ഭി​ക്ഷാ​ട​ക​രി​ലു​മു​ണ്ട് കോ​ടീ​ശ്വ​ര​ൻ

ഭി​ക്ഷാ​ട​നം ഇ​ന്ത്യ​യി​ൽ ഒ​രു തൊ​ഴി​ലാ​ണ്. കേ​ന്ദ്ര സാ​മൂ​ഹി​ക​നീ​തി മ​ന്ത്രാ​ല​യ​ത്തി​ന്‍റെ സ​ർ​വെ പ്ര​കാ​രം നാ​ലു ല​ക്ഷ​ത്തി​ലേ​റെ​പ്പേ​ർ ഭി​ക്ഷ​യാ​ചി​ച്ച് ഉ​പ​ജീ​വ​നം ന​ട​ത്തു​ന്ന​താ​യാ​ണ് ക​ണ​ക്ക്. അ​നൗ​ദ്യോ​ഗി​ക ക​ണ​ക്ക് ഇ​തി​ന്‍റെ ഇ​ര​ട്ടി​യി​ലും അ​ധി​ക​മാ​കാം. വ​ഴി​യോ​ര​ങ്ങ​ളി​ലും തെ​രു​വു​ക​ളി​ലും കാ​ത്തി​രി​പ്പു​കേ​ന്ദ്ര​ങ്ങ​ളി​ലു​മൊ​ക്കെ യാ​ച​ക​രു​ടെ നി​ര പ​തി​വു​കാ​ഴ്ച​യാ​ണ്. തീ​ർ​ഥാ​ട​ന​കേ​ന്ദ്ര​ങ്ങ​ളി​ലേ​ക്കു​ള്ള പാ​ത​യോ​ര​ങ്ങ​ൾ നി​റ​യെ ഭി​ക്ഷ​ക്കാ​ർ. യാ​ച​ക​രെ ഇ​വി​ട​ങ്ങ​ളി​ൽ ക​രാ​റി​ൽ എ​ത്തി​ക്കു​ന്ന ഭി​ക്ഷാ​ട​ന​ലോ​ബി​ക​ൾ വേ​റെ​യും. ശാ​രീ​രി​ക ന്യൂ​ന​ത​ക​ളും വ്ര​ണ​ങ്ങ​ളു​മൊ​ക്കെ പ്ര​ദ​ർ​ശി​പ്പി​ച്ചു സ​മൂ​ഹ​ത്തി​നു മു​ന്നി​ൽ കൈ ​നീ​ട്ടു​ന്ന​വ​ർ.

കീ​റി​പ്പാ​റി​യ വ​സ്ത്ര​വും വൃ​ത്തി​ഹീ​ന​മാ​യ ശ​രീ​ര​വു​മാ​യി കു​ട്ടി​ക​ളു​ടെ​യും കു​ട്ടി​ക​ളെ ഉ​പ​യോ​ഗി​ച്ചു​മു​ള്ള ഭി​ക്ഷാ​ട​നം ദൈ​ന്യ​ത​യു​ടെ മ​റ്റൊ​രു മു​ഖ​മാ​ണ്. ദി​വ​സം പ​ത്തു രൂ​പ മു​ത​ൽ നൂ​റു രൂ​പ​വ​രെ​യാ​ണ് ഇ​വ​രി​ൽ ചി​ല​രു​ടെ​യെ​ങ്കി​ലും വ​രു​മാ​നം. വി​ശ​പ്പ​ക​റ്റാ​നു​ള്ള വ​ക തേ​ടു​ന്ന​വ​രാ​ണ് ഭൂ​രി​പ​ക്ഷ​വും. എ​ന്നാ​ൽ, ചി​ല​യി​ട​ങ്ങ​ളി​ൽ ഭി​ക്ഷാ​ട​ന​ത്തി​ലൂ​ടെ വ​ലി​യ തു​ക സ​മാ​ഹ​രി​ച്ച​വ​രു​മു​ണ്ട്.

ഈ ​നി​ര​യി​ൽ രാ​ജ്യ​ത്തെ​യും ലോ​ക​ത്തി​ലെ​യും​ത​ന്നെ ഏ​റ്റ​വും സ​ന്പ​ന്ന ഭി​ക്ഷ​ക്കാ​ര​നാ​ണ് മും​ബൈ ന​ഗ​ര​വാ​സി​യാ​യ ഭ​ര​ത് ജെ​യി​ൻ. ഏ​ഴ​ര കോ​ടി രൂ​പ​യു​ടെ ആ​സ്തി​യാ​ണ് ഭ​ര​ത് ജെ​യി​നി​നു സ്വ​ന്ത​മാ​യു​ള്ള​ത്. ഭി​ക്ഷാ​ട​ന​ത്തി​ൽ​നി​ന്നു മാ​ത്ര​മു​ള്ള മാ​സ​വ​രു​മാ​നം മാ​സം 75,000 രൂ​പ​വ​രെ. ശ​രാ​ശ​രി ദി​വ​സ​വ​രു​മാ​നം 2500 രൂ​പ.

മും​ബൈ ഛത്ര​പ​തി ശി​വ​ജി ടെ​ർ​മി​ന​സി​ലും ആ​സാ​ദ് മൈ​താ​ന​ത്തു​മൊ​ക്കെ​യാ​ണ് രാ​വി​ലെ ഏ​ഴു മു​ത​ൽ രാ​ത്രി ഏ​ഴു വ​രെ ഇ​യാ​ള്‌ ഭി​ക്ഷ​തേ​ടു​ന്ന​ത്. മ​ഴ​യോ വെ​യി​ലോ മ​ഞ്ഞോ വ​ക​വ​യ്ക്കാ​തെ പ​ന്ത്ര​ണ്ടു മ​ണി​ക്കൂ​ർ നീ​ളു​ന്ന യാ​ച​ന. ചി​ല​പ്പോ​ൾ ന​ട​പ്പു​വ​ഴി​യോ​ര​ത്ത് മാ​റാ​പ്പ് വി​രി​ച്ചി​രി​ക്കും. അ​ത​ല്ലെ​ങ്കി​ൽ ജ​ന​ങ്ങ​ൾ​ക്കി​ട​യി​ലൂ​ടെ കൈ​ക​ളോ പി​ച്ച​പാ​ത്ര​മോ നീ​ട്ടി ന​ട​ക്കും. പാ​ത്ര​ത്തി​ൽ എ​ത്ര​യാ​ണു വീ​ഴു​ന്ന​തെ​ങ്കി​ലും ഒ​രേ ഭാ​വം. ആ​രു മു​ഖം ക​റു​പ്പി​ച്ചാ​ലും ആ​ക്ഷേ​പി​ച്ചാ​ലും ന​യാ​പൈ​സ ന​ൽ​കാ​തി​രു​ന്നാ​ലും പ​രി​ഭ​വ​മി​ല്ല.

മും​ബൈ ന​ഗ​ര​ത്തി​ലെ പ​ര​ലി​ൽ ഒ​ന്ന​ര കോ​ടി രൂ​പ വി​ല​വ​രു​ന്ന ഇ​രു​നി​ല ഫ്ളാ​റ്റും താ​നെ​യി​ൽ ര​ണ്ട് ക​ട​ക​ളും ഇ​ദ്ദേ​ഹ​ത്തി​നു​ണ്ട്. ക​ട​ക​ളി​ൽ​നി​ന്നു വാ​ട​ക വ​രു​മാ​നം മാ​സം മു​പ്പ​തി​നാ​യി​രം രൂ​പ വേ​റെ​യു​മു​ണ്ട്. മ​ഹാ​ന​ഗ​ര​ത്തി​ൽ ഇ​ത്ര​യേ​റെ ആ​സ്തി ഭ​ര​ത് ജെ​യി​ൻ സ്വ​ന്ത​മാ​ക്കി​യ​ത് ഭി​ക്ഷാ​ട​ന​ത്തി​ൽ​നി​ന്നു മാ​ത്ര​മാ​ണ്.

ചേ​രി​ക​ളി​ലും വ​ഴി​യോ​ര​ങ്ങ​ളി​ലും ക​ട​ത്തി​ണ്ണ​ക​ളി​ലു​മൊ​ക്കെ​യാ​ണ് കൂ​ട്ട​മാ​യി ന​ഗ​ര​ത്തി​ലെ ഭി​ക്ഷാ​ട​ക​രു​ടെ കി​ട​പ്പും ഭ​ക്ഷ​ണ​വു​മൊ​ക്കെ. എ​ന്നാ​ൽ ഈ ​കോ​ടീ​ശ്വ​ര പി​ച്ച​ക്കാ​ര​ൻ ഇ​വ​രി​ൽ​നി​ന്ന് ഏ​റെ വ്യ​ത്യ​സ്ത​നാ​ണ്. ഭ​ര​ത് കു​ടും​ബ​സ​മേ​തം താ​മ​സം മും​ബൈ പ​ര​ലി​ലു​ള്ള ആ​ഡം​ബ​ര ഫ്ളാ​റ്റി​ലാ​ണ്. 54കാ​ര​നാ​യ ഭ​ര​തി​ന്‍റെ ര​ണ്ട് ആ​ണ്‍​മ​ക്ക​ളും മും​ബൈ​യി​ലെ ഒ​ന്നാം​നി​ര പ്രൈ​വ​റ്റ് സ്കൂ​ളു​ക​ളി​ൽ പ​ഠി​ക്കു​ന്നു. ഭാ​ര്യ ന​ഗ​ര​ത്തി​ൽ സ്വ​ന്ത​മാ​യി സ്റ്റേ​ഷ​ന​റി ക​ട ന​ട​ത്തി​യും വ​രു​മാ​ന​മു​ണ്ടാ​ക്കു​ന്നു.

ഇ​വ​രെ​ക്കൂ​ടാ​തെ അ​ച്ഛ​നും മൂ​ത്ത സ​ഹോ​ദ​ര​നും ഭ​ര​ത് ജെ​യി​നി​ന്‍റെ ഫ്ളാ​റ്റി​ൽ ക​ഴി​യു​ന്നു​ണ്ട്. കോ​ടീ​ശ്വ​ര​ൻ​മാ​രു​ടെ നി​ര​യി​ലെ​ത്തി​യി​രി​ക്കെ ഭി​ക്ഷ​യെ​ടു​ക്ക​ൽ നി​ർ​ത്തി സ്വ​ന്ത​മാ​യി ബി​സി​ന​സ് ന​ട​ത്തി​ക്കൂ​ടേ​യെ​ന്നു ഭാ​ര്യ​യും മ​ക്ക​ളും ചോ​ദി​ക്കാ​റു​ണ്ട്. ഭി​ക്ഷാ​ട​നം മാ​ന്യ​മാ​യ തൊ​ഴി​ലാ​ണെ​ന്നും അ​തി​ലൊ​രു അ​ന്ത​സു​കേ​ടു​മി​ല്ലെ​ന്നാ​ണ് ആ ​യാ​ച​ക​ന്‍റെ നി​ല​പാ​ട്. ജൈ​ന മ​താം​ഗ​മാ​ണ് ഭ​ര​ത്. സ്വ​കാ​ര്യ​സ്വ​ത്തും സ്വ​ത്തി​നോ​ടു ഭ്ര​മ​വും പാ​ടി​ല്ലെ​ന്നാ​ണ് ജൈ​ന​മ​തം അ​നു​ശാ​സി​ക്കു​ന്ന​ത്. എ​ന്നാ​ൽ ഭി​ക്ഷാ​ട​നം മ​ത​വി​ശ്വാ​സ​ത്തി​ന് എ​തി​ര​ല്ലെ​ന്നാ​ണ് ഭ​ര​തി​ന്‍റെ നി​ല​പാ​ട്.

മും​ബൈ ന​ഗ​ര​ത്തി​ലെ ചേ​രി​യി​ൽ പ​ര​മ​ദ​രി​ദ്ര കു​ടും​ബ​ത്തി​ൽ ജ​നി​ച്ച ഭ​ര​തി​നു സാ​ന്പ​ത്തി​ക​ക്ലേ​ശം മൂ​ലം സ്കൂ​ൾ പ​ഠ​നം പൂ​ർ​ത്തി​യാ​ക്കാ​നാ​യി​ല്ല. ആ ​നി​ല​യി​ലാ​ണ് വി​ശ​പ്പ​ക​റ്റാ​ൻ ഭി​ക്ഷ യാ​ചി​ച്ചി​റ​ങ്ങി​യ​ത്. ഈ ​അ​ധ്വാ​ന​വ​ഴി​യി​ലാ​ണ് ഇ​ദ്ദേ​ഹം കോ​ടീ​ശ്വ​ര​നാ​യി വ​ള​ർ​ന്ന​ത്. ന​യാ​പൈ​സ മൂ​ല​ധ​നം വേ​ണ്ടാ​ത്ത​തും ടെ​ൻ​ഷ​നി​ല്ലാ​ത്ത​തു​മാ​യ തൊ​ഴി​ൽ സം​രം​ഭം. നീ​ട്ടാ​ൻ ഒ​രു കൈ​യോ പാ​ത്ര​മോ മ​തി.

ദി​വ​സ​വും ല​ഭി​ക്കു​ന്ന ചി​ല്ലി​ത്തു​ട്ടു​ക​ൾ ഇ​യാ​ൾ രാ​ത്രി ഫ്ളാ​റ്റി​ലെ​ത്തി എ​ണ്ണി​ത്തി​ട്ട​പ്പെ​ടു​ത്തും. ഓ​രോ ദി​വ​സ​ത്തെ​യും വ​രു​മാ​നം ഡ​യ​റി​യി​ൽ കു​റി​ക്കും. മ​ദ്യ​പാ​ന​മോ പു​ക​വ​ലി​യോ ഇ​ല്ല. വീ​ട്ടു​ചെ​ല​വു​ക​ൾ​ക്കു ശേ​ഷം ബാ​ക്കി തു​ക പി​റ്റേ​ന്നു​ത​ന്നെ ബാ​ങ്കി​ൽ നി​ക്ഷേ​പി​ക്കും. തു​ക പ​ലി​ശ​യു​ൾ​പ്പെ​ടെ ല​ക്ഷ​ങ്ങ​ളി​ലെ​ത്തു​ന്പോ​ൾ അ​തൊ​രു നി​ക്ഷേ​പ​മാ​യി മാ​റ്റും.

റെ​ജി ജോ​സ​ഫ്