ദൈവം കരുതിവച്ച നിധി

ഇ​രു​പ​ത് വ​ർ​ഷം മു​ന്പ് ഒ​രു സ​ന്ധ്യാ​വേ​ള​യി​ൽ ഒ​രു കു​ട്ട അ​രി ത​ല​യി​ൽ ചു​മ​ന്ന് ഒ​രു സ്ത്രീ ​ന​വ​ജീ​വ​ൻ അ​ഗ​തി​മ​ന്ദി​ര​ത്തി​ലെ​ത്തി. അ​രി അ​ടു​ക്ക​ള​യി​ൽ​വ​ച്ച​ശേ​ഷം അ​വ​ർ തൊ​ഴു​കൈ​ക​ളോ​ടെ ഓ​ഫീ​സ് മു​റി​യി​ലേ​ക്ക് വ​ന്നു.

അവർ പ​ങ്കു​വ​ച്ച അ​നു​ഭ​വം എ​ന്‍റെ​യും സ​ഹ​പ്ര​വ​ർ​ത്ത​ക​രു​ടെ​യും ക​ണ്ണു​ക​ളെ ഈ​റ​ന​ണി​യി​ച്ചു. അ​ന്നേ​ക്ക് മൂ​ന്നു മാ​സം മു​ന്പ് ബീ​ഡി​തെറു​പ്പു​കാ​ര​നാ​യ അ​വ​രു​ടെ ഭ​ർ​ത്താ​വ് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ശ്വാ​സ​കോ​ശ കാ​ൻ​സ​ർ ബാ​ധി​ത​നാ​യി കി​ട​ക്കു​ന്നു​ണ്ടാ​യി​രു​ന്നു. മാ​സ​ങ്ങളോളം ചി​കി​ത്സ​യി​ൽ ക​ഴി​ഞ്ഞ വേ​ള​യി​ൽ അ​വ​രും ഒ​പ്പ​മു​ണ്ടാ​യി​രു​ന്ന സ്കൂൾ വിദ്യാർഥിയായ മ​ക​നും ന​വ​ജീ​വ​ൻ ന​ൽ​കു​ന്ന ചോ​റു​ക​ഴി​ച്ചാ​ണ് വി​ശ​പ്പ​ട​ക്കി​യി​രു​ന്ന​ത്.

ന​വ​ജീ​വ​നി​ൽ​നി​ന്നു​ള്ള ഉ​ച്ച​ച്ചോ​റും ക​റി​ക​ളും ബാ​ക്കി​വ​ച്ച് അ​ത്താ​ഴ​വും പി​റ്റേ​ന്ന് രാ​വി​ലെ പ​ഴ​യ​ൻ​ചോ​റും ക​ഴി​ച്ച​തും മ​രു​ന്നു വാ​ങ്ങാ​ൻ സാന്പത്തിക സ​ഹാ​യം ന​ൽ​കി​യ​തു​മൊ​ക്കെ അ​വ​ർ നന്ദിയോ​ടെ പ​റ​ഞ്ഞു. ആ​ഴ്ച​ക​ളോ​ളം വേ​ദ​ന​യി​ൽ ക​ഴി​ഞ്ഞശേഷം ഭ​ർ​ത്താ​വ് ആ​ശു​പ​ത്രി​യി​ൽ​ത​ന്നെ മ​രി​ച്ചു. സ്വ​ന്ത​മാ​യി സ്ഥ​ല​മി​ല്ലാ​ത്ത​തി​നാ​ൽ പൊ​തു​ശ്മ​ശാ​ന​ത്തി​ലാണ് ഭ​ർ​ത്താ​വി​നെ സം​സ്ക​രി​ച്ച​ത്.

കോട്ടയത്തിന്‍റെ പടിഞ്ഞാറൻമേഖലയിൽ നിന്നുള്ള ഇവർക്ക് പാ​ട​ത്താ​ണ് ജോ​ലി. രാ​വി​ലെ മു​ത​ൽ വൈ​കു​ന്നേ​രം വ​രെ പ​ണി​യെ​ടു​ക്കും. വി​ത​യും ക​ള​പ​റി​ക്ക​ലും കൊ​യ്ത്തു​മൊ​ക്കെ​യാ​യി പൊ​രി​വെ​യി​ലും പെ​രു​മ​ഴ​യും സ​ഹി​ച്ചുള്ള ജീ​വി​തം.

അ​ക്കൊ​ല്ല​ത്തെ കൊ​യ്ത്തി​ന് കൂ​ലി​യാ​യി കി​ട്ടി​യ നെ​ല്ല് കു​ത്തി​യ​പ്പോ​ൾ അ​തി​ന്‍റെ ദ​ശാം​ശം അ​രി​യാ​യി ന​വ​ജീ​വ​നി​ൽ നൽകാൻ വ​ന്ന​താ​ണ് സാ​ധു സ്ത്രീ. ​ആശുപത്രിയിൽ കഴിഞ്ഞപ്പോൾ അ​വ​ർ​ക്കും ഭ​ർ​ത്താ​വി​നും മ​ക​നും ന​ൽ​കി​യ ചോ​റി​ന് ന​ന്ദി​യാ​യി കൂ​ലി​നെ​ല്ലിന്‍റെ വി​ഹി​ത​വു​മാ​യി വ​ന്ന ആ തൊ​ഴി​ലാ​ളി സ്ത്രീ​യു​ടെ ന​ൻ​മ എ​ന്നെ അ​ത്ഭു​ത​പ്പെ​ടു​ത്തി.

ലോ​ക​ത്തി​ൽ ഇ​ങ്ങ​നെ​യും പ്ര​തി​ന​ന്ദി​യും കാ​രു​ണ്യ​വു​മു​ള്ള മ​നു​ഷ്യ​രു​ണ്ട​ല്ലോ എ​ന്ന് ഓ​ർ​മി​ച്ചു​പോ​യി ആ ​നി​മി​ഷ​ത്തി​ൽ. അ​വ​ർ ന​ൽ​കി​യ അ​രി​കൊ​ണ്ട് പാ​യ​സ​മു​ണ്ടാ​ക്കി പി​റ്റേ​ന്ന് ഞ​ങ്ങ​ൾ നവജീവനിലെ മ​നോ​രോ​ഗി​ക​ളാ​യ അ​ന്തേ​വാ​സി​ക​ൾ​ക്ക് ന​ൽ​കി. തു​ട​ർ​ന്നു​ള്ള ഓ​രോ വ​ർ​ഷ​വും കൊ​യ്ത്ത് ക​ഴി​യു​ന്പോ​ൾ ഓ​രോ കു​ട്ട അ​രി​യു​മാ​യി ആ സാധുസ്ത്രീ വ​ന്നു​കൊ​ണ്ടി​രു​ന്നു.

മുൻപ് ആ​ശു​പ​ത്രി​യി​ൽ അ​ച്ഛ​ന്‍റെ മ​ര​ണ​ക്കി​ട​ക്ക​യി​ൽ ഹൃ​ദ​യം നു​റു​ങ്ങി​ക്ക​ഴി​യു​ക​യും എ​നി​ക്കു മു​ന്നി​ൽ ആ​ശ്വാ​സം തേ​ടി​വ​രി​ക​യും ചെ​യ്ത ​മ​ക​ൻ ഇപ്പോൾ കോ​ട്ട​യ​ത്തെ അ​റി​യ​പ്പെ​ടു​ന്ന ന്യൂ​റോ സ​ർ​ജ​നാ​ണ്.

ഇ​നി​യാ​ണ് ദൈ​വി​ക​മാ​യ കൃ​പാ​നു​ഭ​വ​ത്തി​ന്‍റെ അ​വ​സാ​ന ഭാ​ഗം പ​ങ്കു​വ​യ്ക്കാ​നു​ള്ള​ത്. സാ​ധു​വാ​യ ത​ന്നെ പ​ഠി​പ്പി​ച്ച് ഉ​ന്ന​ത​നി​ല​യി​ലെ​ത്തി​ക്കാ​ൻ അ​മ്മ കാ​ല​ങ്ങ​ളോ​ളം പ​ണി​യെ​ടു​ത്ത നെ​ൽ​പ്പാ​ടം ക​ഴി​ഞ്ഞ വ​ർ​ഷം മ​ക​ൻ വി​ല​യ്ക്ക് വാ​ങ്ങി. ദൈ​വം ത​നി​ക്കാ​യ ക​രു​തി​വ​ച്ച് അ​മ്മ​യെ അ​ധ്വാ​നി​ക്കാ​ൻ ഈ​ശ്വ​ര​ൻ നി​യോ​ഗി​ച്ച പാ​ടം മ​ക​ൻ അ​മ്മ​യു​ടെ പേ​രി​ലാണ് ​വാ​ങ്ങിയത്.

ക​ഴി​ഞ്ഞ മാ​സം ഒ​രു കാ​റി​ൽ നാ​ല് ചാ​ക്കു നി​റ​യെ അ​രി​യു​മാ​യി ഇ​തേ സ്ത്രീ​യും ഡോ​ക്ട​ർ മ​ക​നും ന​വ​ജീ​വ​നി​ലെ​ത്തി. പ​തി​വുരീ​തി​യി​ൽ അ​മ്മ​യും മ​ക​നും ക​ര​ങ്ങ​ൾ കൂ​പ്പി​നി​ന്നു. ‘ഇ​ത് അ​മ്മ​യ്ക്കാ​യി ഞാൻ വാ​ങ്ങി​യ പാ​ട​ത്തെ ആ​ദ്യ വി​ള​വാ​ണ്. ആ ​വി​ള​വ് അ​പ്പാ​ടെ മെ​ഡി​ക്ക​ൽ കോ​ള​ജി​ലെ രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും ഒ​രു നേ​രം ചോ​റാ​യി വി​ള​ന്പ​ണ​മെ​ന്നാ​ണ് ആ​ഗ്ര​ഹം. നാ​ളെ ഈ ​ചോ​റു വി​ള​ന്പാ​ൻ ഞാ​നും അ​മ്മ​യും മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ന​വ​ജീ​വ​നൊ​പ്പ​മു​ണ്ടാ​കും.

ഒ​രേ സ​മ​യം എ​ന്‍റെ ഹൃ​ദ​യം വി​തു​ന്പു​ക​യും കൈ​ക​ൾ വി​റ​യ്ക്കു​ക​യും ചെ​യ്ത നി​മി​ഷ​മാ​യി​രു​ന്നു അ​ത്. അ​വ​ർ​ക്കൊ​പ്പം ചാ​പ്പ​ലി​ൽ​പോ​യി മു​ട്ടു​കു​ത്തി ക്രി​സ്തു​വി​ന്‍റെ ക്രൂ​ശി​ത​രൂ​പ​ത്തി​ലേ​ക്ക് നോ​ക്കു​ന്പോ​ൾ മ​ന​സ് പ​റ​ഞ്ഞു. ‘ദൈ​വ​മേ നി​ന്‍റെ വ​ഴി​ക​ൾ എ​ത്ര മ​നോ​ഹ​രം. മ​നു​ഷ്യ​രു​ടെ ചി​ന്ത​ക​ളെ​ക്കാ​ൾ എ​ത്ര​യോ ഉ​ന്ന​ത​മാ​ണ് നി​ന്‍റെ പ​ദ്ധ​തി​ക​ൾ’.

ഒ​രി​ക്ക​ൽ അ​റി​ഞ്ഞോ അ​റി​യാ​തെ​യോ ചെ​യ്ത ന​ൻ​മ​യു​ടെ ഫ​ലം അ​നേ​ക​രി​ലേ​ക്ക് പ്ര​സ​രി​പ്പി​ക്കാ​ൻ ദൈ​വം ഇ​ങ്ങ​നെ എ​ത്ര​യോ മ​നു​ഷ്യ​രെ​യാ​ണ് ലോ​ക​ത്തി​ൽ നി​യോ​ഗി​ച്ചി​രി​ക്കു​ന്ന​ത്. മൂ​ന്നു വ​യ​റു​ക​ളെ നി​റ​യ്ക്കാ​നു​ള്ള ചോ​റ് കൊ​ടു​ത്ത​തി​ന് പ്ര​തി​ഫ​ല​മാ​യി മൂ​വാ​യി​രം പേ​രു​ടെ വ​യ​റു​ക​ളെ നി​റ​യ്ക്കാ​നു​ള്ള അ​രി​യു​മാ​യി വ​ന്ന അ​മ്മ​യോ​ടും മ​ക​നോ​ടും ന​ന്ദി പ​റ​യാ​ൻ എ​നി​ക്കു വാ​ക്കു​ക​ളു​ണ്ടാ​യി​രു​ന്നി​ല്ല.

പി.​യു. തോ​മ​സ്, ന​വ​ജീ​വ​ൻ