ബി​ർ​ള ഹൗ​സ്: ഇ​വി​ടെ​യാ​ണ് മ​ഹാ​ത്മ​ജി വെ​ടി​യേ​റ്റു വീ​ണ​ത്

‘അ​ന്ധ​കാ​ര​ത്തെ ദൂ​രീ​ക​രി​ക്കു​ന്ന വെ​ളി​ച്ച​ത്തി​നു വേ​ണ്ടി​യാ​ണ് എ​ന്‍റെ പ്രാ​ർ​ത്ഥ​ന. അ​ഹിം​സ​യി​ൽ വി​ശ്വ​സി​ക്കു​ന്ന​വ​ർ​ക്ക് എ​ന്നോ​ടൊ​പ്പം ചേ​രാം ‘ എ​ന്ന ഗാ​ന്ധി​ജി​യു​ടെ വാ​ക്കു​ക​ളാ​ണ് ബി​ർ​ള ഹൗ​സി​ലേ​ക്ക് ക​ട​ന്നു ചെ​ല്ലു​ന്ന സ​ന്ദ​ർ​ശ​ക​രെ സ്വീ​ക​രി​ക്കു​ന്ന​ത്.

രാ​ഷ്ട്ര​പി​താ​വി​ന്‍റെ ഓ​ർ​മ​ക​ളും വേ​ർ​പാ​ടി​ന്‍റെ വേ​ദ​ന​ക​ളും നി​റ​ഞ്ഞു​നി​ൽ​ക്കു​ന്ന ഇ​ട​മാ​ണ് ബി​ർ​ള ഹൗ​സ്. ഡ​ൽ​ഹി തീ​സ് ജ​നു​വ​രി മാ​ർ​ഗി​ലു​ള്ള ഈ ​വ​സ​തി​യി​ലാ​ണ് ഗാ​ന്ധി​ജി വ​ധി​ക്ക​പ്പെ​ടു​ന്ന​തി​നു മു​ൻ​പു​ള്ള അ​വ​സാ​ന ദി​ന​ങ്ങ​ളി​ൽ ക​ഴി​ഞ്ഞ​ത്. 1947 സെ​പ്റ്റം​ബ​ർ ഒ​ൻ​പ​തു മു​ത​ൽ 1948 ജ​നു​വ​രി 30 വ​രെ 144 ദി​വ​സ​ങ്ങ​ൾ മ​ഹാ​ത്മ​ജി ബി​ർ​ള ഹൗ​സി​ൽ ചെ​ല​വ​ഴി​ച്ചു.

ന്യൂ​ഡ​ൽ​ഹി​യു​ടെ ഹൃ​ദ​യ ഭാ​ഗ​മാ​യ കൊ​ണാ​ട്ട് പ്ലേ​സി​ൽ നി​ന്ന് ഒ​ന്ന​ര കി​ലോ​മീ​റ്റ​ർ ദൂ​രെ​യാ​ണ് ബി​ർ​ള ഹൗ​സ്. വ്യ​വ​സാ​യ പ്ര​മു​ഖ​രാ​യ ബി​ർ​ള കു​ടും​ബ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള കെ​ട്ടി​ട​മാ​യി​രു​ന്നു ഇ​ത്. 1928-ൽ ​ഘ​ന​ശ്യാ​മ ദാ​സ് ബി​ർ​ള​യാ​ണ് ഇ​ത് നി​ർ​മി​ച്ച​ത്.

അ​തി​നാ​ലാ​ണ് ഈ ​മ​ന്ദി​രം ബി​ർ​ള ഹൗ​സ് എ​ന്ന​റി​യ​പ്പെ​ട്ട​ത്. മ​ഹാ​ത്മാ​ഗാ​ന്ധി ഉ​പ​യോ​ഗി​ച്ചി​രു​ന്ന ച​ർ​ക്ക മു​ത​ൽ വീ​ട്ടു​പ​ക​ര​ണ​ങ്ങ​ൾ വ​രെ ബി​ർ​ള മ​ന്ദി​ര​ത്തി​ൽ സൂ​ക്ഷി​ക്കു​ന്നു​ണ്ട്. സ്വ​ദേ​ശി​ക​ളും വി​ദേ​ശി​ക​ളും ഉ​ൾ​പ്പെ​ടെ അ​നേ​ക​രാ​ണ് മ​ഹാ​ത്മ​ജി ര​ക്ത​സാ​ക്ഷി​ത്വം വ​രി​ച്ച ഇ​ടം ദി​വ​സ​വും സ​ന്ദ​ർ​ശി​ക്കു​ന്ന​ത്. 1971-ലാ​ണ് ഇ​ന്ത്യ ഗ​വ​ണ്‍​മെ​ന്‍റ് ബി​ർ​ള ഹൗ​സ് ബി​ർ​ള കു​ടും​ബ​ത്തി​ൽ നി​ന്ന് 54 ല​ക്ഷം രൂ​പ വി​ല ന​ൽ​കി ഏ​റ്റെ​ടു​ത്ത​ത്.

1973 ഓ​ഗ​സ്റ്റ് 15ന് ​ഇ​ത് മ്യൂ​സി​യ​മാ​യി പൊ​തു​ജ​ന​ങ്ങ​ൾ​ക്ക് തു​റ​ന്നു കൊ​ടു​ത്തു. ഇ​തോ​ടെ ബി​ർ​ള ഹൗ​സി​ന്‍റെ പേ​ര് ഗാ​ന്ധി സ്മൃ​തി എ​ന്നാ​ക്കി. മ​ഹാ​ത്മാ​വ് വെ​ടി​യേ​റ്റു​വീ​ണ സ്ഥ​ല​ത്ത് ഒ​രു സ്തൂ​പം പ​ണി​ത് സൂ​ക്ഷി​ച്ചി​ട്ടു​ണ്ട്. ചു​ട്ടെ​ടു​ത്ത ക​ളി​മ​ണ്ണ് കൊ​ണ്ടു​ണ്ടാ​ക്കി​യ പാ​വ​ക​ളി​ൽ മ​ഹാ​ത്മാ ഗാ​ന്ധി​യു​ടെ ജീ​വി​തം ഇ​വി​ടെ ചി​ത്രീ​ക​രി​ച്ചി​രി​ക്കു​ന്നു. ഉ​ച്ച​യ്ക്ക് ഒ​രു മ​ണി​ക്കും ഒ​ന്ന​ര​യ്ക്കും ഇ​ട​യി​ൽ മ​ൾ​ട്ടി മീ​ഡി​യ​യു​ടെ സ​ഹാ​യ​ത്തി​ലു​ള്ള പ്ര​ദ​ർ​ശ​ന​വും ഇ​വി​ടെ​യു​ണ്ട്.

1948 ജ​നു​വ​രി 30. വെ​ള്ളി​യാ​ഴ്ച. വൈ​കു​ന്നേ​രം അ​ഞ്ചു മ​ണി ക​ഴി​ഞ്ഞ് പ​ത്ത് മി​നി​റ്റ് പി​ന്നി​ട്ടി​രു​ന്നു. ബി​ർ​ള ഹൗ​സി​ന് മു​ന്നി​ലെ മൈ​താ​ന​ത്ത് പ്രാ​ർ​ത്ഥ​ന​ക്കെ​ത്തി​യ​വ​ർ​ക്കും അ​നു​യാ​യി​ക​ൾ​ക്കും ഇ​ട​യി​ൽ കൈ​യെ​ത്തും ദൂ​ര​ത്ത് നി​ന്ന് നാ​ഥു​റാം വി​നാ​യ​ക് ഗോ​ഡ്സെ രാ​ഷ്ട്ര​പി​താ​വ് മ​ഹാ​ത്മാ ഗാ​ന്ധി​യെ വെ​ടി​വെ​ച്ചു വീ​ഴ്ത്തി​യ നി​മി​ഷം.

രാ​ജ്യം ഇ​ന്നും ഞ​ടു​ക്ക​ത്തി​ലും വി​തു​ന്പ​ലി​ലും മാ​ത്രം ഓ​ർ​മി​ക്കു​ന്ന രം​ഗം. ഗോ​ഡ്സെ​യു​ടെ തോ​ക്കി​ൽ നി​ന്നു​തി​ർ​ന്ന മൂ​ന്നു വെ​ടി​യു​ണ്ട​ക​ൾ ബാ​പ്പു​ജി​യു​ടെ നെ​ഞ്ച​കം ത​ക​ർ​ത്തു ക​ട​ന്നു തു​ള​ച്ചി​റ​ങ്ങി. ഹേ ​റാം, ഹേ ​റാം എ​ന്നു​ച്ച​രി​ച്ച് കൊ​ല​യാ​ളി​ക്ക് നേ​രെ ഇ​രു കൈ​ക​ളും കൂ​പ്പി​കൊ​ണ്ട് ഗാ​ന്ധി​ജി പി​ട​ഞ്ഞു​വീ​ണു.

ഈ ​മ​ണ്ണി​ൽ കാ​ലു​കു​ത്തു​ന്ന​വ​രൊ​ക്കെ ഒ​രി​റ്റ് ക​ണ്ണീ​രും ഒ​രു നൂ​റ്റാ​ണ്ടി​ന്‍റെ ച​രി​ത്ര സ്മൃ​തി​ക​ളും ഹൃ​യ​ത്തി​ൽ കാ​ത്തു​വെ​ച്ചാ​ണ് ഇ​വി​ടെ നി​ന്ന് മ​ട​ങ്ങി​പ്പോ​വു​ക. ഭാ​ര​തം ജ​ൻ​മം​കൊ​ടു​ത്ത, നാ​ടി​നു അ​ഹിം​സാ​മ​ന്ത്രം സ​മ്മാ​നി​ച്ച, ദേ​ശ​ത്തി​നു സ്വാ​ത​ന്ത്ര്യം നേ​ടി​ത്ത​ന്ന മ​ഹാ​ത്മാ​വ് ഉ​പ​യോ​ഗി​ച്ച എ​ല്ലാ ശേ​ഷി​പ്പു​ക​ളും ഇ​വി​ടെ ഭ​ദ്ര​മാ​യു​ണ്ട്. ബി​ർ​ള ഭ​വ​നി​ലൂ​ടെ, ച​രി​ത്ര​ത്തി​ന്‍റെ ഇ​ന്ന​ലെ​ക​ളി​ലൂ​ടെ ക​ണ്ണോ​ടി​ച്ചു പോ​കു​ന്ന ഓ​രോ ച​രി​ത്ര കു​തു​കി​യും അ​ടു​ത്ത നി​മി​ഷം, ഈ ​കെ​ട്ടി​ട​ത്തി​ന്‍റെ അ​ടു​ത്ത മു​റി​യി​ൽ, ആ​രോ​ടോ സം​സാ​രി​ച്ച് കൊ​ണ്ടി​രി​ക്കു​ന്ന​വ​നാ​യി, അ​ല്ലെ​ങ്കി​ൽ ച​ർ​ക്ക​യി​ൽ നൂ​ൽ നൂ​ൽ​ക്കു​ന്ന​വ​നാ​യി, താ​ൻ സ്വ​ന്തം ബാ​പ്പു​ജി​യെ കാ​ണു​മെ​ന്ന ഉ​റ​ച്ച വി​ശ്വാ​സ​ത്തോ​ടെ​യാ​ണ് ഓ​രോ ചു​വ​ടും അ​ക​ത്തേ​യ്ക്ക് വ​യ്ക്കു​ന്ന​ത്.

മ​ഹാ​ത്മാ ഗാ​ന്ധി​യു​ടെ ഭൗ​തി​ക ശ​രീ​രം അ​ന്ത്യ​സം​സ്കാ​ര​ത്തി​നാ​യി യ​മു​നാ തീ​ര​ത്തു​ള്ള രാ​ജ്ഘ​ട്ടി​ലേ​ക്ക് സം​വ​ഹി​ച്ച ഗ​ണ്‍ കാ​ര്യേ​ജ് വാ​ഹ​നം ച​രി​ത്ര​ത്തി​ന്‍റെ മൂ​ക​സാ​ക്ഷി​യാ​യി, എ​ല്ലാ​കാ​ഴ്ച​ക​ളും ഒ​പ്പി​യെ​ടു​ത്തു​കൊ​ണ്ട് ഇ​വി​ടെ​യു​ണ്ട്. തി​ങ്ക​ളാ​ഴ്ച ഒ​ഴി​കെ ദി​വ​സ​വും രാ​വി​ലെ പ​ത്തു മ​ണി​മു​ത​ൽ വൈ​കു​ന്നേ​രം അ​ഞ്ചു വ​രെ പൊ​തു​ജ​ന​ങ്ങ​ൾ​ക്ക് ഗാ​ന്ധി സ്മൃ​തി​യി​ലേ​ക്ക് പ്ര​വേ​ശ​ന​മു​ണ്ട്.

‘അ​ന്ധ​കാ​ര​ത്തെ ദൂ​രീ​ക​രി​ക്കു​ന്ന വെ​ളി​ച്ച​ത്തി​നു വേ​ണ്ടി​യാ​ണ് എ​ന്‍റെ പ്രാ​ർ​ത്ഥ​ന. അ​ഹിം​സ​യി​ൽ വി​ശ്വ​സി​ക്കു​ന്ന​വ​ർ​ക്ക് എ​ന്നോ​ടൊ​പ്പം ചേ​രാം ‘ എ​ന്ന ഗാ​ന്ധി​ജി​യു​ടെ വാ​ക്കു​ക​ളാ​ണ് ബി​ർ​ള ഹൗ​സി​ലേ​ക്ക് ക​ട​ന്നു ചെ​ല്ലു​ന്ന സ​ന്ദ​ർ​ശ​ക​രെ സ്വീ​ക​രി​ക്കു​ന്ന​ത്.