കേ​ര​ള സൈ​ഗാ​ൾ പാ​പ്പു​ക്കു​ട്ടി ഭാ​ഗ​വ​ത​ർ

പ​ഴ​യ​കാ​ല നാ​ട​ക​ന​ട​നും സം​ഗീ​ത​ജ്ഞ​നു​മാ​യി​രു​ന്നു പാ​പ്പു​ക്കു​ട്ടി ഭാ​ഗ​വ​ത​ർ. 2020 ജൂ​ണ്‍ 22ന് ​നൂ​റ്റി​യേ​ഴാം വ​യ​സി​ലാ​യി​രു​ന്നു അ​ദ്ദേ​ഹ​ത്തി​ന്‍റെ ദേ​ഹ​വി​യോ​ഗം.

എ​ഴു​പ​ത്ത​ഞ്ചു വ​ർ​ഷം മു​ൻ​പ് അ​ദ്ദേ​ഹ​ത്തി​ന്‍റെ പ​ര​ദേ​ശി എ​ന്ന നാ​ട​കം തൃ​ശൂ​ർ ജോ​സ് തി​യ​റ്റ​റി​ലാ​ണ് ഞാ​ൻ ക​ണ്ട​ത്. അ​തി​ൽ യാ​ച​ക​വേ​ഷ​മാ​യി​രു​ന്നു ഭാ​ഗ​വ​ത​ർ​ക്ക്. സം​ഗീ​ത​പ്ര​ധാ​ന​മാ​യ റോ​ൾ. ഭി​ക്ഷാ​പാ​ത്ര​വു​മാ​യി അ​ദ്ദേ​ഹം നീ​ങ്ങു​ന്പോ​ൾ പ്രേ​ക്ഷ​ക​രി​ൽ ചി​ല​ർ നാ​ണ​യ​ങ്ങ​ളും രൂ​പാ​നോ​ട്ടു​ക​ളും സ്റ്റേ​ജി​ലേ​ക്ക് എ​റി​യു​മാ​യി​രു​ന്നു. അ​വ പെ​റു​ക്കി​യെ​ടു​ത്ത് ക​ഥാ​പാ​ത്രം നീ​ങ്ങു​ന്ന​ത് അ​ക്കാ​ല​ത്തെ പ​തി​വു സ്റ്റൈ​ലാ​യി​രു​ന്നു.

യാ​ച​കി എ​ന്ന നാ​ട​ക​ത്തി​ൽ ത​ങ്കം വാ​സു​ദേ​വ​ൻ നാ​യ​ർ ഭി​ക്ഷ യാ​ചി​ച്ചു സ്റ്റേ​ജി​ലൂ​ടെ ന​ട​ന്നു പാ​ടി​യ​ത് ഓ​ർ​മ​യു​ണ്ട്. സ്റ്റേ​ജി​ൽ വീ​ഴു​ന്ന തു​ക എ​ത്ര​യാ​ണെ​ങ്കി​ലും അ​ത് ആ ​ക​ലാ​കാ​ര​നോ ക​ലാ​കാ​രി​ക്കോ എ​ടു​ക്കാം എ​ന്ന​താ​യി​രു​ന്നു പ​തി​വ്.

നാ​ട​ക​ത്തി​ൽ പാ​പ്പു​ക്കു​ട്ടി ഭാ​ഗ​വ​ത​ർ സം​ഗീ​തം ആ​ല​പി​ക്കു​ന്പോ​ൾ പ​ല​പ്പോ​ഴും പ്രേ​ക്ഷ​ക​രു​ടെ ഭാ​ഗ​ത്തു​നി​ന്ന് നാ​ട​ക​ക​ഥ​യു​മാ​യി യാ​തൊ​രു ബ​ന്ധ​വു​മി​ല്ലാ​ത്ത മ​റ്റേ​തെ​ങ്കി​ലും ഗാ​ന​മോ കീ​ർ​ത്ത​ന​മോ പാ​ടാ​ൻ ആ​വ​ശ്യ​പ്പെ​ടും. ത​യാ​റാ​യി​ല്ലെ​ങ്കി​ൽ നാ​ട​കം മു​ന്നോ​ട്ടു​പോ​കാ​ൻ പ​റ്റാ​ത്ത സാ​ഹ​ച​ര്യം വ​രും.

അ​തു​കൊ​ണ്ടു കാ​ണി​ക​ളു​ടെ ആ​ഗ്ര​ഹ​ത്തി​നു വ​ഴ​ങ്ങി സീ​നി​ന്‍റെ ഇ​ട​യി​ൽ ഭാ​ഗ​വ​ത​ർ പാ​ടും. 1940ക​ളി​ൽ വ​ലി​യ ഹി​റ്റാ​യി​ത്തീ​ർ​ന്ന ഒ​രു ഗാ​ന​മു​ണ്ട്. സി​ന്ധ​കി എ​ന്ന ചി​ത്ര​ത്തി​ൽ സൈ​ഗാ​ൾ പാ​ടി​യ സോ​ജാ രാ​ജ​കു​മാ​രി.. എ​ന്ന അ​ന​ശ്വ​ര​ഗാ​നം. പ്രേ​ക്ഷ​ക​രു​ടെ താ​ൽ​പ​ര്യ​ത്തി​ൽ ഈ ​ഗാ​നം ഭാ​ഗ​വ​ത​ർ അ​തി​സു​ന്ദ​ര​മാ​യി ആ​ല​പി​ക്കു​മാ​യി​രു​ന്നു. അ​തോ​ടെ കേ​ര​ള സൈ​ഗാ​ൾ എ​ന്ന പേ​രു വീ​ണു.

ഏ​ഴാം വ​യ​സി​ൽ ര​ണ്ടാം ക്ലാ​സി​ൽ പ​ഠി​ക്കു​ന്പോ​ൾ വേ​ദ​മ​ണി എ​ന്ന സം​ഗീ​ത നാ​ട​ക​ത്തി​ൽ പാ​ടി അ​ഭി​ന​യി​ച്ചു​കൊ​ണ്ടാ​ണ് അ​ദ്ദേ​ഹ​ത്തി​ന്‍റെ അ​ര​ങ്ങേ​റ്റം. ക​ല​യോ​ടു​ള്ള അ​ഭി​നി​വേ​ശം നി​മി​ത്തം പ​ന്ത്ര​ണ്ടാം വ​യ​സി​ൽ പ​ഠ​നം നി​ർ​ത്തി. പി​ന്നീ​ട് ര​ണ്ട് സം​ഗീ​ത അ​ധ്യാ​പ​ക​രു​ടെ കീ​ഴി​ൽ അ​ഞ്ചാ​റു വ​ർ​ഷം ക​ർ​ണാ​ട​ക​സം​ഗീ​തം അ​ഭ്യ​സി​ച്ചു.

തു​ട​ർ​ന്ന് ഷെ​വ. ആ​ർ​ട്ടി​സ്റ്റ് പി.​ജെ. ചെ​റി​യാ​ന്‍റെ മി​ശി​ഹാ​ച​രി​ത്രം നാ​ട​ക​ത്തി​ൽ അ​ഭി​ന​യി​ച്ചും പാ​ടി​യും പേ​രെ​ടു​ത്തു. ആ ​നാ​ട​ക​ത്തി​ൽ അ​ഭി​ന​യി​ക്കാ​ൻ ചെ​ന്ന​പ്പോ​ൾ ഭാ​ഗ​വ​ത​ർ​ക്ക് കൊ​ടു​ത്ത​ത് മ​ഗ്ദ​ല​ന​മ​റി​യ​ത്തി​ന്‍റെ സ്ത്രീ​വേ​ഷ​മാ​യി​രു​ന്നു. അ​തി​ൽ അ​ത്യ​ധി​കം സ​ങ്ക​ട​വും നി​രാ​ശ​യു​മു​ണ്ടാ​യി തി​രി​ച്ചു​പോ​രാ​ൻ ഒ​രു​ന്പെ​ട്ട​താ​ണ്. ഒ​ടു​വി​ൽ റോ​ളി​ന്‍റെ പ്രാ​ധാ​ന്യം മ​ന​സി​ലാ​ക്കി​ക്കൊ​ടു​ത്ത​തോ​ടെ അ​ദ്ദേ​ഹം വ​ഴ​ങ്ങി.

കേ​ര​ള​ത്തി​ലും പു​റ​ത്തും ഭാ​ഗ​വ​ത​രു​ടെ നി​ര​വ​ധി നാ​ട​ക​ങ്ങ​ൾ അ​ര​ങ്ങേ​റി. മു​പ്പ​തി​ലേ​റെ വ​ർ​ഷം പാ​ടു​ന്ന നാ​യ​ക​നാ​യി പ്ര​ശോ​ഭി​ച്ചു. പ​തി​ന​യ്യാ​യി​രം വേ​ദി​ക​ളി​ൽ ഇ​ദ്ദേ​ഹം നാ​ട​ക​ങ്ങ​ളും സം​ഗീ​ത​ക്ക​ച്ചേ​രി​യും അ​വ​ത​രി​പ്പി​ച്ചി​ട്ടു​ണ്ട്.

ഒ​രി​ക്ക​ൽ മും​ബൈ​യി​ൽ പ​ര​ദേ​ശി നാ​ട​കം അ​വ​ത​രി​പ്പി​ച്ച​പ്പോ​ൾ സം​ഘാ​ട​ക​രു​ടെ ക്ഷ​ണം സ്വീ​ക​രി​ച്ച് പ്ര​മു​ഖ ഹി​ന്ദി ന​ടന്മാ​രാ​യ രാ​ജ്ക​പൂ​ർ, അ​ശോ​ക് കു​മാ​ർ, ജ​യ​രാ​ജ് തു​ട​ങ്ങി​യ​വ​ർ അ​ത് കാ​ണാ​നെ​ത്തി​യി​രു​ന്നു. ഭി​ക്ഷാ​പാ​ത്ര​വു​മാ​യി ഭാ​ഗ​വ​ത​ർ പാ​ടി അ​ഭി​ന​യി​ന്ന​തി​നി​ടെ മ​ല​യാ​ളി പ്രേ​ക്ഷ​ക​രു​ടെ ഇ​ട​യി​ൽ​നി​ന്ന് സോ​ജ പാ​ട​ണം എ​ന്ന് ഉ​ച്ച​ത്തി​ലു​ള്ള അ​ഭ്യ​ർ​ഥ​ന മു​ഴ​ങ്ങി.

അ​തി​നു വ​ഴ​ങ്ങി ഭാ​ഗ​വ​ത​ർ സോ​ജാ രാ​ജ​കു​മാ​രി... എ​ന്ന ഗാ​നം ആ​ല​പി​ച്ച​പ്പോ​ൾ രാ​ജ്ക​പൂ​റും അ​ശോ​ക് കു​മാ​റും ജ​യ​രാ​ജും വി​സ്മ​യം പൂ​ണ്ട് എ​ഴു​ന്നേ​റ്റു​നി​ന്ന് കൈ​യ​ടി​ച്ച​തി​നൊ​പ്പം നൂ​റി​ന്‍റെ നോ​ട്ടു​ക​ളും ഭി​ക്ഷാ​പാ​ത്ര​ത്തി​ലി​ട്ടു. പ്രേ​ക്ഷ​ക​രു​ടെ ഭാ​ഗ​ത്തു​നി​ന്ന് നോ​ട്ടു​ക​ളും നാ​ണ​യ​ങ്ങ​ളും സ്റ്റേ​ജി​ലേ​ക്ക് വ​ന്നു​കൊ​ണ്ടി​രു​ന്നു. നാ​ട​കാ​ന​ന്ത​രം എ​ണ്ണി​നോ​ക്കി​യ​പ്പോ​ൾ 1750 രൂ​പ ഉ​ണ്ടാ​യി​രു​ന്നു. ഒ​രു​പ​റ അ​രി​ക്ക് ഒ​രു രൂ​പ മാ​ത്രം വി​ല​യു​ള്ള കാ​ല​മാ​യി​രു​ന്നു അ​ത്.

പാ​പ്പു​ക്കു​ട്ടി ഭാ​ഗ​വ​ത​ർ ഇ​രു​പ​ത്ത​ഞ്ചോ​ളം മ​ല​യാ​ള സി​നി​മക​ളി​ലും അ​ഭി​ന​യി​ച്ചു. ചി​ല​തി​ൽ പി​ന്ന​ണി​ഗാ​യ​ക​നാ​യും ശോ​ഭി​ച്ചു. നാ​ട​ക​രം​ഗ​ത്തു​നി​ന്ന് പി​ൻ​വാ​ങ്ങി​യ​ശേ​ഷം മൂ​ന്നു വ​ർ​ഷം മു​ട്ട​ത്തു​വ​ർ​ക്കി​യു​ടെ പാ​ടാ​ത്ത പൈ​ങ്കി​ളി എ​ന്ന നോ​വ​ലി​നെ ക​ഥാ​പ്ര​സം​ഗ രൂ​പ​ത്തി​ലാ​ക്കി ഭാ​ഗ​വ​ത​ർ അ​വ​ത​രി​പ്പി​ച്ചു. പി​ൽ​ക്കാ​ല​ത്ത് വി​വി​ധ​യി​ട​ങ്ങ​ളി​ൽ സം​ഗീ​ത​ക്ക​ച്ചേ​രി​ക​ൾ ന​ട​ത്തി. കൂടാതെ കു​ട്ടി​ക​ളെ സം​ഗീ​തം അ​ഭ്യ​സി​പ്പി​ക്കു​ക​യും ചെ​യ്തു.

കേ​ര​ള സം​ഗീ​ത നാ​ട​ക അ​ക്കാ​ദ​മി അ​വാ​ർ​ഡ്, ഫി​ലിം ക്രി​ട്ടി​ക്സ് അ​വാ​ർ​ഡ്, കെ​സി​ബി​സി അ​വാ​ർ​ഡ് തു​ട​ങ്ങി നി​ര​വ​ധി പു​ര​സ്കാ​ര​ങ്ങ​ളും അം​ഗീ​കാ​ര​ങ്ങ​ളും അ​ദ്ദേ​ഹ​ത്തെ തേ​ടി​യെ​ത്തി. കേ​ര​ള സം​ഗീ​ത​നാ​ട​ക അ​ക്കാ​ദ​മി​യു​ടെ ഫെ​ലോ​ഷി​പ്പി​നും അ​ർ​ഹ​നാ​യി. നൂ​റാം വ​യ​സി​ൽ ചെ​ന്നൈ​യി​ലെ ആ​ശാ​ൻ മെ​മ്മോ​റി​യ​ൽ ഹാ​ളി​ൽ മ​റു​നാ​ട​ൻ മ​ല​യാ​ളി​ക​ൾ അ​ദ്ദേ​ഹ​ത്തി​ന് സ്വീ​ക​ര​ണം ന​ൽ​കി​യ വേ​ള​യി​ലും സം​ഗീ​ത​ക്ക​ച്ചേ​രി​ ന​ട​ത്തി കൈ​യ​ടി നേ​ടി.

സം​ഗീ​ത​നാ​ട​ക അ​ക്കാ​ദ​മി​യു​ടെ ഫെ​ലോ​ഷി​പ്പ് കു​ന്നം​കു​ളം ടൗ​ണ്‍ ഹാ​ളി​ൽ ഏ​റ്റു​വാ​ങ്ങി​യ വേ​ള​യി​ൽ മ​റു​പ​ടി​പ്ര​സം​ഗ​ത്തി​നു പ​ക​രം ഭാ​ഗ​വ​ത​ർ സോ​ജാ രാ​ജ​കു​മാ​രി എ​ന്ന ഗാ​ന​മാ​ണ് ആ​ല​പി​ച്ച​ത്. കെ.​എ​ൽ. സൈ​ഗാ​ൾ അ​ന​ശ്വ​ര​മാ​ക്കി​യ ഗാ​നം അ​തേ പ്രൗ​ഢി​യോ​ടും സ്വ​ര​മാ​ധു​രി​യോ​ടും കൂ​ടെ ഭാ​ഗ​വ​ത​ർ പാ​ടി​യ​പ്പോ​ൾ സ​ദ​സ് കോ​രി​ത്ത​രി​ച്ചു.

കൊ​ച്ചി വൈ​പ്പി​ൻ​ക​ര​യി​ൽ തെ​ക്ക​ൻ​മാ​ലി​പ്പു​റ​ത്ത് ച​ക്കാ​ല​യ്ക്ക​ൽ മി​ഖാ​യിലി​ന്‍റെ​യും അ​ന്ന​യു​ടെ​യും മ​ക​നാ​ണ് പാ​പ്പു​ക്കു​ട്ടി. പ​രേ​ത​യാ​യ ബേ​ബി​യാ​ണു ഭാ​ര്യ. ന​ട​ൻ മോ​ഹ​ൻ ജോ​സ്, ഗാ​യി​ക സ​ൽ​മ, സാ​ബു, ഷാ​ദി, പ​രേ​ത​നാ​യ ജീ​വ​ൻ ജോ​സ് എ​ന്നി​വ​രാ​ണ് മ​ക്ക​ൾ.

സി.​എ​ൽ. ജോ​സ്