റിച്ചി എന്ന ചിത്രത്തിന് ശേഷം നിവിൻ പോളി തമിഴിൽ അഭിനയിക്കുന്ന രണ്ടാമത്തെ ചിത്രമാണിത്. റാം രചനയും സംവിധാനവും ഒരുക്കുന്ന ചിത്രത്തിൽ അഞ്ജലിയാണ് നായിക. ഹാസ്യതാരമായി ശ്രദ്ധ നേടിയ സൂരിയും പ്രധാന കഥാപാത്രമായി എത്തുന്നുണ്ട്.
മമ്മൂട്ടിയെ കേന്ദ്രകഥാപാത്രമാക്കി ഒരുക്കിയ തമിഴ് ചിത്രം പേരൻപിലൂടെ മലയാളി പ്രേക്ഷകരുടേയും ഇഷ്ടം നേടിയ സംവിധായകനാണ് റാം. തങ്കമീങ്കൾ, പേരൻപ് തുടങ്ങിയ മാസ്റ്റർപീസുകളിലൂടെ മനുഷ്യ മനസിന്റെ വേറിട്ട കഥകൾ പറഞ്ഞ സംവിധായകനൊപ്പം പുതിയ ചിത്രത്തിന്റെ തിരക്കിലാണ് നിവിൻ പോളി.
ചിത്രത്തിൽ പുതിയ മേക്കോവറിലാണ് താരം എത്തുന്നത്. നീട്ടി വളർത്തിയ മുടിയും താടിയുമായി മലയാളികളുടെ പ്രിയ താരം തെന്നിന്ത്യയിലേക്കും കടന്നു ചെല്ലുകയാണ്.
റിച്ചി എന്ന ചിത്രത്തിന് ശേഷം നിവിൻ പോളി തമിഴിൽ അഭിനയിക്കുന്ന രണ്ടാമത്തെ ചിത്രമാണിത്. റാം രചനയും സംവിധാനവും ഒരുക്കുന്ന ചിത്രത്തിൽ അഞ്ജലിയാണ് നായിക. ഹാസ്യതാരമായി ശ്രദ്ധ നേടിയ സൂരിയും പ്രധാന കഥാപാത്രമായി എത്തുന്നുണ്ട്.
മാനാടിന്റെ വിജയത്തിന് ശേഷം വി ഹൗസ് പ്രൊഡക്ഷൻസിന്റെ നിർമാതാവ് സുരേഷ് കാമാച്ചി ഒരുക്കുന്ന ചിത്രത്തിന്റെ ഷൂട്ടിംഗ് ചെന്നൈയിൽ പുരോഗമിക്കുകയാണ്. ചിത്രത്തിനായി ഗ്രാൻഡ് റെയിൽവേ സ്റ്റേഷൻ സെറ്റ് പണിതാണ് ചിത്രീകരണം.
ചെന്നൈയ്ക്ക് സമീപം ഗുമിഡിപൂണ്ടിയിലുള്ള എആർആർ ഫിലിം സിറ്റിയിലാണ് റെയിൽവേ സ്റ്റേഷന്റെ സ്പെൽബൈൻഡിംഗ് സെറ്റ് വർക്ക് സ്ഥാപിച്ചിരിക്കുന്നത്. നിവിൻ പോളിയും സൂരിയും ഉൾപ്പെടുന്ന രംഗങ്ങളാണ് അവിടെ ചിത്രീകരിക്കുന്നത്.
യുവൻ ശങ്കർ രാജ സംഗീതവും ഏകാംബരം ഛായാഗ്രഹണവും ഉമേഷ് ജെ. കുമാർ കലാസംവിധാനവും നിർവഹിക്കുന്നു. ധനുഷ്കോടിയിൽ ഷൂട്ടിംഗ് ആരംഭിച്ച് വണ്ടിപ്പെരിയാർ, വാഗമണ് ഉൾപ്പെടെ കേരളത്തിലും വിദേശങ്ങളിലും ചിത്രീകരണം നടന്നുകഴിഞ്ഞു. നിവിൻ പോളിയുടെ അഭിനയ ജീവിതത്തിലെ ശ്രദ്ധേയ കഥാപാത്രമായിരിക്കും റാമിന്റെ ഈ പേരിടാത്ത ചിത്രത്തിലുമുള്ളത്.
പുതിയ മേക്കോവറിൽ നിവിൻ പോളി റാമിനൊപ്പം തമിഴിൽ
02:16 AM Feb 06, 2022 | Deepika.com