ചി​ല​ന്തി​വ​ല​ക്കോ​ട്ട​യി​ലെ മ​ക്ബ​ത്

ര​ണ്ടാം ലോ​ക​മ​ഹാ​യു​ദ്ധ​മാ​ണ് ജ​പ്പാ​ൻ എ​ന്ന ചെ​റു​രാ​ജ്യ​ത്തെ ലോ​ക​ശ്ര​ദ്ധ​യി​ൽ കൊ​ണ്ടു​വ​ന്ന​ത്. യു​ദ്ധ​ശേ​ഷം ത​ക​ർ​ച്ച​യി​ൽ​നി​ന്നു വ​ള​രെ വേ​ഗം ഉ​യ​ർ​ന്നു​വ​ന്ന ജ​പ്പാ​ൻ ആ​ഗോ​ള​ത​ല​ത്തി​ൽ ഒ​രു സാം​സ്കാ​രി​ക സാ​ന്നി​ധ്യ​മാ​യി മാ​റു​ന്ന​തി​ൽ ച​ല​ച്ചി​ത്രം വ​ഹി​ച്ച പ​ങ്ക് ചെ​റു​ത​ല്ല. ഇ​ന്ത്യ​ക്ക് സ​ത്യ​ജി​ത് റേ ​എ​ന്ന പോ​ലെ ഈ ​രം​ഗ​ത്ത് ജ​പ്പാ​നു കി​ട്ടി​യ​ത് അ​കി​ര കു​റ​സാ​വ എ​ന്ന മ​ഹാ​പ്ര​തി​ഭ​യാ​യി​രു​ന്നു.

വി​വി​ധ വി​ഭാ​ഗ​ങ്ങ​ളി​ലാ​യി മു​പ്പ​തോ​ളം ചി​ത്രം കു​റ​സാ​വ​യു​ടെ കൃ​തി​ക​ളാ​യി​ട്ടു​ണ്ട്. ഇ​വ​യി​ൽ ചി​ല​തെ​ല്ലാം വി​ശ്വ​സാ​ഹി​ത്യ സൃ​ഷ്ടി​ക​ളു​ടെ അ​നു​രൂ​പ​ണ​ങ്ങ​ളാ​യി ശ്ര​ദ്ധി​ക്ക​പ്പെ​ട്ടു. സി​നി​മാ​ലോ​ക​ത്തി​ന് എ​പ്പോ​ഴും ഇ​ഷ്ട​വി​ഷ​യ​മാ​കാ​റു​ള്ള വി​ല്യം ഷേ​ക്സ്പി​യ​റു​ടെ നാ​ട​ക​ങ്ങ​ളി​ൽ മൂ​ന്നെ​ണ്ണം - മ​ക്ബ​ത്, കി​ങ്‌​ലി​യ​ർ, ഹാം​ലെ​റ്റ് - കു​റ​സാ​വ സി​നി​മ​യാ​ക്കി​യി​ട്ടു​ണ്ട്.

അ​നേ​കം സം​വി​ധാ​യ​ക​ർ പ​ല രീ​തി​ക​ളി​ൽ അ​നു​രൂ​പ​ണം ചെ​യ്തി​ട്ടു​ള്ള ദു​ര​ന്ത​നാ​ട​ക​മാ​ണ് മ​ക്ബ​ത്. കു​റ​സാ​വ ഈ ​നാ​ട​ക​ത്തെ മ​ധ്യ​കാ​ല സ്കോ​ട്ടി​ഷ് പ​ശ്ചാ​ത്ത​ല​ത്തി​ൽ​നി​ന്നു പു​രാ​ത​ന ജാ​പ്പ​നീ​സ് സ​മു​റാ​യ് - ഫ്യൂ​ഡ​ൽ സം​സ്കാ​ര​ത്തി​ലേ​ക്കു പ​റി​ച്ചു​ന​ടു​ന്പോ​ൾ മൂ​ല​കൃ​തി​യു​ടെ നാ​ട​ക ഗ​രി​മ അ​ശേ​ഷം ന​ഷ്ട​പ്പെ​ടു​ന്നി​ല്ല. ഷേ​ക്സ്പി​യ​ർ എ​ലി​സ​ബ​ത്ത​ൻ നാ​ട​ക​വേ​ദി​യു​ടെ സം​വേ​ദ​ന സ​ങ്കേ​ത​ങ്ങ​ളെ എ​ത്ര ഫ​ല​പ്ര​ദ​മാ​യി ഉ​പ​യോ​ഗി​ച്ചോ അ​ത്ര​യും മി​ക​വോ​ടെ കു​റ​സാ​വ ത​ന്‍റെ ദേ​ശ​ത്തി​ന്‍റെ ത​ന​തു പാ​ര​ന്പ​ര്യ​മാ​യ നോ​ഹ് തി​യ​റ്റ​റി​ന്‍റെ പാ​ര​ന്പ​ര്യ​ങ്ങ​ളെ ഇ​വി​ടെ ഉ​പ​യോ​ഗി​ച്ചി​രി​ക്കു​ന്നു.

കു​മ​നോ​സു ജ്യു (​ചി​ല​ന്തി​വ​ല​യു​ടെ കോ​ട്ട) എ​ന്ന പ്ര​തീ​ക​സ്വാ​ഭാ​വ​മു​ള്ള ശീ​ർ​ഷ​ക​ത്തി​ലാ​ണ് കു​റ​സാ​വ​യു​ടെ മ​ക്ബ​ത് അ​വ​ത​രി​പ്പി​ക്ക​പ്പെ​ടു​ന്ന​ത്. ത്രോ​ൺ ഓ​ഫ് ബ്ല​ഡ് (ര​ക്ത​സിം​ഹാ​സ​നം) എ​ന്ന് ഈ ​സി​നി​മ ആ​ഗോ​ള​ത​ല​ത്തി​ൽ അ​റി​യ​പ്പെ​ടു​ന്നു. ര​ണ്ടു പേ​രു​ക​ളും ഒ​രു​പോ​ലെ ഈ ​ക​ഥ​യു​ടെ പ്ര​മേ​യ​ങ്ങ​ളെ വെ​ളി​പ്പെ​ടു​ത്തു​ന്നു.

മ​നു​ഷ്യ​ജീ​വി​ത​ത്തി​ലെ പൈ​ശാ​ചി​ക പ്ര​ലോ​ഭ​ന​ങ്ങ​ളു​ടെ സ്വാ​ധീ​ന​വും അ​തി​ന​ടി​മ​യാ​കു​ന്ന മ​നു​ഷ്യ​ൻ എ​ങ്ങ​നെ ആ​ത്മ​നാ​ശ​വും ദു​ര​ന്ത​ങ്ങ​ളും ഏ​റ്റു​വാ​ങ്ങു​ന്നു എ​ന്ന ദ​ർ​ശ​ന​വു​മാ​ണ് ഷേ​ക്സ്പി​യ​ർ കാ​ഴ്ച​വ​യ്ക്കു​ന്ന​ത്. കു​റ​സാ​വ​യും ഈ ​ദ​ർ​ശ​ന​ത്തോ​ടു ചേ​ർ​ന്നു സ​ഞ്ച​രി​ക്കു​ന്നു. മൂ​ല​ക​ഥ​യി​ൽ ഔ​ചി​ത്യ​പൂ​ർ​വം ചി​ല മാ​റ്റ​ങ്ങ​ൾ വ​രു​ത്തി​യി​ട്ടു​ണ്ടെ​ന്നു മാ​ത്രം. മ​ക്ബ​ത്തി​ൽ തി​ന്മ​യു​ടെ അ​മാ​നു​ഷി​ക സ്വാ​ധീ​ന​ത്തെ സൂ​ചി​പ്പി​ക്കു​ന്ന ദു​ർ​മ​ന്ത്ര​വാ​ദി​ക​ൾ മൂ​ന്നു​പേ​രെ കു​റ​സാ​വ ഒ​റ്റ ക​ഥാ​പാ​ത്ര​മാ​ക്കി ചു​രു​ക്കു​ന്നു.

ക​ഥ​യു​ടെ നി​ർ​ണാ​യ​ക സ​ന്ദ​ർ​ഭ​ത്തി​ൽ ലേ​ഡി മ​ക്ബ​ത്തി​ന്‍റെ പു​ന​രാ​വി​ഷ്കാ​ര​മാ​യ അ​സാ​ജി മൂ​ല​ക​ഥ​യി​ൽ​നി​ന്നു വ്യ​ത്യ​സ്ത​മാ​യി ഗ​ർ​ഭി​ണി​യാ​ണെ​ന്ന സൂ​ച​ന ത​രു​ന്നു​ണ്ട്. ക​ഥാ​ഗ​തി​യി​ൽ ഇ​തു ഏ​റെ പ്ര​സ​ക്ത​വു​മാ​ണ്. മ​റ്റൊ​രു പ്ര​ധാ​ന മാ​റ്റം ക്ലൈ​മാ​ക്സി​ൽ മ​ക്ബ​ത് വ​ധി​ക്ക​പ്പെ​ടു​ന്ന​ത് പ്ര​തി​കാ​ര​ദാ​ഹി​യാ​യ മ​ക്ഡ​ഫി​ന്‍റെ വാ​ളി​ലാ​ണെ​ങ്കി​ൽ ഇ​വി​ടെ വാ​സി​ഷു എ​ന്ന നാ​യ​ക​ൻ സ്വ​ന്തം പ​ട​യാ​ളി​ക​ളു​ടെ കൈ​ക​ളാ​ലാ​ണെ​ന്ന​താ​ണ്.

മ​ക്ബ​ത്തി​ന്‍റെ ഡ​ൺ​സി​നേ​യ്ൻ കോ​ട്ട ചി​ല​ന്തി​വ​ല​ക്കോ​ട്ട​യാ​യി അ​വ​ത​രി​പ്പി​ക്കു​ന്നു. ഷേ​ക്സ്പി​യ​ർ ഉ​പ​യോ​ഗി​ക്കു​ന്ന ആ​വ​ർ​ത്തി​ച്ചു​വ​രു​ന്ന ര​ണ്ടു ബിം​ബ​ങ്ങ​ൾ‌ ര​ക്ത​ത്തി​ന്‍റെ ചു​വ​പ്പും ഇ​രു​ട്ടി​ന്‍റെ ക​റു​പ്പും കു​റ്റ​കൃ​ത്യ​ത്തി​ന്‍റെ​യും പൈ​ശാ​ചി​ക​ത​യു​ടെ​യും പ്ര​തീ​ക​ങ്ങ​ളാ​യി കു​റ​സാ​വ ഭം​ഗ്യ​ന്ത​രേ​ണ ഉ​പ​യോ​ഗി​ച്ചി​ട്ടു​ണ്ട്.

സു​സു​ക്കി പ്ര​ഭു​വി​ന്‍റെ സൈ​ന്യാ​ധി​പ​ന്മാ​രാ​യ വ​സി​ഷു​വും മി​ക്കി​യും ഒ​രു യു​ദ്ധം ജ​യി​ച്ചു മ​ട​ങ്ങു​ന്പോ​ൾ ഒ​രു വ​ന​ത്തി​ൽ വ​ഴി​തെ​റ്റി. അ​വി​ടെ ക​ണ്ടു​മു​ട്ടു​ന്ന ഒ​രു മ​ന്ത്ര​വാ​ദി​നി ന​ട​ത്തു​ന്ന പ്ര​വ​ച​നം അ​വ​രു​ടെ ജി​വി​ത വ​ഴി​ത്തി​രി​വാ​കു​ന്നു. അ​വ​രു​ടെ വാ​ക്കി​ൻ​പ്ര​കാ​രം ര​ണ്ടു​പേ​ർ​ക്കും സ്ഥാ​ന​ക്ക​യ​റ്റം ല​ഭി​ക്കും.

വാ​സു​ഷു സു​സു​ക്കി​യു​ടെ കോ​ട്ട​യു​ടെ അ​ധി​പ​നും മി​ക്കി​യു​ടെ മ​ക​ൻ ഭാ​വി​യി​ൽ അ​വി​ടു​ത്തെ പ്ര​ഭു​വും. സു​സു​ക്കി​യു​ടെ പ​ക്ക​ൽ എ​ത്തു​ന്പോ​ൾ പ്ര​വ​ച​ന​ത്തി​ന്‍റെ ആ​ദ്യ​ഭാ​ഗം സ​ത്യ​മാ​യി എ​ന്ന​വ​ർ അ​റി​യു​ന്നു. മ​ന്ത്ര​വാ​ദി​നി​യു​ടെ പ്ര​വ​ച​നം വാ​സി​ഷു​വി​ന്‍റെ ഭാ​ര്യ അ​സാ​ജി​യി​ൽ അ​ത്യാ​ഗ്ര​ഹ​ത്തി​ന്‍റെ വി​ഷം നി​റ​ച്ചു.

ത​ങ്ങ​ളു​ടെ അ​തി​ഥി​യാ​യി എ​ത്തു​ന്ന സു​സു​ക്കി​യെ ഉ​റ​ക്ക​ത്തി​ൽ വ​ധി​ക്കാ​ൻ അ​വ​ർ ഭ​ർ​ത്താ​വി​നെ പ്രേ​രി​പ്പി​ക്കു​ന്നു. കൊ​ല​ചെ​യ്യ​പ്പെ​ട്ട പ്ര​ഭു​വി​നെ വ​ധി​ച്ച​ത് കാ​വ​ൽ​ക്കാ​ര​നാ​ണെ​ന്നു വ​രു​ത്തി​ത്തീ​ർ​ത്ത് അ​യാ​ളെ​യും വ​ധി​ക്കു​ക​യാ​ണ്. എ​ന്നാ​ൽ, സു​സു​ക്കി​യു​ടെ മ​ക​ൻ കു​നി​മാ​രു​വി​നും ഉ​പ​ദേ​ശ​ക​ൻ നോ​റി​സു​വി​നും സം​ശ​യം വ​ള​രു​ന്നു. മി​ക്കി​യും ഇ​പ്ര​കാ​രം വ​ധി​ക്ക​പ്പെ​ടാ​മെ​ന്ന സം​ശ​യ​ത്തി​ൽ അ​വ​ർ മു​ന്ന​റി​യി​പ്പു ന​ൽ​കു​ന്നു​വെ​ങ്കി​ലും മി​ക്കി​യും വാ​സി​ഷു​വും ത​മ്മി​ലു​ള്ള ച​ങ്ങാ​ത്തം ദൃ​ഢ​മാ​ണ്.

ഗ​ർ​ഭി​ണി​യാ​യ അ​സാ​ജി മി​ക്കി​യെ​യും മ​ക​നെ​യും വ​ധി​ച്ചാ​ൽ കോ​ട്ട​യു​ടെ അ​വ​കാ​ശം സ്വ​പു​ത്ര​നു സ്വ​ന്ത​മാ​ക്കാ​മെ​ന്ന വ്യാ​മോ​ഹ​ത്തി​ൽ ക​രു​ക്ക​ൾ നീ​ക്കു​ന്നു. മി​ക്കി​ക്കാ​യി വാ​സി​ഷു ഒ​രു​ക്കി​യ വി​രു​ന്നു​വേ​ള​യി​ൽ അ​യാ​ൾ​ക്കു പ​ക​രം എ​ത്തു​ന്ന​ത് കൊ​ല്ല​പ്പെ​ട്ട മി​ക്കി​യു​ടെ പ്രേ​ത​മാ​ണ്. പ​രി​ഭ്രാ​ന്ത​നാ​യ വാ​സി​ഷു​വി​ന്‍റെ മു​ന്നി​ലേ​ക്ക് മി​ക്കി​യു​ടെ ഛേദി​ച്ച ശി​ര​സു​മാ​യി കി​ങ്ക​ര​ൻ പ്ര​വേ​ശി​ക്കു​ന്ന​തോ​ടെ വാ​സി​ഷു​വി​ന് കാ​ര്യം പി​ടി​കി​ട്ടി.

എ​ന്നാ​ൽ, അ​സാ​ജി​യു​ടെ ഗ​ർ​ഭം അ​ല​സു​ക​യും ശ​ത്രു​ക്ക​ൾ കോ​ട്ട​യ്ക്കെ​തി​രേ നീ​ങ്ങു​ക​യും ചെ​യ്യു​ന്പോ​ൾ ര​ണ്ടു​പേ​രും ത​ക‌​രു​ക​യാ​ണ്. മ​ന്ത്ര​വാ​ദി​നി​യി​ൽ​നി​ന്നു കി​ട്ടി​യ തെ​റ്റി​ദ്ധ​രി​പ്പി​ക്കു​ന്ന ഒ​രു പ്ര​വ​ച​നം വാ​സി​ഷു​വി​ന് യു​ദ്ധ​വി​ജ​യം സാ​ധ്യ​മാ​ണെ​ന്ന മി​ഥ്യാ​ധാ​ര​ണ ന​ൽ​കു​ന്നു. തു​ട​ർ​ന്നു വ​രു​ന്ന നാ​ട​കീ​യ സ​ന്ദ​ർ​ഭ​ങ്ങ​ൾ മ​ക്ബ​ത് ക​ഥ​യു​ടെ അ​വ​സാ​ന ഭാ​ഗ​ങ്ങ​ളു​ടെ ഏ​റെ​ക്കു​റേ കൃ​ത്യ​മാ​യ പു​ന​രാ​വി​ഷ്കാ​ര​ങ്ങ​ൾ​ത​ന്നെ.

യു​ദ്ധ​വീ​ര​നും ദു​ര മൂ​ത്ത ഭാ​ര്യ​യും ത​ങ്ങ​ൾ ഒ​രു​ക്കി​യ ചി​ല​ന്തി​വ​ല​യി​ൽ ഇ​ര​ക​ളാ​യി മാ​റു​ന്നു. ഒ​ടു​വി​ൽ വാ​സി​ഷു യു​ദ്ധം​ചെ​യ്യേ​ണ്ടി​വ​രു​ന്ന​ത് സ്വ​ന്തം സൈ​നി​ക​രോ​ടു​ത​ന്നെ. ടോ​ഷി​റേ മി​ഫ്യൂ​ൺ, ഇ​സു​സു യ​മ​ദ എ​ന്നി​വ​രാ​ണ് മു​ഖ്യ ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ന്ന​ത്. ത​കാ​ഷി ഷി​മു​റ, അ​കി​രാ​കൂ​ബോ, യ​യോ​ച്ചി താ​ച്ചി​ക്കാ​വ എ​ന്നി​വ​ർ മ​റ്റു പ്ര​മു​ഖ ക​ഥാ​പാ​ത്ര​ങ്ങ​ളാ​യി രം​ഗ​ത്തു​വ​രു​ന്നു.

കു​റ​സാ​വ​യു​ടെ ച​ല​ച്ചി​ത്ര ജീ​വി​ത​ത്തി​ലെ ഒ​രു ഉ​ച്ച​കോ​ടി എ​ന്നു ര​ക്ത​സിം​ഹാ​സ​നം വി​ശേ​ഷി​പ്പി​ക്ക​പ്പെ​ടു​ന്നു. ഷേ​ക്സ്പി​യ​ർ നാ​ട​ക​ത്തി​ന്‍റെ കാ​വ്യ​ഗു​ണ​ത്തെ ദൃ​ശ്യ​ങ്ങ​ളി​ലൂ​ടെ പ്രേ​ക്ഷ​ക​നി​ലെ​ത്തി​ക്കു​ക​യാ​ണ് കു​റ​സാ​വ ചെ​യ്തി​രി​ക്കു​ന്ന​ത്. അ​ന്താ​രാ​ഷ്‌​ട്ര മേ​ള​ക​ളി​ൽ പ​ല ‌ബ​ഹു​മ​തി​ക​ളും ഇ​തു സ്വ​ന്ത​മാ​ക്കി.

ജി​ജി ജോ​സ​ഫ് കൂ​ട്ടു​മ്മേ​ൽ