ക​ള്ള​ൻ ക​ള്ള​ൻ ക​ള്ള​ൻ!

യു​ദ്ധാ​ന​ന്ത​ര യൂ​റോ​പ്പി​ന്‍റെ അ​ര​ക്ഷി​താ​വ​സ്ഥ​ക​ളെ ഉ​ൾ​ക്കാ​ഴ്ച​യോ​ടെ അ​നാ​വ​ര​ണം ചെ​യ്ത സി​നി​മാ പ്ര​സ്ഥാ​ന​മാ​ണ് ഇ​റ്റാ​ലി​യ​ൻ നി​യോ​റി​യ​ലി​സം. മു​സോ​ളി​നി​യു​ടെ പ​ത​ന​ത്തോ​ടെ ഫാ​സി​സ​ത്തി​ന്‍റെ ഉ​രു​ക്കു​മു​ഷ്ടി​യി​ൽ​നി​ന്നു മോ​ചി​ത​മാ​യ ഇ​റ്റാ​ലി​യ​ൻ സി​നി​മ യു​ദ്ധ​ക്കെ​ടു​തി​ക​ളാ​ൽ ന​ട്ടം​തി​രി​ഞ്ഞ ചു​റ്റു​മു​ള്ള സ​മൂ​ഹ​ത്തി​ന്‍റെ ദു​ര​ന്ത​ങ്ങ​ളെ മ​റ​യി​ല്ലാ​തെ, കാ​വ്യ​ഭം​ഗി​യോ​ടെ ലോ​ക​ദൃ​ഷ്ടി​യി​ലെ​ത്തി​ച്ചു.

മു​ൻ​പ് സ്റ്റു​ഡി​യോ​ക​ൾ​ക്കു​ള്ളി​ലെ സൗ​ണ്ട് സ്റ്റേ​ജു​ക​ളി​ൽ ഭാ​ര​മേ​റി​യ കാ​മ​റ​ക​ൾ ഉ​പ​യോ​ഗി​ച്ചി​രു​ന്നി​ട​ത്തു ക​യ്യി​ൽ കൊ​ണ്ടു​ന​ട​ക്കാ​വു​ന്ന കാ​മ​റ​ക​ളു​മാ​യി ച​ല​ച്ചി​ത്ര​കാ​ര​ൻ പു​റം ലോ​ക​ത്തേ​ക്കി​റ​ങ്ങി, തെ​രു​വു​ക​ളും ചേ​രി​ക​ളും പ​ശ്ചാ​ത്ത​ല​മാ​ക്കി, പ​രി​ശീ​ല​ന​വും പ​രി​ച​യ​വു​മു​ള്ള താ​ര​ങ്ങ​ൾ​ക്കു പ​ക​രം സാ​ധാ​ര​ക്കാ​രെ ഉ​പ​യോ​ഗി​ച്ചു ക​ഥ​ക​ൾ പ​റ​ഞ്ഞു.

സാ​ധാ​ര​ണ​ക്കാ​രു​ടെ​യും പാ​ർ​ശ്വ​വ​ത്കൃ​ത​സ​മൂ​ഹ​ങ്ങ​ളു​ടെ​യും ജീ​വി​തം വി​ഷ​യ​മാ​ക്കി 1940ക​ളി​ൽ ആ​രം​ഭം കു​റി​ച്ച നി​യോ​റി​യ​ലി​സം ര​ണ്ടു പ​തി​റ്റാ​ണ്ടു​ക​ൾ ലോ​ക​സി​നി​മ​യി​ൽ ശ​ക്ത​മാ​യ സ്വാ​ധീ​നം ചെ​ലു​ത്തി. ഇ​തി​ന്‍റെ പ്ര​ധാ​ന പ്ര​ണേ​താ​ക്ക​ളാ​യി​രു​ന്നു റൊ​ബെ​ർ​ത്തോ റൊ​സെ​ല്ലീ​നി, ഫെ​ദ​റി​ക്കോ ഫെ​ല്ലീ​നി, വി​ത്തോ​റി​യോ ദെ ​സീ​ക്കാ, ലു​ക്കീ​നോ വി​സ്കോ​ന്തി എ​ന്നി​വ​ർ.

മേ​ൽ​പ​റ​ഞ്ഞ​വ​രു​ടെ സൃ​ഷ്ടി​ക​ളി​ൽ ഏ​റ്റ​വു​മ​ധി​കം ച​ർ​ച്ചാ​വി​ഷ​യ​മാ​യ കൃ​തി​യാ​ണ് ‘ലാ​ദ്രി ദി ​ബി​ചി​ക്ലേ​ത്തെ (സൈ​ക്കി​ൾ മോ​ഷ്ടാ​ക്ക​ൾ) അ​ഥ​വാ ‘ബൈ​സി​ക്കി​ൾ തീ​വ്സ്’. ഒ​രു സൈ​ക്കി​ൾ മോ​ഷ​ണ​ത്തെ ചു​റ്റി​പ്പ​റ്റി വി​ക​സി​ക്കു​ന്ന ഈ ​ചി​ത്രം ലോ​ക​വേ​ദി​യി​ലെ ഏ​റ്റ​വും മി​ക​ച്ച സി​നി​മ​ക​ളി​ൽ ഒ​ന്നാ​യി എ​ണ്ണ​പ്പെ​ടു​ന്നു.

വി​ത്തോ​റി​യോ ദെ ​സീ​ക്കാ യു​ദ്ധാ​ന​ന്ത​ര റോ​മാ​ന​ഗ​ര​ത്തി​ന്‍റെ പ​ശ്ചാ​ത്ത​ല​ത്തി​ൽ, തൊ​ഴി​ലി​ല്ലാ​യ്മ​യു​ടെ​യും ദാ​രി​ദ്ര്യ​ത്തി​ന്‍റെ​യും രൂ​ക്ഷ​ത​യി​ൽ ന​ട്ടം​തി​രി​യു​ന്ന കു​റെ മ​നു​ഷ്യ​രെ പ​രി​ച​യ​പ്പെ​ടു​ത്തു​ക​യാ​ണ്. ച​രി​ത്ര​ന​ഗ​ര​ത്തി​ന്‍റെ പ​രി​ചി​ത​മാ​യ ഇ​മേ​ജു​ക​ളൊ​ന്നും നാം ​കാ​ണു​ക​യി​ല്ല. ട്രാം ​കാ​റു​ക​ളും മോ​ട്ടോ​ർ കാ​റു​ക​ളും സൈ​ക്കി​ളു​ക​ളും സ​ഞ്ച​രി​ക്കു​ന്ന ജ​ന​സാ​ന്ദ്ര​മാ​യ ന​ഗ​ര​ത്തി​ന്‍റെ പി​ന്നാ​ന്പു​റ​ങ്ങ​ൾ ലോ​ക​ത്തി​ലു​ള്ള മ​റ്റേ​തൊ​രു ന​ഗ​ര​വു​മാ​കാം. അ​പ്ര​കാ​രം ക​ഥ​യും ക​ഥാ​പാ​ത്ര​ങ്ങ​ളും പ്ര​തീ​ക സ്വ​ഭാ​വം കൈ​ക്കൊ​ള്ളു​ന്നു. അ​വ​രു​ടെ അ​നു​ഭ​വ​ങ്ങ​ൾ മ​നു​ഷ്യാ​വ​സ്ഥ​യു​ടെ രൂ​പ​ക​ങ്ങ​ൾ ത​ന്നെ.

ഭാ​ര്യ മ​രി​യ, ബാ​ല​നാ​യ മ​ക​ൻ ബ്രൂ​ണോ, ഒ​രു പി​ഞ്ചു​കു​ഞ്ഞും ചേ​രു​ന്ന​താ​ണ് അ​ന്തോ​ണി​യോ റി​ച്ചി​യു​ടെ കു​ടും​ബം. ഒ​രു ഫ്ളാ​റ്റി​ൽ ഞെ​രു​ങ്ങി​ക്ക​ഴി​യു​ന്ന ഇ​യാ​ളു​ടെ സൈ​ക്കി​ൾ വീ​ട്ടാ​വ​ശ്യ​ത്തി​നാ​യി പ​ണ​യം വ​ച്ചി​രി​ക്കു​ക​യാ​ണ്. ബെ​ഡ്ഷീ​റ്റു​ക​ൾ ത​യ്ച്ചു മ​രി​യ സ​ന്പാ​ദി​ക്കു​ന്ന പ​ണ​മാ​ണ് പി​ന്നെ​യു​ള്ള വ​രു​മാ​നം. സ​ർ​ക്കാ​ർ എം​പ്ലോ​യ്മെ​ന്‍റ് ഏ​ജ​ൻ​സി അ​യാ​ൾ​ക്കു തെ​രു​വു​ക​ളി​ൽ പ​ര​സ്യം പ​തി​ക്കു​ന്ന ജോ​ലി കൊ​ടു​ക്കു​ന്നു.

പ​ക്ഷേ സൈ​ക്കി​ൾ അ​ത്യാ​വ​ശ്യ​മാ​യ​തു​കൊ​ണ്ട് അ​ന്തോ​ണി​യോ ഭാ​ര്യ​യു​ടെ സ​ഹാ​യ​ത്തോ​ടെ വീ​ട്ടി​ലു​ള്ള ബെ​ഡ്ഷീ​റ്റു​ക​ൾ മു​ഴു​വ​ൻ പ​ണ​യം വ​ച്ച് സൈ​ക്കി​ൾ തി​രി​കെ വാ​ങ്ങി, ജോ​ലി​യി​ൽ പ്ര​വേ​ശി​ക്കു​ക​യാ​ണ്. എ​ന്നാ​ൽ, ആ​ദ്യ ദി​വ​സം​ത​ന്നെ ജോ​ലി​ക്കി​ട​യി​ൽ ഒ​രു ക​ള്ള​ൻ സൈ​ക്കി​ൾ മോ​ഷ്ടി​ച്ചു ക​ട​ന്നു​ക​ള​ഞ്ഞ​തോ​ടെ അ​തു തി​രി​കെ​പ്പി​ടി​ക്കാ​നു​ള്ള ഉ​ത്ക​ണ്ഠാ​കു​ല​മാ​യ അ​ന്വേ​ഷ​ണ​മാ​ണ്. സ​ഹ​ചാ​രി​യാ​യി മ​ക​നും കൂ​ടെ​യു​ണ്ട്. പോ​ലീ​സും സ്നേ​ഹി​ത​രു​മൊ​ക്കെ അ​യാ​ളെ സ​ഹാ​യി​ക്കാ​ൻ ശ്ര​മി​ക്കു​ന്നു​ണ്ടെ​ങ്കി​ലും എ​ല്ലാം നി​ഷ്ഫ​ലം. വാ​ഹ​നം അ​ഴി​ച്ചു ഭാ​ഗ​ങ്ങ​ളാ​ക്കി വി​ല്ക്കാ​നി​ട​യു​ണ്ടെ​ന്ന സം​ശ​യ​ത്തി​ൽ യ​ന്ത്ര​ഭാ​ഗ​ങ്ങ​ൾ വി​ല്ക്കു​ന്ന ച​ന്ത​യി​ലും അ​ന്വേ​ഷി​ക്കു​ന്നു.

ക​ള്ള​നെ​ന്നു സം​ശ​യി​ക്കു​ന്ന​യാ​ളു​മാ​യി ഇ​ട​പാ​ടു​ക​ളു​ണ്ടെ​ന്നു സം​ശ​യി​ക്ക​പ്പെ​ടു​ന്ന ഒ​രു വൃ​ദ്ധ​നെ അ​വ​ർ പി​ന്തു​ട​രു​ന്നു. എ​ന്നാ​ൽ, അ​യാ​ൾ പാ​ടെ നി​ഷേ​ധി​ക്കു​ക​യാ​ണ്. ക്ഷു​ഭി​ത​നും ആ​കു​ല​നു​മാ​യ അ​ന്തോ​ണി​യോ ഇ​യാ​ളെ പി​ന്തു​ട​ർ​ന്നെ​ത്തു​ന്ന​ത് ഒ​രു അ​ഭ​യ​കേ​ന്ദ്ര​ത്തി​ലെ സ​മൂ​ഹ​പ്രാ​ർ​ഥ​ന​യു​ടെ ന​ടു​വി​ലാ​ണ്. അ​വി​ടെ വ​ച്ച് വൃ​ദ്ധ​ൻ ഒ​ളി​ച്ചു​മാ​റു​ന്ന​തോ​ടെ ആ ​പ്ര​തീ​ക്ഷ​യും തീ​ർ​ന്നു. ഒ​രു പ്ര​വാ​ചി​ക​യു​ടെ പ​ക്ക​ലാ​ണ് പി​ന്നെ ചെ​ല്ലു​ന്ന​ത്. അ​വ​ർ കൊ​ടു​ക്കു​ന്ന ഉ​പ​ദേ​ശം അ​വ്യ​ക്ത​മെ​ങ്കി​ലും പ്ര​തീ​ക്ഷ​യു​ണ​ർ​ത്തു​ന്ന​താ​ണ്.

പോ​കു​ന്ന വ​ഴി​യി​ൽ സൈ​ക്കി​ൾ മോ​ഷ്ടാ​വെ​ന്നു ത​നി​ക്കു ബോ​ധ്യ​മു​ള്ള ഒ​രു ചെ​റു​പ്പ​ക്കാ​ര​നെ അ​വ​ർ പി​ന്തു​ട​ർ​ന്നു. അ​യാ​ളു​ടെ നി​ഷേ​ധം വ​ക​വ​യ്ക്കാ​തെ പോ​ലീ​സ് സ​ഹാ​യ​ത്തോ​ടെ വീ​ട്ടി​ൽ ക​ട​ന്നു പ​രി​ശോ​ധ​ന ന​ട​ത്തു​ന്ന രം​ഗ​ത്ത് ദാ​രി​ദ്ര്യ​ത്തി​ന്‍റെ മ​റ്റൊ​രു മു​ഖം കാ​ണാം. ഒ​ടു​വി​ൽ ചെ​റു​പ്പ​ക്കാ​ര​നാ​യ അ​യാ​ൾ മോ​ഹാ​ല​സ്യ​പ്പെ​ട്ടു വീ​ഴു​ന്പോ​ൾ ത​ടി​ച്ചു​കൂ​ടി​യ തെ​രു​വി​ലെ ആ​ൾ​ക്കൂ​ട്ടം അ​ന്തോ​ണി​യോ​ക്കെ​തി​രേ തി​രി​യു​ക​യും അ​യാ​ളെ ഭീ​ഷ​ണി​പ്പെ​ടു​ത്തി​യും കൈ​യേ​റ്റം ചെ​യ്തും ഓ​ടി​ക്കു​ക​യാ​യി.

അ​ന്വേ​ഷ​ണ​ത്തി​നി​ടെ ഒ​രു ഘ​ട്ട​ത്തി​ൽ അ​ന്തോ​ണി​യോ ത​ന്‍റെ മ​ക​നെ കാ​ണാ​തെ ടൈ​ബ​ർ ന​ദി​ക്ക​ര​യി​ൽ പാ​ഞ്ഞു​ന​ട​ക്കു​ന്നു. അ​വി​ടെ മു​ങ്ങി​മ​രി​ച്ചു എ​ന്നു കേ​ട്ട ബാ​ല​ൻ ത​ന്നെ പി​രി​ഞ്ഞു​ന​ട​ക്കു​ന്ന ബ്രൂ​ണോ ആ​ണെ​ന്ന​യാ​ൾ ഭ​യ​പ്പെ​ടു​ന്നു. വീ​ണ്ടും അ​വ​നെ തി​രി​കെ കി​ട്ടി​യ ആ​ശ്വാ​സ​ത്തി​ൽ അ​വ​ർ ഒ​രു ഹോ​ട്ട​ലി​ൽ ഭ​ക്ഷ​ണം ക​ഴി​ക്കു​ന്ന രം​ഗ​ത്ത് സാ​മൂ​ഹ്യ ഉ​ച്ച​നീ​ച​ത്വ​ത്തി​ന്‍റെ മ​റ്റൊ​രു മു​ഖം ഭം​ഗ്യ​ന്ത​രേ​ണ വെ​ളി​വാ​കു​ന്നു.

നി​രാ​ശ​യു​ടെ നെ​ല്ലി​പ്പ​ടി കാ​ണു​ന്ന അ​ന്തോ​ണി​യോ ഒ​രു ഘ​ട്ട​ത്തി​ൽ ബൈ​ബി​ളി​ലെ ജോ​ബി​ന്‍റെ ശൈ​ലി​യി​ൽ താ​ൻ ജ​നി​ച്ച ദി​വ​സ​ത്തെ ശ​പി​ക്കു​ന്നു​ണ്ട്. എ​ങ്കി​ലും ജീ​വി​തം അ​വ​സാ​നി​പ്പി​ക്കാ​തെ അ​യാ​ൾ എ​ല്ലാ​റ്റി​നെ​യും നേ​രി​ടു​ക​യാ​ണ്. അ​പ​മാ​ന​ത്തി​ന്‍റെ​യും തി​ര​സ്കാ​ര​ത്തി​ന്‍റെ​യും നി​രാ​ശ​യു​ടെ​യും നി​മി​ഷ​ത്തി​ൽ അ​യാ​ൾ​ത​ന്നെ ഒ​രു മോ​ഷ്ടാ​വാ​യി മാ​റു​ന്നു. ഫു​ട്ബോ​ൾ ക​ളി​ക​ണ്ടു കാ​ണി​ക​ൾ സ്റ്റേ​ഡി​യം വി​ട്ടു പു​റ​ത്തേ​ക്കു വ​രു​ന്ന നേ​ര​ത്ത് തെ​രു​വി​ൽ ചാ​രി​വ​ച്ചി​രി​ക്കു​ന്ന ഒ​രു സൈ​ക്കി​ൾ മോ​ഷ്ടി​ക്കാ​ൻ അ​യാ​ൾ പ്രേ​രി​ത​നാ​കു​ക​യാ​ണ്.

എ​ന്നാ​ൽ, അ​യാ​ൾ കൈ​യോ​ടെ പി​ടി​ക്ക​പ്പെ​ടു​ന്നു. മ​ക​നെ ബ​സി​ൽ ക​യ​റ്റി വി​ടാ​ൻ ഏ​ർ​പ്പാ​ടാ​ക്കി​യി​ട്ട് സൈ​ക്കി​ൾ മോ​ഷ്ടി​ച്ചു പാ​ഞ്ഞു​പോ​കാ​ൻ ശ്ര​മി​ക്കു​ന്ന അ​ന്തോ​ണി​യോ ക​ള്ള​നാ​യി മാ​റു​ന്നു. ബ​സ് കി​ട്ടാ​തെ മ​ട​ങ്ങു​ന്ന മ​ക​ന്‍റെ മു​ന്പി​ൽ ആ​ൾ​ക്കൂ​ട്ടം ക​ള്ള​നാ​യി പി​ടി​കൂ​ടി​യ ത​ന്‍റെ പി​താ​വി​നോ​ടൊ​പ്പം ബ്രൂ​ണോ​യും ക​ണ്ണീ​രോ​ടെ കൈ​പി​ടി​ച്ചു ന​ട​ക്കു​ക​യാ​ണ്. ഉ​ട​മ​സ്ഥ​ൻ ക​രു​ണ കാ​ണി​ച്ച​തു​കൊ​ണ്ട് പോ​ലീ​സ് പി​ടി​ക്കാ​തെ അ​വ​ർ ര​ക്ഷ​പ്പെ​ടു​ന്നു.

ബ​ഹ​ള​ത്തി​നി​ട​യി​ൽ താ​ഴെ വീ​ണു​പോ​യ തൊ​പ്പി​യു​മെ​ടു​ത്ത് അ​വ​ർ ആ​ൾ​ക്കൂ​ട്ട​ത്തി​ൽ അ​പ്ര​ത്യ​ക്ഷ​രാ​കു​ന്പോ​ൾ അ​റി​യാ​തെ ചി​ല ചോ​ദ്യ​ങ്ങ​ളു​യ​രു​ന്നു: ഒ​രു നി​ഷ്ക​ള​ങ്ക​ൻ കു​റ്റ​വാ​ളി​യാ​യ​തെ​ങ്ങ​നെ? ജീ​വി​ത പ്ര​തി​സ​ന്ധി​യു​ടെ മൂ​ർ​ധ​ന്യ​ത്തി​ൽ ഒ​രാ​ൾ ഇ​ങ്ങ​നെ ചെ​യ്താ​ൽ അ​യാ​ൾ തെ​റ്റു​കാ​ര​നാ​കു​മോ? അ​ന്യ​വ​ത്ക​രി​ക്ക​പ്പെ​ടു​ന്ന മ​നു​ഷ്യ​ജീ​വി​ത​ങ്ങ​ളെ പി​ടി​ച്ചു​നി​ർ​ത്തു​ന്ന​ത് എ​ന്താ​ണ്? അ​ന്തോ​ണി​യോ​യു​ടെ അ​ഭ​യ​വും പ്ര​ചോ​ദ​ന​വും അ​യാ​ളു​ടെ കു​ടും​ബ​മാ​ണ്.

ഭാ​ര്യ​യും ഭ​ർ​ത്താ​വും പി​താ​വും മ​ക​നും ത​മ്മി​ലു​ള്ള ഉൗ​ഷ്മ​ള ബ​ന്ധ​ങ്ങ​ളാ​ണ് ഈ ​ഇ​രു​ണ്ട ലോ​ക​ത്തി​ലെ വെ​ള്ളി​വെ​ളി​ച്ചം. ഇ​വി​ടെ പ്ര​ത്യ​യ​ശാ​സ്ത്ര​ങ്ങ​ളു​ടെ കൊ​ടി​ക​ൾ മാ​റ്റി​വ​ച്ച് നി​ർ​മ​മ​ത്വ​ത്തോ​ടും ക​രു​ണാ​ർ​ദ്ര​മാ​യും ജീ​വി​ത​ത്തെ ദ​ർ​ശി​ക്കാ​ൻ, മ​നു​ഷ്യ​രെ കാ​ണാ​ൻ ദെ ​സീ​ക്കാ ന​മ്മെ പ്രേ​രി​പ്പി​ക്കു​ന്നു.

1950ൽ ​മി​ക​ച്ച വി​ദേ​ശ​ചി​ത്ര​ത്തി​നു​ള്ള സ്പെ​ഷ​ൽ ഓ​സ്ക​റ​ട​ക്കം പ​ല ബ​ഹു​മ​തി​ക​ൾ ഈ ​ചി​ത്രം നേ​ടി. സ​ത്യ​ജി​ത് റേ​യ്ക്ക് ത​ന്‍റെ ക​ന്നി​ചി​ത്ര​മാ​യ പ​ഥേ​ർ പാ​ഞ്ചാ​ലി നി​ർ​മി​ക്കാ​ൻ മാ​ർ​ഗ​ദ​ർ​ശ​ന​വും പ്ര​ചോ​ദ​ന​വു​മാ​യി മാ​റി​യ ചി​ത്ര​മാ​ണ് ബൈ​സി​ക്കി​ൾ തീ​വ്സ്.

ജി​ജി ജോ​സ​ഫ് കൂ​ട്ടു​മ്മേ​ൽ