കോട്ടയം: കോട്ടയം നഗരത്തിൽ മാർക്കറ്റിനുള്ളിലെ കടയിൽ റെയ്ഡ് നടത്തിയ പോലീസ് സംഘം പോലും ഞെട്ടി. ഒന്നും രണ്ടുമല്ല, കെട്ടുകണക്കിനു ബീഡി. 75,000 രൂപ വിലവരുന്ന വ്യാജ ബീഡി!. ഒരു കന്പനിയുടെ പേരിലുള്ള വ്യാജബീഡിയാണ് ഇവിടെ നിന്നു കുറെ നാളായി ലോഡുകണക്കിനു വിതരണം ചെയ്തുകൊണ്ടിരുന്നത്.
പുകയില ഉത്പന്നങ്ങൾ മൊത്തവ്യാപാരം നടത്തിവരുന്ന അബ്ദുൾ സലാമിന്‍റെ ഉടമസ്ഥതയിലുള്ള കല്ലൂത്രയിൽ സ്റ്റോഴ്സിൽനിന്നാണ് വ്യാജ ബീഡി ശേഖരം കണ്ടെത്തിയത്.
ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും വെസ്റ്റ് പോലീസും ചേർന്നാണ് പരിശോധന നടത്തിയത്.
ജ്യോതിമാൻ കന്പനിയുടെ വ്യാജ ബീഡിയാണ് പിടികൂടിയത്. കന്പനി അധികൃതർ എത്തി ഇവ തങ്ങളുടേതല്ലെന്നും വ്യാജമായി നിർമിച്ചവയാണെന്നും സ്ഥിരീകരിച്ചു. ഇത്തരം ഉത്പന്നങ്ങൾ വിൽക്കുന്നതിലൂടെ കന്പനിക്കു ലക്ഷങ്ങളുടെ നഷ്ടവും കച്ചവടക്കാരന് അമിത ലാഭവും സർക്കാരിനു ലഭിക്കേണ്ട നികുതി നഷ്ടവും ഉണ്ടാവുകയാണ്.
ജില്ലാ നാർകോട്ടിക് സെൽ ഡിവൈഎസ്പി എം.എം. ജോസിന്റെ നിർദേശപ്രകാരം കോട്ടയം വെസ്റ്റ് എസ്എച്ച്ഒ അനൂപ് കൃഷ്ണ, എസ്ഐ ടി. ശ്രീജിത്ത്, ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡ് അംഗങ്ങളായ പ്രതീഷ് രാജ്, ശ്രീജിത് ബി. നായർ, കെ.ആർ. അജയകുമാർ, വി.കെ. അനീഷ്, പി.എം. ഷിബു എന്നിവർ ചേർന്നാണ് പരിശോധന നടത്തിയത്.
വ്യാജ ഉല്പന്നങ്ങളുടെ ഉത്പാദനവും ലഭ്യതയും കണ്ടുപിടിക്കുന്നതിനായി കൂടുതൽ അന്വേഷണം നടത്തുമെന്നു പോലീസ് അറിയിച്ചു. ഈരാറ്റുപേട്ടയിൽനിന്നും സമാന രീതിയിൽ വ്യാജ ബീഡികൾ കഴിഞ്ഞ മാസം ലഹരിവിരുദ്ധ സ്ക്വാഡ് പിടികൂടിയിരുന്നു.
പുകയില ഉത്പന്നങ്ങൾ മൊത്തവ്യാപാരം നടത്തിവരുന്ന അബ്ദുൾ സലാമിന്‍റെ ഉടമസ്ഥതയിലുള്ള കല്ലൂത്രയിൽ സ്റ്റോഴ്സിൽനിന്നാണ് വ്യാജ ബീഡി ശേഖരം കണ്ടെത്തിയത്.
ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും വെസ്റ്റ് പോലീസും ചേർന്നാണ് പരിശോധന നടത്തിയത്.
ജ്യോതിമാൻ കന്പനിയുടെ വ്യാജ ബീഡിയാണ് പിടികൂടിയത്. കന്പനി അധികൃതർ എത്തി ഇവ തങ്ങളുടേതല്ലെന്നും വ്യാജമായി നിർമിച്ചവയാണെന്നും സ്ഥിരീകരിച്ചു. ഇത്തരം ഉത്പന്നങ്ങൾ വിൽക്കുന്നതിലൂടെ കന്പനിക്കു ലക്ഷങ്ങളുടെ നഷ്ടവും കച്ചവടക്കാരന് അമിത ലാഭവും സർക്കാരിനു ലഭിക്കേണ്ട നികുതി നഷ്ടവും ഉണ്ടാവുകയാണ്.
ജില്ലാ നാർകോട്ടിക് സെൽ ഡിവൈഎസ്പി എം.എം. ജോസിന്റെ നിർദേശപ്രകാരം കോട്ടയം വെസ്റ്റ് എസ്എച്ച്ഒ അനൂപ് കൃഷ്ണ, എസ്ഐ ടി. ശ്രീജിത്ത്, ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡ് അംഗങ്ങളായ പ്രതീഷ് രാജ്, ശ്രീജിത് ബി. നായർ, കെ.ആർ. അജയകുമാർ, വി.കെ. അനീഷ്, പി.എം. ഷിബു എന്നിവർ ചേർന്നാണ് പരിശോധന നടത്തിയത്.
വ്യാജ ഉല്പന്നങ്ങളുടെ ഉത്പാദനവും ലഭ്യതയും കണ്ടുപിടിക്കുന്നതിനായി കൂടുതൽ അന്വേഷണം നടത്തുമെന്നു പോലീസ് അറിയിച്ചു. ഈരാറ്റുപേട്ടയിൽനിന്നും സമാന രീതിയിൽ വ്യാജ ബീഡികൾ കഴിഞ്ഞ മാസം ലഹരിവിരുദ്ധ സ്ക്വാഡ് പിടികൂടിയിരുന്നു.
