നി​സ​ഹാ​യ​രു​ടെ നി​ല​വി​ളി

മ​ണി​പ്പു​രി​ലെ എ​ണ്ണ​മ​റ്റ അ​ഭ​യാ​ർ​ഥി ക്യാ​ന്പു​ക​ളി​ലെ വി​ലാ​പം ഏ​ങ്ങ​ല​ടി​ക​ളും ഗ​ദ്ഗ​ദ​ങ്ങ​ളു​മാ​യി പ​രി​ണ​മി​ച്ചി​രി​ക്കു​ന്നു. ജീ​വി​തം ത​ല്ലി​ക്കൊ​ഴി​ക്ക​പ്പെ​ട്ട ഇ​വ​രു​ടെ ക​ണ്ണു​ക​ളി​ൽ നി​രാ​ശ​യും ഇ​നി​യെ​ങ്ങ​നെ മു​ന്നോ​ട്ടെ​ന്ന ആ​ശ​ങ്ക​യു​മാ​ണ്. ഭീ​തി​യി​ല്ലാ​തെ ഇ​നി എ​വി​ടെ ജീ​വി​ക്കും, ന​ഷ്ട​ങ്ങ​ൾ​ക്ക് ആ​ര് പ​രി​ഹാ​രം ന​ൽ​കും എ​ന്നി​ങ്ങ​നെ എ​ണ്ണി​യാ​ലൊ​ടു​ങ്ങാ​ത്ത പ​രി​ദേ​വ​ന​ങ്ങ​ളു​ടെ വീ​ർ​പ്പു​മു​ട്ട​ൽ ഈ ​മു​ഖ​ങ്ങ​ളി​ൽ ത​ളം​കെ​ട്ടി നി​ൽ​ക്കു​ന്നു.

കു​ട്ടി​ക​ളെ തോ​ളി​ലും നെ​ഞ്ചി​ലും മാ​റാ​പ്പി​ലും ചേ​ർ​ത്തു​പി​ടി​ച്ചു​റ​ങ്ങു​ന്ന​വ​രൊ​ക്കെ ഭീ​തി​ദ​മാ​യ സ്വ​പ്ന​ങ്ങ​ൾ ക​ണ്ട് ഞെ​ട്ടി​യു​ണ​രു​ന്നു. വി​ശ​ന്നു​ക​ര​യു​ന്ന കു​ഞ്ഞു​ങ്ങ​ളെ ഉ​റ​ക്കാ​ൻ പാ​ടു​പെ​ടു​ന്ന അ​മ്മ​മാ​ർ. വി​ധി​യെ പ​ഴി​ച്ച്, നി​ർ​വി​കാ​ര​ത​യോ​ടെ മ​ര​ങ്ങ​ളു​ടെ ത​ണ​ൽ​പ​റ്റി സ​മ​യം പോ​ക്കു​ന്ന വ​യോ​ധി​ക​ർ. യു​ദ്ധ​ഭൂ​മി​യി​ലെ​ന്ന​പോ​ലെ ഏ​തു നി​മി​ഷ​വും വീ​ണ്ടും ആ​ക്ര​മ​ണ​മു​ണ്ടാ​കാ​മെ​ന്ന ആ​ശ​ങ്ക​യി​ൽ ക്യാ​ന്പു​ക​ൾ​ക്കു രാ​ത്രി കാ​വ​ൽ നി​ൽ​ക്കു​ന്ന ചെ​റു​പ്പ​ക്കാ​ർ. എ​ൻ​ജി​നീ​യ​റിം​ഗി​നും മെ​ഡി​സി​നും മ​റ്റ് കോ​ഴ്സു​ക​ൾ​ക്കും പ്ര​വേ​ശ​നം കി​ട്ടാ​ൻ ക​ഠി​ന​ശ്ര​മം ന​ട​ത്തി​വ​ന്നി​രു​ന്ന വി​ദ്യാ​ർ​ഥി​ക​ളു​ടെ​യൊ​ക്കെ പ്ര​തീ​ക്ഷ​ക​ൾ കൂ​ന്പ​ട​ഞ്ഞി​രി​ക്കു​ന്നു.

സ​ന്ന​ദ്ധ​പ്ര​വ​ർ​ത്ത​ക​ർ ത​യാ​റാ​ക്കു​ന്ന ചോ​റും ഉ​രു​ള​ക്കി​ഴ​ങ്ങും പ​രി​പ്പും ചൂ​ടു​വെ​ള്ള​വു​മാ​ണ് ഇ​വ​രു​ടെ വി​ശ​പ്പ​ക​റ്റു​ന്ന​ത്. വി​വി​ധ ക്യാ​ന്പു​ക​ളി​ലെ പ​തി​നാ​യി​ര​ക്ക​ണ​ക്കി​ന് അ​ഭ​യാ​ർ​ഥി​ക​ളു​ടെ മ​ന​സി​ൽ ക​ന​ലെ​രി​യു​ക​യാ​ണ്. എ​ത്ര കാ​ലം ക്യാ​ന്പു​ക​ളി​ൽ ജീ​വി​ക്ക​ണം, എ​ന്ന​വ​സാ​നി​ക്കും ഈ ​ദു​രി​ത​പ​ർ​വം, ഇ​നി​യൊ​രു ജീ​വി​ത​മു​ണ്ടാ​കു​മോ എ​ന്നൊ​ക്കെ​യോ​ർ​ത്ത് നീ​റി​പ്പു​ക​യു​ന്ന നി​സ​ഹാ​യ​ർ.

ചി​ന്തി​ച്ചാ​ൽ ഒ​ന്നി​നും ഉ​ത്ത​ര​മി​ല്ല. ഇ​വ​രെ ആ​ശ്വ​സി​പ്പി​ക്കാ​ൻ ആ​ർ​ക്കു​മാ​വു​ന്നി​ല്ല. സം​ര​ക്ഷ​ണം ന​ൽ​കാ​ൻ ചു​മ​ത​ല​പ്പെ​ട്ട​വ​ർ ഇ​വ​രെ ശ​ത്രു​താ മ​നോ​ഭാ​വ​ത്തോ​ടെ​യാ​ണ് നോ​ക്കി​ക്കാ​ണു​ന്ന​ത്. ആ​ക്ര​മി​ക്ക​പ്പെ​ടു​ക​യും പി​ട​ഞ്ഞു​മ​രി​ക്കു​ക​യും ചെ​യ്യു​ന്ന ഹ​ത​ഭാ​ഗ്യ​രു​ടെ നി​ല​വി​ളി ആ​രും കേ​ൾ​ക്കു​ന്നി​ല്ല.

കു​ക്കി​ക​ളും മെ​യ്തെ​യ്ക​ളും

സം​സ്ഥാ​ന​ത്തി​ന്‍റെ ര​ണ്ടു ഭാ​ഗ​ങ്ങ​ളി​ലാ​യാ​ണ് കു​ക്കി വം​ശ​ജ​രു​ടെ ക്യാ​ന്പു​ക​ൾ. മെ​യ്തെ​യ് വി​ഭാ​ഗ​ക്കാ​ർ ഏ​റെ​പ്പേ​രും ക്യാ​ന്പു​ക​ളി​ല​ല്ല, സ്വ​ന്തം വീ​ടു​ക​ളി​ൽ ബ​ന്ധു​ക്ക​ളു​ടെ സം​ര​ക്ഷ​ണ​യി​ലാ​ണ് ക​ഴി​യു​ന്ന​ത്. അ​വ​ർ​ക്കാ​വ​ട്ടെ ഗ​വ​ണ്‍​മെ​ന്‍റി​ന്‍റെ പ​രി​ര​ക്ഷ​യും സം​ര​ക്ഷ​ണ​വും ല​ഭി​ക്കു​ന്ന​തി​നാ​ൽ ഭ​ക്ഷ​ണ​ത്തി​നും ചി​കി​ത്സ​യ്ക്കും കു​റ​വി​ല്ല. അ​തേ​സ​മ​യം കു​ക്കി അ​ഭ​യാ​ർ​ഥി​ക​ൾ ഏ​റെ​യും സ​ർ​ക്കാ​ർ സ്കൂ​ളു​ക​ളി​ലാ​ണ് ക​ഴി​യു​ന്ന​ത്. നി​ല​ത്ത് പ​ടു​ത​യും അ​തി​നു മു​ക​ളി​ൽ ക​ന്പി​ളി​യും വി​രി​ച്ച് ഇ​രി​ക്കാ​നും കി​ട​ക്കാ​നും സൗ​ക​ര്യ​മൊ​രു​ക്കി​യി​ട്ടു​ണ്ട്. അ​തി​ന്‍റെ വ​ശ​ങ്ങ​ളി​ൽ പ​ടു​ത​യും പു​ത​പ്പും വി​രി​ച്ച് താ​ത്കാ​ലി​ക വ​സ​തി​ക​ളും ഒ​രു​ക്കി​യി​ട്ടു​ണ്ട്.

കു​ക്കി​ക​ളു​ടെ ജീ​വി​ത​മാ​ണ് ഏ​റെ ദു​രി​ത​പൂ​ർ​ണം. പ്രാ​ഥ​മി​കാ​വ​ശ്യ​ങ്ങ​ൾ നി​ർ​വ​ഹി​ക്കാ​നു​ള്ള സൗ​ക​ര്യ​ങ്ങ​ൾ ന​ന്നേ പ​രി​മി​ത​മാ​ണ്. ക്യാ​ന്പു​ക​ളി​ൽ വ​ള​രെ​ക്കു​റ​ച്ചു ശൗ​ചാ​ല​യ​ങ്ങ​ളേ​യു​ള്ളു. കു​ഴി​യെ​ടു​ത്ത് ചാ​ക്കും പ​ടു​ത​യും മ​റ​ച്ചു​കെ​ട്ടി താ​ൽ​ക്കാ​ലി​ക ശു​ചി​യി​ട​ങ്ങ​ൾ ഒ​രു​ക്കി​യി​ട്ടു​ണ്ട്. അ​ഞ്ഞൂ​റു പേ​ർ​ക്ക് ഒ​രൊ​റ്റ ടോ​യ്‌​ല​റ്റ് മാ​ത്ര​മേ ഉ​ണ്ടാ​യി​രു​ന്നു​ള്ളൂ​വെ​ന്ന് ആ​സാം റൈ​ഫി​ൾ​സി​ന്‍റെ ക്യാ​ന്പി​ൽ ത​ങ്ങേ​ണ്ടി​വ​ന്ന ഒ​രു ക​ന്യാ​സ്ത്രീ വെ​ളി​പ്പെ​ടു​ത്തി.

കു​ക്കി വി​ഭാ​ഗ​ക്കാ​ർ കാം​ഗ്പോ​ക്പി, ചു​രാ​ച്ചാ​ന്ദ്പൂ​ർ ജി​ല്ല​ക​ളി​ലെ ക്യാ​ന്പു​ക​ളി​ലാ​ണ് ഏ​റെ​യും ക​ഴി​യു​ന്ന​ത്. കാം​ഗ്പോ​ക്പി​യി​ൽ 56 ക്യാ​ന്പു​ക​ളി​ൽ 11,000 ത്തി​ൽ​പ​രം പേ​രാ​ണ് അ​ഭ​യാ​ർ​ഥി​ക​ൾ. ടൗ​ണി​ലെ ക്യാ​ന്പു​ക​ളി​ല​ധി​ക​വും ത​ല​സ്ഥാ​ന​മാ​യ ഇം​ഫാ​ലി​ൽ​നി​ന്ന് പ​ലാ​യ​നം ചെ​യ്യേ​ണ്ടി​വ​ന്ന കു​ക്കി​ക​ളാ​ണ്. ചു​രാ​ച്ചാ​ന്ദ്പൂ​രി​ലെ 91 ക്യാ​ന്പു​ക​ളി​ൽ കാ​ൽ​ല​ക്ഷ​ത്തി​ലേ​റെ​പ്പേ​ർ ക​ഴി​യു​ന്നു.

അ​ഭ​യാ​ർ​ഥി​പ്ര​വാ​ഹം

ക​ലാ​പ​ത്തി​ന്‍റെ ആ​ദ്യ​ദി​വ​സം മേ​യ് മൂ​ന്നി​നു വൈ​കു​ന്നേ​രം ഇം​ഫാ​ലി​ലെ 17 ഇ​ട​ങ്ങ​ളി​ൽ കു​ക്കി വം​ശ​ജ​ർ താ​മ​സി​ക്കു​ന്ന ഇ​ട​ങ്ങ​ളെ ചു​വ​ന്ന മ​ഷി​യു​പ​യോ​ഗി​ച്ച് ഒ​രു സം​ഘം അ​ട​യാ​ള​പ്പെ​ടു​ത്തി. ത​ങ്ങ​ൾ​ക്കെ​തി​രേ മി​ന്ന​ൽ ആ​ക്ര​മ​ണ​മു​ണ്ടാ​കു​മെ​ന്ന ഭീ​തി​യി​ൽ കൈ​വ​ശ​മു​ണ്ടാ​യി​രു​ന്ന സാ​ധ​ന​ങ്ങ​ളു​മാ​യി അ​വ​ർ ഓ​ടു​ക​യാ​യി​രു​ന്നു.

ഇ​തേ​യി​ട​ങ്ങ​ളി​ൽ മെ​യ്തെ​യ് വി​ഭാ​ഗ​ക്കാ​രു​ടെ പേ​രു​ക​ൾ പ്ര​ത്യേ​ക​മാ​യി പ​തി​ച്ച​തി​നു​പി​ന്നി​ൽ അ​വ​രു​ടെ ഭ​വ​ന​ങ്ങ​ളെ അ​ക്ര​മ​ത്തി​ൽ​നി​ന്ന് ഒ​ഴി​വാ​ക്ക​ണ​മെ​ന്ന സൂ​ച​ന​യാ​യി​രു​ന്നു. കൃ​ത്യ​മാ​യ ആ​സൂ​ത്ര​ണം ഈ ​വം​ശ​ഹ​ത്യ​ക്കു പി​ന്നി​ലു​ണ്ടെ​ന്ന് വ്യ​ക്ത​മാ​ക്കു​ന്ന വേ​റെ​യും തെ​ളി​വു​ക​ൾ നി​ഷ്പ​ക്ഷ​മ​തി​ക​ൾ നി​ര​ത്തു​ന്നു​ണ്ട്. അ​യ​ൽ​വാ​സി​ക​ളാ​യ മെ​യ്തെ​യ്ക​ൾ ആ​യി​രു​ന്നി​ല്ല, മ​റി​ച്ച് അ​ക​ലെ​നി​ന്നെ​ത്തി​യ സാ​യു​ധ​സം​ഘ​ങ്ങ​ൾ പ​ര​ക്കെ കു​ക്കി​ക​ളെ ആ​ക്ര​മി​ച്ചു കൊ​ള്ള​യ​ടി​ക്കു​ക​യാ​യി​രു​ന്നു.

തോ​ക്കും വാ​ളു​ക​ളു​മാ​യി എ​ത്തി​യ​വ​ർ കു​ക്കി​ക​ളു​ടെ പാ​ർ​പ്പി​ട​ങ്ങ​ൾ ഇ​ടി​ച്ചു​പൊ​ളി​ച്ചും തീ​യി​ട്ടും മു​ന്നേ​റി. ക​ലാ​പ​കാ​രി​ക​ൾ അ​വ​രു​ടെ നീ​ക്ക​ങ്ങ​ൾ മൊ​ബൈ​ൽ ഫോ​ണി​ലൂ​ടെ പ​ല​ർ​ക്കും അ​പ്പ​പ്പോ​ൾ കൈ​മാ​റി​ക്കൊ​ണ്ടി​രു​ന്നു. ഗ്രാ​മ​ങ്ങ​ളെ വെ​ണ്ണീ​റാ​ക്കി​യ​ശേ​ഷം അ​വ​ർ അ​ടു​ത്ത സ്ഥ​ല​ത്തേ​ക്കു പാ​ഞ്ഞു​കൊ​ണ്ടി​രു​ന്നു. ഈ ​ന​രാ​ധ​മ​ൻ​മാ​ർ​ക്ക് പി​ന്തു​ണ​യും സ​ഹാ​യ​വും എ​ത്തി​ക്കാ​ൻ ഉ​ന്ന​ത സ്വാ​ധീ​ന​ശ​ക്തി​ക​ൾ ഉ​ണ്ടാ​യി​രു​ന്നു​വെ​ന്നു വ്യ​ക്തം.

ക​ലാ​പ​കാ​രി​ക​ൾ അ​ഴി​ഞ്ഞാ​ടു​ന്ന വേ​ള​യി​ൽ പോ​ലീ​സും സൈ​ന്യ​വും രം​ഗം വി​ട്ടു. അ​ക്ര​മി​ക​ൾ ഒ​ന്നാം​ഘ​ട്ടം കൃ​ത്യം പൂ​ർ​ത്തി​യാ​ക്കി​യ മേ​യ് അ​ഞ്ചി​നു ശേ​ഷ​മാ​ണ് സു​ര​ക്ഷാ​ഭ​ട​ൻ​മാ​ർ തി​രി​കെ​യെ​ത്തി​യ​ത്. ചു​ര​ചാ​ന്ദ്പു​ർ മേ​ഖ​ല​യി​ൽ​നി​ന്ന് മെ​യ്തെ​യ്ക​ളും ഇം​ഫാ​ൽ മേ​ഖ​ല​യി​ൽ​നി​ന്നു കു​ക്കി​ക​ളും അ​വ​രു​ടെ സ്വാ​ധീ​ന​മേ​ഖ​ല​ക​ളാ​യ ഇം​ഫാ​ലി​ലേ​ക്കും കാം​ഗ്പോ​ക്ക്പി​യി​ലേ​ക്കും ചു​രാ​ച്ചാ​ന്ദ്പു​രി​ലേ​ക്കും പ​ലാ​യ​നം ചെ​യ്തു. സാ​യു​ധാ​ക്ര​മ​ണ​ത്തി​ൽ ഒൗ​ദ്യോ​ഗി​ക ക​ണ​ക്കി​നെ​ക്കാ​ൾ എ​ത്ര​യോ അ​ധി​കം പേ​ർ കൊ​ല്ല​പ്പെ​ട്ടി​ട്ടു​ണ്ടാ​കാം.

ദൈ​ന്യ​ത​യും നി​സ​ഹാ​യാ​വ​സ്ഥ​യും

പ​ര​മ ദ​യ​നീ​യ​മാ​ണ് അ​ഭ​യാ​ർ​ഥി ക്യാ​ന്പു​ക​ളി​ലെ അ​ന്ത​രീ​ക്ഷം. നി​സ​ഹാ​യ​രാ​യ കു​ഞ്ഞു​ങ്ങ​ളും സ്ത്രീ​ക​ളും. ഒ​രു നേ​ര​ത്തെ ഭ​ക്ഷ​ണ​ത്തി​നു പോ​ലും ക​രു​ത​ലി​ല്ലാ​ത്ത​വ​ർ. ജീ​വ​ൻ മു​റു​കെ​പ്പി​ടി​ച്ച് ഉ​റ്റ​വ​രു​മാ​യി ഇ​വ​രൊ​ക്കെ ഓ​ടി​യൊ​ളി​ച്ച​വ​രാ​ണ്. ഹൃ​ദ​യം നു​റു​ങ്ങു​ന്ന ക​ദ​ന​ക​ഥ​ക​ളാ​ണ് ഇ​വ​ർ​ക്ക് പ​ങ്കു​വ​യ്ക്കാ​നു​ള്ള​ത്. വീ​ട്, ക​ന്നു​കാ​ലി​ക​ൾ, കൃ​ഷി എ​ന്നി​വ​യെ​ല്ലാം ന​ഷ്ട​മാ​യി. ഉ​ടു​വ​സ്ത്ര​മ​ല്ലാ​തെ ഇ​നി​യൊ​ന്നും ബാ​ക്കി​യി​ല്ല.

വ​റു​തി​യി​ലും വേ​ദ​ന​യി​ലും ക​ഴി​യു​ന്ന മ​ല​യോ​ര ഗോ​ത്ര​വാ​സി​ക​ളി​ൽ എ​ങ്ങ​നെ പ്ര​ത്യാ​ശ​യു​ടെ കി​ര​ണ​ങ്ങ​ൾ എ​ത്തി​ക്കാ​മെ​ന്ന ചി​ന്ത​യാ​ണ് ഞ​ങ്ങ​ളെ അ​ഭ​യാ​ർ​ഥി ക്യാ​ന്പു​ക​ളി​ലെ​ത്തി​ച്ച​ത്. മ​ണി​പ്പു​ർ അ​തി​രൂ​പ​ത​യു​ടെ നേ​തൃ​ത്വ​ത്തി​ൽ സാ​ന്ത്വ​ന പ​രി​ച​ര​ണ​വു​മാ​യി ക്യാ​ന്പു​ക​ളി​ലേ​ക്ക് അ​ല്മാ​യ​രും സി​സ്റ്റേ​ഴ്സും വൈ​ദി​ക​രു​മ​ട​ങ്ങി​യ സം​ഘം ക​ട​ന്നു​ചെ​ന്നു.

സി​എം​സി സ​ന്യാ​സി​നീ സ​മൂ​ഹ​ത്തി​ലെ സി​സ്റ്റ​ർ ഫ്ളോ​റ​ൻ​സ്, സി​സ്റ്റ​ർ ഐ​റി​ൻ, സി​സ്റ്റ​ർ റൂ​ത്ത്, എ​സ്എ​ബി​എ​സ് സ​മൂ​ഹ​ത്തി​ലെ സി​സ്റ്റ​ർ റ​ബേ​ക്ക, സി​സ്റ്റ​ർ സി​സി​ലി​യ എ​ന്നി​വ​ർ മ​ണി​പ്പു​ർ, നാ​ഗാ​ലാ​ൻ​ഡ് സം​സ്ഥാ​ന​ങ്ങ​ളി​ൽ​നി​ന്നു​ള്ള​വ​രാ​ണ്. ചി​ല​ർ നാ​ഗാ വം​ശ​ജ​രും ചി​ല​ർ കു​ക്കി വം​ശ​ജ​രു​മാ​ണ്. എം​എ​സ്എ​ഫ്എ​സ് സ​ഭാം​ഗ​ങ്ങ​ളാ​യ ഫാ. ​ബോ​സ്കോ നാ​ഗാ വം​ശ​ജ​നും ഫാ. ​റോ​യി ക​ണ്ണൂ​ർ മ​ണ​ക്ക​ട​വ് സ്വ​ദേ​ശി​യു​മാ​ണ്.

ഫാ. ​റോ​യി കാം​ഗ്പോ​ക്പി എം​എ​സ്എ​ഫ്എ​സ് സ്കൂ​ളി​ലെ പ്ര​ധാ​നാ​ധ്യാ​പ​ക​നും ഇ​ട​വ​ക വി​കാ​രി​യു​മാ​യി സേ​വ​നം ചെ​യ്യു​ന്നു. കേ​ര​ള​ത്തി​ൽ​നി​ന്നു​ള്ള എ​സ്എ​ബി​എ​സ് സ​ന്യാ​സി​നി​ക​ൾ ന​ട​ത്തു​ന്ന ആ​വേ മ​രി​യ സ്കൂ​ളി​ന്‍റെ പ്രി​ൻ​സി​പ്പ​ൽ സി​സ്റ്റ​ർ ലി​സ്ബെ​ത്ത്, സു​പ്പീ​രി​യ​ർ സി​സ്റ്റ​ർ എ​ൽ​സീ​ന തു​ട​ങ്ങി​യ​വ​രും സ്ഥ​ലം എം​എ​ൽ​എ ഹൗ​ക്ക​ലെ​റ്റ് കി​പ്ഗെ​നും കു​ടും​ബാം​ഗ​ങ്ങ​ളും അ​ദ്ദേ​ഹ​ത്തി​ന്‍റെ കോ​ള​ജു​ക​ളി​ലെ അ​ധ്യാ​പ​ക​രും വി​ദ്യാ​ർ​ഥി​ക​ളും ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളി​ൽ പ​ങ്കു​ചേ​രു​ന്നു.

അ​ഭ​യാ​ർ​ഥി​ക​ൾ​ക്ക് ആ​ശ്വാ​സ​വും വോ​ള​ണ്ടി​യേ​ഴ്സി​ന് ക​രു​ത​ലു​മാ​യി ഇം​ഫാ​ൽ ആ​ർ​ച്ച് ബി​ഷ​പ് ഡോ. ​ഡൊ​മി​നി​ക് ലു​മോ​ണും വി​കാ​രി ജ​ന​റാ​ൾ ഫാ. ​വ​ർ​ഗീ​സ് വേ​ലി​ക്ക​ക​വും നാ​ഗാ, കു​ക്കി വി​ഭാ​ഗ​ങ്ങ​ളി​ൽ​പ്പെ​ടു​ന്ന വൈ​ദി​ക​രു​മു​ണ്ട്. കേ​ര​ള​ത്തി​ൽ​നി​ന്ന് എം​എ​സ്ജെ സ​ന്യാ​സി​നി​ക​ളാ​യ സു​മ​വും അ​ർ​പ്പി​ത​യും സേ​വ​ന​സ​ന്ന​ദ്ധ​രാ​യി ഇം​ഫാ​ലി​ൽ എ​ത്തി​യി​രു​ന്നു. അ​ഭ​യാ​ർ​ഥി​ക​ൾ​ക്ക് സാ​ന്ത്വ​ന​വും ലേ​പ​ന​വു​മാ​യി ഇ​വ​രൊ​ക്കെ ക്യാ​ന്പു​ക​ളി​ൽ സ​ജീ​വ​മാ​യി.

കൈ​ത്ത​ൽ​മാ​ൻ​ബി ക്യാ​ന്പി​ലു​ള്ള 240 പേ​രി​ൽ മൂ​ന്നു യു​വ​തി​ക​ൾ ക​ലാ​പ​വേ​ള​യി​ൽ പൂ​ർ​ണ​ഗ​ർ​ഭി​ണി​ക​ളാ​യി​രു​ന്നു. മൂ​വ​രും പ്രാ​ണ​ര​ക്ഷാ​ർ​ഥം കാ​ട്ടി​ലേ​ക്കോ​ടി അ​വി​ടെ​യാ​ണ് പ്ര​സ​വി​ച്ച​ത്. ന​വ​ജാ​ത​ശി​ശു​വു​മാ​യി ദി​വ​സ​ങ്ങ​ളോ​ളം ഒ​ളി​ച്ചു ക​ഴി​ഞ്ഞ ശേ​ഷ​മാ​ണ് അ​വ​ർ​ക്ക് അ​ഭ​യാ​ർ​ഥി ക്യാ​ന്പി​ൽ എ​ത്താ​നാ​യ​ത്.

ഇ​വ​ർ​ക്ക് സി​സ്റ്റ​ർ അ​ർ​പ്പി​ത​യും സി​സ്റ്റ​ർ കു​സു​മ​വും സി​സ്റ്റ​ർ റെ​ബേ​ക്ക​യും സി​സ്റ്റ​ർ സി​സി​ലി​യ​യും ചേ​ർ​ന്ന് ആ​വു​ന്ന വൈ​ദ്യ​സ​ഹാ​യ​വും ഭ​ക്ഷ​ണ​വും ന​ൽ​കി. മി​ക്ക ക്യാ​ന്പു​ക​ളി​ലും നി​ര​വ​ധി അ​മ്മ​മാ​ർ കൈ​ക്കു​ഞ്ഞു​ങ്ങ​ളു​മാ​യി അ​ഭ​യം തേ​ടി​യെ​ത്തി​യി​ട്ടു​ണ്ട്. അ​തി​സാ​ര​വും ഛർ​ദി​യും പ​നി​യു​മൊ​ക്കെ​യു​ണ്ടെ​ങ്കി​ലും ഫ​ല​വ​ത്താ​യ ചി​കി​ത്സ ന​ൽ​കാ​നാ​കു​ന്നി​ല്ല. ബം​ഗ​ളൂ​രു സെ​ന്‍റ് ജോ​ണ്‍​സ് മെ​ഡി​ക്ക​ൽ കോ​ള​ജി​ൽ​നി​ന്ന് ഡോ​ക്ട​ർ​മാ​ർ ഉ​ൾ​പ്പെ​ട്ട സം​ഘം സേ​വ​ന​ത്തി​ന് വ​രാ​ൻ അ​ധി​കാ​രി​ക​ളു​ടെ അ​നു​മ​തി​ക്കാ​യി കാ​ത്തി​രി​ക്കു​ക​യാ​ണ്.

ഏ​റെ അ​ഭ​യാ​ർ​ഥി​ക​ളും പ്ര​സ്ബി​റ്റേ​രി​യ​ൻ, ബാ​പ്റ്റി​സ്റ്റ്, പെ​ന്ത​ക്കോ​സ്റ്റ​ൽ ക്രി​സ്തീ​യ വി​ഭാ​ഗ​ങ്ങ​ങ്ങ​ളി​ൽ​പെ​ട്ട​വ​രാ​ണ്. ഇ​വ​ർ​ക്കി​ട​യി​ൽ​ത​ന്നെ ഉ​പ​വി​ഭാ​ഗ​ങ്ങ​ളു​മു​ണ്ട്.

മൂ​ക​ത​യും ദുഃ​ഖ​വും ത​ളം​കെ​ട്ടി​യ ക്യാ​ന്പു​ക​ളി​ലെ അ​ന്തേ​വാ​സി​ക​ളെ സ​ന്തോ​ഷി​പ്പി​ക്കാ​നും ആ​ശ്വ​സി​പ്പി​ക്കാ​നും വോ​ള​ണ്ടി​യേ​ഴ്സ് ആ​വ​തു ശ്ര​മി​ക്കു​ന്നു​ണ്ട്. ക​ളി​ക​ളും ക​ലാ​പ​രി​പാ​ടി​ക​ളും കൗ​ണ്‍​സി​ലിം​ഗു​മൊ​ക്കെ ഇ​തി​ന്‍റെ ഭാ​ഗ​മാ​ണ്.

സി​സ്റ്റ​ർ​മാ​രാ​യ ഫ്ളോ​റ​ൻ​സും ഐ​റി​നും റൂ​ത്തും കു​ട്ടി​ക​ളെ കൈ​പി​ടി​ച്ചും കൈ​യ​ടി​പ്പി​ച്ചും നി​ര​യാ​യി നി​റു​ത്തി വി​നോ​ദ​പ​രി​പാ​ടി​ക​ളി​ൽ പ​ങ്കെ​ടു​പ്പി​ച്ച​ത് എ​ല്ലാ​വ​ർ​ക്കും ഉ​ത്തേ​ജ​ക​മാ​യി. മി​ഠാ​യി​യും ജ്യൂ​സും ബി​സ്ക​റ്റു​ക​ളും ന​ൽ​കി കു​ട്ടി​ക​ളെ സ​ന്തോ​ഷി​പ്പി​ക്കു​ക​യും ചെ​യ്യു​ന്നു. വോ​ളി​ബോ​ളും മ​റ്റ് കാ​യി​ക​വി​നോ​ദ​ങ്ങ​ളു​മാ​യി മു​തി​ർ​ന്ന​വ​രും വേ​ദ​ന​ക​ളെ മ​റ​ന്നു.

ഇ​വ​രോ​രു​ത്ത​ർ​ക്കും നേ​രി​ടേ​ണ്ടി​വ​ന്ന ക​ണ്ണീ​ര​ന​നു​ഭ​വ​ങ്ങ​ൾ കേ​ൾ​ക്കു​ന്ന​ത് ഹൃ​ദ​യ​ഭേ​ദ​ക​മാ​ണ്. തീ​നാ​ള​ങ്ങ​ൾ​ക്കും മാ​ര​കാ​യു​ധ​ന​ങ്ങ​ൾ​ക്കും തോ​ക്കു​ക​ൾ​ക്കും വെ​ടി​യൊ​ച്ച​ക​ൾ​ക്കും മു​ന്നി​ൽ പ്രാ​ണ​നു​മാ​യി ഓ​ടി​ര​ക്ഷ​പ്പെ​ട്ട ദി​ന​രാ​ത്ര​ങ്ങ​ൾ. സ്ത്രീ​ക​ൾ​ക്കും കു​ട്ടി​ക​ൾ​ക്കും നേ​രെ ക​യ്യേ​റ്റ​ങ്ങ​ൾ. ഗ്രാ​മ​ങ്ങ​ളെ മ​ണ്‍​കൂ​ന​ക​ളും ചാ​ര​ക്കൂ​ന്പാ​ര​വു​മാ​ക്കി​യ​ശേ​ഷ​മാ​ണ് ക​ലാ​പ​കാ​രി​ക​ൾ സ്ഥ​ലം വി​ട്ട​ത്.

അ​ഭ​യാ​ർ​ഥി​ക​ൾ പ​ല​രു​ടെ​യും ഉ​റ്റ​വ​രെ അ​ക്ര​മി​ക​ൾ വെ​ട്ടി​വീ​ഴ്ത്തി ക​ത്തി​ച്ചു. പ​ല​ർ​ക്കും വെ​ട്ടും കു​ത്തും ത​ല്ലും ഏ​റ്റു. അ​യ​ൽ​വാ​സി​യും ബ​ന്ധു​ക്ക​ളും എ​വി​ടെ​യു​ണ്ടെ​ന്ന് ആ​കു​ല​പ്പെ​ടു​ന്ന​വ​വ​രാ​ണ് ​ഏ​റെ​പ്പേ​രും. ജോ​ലി​യും വ​രു​മാ​ന​വും ന​ഷ്ട​പ്പെ​ട്ട​വ​രു​ണ്ട്. സ്കൂ​ളും പ​ഠ​ന​വും അ​വ​സാ​നി​ച്ചു​വെ​ന്നു ക​രു​തു​ന്ന കു​ട്ടി​ക​ളു​ണ്ട്.

രാ​ഷ്ട്രീ​യ താ​ൽ​പ​ര്യ​ങ്ങ​ൾ​ക്കു​വേ​ണ്ടി വം​ശ​ഹ​ത്യ ന​ട​ത്തി​യ ഭ​ര​ണാ​ധി​കാ​രി​ക​ൾ. ഇ​വ​രു​ടെ കൊ​ടും​ചെ​യ്തി​ക​ളു​ടെ ഇ​ര​യാ​യി ഭി​ക്ഷാ​ട​ക​രെ​പ്പോ​ലെ അ​ല​യേ​ണ്ടി​വ​രു​ന്ന ഗോ​ത്ര​സ​മൂ​ഹം. നി​സ​ഹാ​യ​രു​ടെ നി​ല​വി​ളി​ക​ൾ​ക്ക് ചെ​വി​കൊ​ടു​ക്കാ​തെ​യും സു​ര​ക്ഷ ഉ​റ​പ്പാ​ക്കാ​തെ​യും മു​ട​ന്ത​ൻ ന്യാ​യീ​ക​ര​ണ​ങ്ങ​ൾ പ​റ​യു​ക​യാ​ണ് ഭ​ര​ണ​പ്ര​മാ​ണി​ക​ൾ. ചോ​ര​യി​ലും ക​ണ്ണീ​രി​ലും കു​തി​ർ​ന്ന മ​ണി​പ്പു​രി​ൽ മു​ത​ലെ​ടു​പ്പി​ന് തു​നി​യു​ന്ന രാ​ഷ്ട്രീ​യ​ക്കാ​ർ.

ഇ​വ​രി​ൽ ചി​ല​ർ​ക്കെ​ങ്കി​ലും ഇ​ത് പ​ണ​വും അ​ധി​കാ​ര​വും നേ​ടി​യെ​ടു​ക്കാ​നു​ള്ള അ​വ​സ​ര​മാ​യി​രി​ക്കാം. ഒ​ന്നു പ​റ​യാ​തെ വ​യ്യ, ഇ​ന്ന് മ​ണി​പ്പു​രി​ലാ​ണ് ഇ​ത് സം​ഭ​വി​ച്ച​തെ​ങ്കി​ൽ നാ​ളെ മ​റ്റൊ​രി​ട​ത്താ​യി​രി​ക്കും. ഇ​തൊ​രു ആ​സൂ​ത്രി​ത അ​ജ​ണ്ട​യു​ടെ ഭാ​ഗ​മാ​ണ്. വ​ർ​ഗീ​യ​ത​യും രാ​ഷ്ട്രീ​യ​വും സ്വ​ജ​ന​പ​ക്ഷ​പാ​ത​വും കൂ​ടി​ക്ക​ല​ർ​ന്ന ഗൂ​ഢ​നീ​ക്കം. ജ​നാ​ധി​പ​ത്യ​വും നി​യ​മ​പാ​ല​ന​വും നീ​തി​വാ​ഴ്ച​യും ദു​ർ​ബ​ല​മാ​കു​ന്പോ​ൾ ശ​ക്ത​രു​ടെ ഇ​ര​ക​ളാ​യി മാ​റു​ക ന്യൂ​ന​പ​ക്ഷ സ​മു​ദാ​യ​ങ്ങ​ൾ മാ​ത്ര​മാ​യി​രി​ക്കും.

അ​തി​രൂ​പ​ത​യു​ടെ സ​ഹാ​യം

കാ​രി​ത്താ​സി​ന്‍റെ​യും കാ​ത്ത​ലി​ക് റി​ലീ​ഫ് സ​ർ​വീ​സ​സി​ന്‍റെ​യും സ​ഹ​ക​ര​ണ​ത്തോ​ടെ ഇം​ഫാ​ൽ, കാം​ഗ്കോ​പി, ചു​രാ​ചാ​ന്ദ്പൂ​ർ ക്യാ​ന്പു​ക​ളി​ൽ അ​വ​ശ്യ​സാ​ധ​ന​ങ്ങ​ൾ വി​ത​ര​ണം ചെ​യ്തു​കൊ​ണ്ടി​രി​ക്കു​ന്നു. അ​വ​ശ്യ​സാ​മ​ഗ്രി​ക​ളു​മാ​യി ട്ര​ക്ക് ലോ​ഡു​ക​ൾ എ​ത്തു​ന്നു​ണ്ട്. പ​ല​യി​ട​ത്തും ട്ര​ക്കു​ക​ൾ ത​ട​യ​പ്പെ​ടു​ന്ന സാ​ഹ​ച​ര്യ​വു​മു​ണ്ട്. ഇം​ഫാ​ൽ അ​തി​രൂ​പ​ത​യു​ടെ​യും ഏ​താ​നും എം​എ​ൽ​എ​മാ​രു​ടെ​യും മി​ലി​ട്ട​റി ക​മാ​ൻ​ഡ​ർ​മാ​രു​ടെ​യും സ​ഹാ​യ​ത്തോ​ടെ​യാ​ണ് ജാ​തി, മ​ത, സ്ഥ​ല ഭേ​ദ​മെ​ന്യേ അ​വ​ശ്യ​സാ​ധ​ന​ങ്ങ​ൾ വി​ത​ര​ണം ചെ​യ്യു​ന്ന​ത്.

കി​ട​ക്ക, കൊ​തു​കു​വ​ല, പാ​ത്ര​ങ്ങ​ൾ, പു​ത​പ്പ്, എ​ണ്ണ, സാ​നി​റ്റ​റി തു​ട​ങ്ങി​യ​വ​യൊ​ക്കെ​യാ​ണ് ക്യാ​ന്പു​ക​ളി​ൾ എ​ത്തി​ച്ചു​വ​രു​ന്ന​ത്. 50 ട​ണ്‍ അ​രി, 30 ട​ണ്‍ ഉ​രു​ള​ക്കി​ഴ​ങ്ങ്, അ​ഞ്ചു ട​ണ്‍ ഉ​പ്പ്, 20 ട​ണ്‍ ദാ​ൽ, അ​യ്യാ​യി​രം ലി​റ്റ​ർ എ​ണ്ണ, അ​ഞ്ചു ട​ണ്‍ വീ​തം പ​ഞ്ച​സാ​ര, മ​ഞ്ഞ​ൾ​പൊ​ടി, മു​ള​കു​പൊ​ടി, സോ​യാ​ബീ​ൻ തു​ട​ങ്ങി​യ​വ ക്യാ​ന്പു​ക​ളി​ൽ വി​ത​ര​ണം ചെ​യ്തു. പ​തി​നാ​യി​ര​ക്ക​ണ​ക്കി​ന് അ​ഭ​യാ​ർ​ഥി​ക​ൾ കാം​ഗ്പോ​ക്പി, ചു​രാ​ചാ​ന്ദ്പു​ർ, ഇം​ഫാ​ൽ ക്യാ​ന്പു​ക​ളി​ലു​ണ്ട്.

മെ​യ്തേ​യ്ക​ളു​ടെ ആ​ക്ര​മ​ണ​ഫ​ല​മാ​യി ക്യാ​ന്പി​ലേ​ക്ക് ഇ​പ്പോ​ഴും കു​ക്കി അ​ഭ​യാ​ർ​ഥി​ക​ൾ പ്ര​വ​ഹി​ക്കു​ന്നു​ണ്ട്. ഗ​വ​ണ്‍​മെ​ന്‍റ് ഇം​ഫാ​ലി​ലു​ള്ള മെ​യ്തേ​യ്ക​ൾ​ക്കു മാ​ത്ര​മേ വി​ഭ​വ​സ​മാ​ഹ​ര​ണ​വും വി​ത​ര​ണ​വും ന​ട​ത്തു​ന്നു​ള്ളു. എം​എ​ൽ​എ​മാ​രു​ടെ ക​ട​മ​യാ​ണ് അ​വ​ര​വ​രു​ടെ മ​ണ്ഡ​ല​ത്തി​ലു​ള്ള അ​ഭ​യാ​ർ​ഥി​ക​ളു​ടെ സം​ര​ക്ഷ​ണ​മെ​ന്ന​താ​ണ് സ​ർ​ക്കാ​ർ നി​ല​പാ​ട്. കു​ക്കി​ക​ളോ​ട് ബി​രേ​ൻ സിം​ഗ് സ​ർ​ക്കാ​രി​ന്‍റെ ചി​റ്റ​മ്മ​ന​യം വ​ള​രെ വ്യ​ക്ത​മാ​ണ്.

ക​ഴി​ഞ്ഞ ദി​വ​സം സു​ഗു​നു മേ​ഖ​ല​യി​ൽ മെ​യ്തേ​യ്ക​ൾ അ​തി​രൂ​പ​ത​യു​ടെ ഒ​രു പ​ള്ളി​യും വൈ​ദി​ക​മ​ന്ദി​ര​വും ത​ക​ർ​ത്ത​തി​നു​പി​ന്നാ​ലെ ആ​യി​ര​ത്തി​ൽ​പ​രം കു​ടും​ബ​ങ്ങ​ൾ​ക്ക് പ​ലാ​യ​നം ചെ​യ്യേ​ണ്ടി​വ​ന്നു. മു​ഖ്യ​മ​ന്ത്രി​യും ആ​ഭ്യ​ന്ത​ര​മ​ന്ത്രി​യും ഉ​ൾ​പ്പെ​ടെ പ്ര​ധാ​ന വ​കു​പ്പു​ക​ൾ കൈ​കാ​ര്യം ചെ​യ്യു​ന്ന ബി​രേ​ൻ സിം​ഗി​ന്‍റെ ഭ​ര​ണം മെ​യ്തേ​യ്ക​ൾ​ക്ക് അ​നു​കൂ​ല​മാ​ണെ​ന്നെ​ന്ന് നി​ഷ്പ​ക്ഷ​മ​തി​ക​ൾ ആ​രോ​പി​ക്കു​ന്നു.

മ​ന​സി​നെ മ​ര​വി​പ്പി​ക്കു​ന്ന ദാ​രു​ണ​കാ​ഴ്ച​ക​ളാ​ണ് മ​ണി​പ്പൂ​രി​ൽ കാ​ണാ​നാ​വു​ക. വ​സ്ത്ര​ങ്ങ​ളോ മ​രു​ന്നു​ക​ളോ അ​വ​ശ്യ​സാ​ധ​ന​ങ്ങ​ളോ ഇ​ല്ലാ​തെ വ​ല​യു​ക​യാ​ണ് ഇ​വ​രെ​ല്ലാം. സ്വ​ന്തം ഗ്രാ​മം അ​പ്പാ​ടെ ത​ക​ർ​ക്ക​പ്പെ​ട്ടി​രി​ക്കു​ന്നു. അ​വി​ട​മൊ​ക്കെ ക​ലാ​പ​കാ​രി​ക​ൾ കൈ​വ​ശ​പ്പെ​ടു​ത്തു​ക​യും ചെ​യ്തു. സ​ന്മ​സു​ള്ള​വ​രു​ടെ ഉ​പ​കാ​ര​ങ്ങ​ളും സ​ഹാ​യ​ങ്ങ​ളും പ്ര​തീ​ക്ഷ​യോ​ടെ കാ​ത്തി​രി​ക്കു​ക​യാ​ണ് അ​ന്യാ​ധീ​ന​പ്പെ​ട്ട ഈ ​ഗോ​ത്ര​ജ​ന​ത.

റൂ​ബെ​ൻ കി​ക്കോ​ണ്‍