അ​യ​ൽ​വാ​സി​യെ അ​ന്യ​നാ​യി കാ​ണ​രു​ത്

പാ​പ​പ്പ​രി​ഹാ​രാ​ർ​ത്ഥം ന​ട​ത്തു​ന്ന തീ​ർ​ഥാ​ട​ന​ങ്ങ​ളും പ്രാ​ർ​ഥ​ന​ക​ളും ന​ല്ല​തു​ത​ന്നെ. അ​യ​ൽ​പ​ക്ക​ത്തു ക​ഴി​യു​ന്ന രോ​ഗി​ക​ളെ​യും നി​രാ​ശ​രെ​യും സ​ഹാ​യി​ക്കാ​നു​ള്ള കാ​രു​ണ്യ മ​ന​സ് തീ​ർ​ഥാ​ട​നം​പോ​ലെ പ്ര​ധാ​ന​മാ​ണ്. അ​ക​ല​ത്തെ ബ​ന്ധു​വി​നെ​ക്കാ​ൾ ആ​പ​ത്തു​വേ​ള​യി​ൽ സ​ഹാ​യി എ​ക്കാ​ല​ത്തും അ​യ​ൽ​വാ​സി​യാ​യി​രി​ക്കും. അ​യ​ൽ​വാ​സി​ക​ളി​ലേ​ക്ക് ഇ​റ​ങ്ങി​ച്ചെ​ല്ലു​ന്പോ​ൾ ജീ​വി​തം ത​ള്ളി​നീ​ക്കാ​നാ​വാ​തെ പ​ക​ച്ചു​നി​ൽ​ക്കു​ന്ന​വ​രു​ടെ ദൈ​ന്യ​ത കാ​ണാ​നാ​കും.

അ​വ​ർ ന​മ്മു​ടെ സ​ഹാ​യ​വും സാ​ന്ത്വ​ന​വും അ​ർ​ഹി​ക്കു​ന്ന​വ​രും ആ​ഗ്ര​ഹി​ക്കു​ന്ന​വ​രു​മാ​യി​രി​ക്കും. രോ​ഗ​വേ​ദ​ന​യും സാ​ന്പ​ത്തി​ക​ക്ലേ​ശ​വും ഒ​ന്നു​പോ​ലെ ഭാ​ര​മാ​കു​ന്പോ​ൾ ഉ​റ​ക്കം ന​ഷ്ട​പ്പെ​ട്ട ജീ​വി​ത​മാ​ണ് അ​വ​രി​ൽ പ​ല​രു​ടേ​തും. പ​ല നാ​ടു​ക​ളി​ൽ ആ​ഴ്ച​യി​ൽ ര​ണ്ടും മൂ​ന്നും എ​ന്ന തോ​തി​ൽ ഇ​തോ​ട​കം ര​ണ്ടാ​യി​ര​ത്തി​ല​ധി​കം ത​വ​ണ​വ​രെ ഡ​യാ​ലി​സി​സ് ന​ട​ത്തി ജീ​വ​ൻ നി​ല​നി​ർ​ത്തു​ന്ന​വ​രെ ഞാ​ൻ കാ​ണു​ന്നു​ണ്ട്. കോ​വി​ഡ് മ​ഹാ​മാ​രി വ​ന്ന​തോ​ടെ ഇ​വ​രി​ൽ സാ​ന്പ​ത്തി​ക​ക്ലേ​ശം ഇ​ര​ട്ടി​യാ​വു​ക​യും ചെ​യ്തി​രി​ക്കു​ന്നു.

രോ​ഗ​മോ സാ​ന്പ​ത്തി​ക ക്ലേ​ശ​മോ അ​നാ​ഥ​ത്വ​മോ ഒ​ക്കെ കാ​ര​ണ​ങ്ങ​ളാ​ൽ ജീ​വി​തം ഭാ​ര​മാ​യി മാ​റി​യ വ്യ​ക്തി​ക​ളെ​യും കു​ടും​ബ​ങ്ങ​ളെ​യും അ​ത​ത് പ്ര​ദേ​ശ​ങ്ങ​ളി​ലു​ള്ള​വ​ർ ത​നി​ച്ചോ ഒ​ന്നു​ചേ​ർ​ന്നോ സ​ഹാ​യി​ച്ചാ​ൽ വ​ലി​യ ആ​ശ്വാ​സ​മാ​കും. സ​ഹ​ന​ത്തി​ന്‍റെ കു​രി​ശു​ക​ൾ അ​റി​ഞ്ഞോ അ​റി​യാ​തെ​യോ അ​നു​ഭ​വി​ക്കേ​ണ്ടി​വ​രു​ന്ന​വ​ർ ഒ​ട്ടേ​റെ​യാ​ണ്. ഭാ​ര​ത്താ​ൽ വീ​ണു പോ​കു​ന്ന​വ​രും സ​ഹ​ന​പാ​ത​യി​ൽ ഇ​റ്റു വെ​ള്ള​ത്തി​നാ​യി ദാ​ഹി​ക്കു​ന്ന​വ​രും പ​ല​രാ​ണ്.

വ​ലി​യ നോ​ന്പി​ന്‍റെ അ​വ​സാ​ന​ത്തി​ലേ​ക്കു പ്ര​വേ​ശി​ക്കു​ന്പോ​ൾ ചു​റ്റു​പാ​ടു​ക​ളി​ൽ രോ​ഗ​ങ്ങ​ളും വേ​ദ​ന​യും ദാ​രി​ദ്ര്യ​വും അ​നു​ഭ​വി​ക്കു​ന്ന​വ​ർ​ക്ക് ചെ​റു​കൈ സ​ഹാ​യ​വും ആ​ശ്വാ​സ​വും എ​ത്തി​ക്കാ​നാ​യാ​ൽ അ​ത് പാ​പ​പ്പ​രി​ഹാ​ര​ത്തി​നു​ള്ള വ​ലി​യ അ​വ​സ​ര​മാ​യി​രി​ക്കും. പ്ര​ത്യാ​ശ​യു​ടെ ഈ​സ്റ്റ​ർ തി​രു​നാ​ളി​ൽ നാം ​വി​ഭ​വ​സ​മൃ​ദ്ധ​മാ​യ സ​ദ്യ​യൊ​രു​ക്കു​ന്പോ​ൾ അ​യ​ല​ത്തെ ഇ​ല്ലാ​ത്ത​വ​രു​ടെ വീ​ട്ടി​ൽ​ക്കൂ​ടി ഒ​രു പ​ങ്ക് കൊ​ടു​ക്കാ​നാ​യാ​ൽ അ​തി​ൽ​പ​രം പു​ണ്യം വേ​റെ എ​ന്തി​രി​ക്കു​ന്നു.

സ​ഹാ​യം അ​ർ​ഹി​ക്കു​ന്ന​യാ​ൾ ശ​ത്രു​വോ മി​ത്ര​മോ ആ​യി​ക്കൊ​ള്ള​ട്ടെ, ദൈ​വ​തി​രു​മ​ന​സി​ൽ അ​ത് ന​മ്മു​ടെ വ​ലി​യ നി​ക്ഷേ​പ​മാ​യി മാ​റും. സാ​ന്പ​ത്തി​ക​മോ ഭ​ക്ഷ​ണ​മോ മാ​ത്ര​മ​ല്ല വീ​ട്, പ​ഠ​നം തു​ട​ങ്ങി ഏ​റെ സ​ഹാ​യ​ങ്ങ​ൾ ആ​ഗ്ര​ഹി​ക്കു​ന്ന​വ​രും അ​ർ​ഹി​ക്കു​ന്ന​വ​രും പ​ല​രു​ണ്ട്. കോ​വി​ഡ് ബാ​ക്കി​വെ​ച്ച ഭാ​ര​ത്താ​ൽ മ​ക​ളു​ടെ വി​വാ​ഹം മു​ട​ങ്ങി​പ്പോ​യ​തി​ന്‍റെ ആ​ശ​ങ്ക​യി​ൽ ഒ​രു കു​ടും​ബ​ത്തി​ലെ നാ​ലു പേ​ർ അ​ടു​ത്ത​യി​ടെ ക​ടും​കൈ ചെ​യ്ത സം​ഭ​വം ഏ​റെ​പ്പേ​രെ വേ​ദ​നി​പ്പി​ച്ചു, ക​ര​യി​ച്ചു. ഏ​ല്ലാ വ്യ​ക്തി​ക​ൾ​ക്കും ജീ​വി​തം പ്ര​തീ​ക്ഷ​യു​ടേ​താ​ണ്.

ആ ​പ്ര​യാ​ണ​ത്തി​ന് ക​രി​നി​ഴ​ൽ​വീ​ഴു​ന്പോ​ൾ വ്യ​ക്തി മാ​ത്ര​മ​ല്ല കു​ടും​ബം​ത​ന്നെ ത​ക​രു​ക​യാ​ണ്. രോ​ഗ​ങ്ങ​ളും അ​കാ​ല​മ​ര​ണ​ങ്ങ​ളും ദു​ര​ന്ത​ങ്ങ​ളും ഒ​രു കു​ടും​ബ​ത്തി​ന്‍റെ സാ​ധ്യ​ത​ക​ളെ​യാ​ണ് ത​ല്ലി​ക്കെ​ടു​ത്തു​ന്ന​ത്. ആ ​വീ​ടു​ക​ളി​ലെ കു​ഞ്ഞു​ങ്ങ​ളു​ടെ സ​മാ​ധാ​ന​വും സാ​ധ്യ​ത​യും പ്ര​തീ​ക്ഷ​ക​ളു​മാ​ണ് അ​സ്ത​മി​ക്കു​ന്ന​ത്. ഇ​ത്ത​ര​മു​ള്ള സാ​ഹ​ച​ര്യ​ങ്ങ​ളി​ലാ​ണ് അ​യ​ൽ​ക്കാ​രും നാ​ട്ടു​കൂ​ട്ട​വു​മൊ​ക്കെ വീ​ണു പോ​കു​ന്ന​വ​ർ​ക്ക് കൈ​ത്താ​ങ്ങാ​യി മാ​റേ​ണ്ട​ത്.


പി.​യു. തോ​മ​സ്, ന​വ​ജീ​വ​ൻ