി​യും.

മ​ന​സി​നു കു​ളി​രാ​യോ തൂ​വ​ൽ സ്പ​ർ​ശ​മാ​യോ മ​ഴ സം​വ​ദി​ച്ചി​രു​ന്നു. മ​ഴ​യാ​ണു ഭൂ​മി​യെ ജൈ​വ​മ​ണ്ഡ​ല​മാ​ക്കി നി​ല​നി​റു​ത്തു​ന്ന​തെ​ന്നു മ​റ​ന്നു​കൂ​ടാ. ചാ​റ്റ​ൽ​മ​ഴ മു​ത​ൽ പെ​രു​മ​ഴ വ​രെ പെ​യ്ത്തി​നു പ​ല​താ​യി​രു​ന്നു ഭാ​വ​ങ്ങ​ൾ. സൂ​ര്യ​നു മ​റ​യാ​വ​ര​ണ​മി​ട്ട് കൂ​ട്ടം​കൂ​ട്ട​മാ​യി നീ​ങ്ങു​ന്ന ക​രി​മേ​ഘ​ങ്ങ​ൾ. ആ​ര​വ​ത്തോ​ടെ ആ​ഞ്ഞു​വീ​ശു​ന്ന ത​ണു​ത്ത കാ​റ്റ്. ച​ന്നം ചി​ന്നം തു​ട​ങ്ങി ചാ​ഞ്ഞും നേ​രെ​യും പെ​യ്തു ഭൂ​മി​യെ കു​ളി​പ്പി​ക്കു​ന്ന മ​ഴ.

വ​ഴി​ത്താ​ര​ക​ളി​ലൂ​ടെ കു​ണു​ങ്ങി​യോ​ടു​ന്ന ഉ​റ​വ​ച്ചാ​ലു​ക​ൾ ച​വി​ട്ടി​ത്തെ​റി​പ്പി​ച്ച് സ്കൂ​ളു​ക​ളി​ലേ​ക്കു​ള്ള ബാ​ല്യ ന​ട​ത്തം. സ്കൂ​ളി​ലെ മേ​ച്ചി​ലോ​ടു​ക​ളു​ടെ വി​ള്ള​ലു​ക​ളി​ലൂ​ടെ ക്ലാ​സ്മു​റി​യു​ടെ ത​റ​യി​ലേ​ക്കും ത​ല​മു​ക​ളി​ലേ​ക്കും പ​ട​ർ​ന്നി​റ​ങ്ങു​ന്ന വെ​ള്ള​ത്തു​ള്ളി​ക​ൾ...

വീ​ട്ടി​ൽ മ​ണ്ണെ​ണ്ണ​ച്ചി​മ്മി​നി​വി​ള​ക്കി​ന്‍റെ അ​ര​ണ്ട മ​ഞ്ഞ​വെ​ളി​ച്ച​ത്തി​ൽ പ​ഠി​ക്കാ​നി​രി​ക്കു​ന്പോ​ഴാ​വും മു​റ്റ​ത്ത് ക​ണ്ണ​ഞ്ചി​പ്പി​ക്കു​ന്ന ഇ​ടി​മി​ന്ന​ലു​ക​ൾ. കൂ​ടെ ആ​കാ​ശ​ത്തെ പി​ള​ർ​ത്തും​പോ​ലെ ഇ​ടി​ഗ​ർ​ജ​ന​വും.

അ​തി​രാ​വി​ലെ കു​തി​ർ​ന്നു നി​ൽ​ക്കു​ന്ന പ്ര​കൃ​തി​ക്ക് എ​ന്തൊ​രു ച​ന്ത​മാ​യി​രു​ന്നു. കാ​റ്റി​ലു​ല​യു​ന്ന മ​ര​ശി​ഖി​ര​ങ്ങ​ളും മ​ഴ​ത്തു​ള്ളി​ക​ൾ വെ​ള്ളി​ക്കൊ​ലു​സി​ട്ട ചെ​ടി​ക​ളും.

തെ​ങ്ങി​ൻ​ത​ല​പ്പി​ലും മാ​വി​ൻ​ചി​ല്ല​യി​ലും കൂ​ട്ട​മാ​യി​രു​ന്നു വെ​ള്ളം കു​ട​ഞ്ഞു​ക​ള​യു​ന്ന കാ​ക്ക​ക്ക​റു​ന്പി​ക​ൾ. മ​ഴ​ര​സം പൂ​ണ്ട് കു​റു​കു​ന്ന വെ​ള്ള​രി​പ്രാ​വു​ക​ൾ. മു​റ്റ​ത്തു ക​ണ്ണു​തു​റ​ക്കാ​ൻ കാ​ത്തി​രി​ക്കു​ന്ന നാ​ലു​മ​ണി​പ്പൂ​ക്ക​ൾ. തൊ​ടി​യി​ൽ മ​ഴ​ത്തു​ള്ളി​ക​ളോ​ടു കി​ന്നാ​രം പ​റ​യു​ന്ന ചെ​ന്പ​ര​ത്തി​യും ചെ​ത്തി​യും തെ​ച്ചി​യും മ​ന്ദാ​ര​വും. മ​ഴ​മേ​ഘ​ങ്ങ​ളി​ൽ കു​ടു​ങ്ങി ഭൂ​മി​യെ തൊ​ടാ​ൻ പാ​ടു​പെ​ടു​ന്ന സൂ​ര്യ​ൻ.

കാ​ലം തെ​റ്റി​യ കാ​ലം

കു​റെ​ക്കാ​ല​മാ​യി വേ​ന​ലി​ൽ തു​ട​ങ്ങു​ക​യാ​ണു കാ​ല​വ​ർ​ഷ​ത്തി​നു സ​മാ​ന​മാ​യ പെ​യ്ത്ത്. ചു​ഴ​ലി​ക്കാ​റ്റു​ക​ളു​ടെ പ്ര​ലോ​ഭ​ന​മി​ല്ലാ​തെ​ത​ന്നെ ഇ​ക്കാ​ല​ങ്ങ​ളി​ലെ ഇ​ട​വ​മാ​സ​ങ്ങ​ളി​ൽ അ​തി​തീ​വ്ര മ​ഴ​യു​ണ്ടാ​കു​ന്നു​വെ​ന്ന​ത് അ​സാ​ധാ​ര​ണ​മാ​ണ്. മ​ഴ​മേ​ഘ​ങ്ങ​ളു​ടെ ഘ​ട​ന​യി​ൽ​ത​ന്നെ നാ​ല​ഞ്ചു വ​ർ​ഷ​ങ്ങ​ളാ​യി മാ​റ്റ​ങ്ങ​ൾ പ്ര​ക​ട​മാ​യി​രി​ക്കു​ന്നു. ജൂ​ണ്‍, ജൂ​ലൈ മാ​സ​ങ്ങ​ളി​ൽ 35 ശ​ത​മാ​ന​ത്തോ​ളം ശ​രാ​ശ​രി മ​ഴ​ക്കു​റ​വും ഓ​ഗ​സ്റ്റ്, സെ​പ്റ്റം​ബ​റി​ൽ മു​ന്ന​റി​യി​പ്പി​ല്ലാ​ത്ത പെ​രു​മ​ഴ​യി​ൽ ഈ ​കു​റ​വ് പൂ​ർ​ണ​മാ​യി നി​ക​ത്ത​പ്പെ​ടു​ക​യും ചെ​യ്യു​ന്ന പ്ര​തി​ഭാ​സം.

കേ​ര​ള​ത്തി​ന്‍റെ ആ​കാ​ശ​വി​താ​നി​പ്പി​ൽ മു​ൻ​പൊ​ക്കെ താ​ര​ത​മ്യേ​ന ആ​ഴം കു​റ​ഞ്ഞ മേ​ഘ​ങ്ങ​ളാ​ണ് മ​ഴ​ക്കാ​ല​ത്ത് കാ​ണ​പ്പെ​ട്ടി​രു​ന്ന​ത്. എ​ന്നാ​ൽ ഇ​ക്കാ​ല​ത്തെ ഓ​ഗ​സ്റ്റ് മാ​സ​ങ്ങ​ളി​ൽ കി​ലോ​മീ​റ്റ​റു​ക​ൾ ആ​ഴ​മു​ള്ള കൂ​ന്പാ​ര​മേ​ഘ​ങ്ങ​ളു​ടെ സാ​ന്നി​ധ്യ​മാ​ണ് അ​തി​തീ​വ്ര മ​ഴ​യ്ക്ക് കാ​ര​ണ​മാ​യി​ക്കൊ​ണ്ടി​രി​ക്കു​ന്ന​ത്.

പു​ത്തു​മ​ല​യി​ലും ക​വ​ള​പ്പാ​റ​യി​ലും പെ​ട്ടി​മു​ടി​യി​ലും കൂ​ട്ടി​ക്ക​ലി​ലു​മൊ​ക്കെ നാ​ടി​നെ വി​ഴു​ങ്ങി​യ മ​ഹാ​പ്ര​ള​യ​ത്തി​നും ഉ​രു​ൾ​പൊ​ട്ട​ലി​നും വ​ഴി​വ​ച്ച​ത് കൂ​ന്പാ​ര​മേ​ഘ​ങ്ങ​ൾ ചു​രു​ങ്ങി​യ സ​മ​യ​ത്തി​നു​ള്ളി​ൽ തു​ന്പി​ക്കൈ വ​ണ്ണ​ത്തി​ൽ പെ​യ്തൊ​ഴി​ഞ്ഞു​ണ്ടാ​യ തോ​ന്ന്യാ​സ​മാ​ണ്.

മ​ണി​ക്കൂ​റി​ൽ പ​ത്ത് സെ​ന്‍റീ​മീ​റ്റ​റോ അ​തി​ല​ധി​ക​മോ മ​ഴ രേ​ഖ​പ്പെ​ടു​ത്തു​ന്ന മേ​ഘ​വി​സ്ഫോ​ട​ന​ങ്ങ​ളും പ​തി​വാ​യി​രി​ക്കു​ന്നു. കാ​ലാ​വ​സ്ഥാ​വി​ഭാ​ഗം സം​സ്ഥാ​ന​ങ്ങ​ൾ​ക്കും ജി​ല്ല​ക​ൾ​ക്കും പൊ​തു​മു​ന്ന​റി​യി​പ്പാ​ണ് ന​ൽ​കു​ന്ന​ത് എ​ന്ന​തി​നാ​ൽ പ്രാ​ദേ​ശി​ക​മാ​യി ഉ​ണ്ടാ​യി​ക്കൊ​ണ്ടി​രി​ക്കു​ന്ന ഇ​ത്ത​രം ദു​ര​ന്ത​സാ​ഹ​ച​ര്യം മു​ൻ​കൂ​ട്ടി അ​റി​യി​ക്കാ​നാ​വു​ന്നി​ല്ല.

സ​വി​ശേ​ഷ​മാ​യ ഭൂ​പ്ര​കൃ​തി​യി​ലും കാ​ലാ​വ​സ്ഥ​യി​ലും സ​ന്പ​ന്ന​മാ​യ കേ​ര​ള​ത്തി​ലെ അ​തി​തീ​വ്ര മാ​റ്റ​ങ്ങ​ൾ വി​ര​ൽ​ചൂ​ണ്ടു​ന്ന​ത് ആ​ഗോ​ള​താ​പ​ന​ത്തി​ന്‍റെ​യും എ​ൽ​നി​നോ പോ​ലു​ള്ള ​പ്ര​തി​ഭാ​സ​ങ്ങ​ളു​ടെ​യും ഫ​ല​മാ​യി കാ​ലാ​വ​സ്ഥ കൂ​ടു​ത​ൽ അ​സ്ഥി​ര​മാ​കു​ന്നു​വെ​ന്നാ​ണ്.

സ​ഹ്യ​പ​ർ​വ​ത​ത്തി​ന്‍റെ സ്വാ​ധീ​ന​വും വി​ശാ​ല​മാ​യ സ​മു​ദ്ര​സാ​മീ​പ്യ​വും കാ​ലാ​വ​സ്ഥ​യെ സ​ങ്കീ​ർ​ണ​മാ​ക്കു​ന്ന ഘ​ട​ക​ങ്ങ​ളാ​ണ്. കാ​ലാ​വ​സ്ഥാ​വ്യ​തി​യാ​ന​ത്തി​ന്‍റെ ഭാ​ഗ​മാ​യി ജ​ന​ജീ​വി​തം അ​ര​ക്ഷി​ത​മാ​കു​ന്ന കാ​ര​ണ​ങ്ങ​ളി​ൽ പ്ര​ധാ​ന​മാ​ണ് താ​പ​ന​ഫ​ല​മാ​യി അ​റ​ബി​ക്ക​ട​ൽ ദ്രു​ത​ഗ​തി​യി​ൽ ചൂ​ടു കൂ​ടു​ന്നു​വെ​ന്ന​ത്. മ​റ്റു സ​മു​ദ്ര​ത​ട​ങ്ങ​ളി​ലെ താ​പം ഒ​രു നൂ​റ്റാ​ണ്ടു​കൊ​ണ്ട് ഒ​രു​ഡി​ഗ്രി സെ​ൽ​ഷ്യ​സി​ൽ താ​ഴെ വ​ർ​ധി​ച്ച​പ്പോ​ൾ അ​റ​ബി​ക്ക​ട​ൽ 1.1 ഡി​ഗ്രി​ക്കു​മു​ക​ളി​ൽ ചൂ​ടാ​യ​താ​ണു കാ​ലാ​വ​സ്ഥ​യെ മാ​റ്റി​മ​റി​ക്കു​ന്ന​തി​ൽ പ്ര​ധാ​ന കാ​ര​ണം.

പ്ര​ത്യാ​ഘാ​ത​ങ്ങ​ൾ

മ​ണ്‍​സൂ​ണ്‍ അ​സ്ഥി​ര​മാ​കു​ന്ന​താ​ണ് സ​മീ​പ​കാ​ല​ത്ത് ദൃ​ശ്യ​മാ​വു​ന്ന കാ​ഴ്ച. മേ​ൽ​മ​ണ്ണ് വെ​ള്ളം സം​ഭ​രി​ച്ച് ആ​ഴ​ങ്ങ​ളി​ലെ സു​ഷി​ര​ങ്ങ​ളി​ൽ ക​രു​ത​ലാ​യി സൂ​ക്ഷി​ക്കു​ന്ന​തു മ​ണ്‍​സൂ​ണ്‍ മാ​സ​ങ്ങ​ളി​ലെ നൂ​ൽ​മ​ഴ​യി​ൽ നി​ന്നാ​ണ്. കാ​ലം​തെ​റ്റി പെ​യ്യു​ന്ന പെ​രു​മ​ഴ​യി​ൽ വെ​ള്ളം മ​ണ്ണി​നും പു​ഴ​ക​ൾ​ക്കും കാ​യ​ലു​ക​ൾ​ക്കും ഉ​ൾ​ക്കൊ​ള്ളാ​നാ​വാ​തെ ഞൊ​ടി​യി​ടെ ക​ര​ക​ളെ വി​ഴു​ങ്ങി ഒ​രു ദി​ന​രാ​ത്രം​കൊ​ണ്ട് അ​റ​ബി​ക്ക​ട​ലി​ലെ​ത്തു​ന്നു. ഇ​ത്ര​യും വെ​ള്ളം താ​ങ്ങാ​നാ​വാ​തെ ക​ലി​ക​യ​റു​ന്ന ക​ട​ൽ ഇ​ര​ച്ചു​ക​യ​റി തീ​ര​ങ്ങ​ളെ വി​ഴു​ങ്ങു​ക​യാ​ണ്.

വ​രും​വ​ർ​ഷ​ങ്ങ​ളി​ലും ഈ ​ക്ര​മ​രാ​ഹി​ത്യം വ​ർ​ധി​ച്ചു​വ​രു​മെ​ന്നാ​ണു പ​ഠ​ന​ങ്ങ​ൾ. മ​ണ്‍​സൂ​ണി​ൽ ല​ഭി​ക്കു​ന്ന ആ​കെ മ​ഴ​യു​ടെ അ​ള​വി​ൽ മാ​റ്റം പ്ര​തീ​ക്ഷി​ക്കു​ന്നി​ല്ലെ​ങ്കി​ലും മ​ഴ​പ്പെ​യ്ത്തി​ന്‍റെ ക്ര​മ​ത്തി​ലും വി​ത​ര​ണ​ത്തി​ലും സാ​ര​മാ​യ വ്യ​ത്യാ​സം സം​ഭ​വി​ച്ചു​കൊ​ണ്ടി​രി​ക്കും. ചി​ല ദി​വ​സ​ങ്ങ​ളി​ൽ തീ​വ്ര​മ​ഴ പെ​യ്യു​ക​യും കു​റെ ദി​വ​സ​ങ്ങ​ളോ​ളം പി​ണ​ങ്ങി നി​ൽ​ക്കു​ക​യും ചെ​യ്യു​ന്ന​ത് ഇ​നി പ​തി​വാ​കും. മ​ഴ മാ​റി​നി​ൽ​ക്കു​ന്ന ദി​വ​സ​ങ്ങ​ളി​ൽ കൊ​ടും​ചൂ​ടു നാ​ടി​നെ പൊ​ള്ളി​ക്കു​ക​യും ചെ​യ്യു​ന്നു.

മ​ഴ​യും വെ​യി​ലും ത​മ്മി​ലെ ഏ​റ്റു​മു​ട്ട​ൽ കൃ​ഷി​യെ പ്ര​തി​കൂ​ല​മാ​യി ബാ​ധി​ക്കു​ന്നു. അ​തു​കൊ​ണ്ടാ​ണു കാ​ലം​തെ​റ്റി വൃ​ക്ഷ​ങ്ങ​ൾ ത​ളി​ർ​ക്കു​ന്ന​തും പൂ​വി​ടു​ന്ന​തും കാ​യി​ടു​ന്ന​തു​മൊ​ക്കെ. ചി​ല​തി​നു കാ​യ്ഫ​ലം കൂ​ടും, ചി​ല​തു കൊ​ഴി​ഞ്ഞു​പോ​കും. പ​ക​ർ​ച്ച​വ്യാ​ധി​ക​ളി​ൽ കേ​ര​ളം കി​ട​ക്ക​യി​ലാ​കു​ന്ന​തും മു​റ​തെ​റ്റി​യ മ​ഴ​ക്കാ​ല​ത്തി​ന്‍റെ പ്ര​ത്യാ​ഘാ​തം​ത​ന്നെ.

മ​ഴ​യും ഞാ​റ്റു​വേ​ല​ക​ളു​മാ​യും ബ​ന്ധ​മു​ണ്ട്. തി​രു​വാ​തി​ര​യി​ൽ മ​ഴ തി​രി​മു​റി​യാ​തെ എ​ന്നാ​യി​രു​ന്ന​ല്ലോ ചൊ​ല്ല്.

ആ​ഗോ​ള​താ​പ​നം സൃ​ഷ്ടി​ക്കു​ന്ന അ​നി​ശ്ചി​ത​ത്വ​വും വ്യ​തി​യാ​ന​ങ്ങ​ളും മ​ണ്‍​സൂ​ണ്‍ പ്ര​തി​ഭാ​സ​ത്തെ പ്ര​വ​ച​നാ​തീ​ത​മാ​ക്കും. കൃ​ഷി​യെ മാ​ത്ര​മ​ല്ല മ​ത്സ്യ​ബ​ന്ധ​ന​ത്തെ​യും കാ​ലാ​വ​സ്ഥാ​മാ​റ്റം പ്ര​തി​കൂ​ല​മാ​യി ബാ​ധി​ക്കും. മ​ഹാ​പ്ര​ള​യ​ങ്ങ​ളും മ​ണ്ണി​ടി​ച്ചി​ലു​മൊ​ക്കെ മ​ല​യോ​ര​വാ​സി​ക​ളു​ടെ​യും തീ​ര​ദേ​ശ​ജ​ന​ത​യു​ടെ​യും അ​തി​ജീ​വ​ന​ത്തെ പ്ര​തി​കൂ​ല​മാ​യി ബാ​ധി​ച്ചു​കൊ​ണ്ടി​രി​ക്കു​ക​യാ​ണ​ല്ലോ.

ക​ഴി​ഞ്ഞ വ​ർ​ഷം ഡി​സം​ബ​ർ വ​രെ മ​ഴ നീ​ണ്ട​പ്പോ​ൾ നെ​ൽ​ക​ർ​ഷ​ക​ർ​ക്ക് ഒ​ന്നി​ല​ധി​കം ത​വ​ണ ന​ട്ട ഞാ​റ് പ​ല​ർ​ക്കും ഉ​പേ​ക്ഷി​ക്കേ​ണ്ടി​വ​ന്നു. വൈ​കി​യ കൃ​ഷി​യി​ൽ കൊ​യ്ത്തു സ​മ​യ​പ്പോ​ഴേ​ക്കും ശ​ക്ത​മാ​യ വേ​ന​ൽ മ​ഴ​യി​ൽ വി​ള​വ് വെ​ള്ള​ത്തി​ലാ​യി.

ജൂ​ണി​ൽ മ​ഴ, ന​വം​ബ​റി​ൽ ത​ണു​പ്പ്, മാ​ർ​ച്ചി​ൽ ചൂ​ട്, പി​ന്നെ പു​തു​മ​ഴ.. അ​താ​യി​രു​ന്നു ഋ​തു​ച​ക്രം. ച​തി​ക്കാ​ത്ത മ​ഴ​യെ വി​ശ്വ​സി​ച്ചാ​യി​രു​ന്നു മാ​വേ​ലി​നാ​ട്ടി​ലെ ന​ടീ​ലും പ​റി​ച്ചു​ന​ടീ​ലും വി​ള​വെ​ടു​പ്പു​മൊ​ക്കെ. അ​ധ്യ​യ​ന​വും ഉ​ത്സ​വ​വും ആ​ഘോ​ഷ​ങ്ങ​ളും ച​ട​ങ്ങു​ക​ളും യാ​ത്ര​ക​ളു​മൊ​ക്കെ കാ​ല​ത്തെ​യും കാ​ലാ​വ​സ്ഥ​യെ​യും അ​ടി​സ്ഥാ​ന​മാ​ക്കി​യാ​യി​രു​ന്നു. പെ​യ്യാ​നും പെ​യ്യാ​തി​രി​ക്കാ​നും സാ​ധ്യ​ത​യു​ണ്ടെ​ന്ന പ​ല്ല​വി അ​പ്പാ​ടെ ശ​രി​യാ​യി​വ​രി​ക​യാ​ണി​പ്പോ​ൾ.

റെ​ജി ജോ​സ​ഫ്