അ​തി​ഥി മ​ന്ദി​ര​ങ്ങ​ളു​ടെ ച​ക്ര​വ​ർ​ത്തി​യാ​യി അ​ശോ​ക

ഇ​ന്ത്യ​യി​ലെ അ​തി​ഥി മ​ന്ദി​ര​ങ്ങ​ളു​ടെ ച​രി​ത്ര​ത്തി​ൽ ച​ക്ര​വ​ർ​ത്തി​യു​ടെ ത​ല​യെ​ടു​പ്പാ​ണ് അ​ശോ​ക ഹോ​ട്ട​ലി​നു​ള്ള​ത്. ന​രേ​ന്ദ്ര മോ​ദി സ​ർ​ക്കാ​ർ ഇ​പ്പോ​ൾ സ്വ​കാ​ര്യ മേ​ഖ​ല​യ്ക്ക് വി​റ്റ​ഴി​ക്കാ​ൻ ഒ​രു​ങ്ങു​ന്ന ഈ ​അ​തി​ഥി മ​ന്ദി​ര​ത്തി​ന് നൂ​റ്റാ​ണ്ടു​ക​ളു​ടെ ച​രി​ത്ര​വും പാ​ര​ന്പ​ര്യ​വു​മു​ണ്ട്. ഹോ​ട്ട​ൽ വി​റ്റ​ഴി​ക്കാ​നു​ള്ള തീ​രു​മാ​ന​ത്തി​ന് ഈ ​മാ​സം അ​വ​സാ​നം കേ​ന്ദ്ര കാ​ബി​ന​റ്റ് അം​ഗീ​കാ​രം ന​ൽ​കാ​നി​രി​ക്കു​ക​യാ​ണ്.

സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള ഇ​ന്ത്യ​യി​ലെ ഏ​റ്റ​വും പ്ര​ധാ​ന​പ്പെ​ട്ട പ​ഞ്ച​ന​ക്ഷ​ത്ര അ​ഥി​തി​മ​ന്ദി​ര​ത്തി​ന് പി​ന്നി​ൽ പ​ണ്ഡി​റ്റ് ജ​വ​ഹ​ർ ലാ​ൽ നെ​ഹ്റു എ​ന്ന പ്രഥമ പ്ര​ധാ​ന​മ​ന്ത്രി​യു​ടെ ദീ​ർ​ഘ വീ​ക്ഷ​ണ​ത്തി​ന്‍റെ ച​രി​ത്രം കൂ​ടി​യു​ണ്ട്. 1956-ലാ​ണ് അ​ശോ​ക​യു​ടെ നി​ർ​മാ​ണം. പ്ര​ധാ​ന​മ​ന്ത്രി നെ​ഹ്റു​വി​ന്‍റെ സ്വ​പ്ന പ​ദ്ധ​തി​ക്ക് മേ​ൽ​നോ​ട്ടം വ​ഹി​ച്ച​ത് അ​ന്ന​ത്തെ ടൂ​റി​സം മ​ന്ത്രി​യാ​യി​രു​ന്ന ക​ര​ണ്‍ സിം​ഗ് ആ​യി​രു​ന്നു.

ക്യൂ​ബ​ൻ വി​പ്ല​വ നേ​താ​ക്ക​ളാ​യ ചെ​ഗു​വേ​ര, ഫി​ഡ​ൽ കാ​സ്ട്രോ, മു​ൻ അ​മേ​രി​ക്ക​ൻ പ്ര​സി​ഡ​ന്‍റ് ബി​ൽ ക്ലി​ന്‍റ​ണ്‍ തു​ട​ങ്ങി​യ​വ​ർ അ​ശോ​ക​യി​ൽ അ​ന്തി​യു​റ​ങ്ങി​യി​ട്ടു​ള്ള വി​വി​ഐ​പികളാണ്. അ​മി​താ​ഭ് ബ​ച്ച​ന്‍റെ ഏ​റെ പ്ര​ശ​സ്ത​മാ​യ ബോ​ളി​വു​ഡ് ചി​ത്രം ലാ​വാ​രി​സി​ന്‍റെ ലൊ​ക്കേ​ഷ​നും അ​ശോ​ക ഹോ​ട്ട​ലാ​യി​രു​ന്നു. ലോ​ക​പ്ര​ശ​സ്ത സെ​ലി​ബ്രി​റ്റി ഷെ​ഫ് സ​ഞ്ജീ​വ് ക​പൂ​ർ അ​ശോ​ക​യു​ടെ രു​ചി​ക​ൾ​ക്ക് കൂ​ട്ടു പ​ക​ർ​ന്നി​ട്ടു​ണ്ട്. പ്ര​ശ​സ്ത ഗാ​യി​ക ഉ​ഷ ഉ​തു​പ്പ് ത​ന്‍റെ ആ​ദ്യ കാ​ല​ങ്ങ​ളി​ൽ ഇ​വി​ടു​ത്തെ റെ​സ്റ്റോറ​ന്‍റി​ൽ ഗാ​നങ്ങൾ ആ​ല​പി​ച്ചി​രു​ന്നു.

പ്ര​ശ​സ്ത എ​ഴു​ത്തു​കാ​രി അ​രു​ന്ധ​തി റോ​യ് ഒ​രി​ക്ക​ൽ ഇ​വി​ടു​ത്തെ ജിം ​ഇ​ൻ​സ്ട്ര​ക്ട​ർ ആ​യി​രു​ന്നു. അ​ശോ​ക​യി​ലെ അ​ടു​ക്ക​ള​യി​ൽ പാ​ച​ക​ക്കാ​ര​നും ഇ​ന്ത്യ​യി​ൽ ത​ന്നെ ഏ​റ്റ​വും രു​ചി​ക​ര​മാ​യ ബി​രി​യാ​ണി പാ​ച​കം ചെ​യ്യു​ന്നയാ​ളു​മാ​യ ഖു​റേ​ഷി​ക്ക് ഉന്നത ​ സി​വി​ലി​യ​ൻ ബ​ഹു​മ​തി​യാ​യ പ​ദ്മ​ശ്രീ വ​രെ ല​ഭി​ച്ചി​ട്ടു​ണ്ട്. അ​ങ്ങ​നെ വിസ്മയങ്ങളുടെ ഒ​രു​പാ​ട് ച​രി​ത്ര​മു​ണ്ട് അ​ശോ​ക​യ്ക്കു ചു​റ്റും.

ബ്രി​ട്ടീ​ഷ് ഭ​ര​ണ​ത്തി​ന്‍റെ നി​ഴ​ൽ ഒ​ഴി​ഞ്ഞ് സ്വാ​ത​ന്ത്ര്യം തെ​ളി​ഞ്ഞ ഇ​ന്ത്യ​യു​ടെ സു​വ​ർ​ണ കാ​ല​ത്തി​ന്‍റെ തു​ട​ക്കം പ​ല സു​പ്ര​ധാ​ന മാ​റ്റ​ങ്ങ​ളു​ടേ​തുകൂ​ടി​യാ​യി​രു​ന്നു. രാ​ജ്യ​ത്തെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നും സാ​ന്പ​ത്തി​ക വി​ക​സ​ന​ത്തി​നും ഏ​റെ ഉൗ​ന്ന​ൽ ന​ൽ​കി​ക്കൊ​ണ്ടു​ള്ള പ്ര​വ​ർ​ത്ത​ന​ങ്ങ​ളാ​യി​രു​ന്നു പ്ര​ഥ​മ പ്ര​ധാ​ന​മ​ന്ത്രി പ​ണ്ഡി​റ്റ് ജ​വ​ഹ​ർ​ലാ​ൽ നെ​ഹ്റു വി​ഭാ​വ​നം ചെ​യ്തി​രു​ന്ന​ത്.

കൊ​ളോ​ണി​യ​ൽ ച​ങ്ങ​ല​ക​ളി​ൽ നി​ന്ന് കു​ത​റി മാ​റി​യ ഇ​ന്ത്യ സ്വ​ന്തം പ്ര​തീ​ക​ങ്ങ​ളും പ്ര​തി​ച്ഛാ​യ​ക​ളു​മാ​യി ച​രി​ത്ര​ത്തി​ന്‍റെ ഭാ​ഗ​മാ​കാ​നു​ള്ള ഒ​രു​ക്ക​ങ്ങ​ളി​ലേ​ക്ക് തി​രി​ക്കി​ട്ടി​റ​ങ്ങി. യു​നെ​സ്കോ​യു​ടെ ഒ​ൻ​പ​താ​മ​ത് ഉ​ച്ച​കോ​ടി ഡ​ൽ​ഹി​യി​ൽവ​ച്ചു ന​ട​ത്താ​ൻ തീ​രു​മാ​നി​ക്കു​ന്ന​തി​ലൂ​ടെ​യാ​ണ് അ​ശോ​ക ഹോ​ട്ട​ൽ എ​ന്ന അ​ഥി​തി മ​ന്ദി​ര​ത്തി​ന്‍റെ ത​ല​വ​ര തെ​ളി​യു​ന്ന​ത്.

ലോ​ക നേ​താ​ക്ക​ൾ​ക്കും മ​റ്റും ആ​ഥി​ത്യം അ​രു​ളാ​ൻ അ​ങ്ങ​നെ അ​ശോ​ക ച​ക്ര​വ​ർ​ത്തി​യു​ടെ സ്മ​ര​ണ​യി​ൽ ത​ല​സ്ഥാ​ന​ത്ത് ഒ​രു അ​തി​ഥി മ​ന്ദി​രം ഒ​രു​ങ്ങു​ക​യാ​യി. ചാ​ണ​ക്യ​പു​രി​യി​ൽ 25 ഏ​ക്ക​ർ സ്ഥ​ല​ത്ത് വാ​സ്തു​വി​ദ്യ വി​ദ​ഗ്ധ​നാ​യ ബി.​ഇ. ഡോ​ക്ട​ർ ആ​ണ് നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കു നേ​തൃ​ത്വം ന​ൽ​കി​യ​ത്. രാ​ഷ്ട്ര​പ​തി ഭ​വ​നി​ൽ നി​ന്ന് വെ​റും ര​ണ്ടു കി​ലോ​മീ​റ്റ​ർ ദൂ​ര​മേ അ​ശോ​ക ഹോ​ട്ട​ലി​ലേ​ക്കു​ള്ളൂ. തൂ​ണു​ക​ൾ ഇ​ല്ലാ​ത്ത വ​ലി​യ ക​ണ്‍​വെ​ൻ​ഷ​ൻ ഹാ​ളും 550 അ​തി​ഥി മു​റി​ക​ളും വ​ലി​യൊ​രു സ്വി​മ്മിം​ഗ് പൂ​ളും അ​ഞ്ഞൂ​റി​ലേ​റെ മ​ര​ങ്ങ​ളും വി​വി​ധ സ​സ്യ​ജാ​ല​ങ്ങ​ളു​ള്ള ഉ​ദ്യാ​ന​വു​മാ​യി അ​ശോ​ക ഹോട്ടൽ നീ​തി മാ​ർ​ഗി​ൽ ത​ല ഉ​യ​ർ​ത്തി നി​ൽ​ക്കു​ന്നു.

റ​ഷ്യ​ൻ മാ​തൃ​ക പി​ൻ​പ​റ്റി ന​വോ​ത്ഥാ​ന ശൈ​ലി​യി​ലാ​ണ് അ​ശോ​ക ഹോ​ട്ട​ലി​ന്‍റെ നി​ർ​മാ​ണം. നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യി അ​ന്ന​ത്തെ രാ​ജാ​ക്ക​ൻ​മാ​രും ന​വാ​ബു​മാ​രും കൈ​യ​യ​ച്ചു സ​ഹാ​യി​ച്ചു. ആ​ദ്യ ഓ​ഹ​രി​യു​ട​മ​ക​ളാ​യി മു​ന്നോ​ട്ടു വ​ന്ന 23 പേ​രി​ൽ 15 പേ​രും വി​വി​ധ നാ​ട്ടു​രാ​ജ്യ​ങ്ങ​ളി​ലെ രാ​ജ​കു​മാ​ര​ൻ​മാ​രാ​യി​രു​ന്നു. ഹോ​ട്ട​ലി​ന്‍റെ നി​ർ​മാ​ണ വേ​ള​യി​ൽ പു​രോ​ഗ​തി വി​ല​യി​രു​ത്താ​ൻ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്റു കു​തി​ര​പ്പു​റ​ത്താ​യി​രു​ന്നു വ​ന്നുപോ​യി​രു​ന്ന​ത്.

പ​ഞ്ച​ന​ക്ഷ​ത്ര ഹോ​ട്ട​ലു​ക​ളാ​യ ഓ​ബ്റോ​യ്, ടാ​ജ് തു​ട​ങ്ങി​യ​വ​യു​ടെ ആ​രം​ഭ കാ​ല​മാ​യ​തി​നാ​ൽ അ​ശോ​ക​യു​ടെ ആ​തി​ഥ്യ​ത്തോ​ട് മ​ത്സ​രി​ക്കാ​ൻ അ​ന്നു രാ​ജ്യ​ത്ത് മ​റ്റ് അ​തി​ഥി മ​ന്ദി​ര​ങ്ങ​ളൊ​ന്നും ഉ​ണ്ടാ​യി​രു​ന്നി​ല്ല. വ​ന്പ​ൻ വ്യ​വ​സാ​യി​ക​ളും സി​നി​മാ താ​ര​ങ്ങ​ളും ലോ​കനേ​താ​ക്ക​ളും അ​ശോ​ക​യു​ടെ ആ​തി​ഥ്യ മ​ര്യാ​ദ​യ​റി​ഞ്ഞും അ​നു​ഭ​വി​ച്ചും അ​തി​ന്‍റെ പെ​രു​മ ലോ​ക​ത്തെ അ​റി​യി​ച്ചു.

ഡ​ൽ​ഹി​യി​ലെ ആ​ദ്യ​ത്തെ നൈ​റ്റ് ക്ല​ബ് തു​റ​ക്കു​ന്ന​തും അ​ശോ​ക​യി​ലാ​യി​രു​ന്നു. ത​ല​സ്ഥാ​ന​ത്ത് അ​ന്താ​രാ​ഷ്ട്ര വി​ഭ​വ​ങ്ങ​ൾ ത​ന​തു രു​ചി​ക​ളി​ൽ വി​ള​ന്പി​യ​തും ആ​ദ്യം അ​ശോ​ക​യി​ൽ ത​ന്നെ. ജാ​പ്പ​നീ​സ് രു​ചി​ക​ൾ മാ​ത്രം വി​ള​ന്പു​ന്ന ടോ​ക്യോ, ബ​ർ​ഗ​ണ്ടി, മെ​ഡി​റ്റ​റേ​നി​യ​ൻ രു​ചി​ക​ളു​ടെ ക​ല​വ​റ​യാ​യ റെ​സ്റ്റോ​റ​ന്‍റു​ക​ളും അ​ശോ​ക​യു​ടെ ആ​രാ​ധ​ക​രു​ടെ മ​നം ക​വ​ർ​ന്നു. ഹോ​ട്ട​ലി​ന്‍റെ ഉ​ദ്യാ​ന​ത്തി​ൽ ത​ന്നെ​യു​ള്ള മാ​വു​ക​ളി​ൽ വിളയുന്ന മാ​ങ്ങ കൊ​ണ്ടു​ണ്ടാ​ക്കു​ന്ന അ​ച്ചാ​ർ ആ​ണ് ഇ​വി​ടു​ത്തെ ഏ​റ്റ​വും പ്ര​ശ​സ്ത​മാ​യ നാ​ട​ൻ വി​ഭ​വം.

ഇ​ന്ത്യ​ൻ ടൂ​റി​സം ഡ​വ​ല​പ്മെ​ന്‍റ് കോ​ർ​പ​റേ​ഷ​ന്‍റെ ഉ​ട​മ​സ്ഥ​ത​യി​ൽ പ്ര​വ​ർ​ത്തി​ക്കു​ന്ന അ​ശോ​ക ഹോ​ട്ട​ൽ സ്വ​കാ​ര്യ മേ​ഖ​ല​യ്ക്ക് പാ​ട്ട​ത്തി​നു ന​ൽ​കാ​നാ​ണ് സ​ർ​ക്കാ​ർ ഒ​രു​ങ്ങു​ന്ന​ത്. ദീ​ർ​ഘ​കാ​ല​ത്തേ​ക്ക് പാ​ട്ട​ത്തി​ന് ന​ൽ​കു​ന്ന​തി​ലൂ​ടെ അ​ശോ​ക​യി​ൽ നി​ന്ന് സ​ർ​ക്കാ​ർ 7500 കോ​ടി​യു​ടെ വ​രു​മാ​നം കൈ​വ​രി​ക്കാ​നാ​കു​മെ​ന്നാ​ണ് ക​ണ​ക്കുകൂ​ട്ടു​ന്ന​ത്. മു​ൻ​പ് അ​ട​ൽ ബി​ഹാ​രി വാ​ജ്പേ​യി സ​ർ​ക്കാ​രി​ന്‍റെ കാ​ല​ത്ത് മ​ന്ത്രി അ​രു​ണ്‍ ഷൂ​രി അ​ശോ​ക വി​ൽ​ക്കാ​നു​ള്ള ശ്ര​മ​ങ്ങ​ൾ ന​ട​ത്തി​യി​രു​ന്നു​വെ​ങ്കി​ലും ഫ​ലം ക​ണ്ടി​രു​ന്നി​ല്ല.

സെബി മാത്യു