രാ​ധാ​ദേ​വി ഇന്നും പാടുന്നു... മധുരാർദ്രമായി

മ​ല​യാ​ള സി​നി​മ​യി​ലെ ആ​ദ്യ​കാ​ല നാ​യി​ക, ഡ​ബ്ബിം​ഗ് ആ​ർ​ട്ടി​സ്റ്റ് എ​ന്നീ നി​ല​ക​ളി​ൽ സാ​ന്നി​ധ്യം നി​റ​ച്ച പ്ര​തി​ഭ​യാ​ണ് സി.​എ​സ്.​രാ​ധാ​ദേ​വി. റേ​ഡി​യോ പ്രേ​ക്ഷ​ക​രു​ടെ ഓ​ർ​മ​യി​ൽ സി.​എ​സ്.​രാ​ധാ​ദേ​വി​യു​ടെ ശ​ബ്ദം ഇ​ക്കാ​ല​ത്തു​മുണ്ടാ​കും.

റേ​ഡി​യോ​യി​ൽ ല​ളി​ത​ഗാ​ന​ത്തി​നു തു​ട​ക്കം കു​റി​ക്കു​ന്ന​ത് സി.​എ​സ്.​രാ​ധാ​ദേ​വി​യു​ടെ ‘അ​ഞ്ജ​ന ശ്രീ​ധ​രാ....’ എ​ന്ന ഗാ​ന​ത്തോ​ടെ​യാ​ണ്. 1949 ൽ ​പ​തി​നേ​ഴാം വ​യ​സ്‌​സി​ൽ ട്രാ​വ​ൻ​കൂ​ർ റേ​ഡി​യോ​യി​ൽ ചേ​ർ​ന്ന സി.​എ​സ്.​രാ​ധാ​ദേ​വി, റേ​ഡി​യോ പ്ര​ക്ഷേ​പ​ണ​ത്തി​ന്‍റെ ആദ്യകാല കലാകാരന്മാരിലെ പ്ര​മു​ഖ​രി​ലൊ​രാ​ളാ​ണ്.

1954 ൽ ​പി.​സു​ബ്ര​ഹ്മ​ണ്യം അ​വ​കാ​ശി എ​ന്ന സി​നി​മ​യ്ക്കു​വേ​ണ്ടി ഗാ​യി​ക​മാ​രെ അ​ന്വേ​ഷി​ക്കു​ന്ന കാ​ലം. ഇ​ക്കാ​ല​ത്തെ​പോ​ലു​ള്ള സാ​മൂ​ഹി​ക അ​ന്ത​രീ​ക്ഷ​മ​ല്ല അ​ന്ന് കേ​ര​ള​ത്തി​ൽ. സ്ത്രീ​ക​ൾ സി​നി​മ​യി​ൽ അ​ഭി​ന​യി​ക്കു​ന്ന​തും പാ​ടു​ന്ന​തു​മൊ​ന്നും അ​ത്ര സ്വീ​കാ​ര്യ​മല്ലാത്ത കാ​ല​ത്താ​ണ് സി.​എ​സ്.​രാ​ധാ​ദേ​വി ആ​കാ​ശ​വാ​ണി​യി​ൽ പ്ര​വ​ർ​ത്തി​ക്കു​ന്നത്.

സ​ഹ​പ്ര​വ​ർ​ത്ത​ക​നാ​യി​രു​ന്ന പ്ര​ശ​സ്ത ഗാ​ന​ര​ചി​യ​താ​വ് തി​രു​ന​യ​നാ​ർ കു​റി​ച്ചി മാ​ധ​വ​ൻ നാ​യ​ർ രാ​ധാ​ദേ​വി​യോ​ട് പ​റ​ഞ്ഞു. ‘നീ ന​ന്നാ​യി പാ​ടു​ന്നു​ണ്ട​ല്ലോ. അ​വ​കാ​ശി​ക്കു​വേ​ണ്ടി നോ​ക്കി​ക്കൂ​ടെ’. രാ​ധാ​ദേ​വി​ക്കു അ​തു​കേ​ട്ട​പ്പോ​ൾ അദ്ഭു​ത​മാ​യി​രു​ന്നു. അ​വ​കാ​ശി​ക്കു​വേ​ണ്ടി നിരവധി ഗാ​യി​ക​മാ​രെ പാ​ടി​പ്പിച്ചു നോ​ക്കി​യി​ട്ടും ആ​രെ​യും സു​ബ്ര​ഹ്മ​ണ്യ​ത്തി​ന് ഇ​ഷ്ട​മാ​യി​ല്ലെ​ന്ന വാ​ർ​ത്ത രാ​ധാ​ദേ​വി​ക്കും അ​റി​യാ​മാ​യി​രു​ന്നു. അ​തു​കൊ​ണ്ടുത​ന്നെ രാ​ധാ​ദേ​വി പ​റ​ഞ്ഞു. ‘വ​ലി​യ വ​ലി​യ ഗാ​യി​ക​മാ​രു​ടെ ആലാ പനം ഇ​ഷ്ട​പ്പെ​ടാ​ത്ത സു​ബ്ര​ഹ്മ​ണ്യം മു​ത​ലാ​ളി എ​ന്നെ എ​ങ്ങ​നെ തെ​ര​ഞ്ഞെ​ടു​ക്കും. തി​രു​ന​യ​നാ​ർ കു​റി​ച്ചി പ​ക്ഷേ പിന്മാ​റാ​ൻ ത​യാ​റാ​യി​രു​ന്നി​ല്ല.

അ​ക്കാ​ല​ത്ത് ദി​വ​സ​വും രാ​ത്രി റേ​ഡി​യോ​യി​ൽ കാ​ൽ മ​ണി​ക്കൂ​ർ സി.​എ​സ്.​രാ​ധാ​ദേ​വി​യു​ടെ ല​ളി​ത​ഗാ​ന​മു​ണ്ട്. ത​ലേ​ദി​വ​സം സു​ബ്ര​ഹ്മ​ണ്യ​ത്തോ​ട് തി​രു​ന​യ​നാ​ർ കു​റി​ച്ചി പ​റ​ഞ്ഞു, നാ​ളെ രാ​ധാ​ദേ​വി​യു​ടെ ല​ളി​ത​ഗാ​ന​മു​ണ്ട്. മു​ത​ലാ​ളി അതു കേ​ട്ടി​ട്ട് തീ​രു​മാ​നി​ക്കൂ. സു​ബ്ര​ഹ്മ​ണ്യം രാ​ധാ​ദേ​വി​യു​ടെ ല​ളി​ത​ഗാ​നം കേ​ട്ടു.

അ​പ്പോ​ൾത്ത​ന്നെ താ​ൻ തേ​ടി ന​ട​ന്ന അ​വ​കാ​ശിയി​ലെ ഗാ​യി​ക രാ​ധാ​ദേ​വി​യാ​ണെ​ന്ന് മ​ന​സി​ൽ ഉ​റ​പ്പി​ക്കു​ക​യും ചെ​യ്തു. സി​നി​മ​യി​ൽ പാ​ടാ​ൻ പോ​വു​ക​യെ​ന്ന​ത് അ​ന്നു അ​ല്പം സാ​ഹ​സ​മാ​ണ്. രാ​ധാ​ദേ​വി ഭ​ർ​ത്താ​വ് നാ​രാ​യ​ണ​ൻ നാ​യ​രോ​ട് അ​നു​വാ​ദം ചോ​ദി​ച്ചു.

തി​രു​ന​യ​നാ​ർ കു​റി​ച്ചി​യു​ടെ പി​ന്തു​ണ​യു​ള്ള​തു​കൊ​ണ്ട് അ​ദ്ദേ​ഹം സ​മ്മ​തി​ച്ചു. സു​ബ്ര​ഹ്മ​ണ്യ​ത്തി​ന്‍റെ മെ​റി​ലാ​ൻ​ഡ് സ്റ്റു​ഡി​യോ​യി​ൽ​വ​ച്ചാ​യി​രു​ന്നു റെ​ക്കോ​ർ​ഡിം​ഗ്. അ​വി​ടന്ന് അ​യ​ച്ച കാ​റി​ൽ തി​രു​ന​യ​നാ​ർ കു​റി​ച്ചി​യോ​ടൊ​പ്പം രാ​ധാ​ദേ​വി മെ​റി​ലാ​ൻ​ഡി​ലെ​ത്തി. അ​വി​ടെ​ ഗാ​യ​ക​ൻ ക​മു​ക​റ പു​രു​ഷോ​ത്ത​മ​ൻ റീ​ഹേ​ഴ്സ​ൽ ക​ഴി​ഞ്ഞ് ഇ​രി​പ്പുണ്ടായിരുന്നു. സം​ഗീ​ത സം​വി​ധാ​യ​ക​ൻ ബ്ര​ദ​ർ ല​ക്ഷ്മ​ണ​നും ഒ​പ്പ​മു​ണ്ട്. അ​വ​കാ​ശി​യു​ടെ റെ​ക്കോ​ർ​ഡിം​ഗ് വി​ശേ​ഷ​ങ്ങ​ൾ സി.​എ​സ്.​രാ​ധാ​ദേ​വി ഇങ്ങനെ ഓ​ർ​മി​ക്കു​ന്നു.

‘​ഞ​ങ്ങ​ൾ എ​ത്തു​ന്പോ​ൾ അ​വ​കാ​ശി​യി​ലെ പാ​ട്ടു​ക​ളൊ​ക്കെ റെ​ക്കോ​ർ​ഡ് ചെ​യ്യു​വാ​നാ​യി ത​യാ​റാ​ക്കി വ​ച്ചി​രു​ന്നു. റെ​ക്കോ​ർ​ഡിം​ഗി​നു​മു​ന്പ് ഞാ​ൻ പ​റ​ഞ്ഞു. ഞാ​ൻ വ​ലി​യ പാ​ട്ടു​കാ​രി​യൊ​ന്നു​മ​ല്ല. റേ​ഡി​യോ​യി​ൽ പാ​ടു​ന്നു​ണ്ട്. ക്ലാ​സി​ൽ സം​ഗീ​ത​വും ആ​ല​പി​ക്കാ​റു​ണ്ട്. ബ്ര​ദ​ർ ല​ക്ഷ്ണ​ൻ ഉ​ട​നെ പ​റ​ഞ്ഞു. ‘​അ​തൊ​ന്നും പ​റ​യേ​ണ്ട. രാ​ധാ​ദേ​വി​യു​ടെ പാ​ട്ട് റേഡിയോയിൽ ഞ​ങ്ങ​ൾ ഇ​ന്ന​ലെ കേ​ട്ടു.’ അ​വ​കാ​ശി​ക്കു​വേ​ണ്ടി ക​മു​ക​റ​യ്ക്കൊ​പ്പം ഒ​രു യു​ഗ്മ​ഗാ​ന​മാ​ണ് പാ​ടി​യ​ത്.

റെ​ക്കോ​ർ​ഗിം​ഗ് എ​ഞ്ചി​നീ​യ​ർ വ​ള​രെ ന​ല്ല മ​നു​ഷ്യ​നാ​യി​രു​ന്നു. ര​ണ്ട് പ്രാ​വ​ശ്യം എ​ന്‍റെ ആ​ലാ​പ​നം എ​ടു​ക്കാ​മെ​ന്നും ഇ​ഷ്ട​മു​ള​ള​ത് അവർ എ​ടു​ക്ക​ട്ടെ​യെ​ന്നും എ​ഞ്ചി​നീ​യ​ർ പ​റ​ഞ്ഞു. ‘ഭൂ​വി​ത​ി​ലെ​ന്നും അ​നു​രാ​ഗ​മ​തി​ൽ ഗ​തി​ക്കു ദൈ​വം ത​ട​സ​മി​യ​ലാ​ത​നു​വാ​ദ​വേ​കാ....’ എ​ന്ന വ​രി​ക​ളാ​ണ് ഞാ​ൻ പാ​ടി​യ​ത്. ര​ണ്ട് വ​രി ക​മു​ക​റ എ​ന്ന രീ​തി​യി​ൽ ആ​യി​രു​ന്നു പാ​ട്ട്. നാ​യ​ക​ൻ പ്രേം​ന​സീ​റി​നു​വേ​ണ്ടി ക​മു​ക​റ​യും നാ​യി​ക മി​സ് കു​മാ​രി​ക്കു​വേ​ണ്ടി ഞാ​നും ര​ണ്ട് പ്രാ​വ​ശ്യം പാ​ടി ക​ഴി​ഞ്ഞ​പ്പോ​ൾ ക​മു​ക​റ പ​റ​ഞ്ഞു. ‘​ഇ​തു മ​തി​യ​ല്ലോ’.​എ​ഞ്ചി​നീ​യ​ർ​ക്കു തൃ​പ്തി​യാ​യി. ബ്ര​ദ​ർ ല​ക്ഷ്മ​ണ​നോ​ടും സു​ബ്ര​ഹ്മ​ണ്യ​ത്തോ​ടും ഗാ​നം ന​ന്നാ​യി എ​ന്നു എ​ഞ്ചി​നീ​യ​ർ പ​റ​ഞ്ഞ​പ്പോ​ൾ ഗാ​നം എ​ടു​ത്തുവ​യ്ക്കൂ എ​ന്ന് സു​ബ്ര​ഹ്മ​ണ്യം മു​ത​ലാ​ളി​യും പ​റ​ഞ്ഞു.

റെ​ക്കോ​ർ​ഡിം​ഗ് ക​ഴി​ഞ്ഞ​യു​ട​ൻ സു​ബ്ര​ഹ്മ​ണ്യം മു​ത​ലാ​ളി ഒ​ന്നു​കൂ​ടി പ​റ​ഞ്ഞു. ‘സി​നി​മ​യി​ൽ പാ​ട്ട് ന​ന്നാ​വു​ക​യാ​ണെ​ങ്കി​ൽ എ​ന്‍റെ എ​ല്ലാ സി​നി​മ​ക​ളി​ലെ​യും പാ​ട്ടു​ക​ൾ രാ​ധാ​ദേ​വി​ക്കു ന​ൽ​കാം’.
പി​ന്നീ​ട് പി.​സു​ബ്ര​ഹ്മ​ണ്യ​ത്തി​ന്‍റെ ഭ​ക്ത​കു​ചേ​ല, മ​ന്ത്ര​വാ​ദി, മ​റി​യ​കു​ട്ടി, പാ​ടാ​ത്ത പൈ​ങ്കി​ളി, ര​ണ്ടി​ട​ങ്ങ​ഴി, ജ​യി​ൽ​പ്പു​ള്ളി, പൂ​ത്താ​ലി തു​ട​ങ്ങി​യ സി​നി​മ​ക​ളി​ൽ സി.​എ​സ്.​രാ​ധാ​ദേ​വി പാ​ടി.

മു​ണ്ടും നേ​ര്യ​തു​ം ധരിച്ച് നെ​റ്റി​യി​ൽ കു​ങ്കു​മ​വും ച​ന്ദ​ന​വു​മ​ണി​ഞ്ഞ് 91 ന്‍റെ നി​റ​വി​ൽ സി.​എ​സ്.​രാ​ധാ​ദേ​വി വീ​ണ്ടും പാ​ടു​ന്നു. നീ​ണ്ട 68 വ​ർ​ഷം മു​ന്പു​ള്ള അ​തേ ഈ​ണ​ത്തി​ൽ, താ​ള​ത്തി​ൽ.
തി​രു​വ​ന​ന്ത​പു​രം ഉ​പ്പ​ളം റോ​ഡി​ലെ മാ​ളി​ക​പു​ര​യ്ക്ക​ലി​ൽ മ​ക​ൻ ന​ന്ദ​ഗോ​പ​നൊ​പ്പ​മാ​ണ് താ​മ​സം. മ​റി​യ​കു​ട്ടി എ​ന്ന ചി​ത്ര​ത്തി​ലെ

‘ഈ​ശ​പു​ത്ര​നെ വാ
​യേ​ശു​നാ​ഥ​നേ വാ
​ഈ ഗൃ​ഹ​ത്തി​ലെ കൂ​രി​രു​ൾ
മാ​റ്റു​വാ​ൻ
നീ ​ക​നി​യേ​ണ​മേ....’

എ​ന്ന ഗാ​നം സി.​എ​സ്.​രാ​ധാ​ദേ​വി​യു​ടെ ആലാപന​ത്തി​ലെ നാ​ഴി​ക​ക്ക​ല്ലാ​ണ്. ക​ണ്ണു​ക​ട​ച്ച് സി.​എ​സ്.​രാ​ധാ​ദേ​വി ഈ​ശ​പു​ത്ര​നെ വാ ​എ​ന്ന് ഇ​ന്നു പാ​ടു​ന്പോ​ഴും പ​ഴ​യ ഭ​ക്തി പൂ​ത്താ​ലി യി​ലെ ക​ല്യാ​ണം ക​ളി​യാ​ണെ​ന്നാ​രു പ​റ​ഞ്ഞു, ​ഒ​ന്നു ചി​രി​ക്കൂ ക​ണ്ണു​തി​രി​ക്കൂ....’ എ​ന്നീ ന​ർ​മം ക​ല​ർ​ന്ന ഗാ​ന​ങ്ങ​ളും പ​ഴ​യ കു​സൃ​തി​ച്ചി​രി​യോ​ടെ രാ​ധാ​ദേ​വി പാ​ടു​ന്നു.

1950 ൽ ​ന​ല്ല ത​ങ്ക​യി​ൽ യേ​ശു​ദാ​സി​ന്‍റെ അ​ച്ഛ​ൻ അ​ഗ​സ്റ്റി​ൻ ജോ​സ​ഫി​നൊ​പ്പം ‘​ആ​ന​ന്ദ​മാ​ണാ​കെ ആ​മോ​ദ​മാ​ണാ​കെ’ എ​ന്ന ഗാ​നം പാ​ടി​യി​ട്ടു​ള്ള രാ​ധാ​ദേ​വി ആ​കാ​ശ​വാ​ണി​ക്കു വേ​ണ്ടി യേ​ശു​ദാ​സി​നൊ​പ്പം ല​ളി​ത​ഗാ​നം ആ​ല​പി​ച്ചി​ട്ടു​ണ്ട്.

എ​സ്.​ മ​ഞ്ജു​ളാ​ദേ​വി