ചെ​രു​പ്പി​ലെ അ​ക്ഷ​ര​ത്തി​ള​ക്കം

അ​നു​ഭ​വ​ങ്ങ​ളു​ടെ ഉ​ല​യി​ൽ ഉൗ​തി​ക്കാ​ച്ചി​യ മൂ​ർ​ച്ച​യേ​റി​യ ആ​ശ​യ​ങ്ങ​ള്‌ ക​വി​ത​ക​ളാ​ക്കി​യ അ​ഷ്റ​ഫ് ഡി. ​റാ​സി വ​ഴി​യോ​ര തി​ര​ക്കു​ക​ളു​ടെ ലോ​ക​ത്തെ പ്ര​തി​ഭ​യാ​ണ്. പെ​രു​മ​ഴ​യും ത​ണു​പ്പും പൊ​രി​വെ​യി​ലു​മൊ​ന്നും വാ​യ​ന​യ്ക്കോ എ​ഴു​ത്തി​നോ ത​ട​സ​മാ​കു​ന്നി​ല്ല. പാ​ത‍​യോ​ര​ത്ത് കാ​ണു​ന്ന​തും അ​റി​യു​ന്ന​തു​മൊ​ക്കെ ക​വി​ത​ക​ളി​ൽ കു​റി​ക്കു​ന്നു...

"ഹൃ​ദ​യ​ത്തി​ൽ സ​ർ​ഗാ​ത്മ​ക ചി​ന്ത​ക​ൾ ഉ​യി​രെ​ടു​ക്കു​ന്പോ​ൾ അ​തൊ​ക്കെ ഹാ​ർ​ഡ് ബോ​ർ​ഡി​ന്‍റെ കീ​റ്റ​ക്കോ​ണു​ക​ളി​ലേ​ക്ക് പ​ക​ർ​ത്തി​യെ​ഴു​തും. എ​ഴു​താ​ൻ ഒ​രി​ട​വും കി​ട്ടാ​തെ വ​ന്നാ​ൽ ചെ​രു​പ്പി​ന്‍റെ സ്റ്റി​ക്ക​റി​ലോ പാ​ക്ക​റ്റ് ക​വ​റി​ലോ കു​ത്തി​ക്കു​റി​ക്കും’. തെ​രു​വോ​ര ചെ​രി​പ്പു​ക​ച്ച​വ​ട​ത്തി​ന്‍റെ തി​ര​ക്കു​ക​ൾ​ക്കി​ട​യി​ലെ ക​വി​ത​യെ​ഴു​ത്ത് അ​നു​ഭ​വ​ങ്ങ​ൾ പ​റ​യു​ന്പോ​ൾ റാ​സി​യി​ൽ അ​ഭി​മാ​ന​ത്തി​ന്‍റെ​യും സം​തൃ​പ്തി​യു​ടെ​യും പു​ഞ്ചി​രി. ക​വി​ത​യെ​ഴു​ത്ത് ഈ ​ചെ​റു​പ്പ​ക്കാ​ര​ന് ജീ​വ​ശ്വാ​സ​വും ചെ​രി​പ്പു​വി​ൽ​പ​ന ജീ​വ​നോ​പാ​ദി​യു​മാ​ണ്.

അ​നു​ഭ​വ​ങ്ങ​ളു​ടെ ഉ​ല​യി​ൽ ഉൗ​തി​ക്കാ​ച്ചി​യ മൂ​ർ​ച്ച​യേ​റി​യ ആ​ശ​യ​ങ്ങ​ൾ ക​വി​ത​ക​ളാ​ക്കി​യ അ​ഷ്റ​ഫ് ഡി. ​റാ​സി​ക്ക് വ​ഴി​യോ​ര​ത്തെ ത​ണു​പ്പും പൊ​രി​വെ​യി​ലു​മൊ​ന്നും വാ​യ​ന​യ്ക്കോ എ​ഴു​ത്തി​നോ ത​ട​സ​മാ​കു​ന്നി​ല്ല. പാ​ത​യോ​ര​ത്ത് കാ​ണു​ന്ന​തും ​അ​റി​യു​ന്ന​തു​മൊ​ക്കെ ക​വി​ത​ക​ളി​ൽ കു​റി​ക്കു​ന്നു. കൂ​ലി​വ​രു​മാ​നം മി​ച്ചം​പി​ടി​ച്ച് ഇ​വ​യൊ​ക്കെ പു​സ്ത​ക​ങ്ങ​ളാ​ക്കി അ​ച്ച​ടി​ക്കു​ന്നു. ചെ​രി​പ്പി​നൊ​പ്പം സ്വ​ന്തം ക​വി​താ സ​മാ​ഹാ​ര​ങ്ങ​ളും റാ​സി വി​റ്റ​ഴി​ക്കു​ന്നു.

ക​വി​താ​ലോ​ക​ത്ത് അ​ഭി​ര​മി​ക്കാ​നു​ള്ള ആ​വേ​ശം ഇ​ദ്ദേ​ഹ​ത്തെ വ​ഴി​യോ​ര​വ്യാ​പാ​ര​ത്തി​ൽ നി​ല​നി​റു​ത്താ​ൻ നി​ർ​ബ​ന്ധി​ത​നാ​ക്കു​ന്നു.

തി​രു​വ​ന​ന്ത​പു​രം ന​ഗ​ര​ത്തി​ന്‍റെ കോ​ണു​ക​ളി​ൽ പ​ല​വി​ധ വ്യാ​പാ​ര​ങ്ങ​ളു​മാ​യി ഇ​ട​പ​ഴ​കി​യ റാ​സി ര​ണ്ടു ക​വി​താ സ​മാ​ഹാ​ര​ങ്ങ​ളു​ടെ ര​ച​യി​താ​വാ​ണ്. അ​നു​ഭ​വ​ങ്ങ​ളെ സ​ർ​ഗാ​ത്മ​ക​മാ​യി അ​വ​ത​രി​പ്പി​ക്കു​ന്ന​തി​ൽ സ്വ​ത​സി​ദ്ധ​മാ​യ കൈ​വ​ഴ​ക്കം നേ​ടി​യ അ​ഷ്റ​ഫ് ഡി. ​റാ​സി​യു​ടെ മ​ന​സി​ൽ വി​പ​ണി ത​ന്ത്ര​ങ്ങ​ളേ​ക്കാ​ൾ ചി​ന്ത​യു​ണ​ർ​ത്തു​ന്ന​ത് ഇ​നി​യും ജ​നി​ക്കാ​നു​ള്ള അ​നേ​കം ക​വി​ത​ക​ളാ​ണ്.

വ​ഴി​യോ​ര വ്യാ​പാ​ര​ത്തി​ന്‍റെ വി​പ​ണ​ന സാ​ധ്യ​ത​ക​ൾ മു​ന്നി​ൽ ക​ണ്ട് പ​ഴം, പ​ച്ച​ക്ക​റി വ്യാ​പാ​രം മു​ൻ​പ് ന​ട​ത്തി​യി​രു​ന്നു. പി​ന്നീ​ടാ​ണ് ചെ​രു​പ്പ്, തൊ​പ്പി വ്യാ​പാ​ര​ത്തി​ലേ​ക്ക് ശ്ര​ദ്ധ കേ​ന്ദ്രീ​ക​രി​ച്ച​ത്. ജീ​വി​ത​ഭാ​രം പേ​റി വ​ഴി​യോ​ര​ത്തി​രി​ക്കു​ന്പോ​ഴും ക​വി​ത​യെ​ഴു​ത്തി​നെ കൈ​വി​ടാ​ൻ ഇ​ദ്ദേ​ഹ​ത്തി​നാ​കു​ന്നി​ല്ല. എ​ഴു​ത്തി​നൊ​പ്പം ആ​ഴ​മേ​റി​യ സാ​ഹി​ത്യ വാ​യ​ന​യും റാ​സി​ക്കു​ണ്ട്.

എ​ൻ​റോ എ​ന്ന​താ​ണ് റാ​സി​യു​ടെ പു​തി​യ ക​വി​താ​സ​മാ​ഹാ​ര​ത്തി​ന്‍റെ പേ​ര്. ജീ​വി​താ​നു​ഭ​വ​ങ്ങ​ളു​ടെ ചൂ​ടും ചൂ​രും നി​റ​ഞ്ഞ വി​യ​ർ​പ്പാ​ണു ഇ​തി​ലെ വ​രി​ക​ളി​ൽ നി​റ​യു​ന്ന​ത്. അ​തി​ന്‍റെ വ​ക്കു​ക​ളി​ൽ ചോ​ര പൊ​ടി​ഞ്ഞി​രി​ക്കു​ന്നു. അ​നു​ഭ​വ​ങ്ങ​ളും യാ​ഥാ​ർ​ഥ്യ​ങ്ങ​ളും അ​ക്ഷ​ര ജ്വാ​ല​ക​ളാ​യി പി​റ​വി​യെ​ടു​ക്കു​ന്ന​തു​കൊ​ണ്ടാ​കും വാ​ക്കു​ക​ൾ​ക്ക് തീ​വ്ര​ത​യും മൂ​ർ​ച്ച​യും ഏ​റെ​യാ​ണ്.

അ​നു​ഭ​വ​ങ്ങ​ളു​ടെ തീ​ച്ചൂ​ള​യി​ൽ പൊ​ള്ളു​ന്ന വാ​ക്കു​ക​ൾ കു​റി​ച്ചി​ട്ട​പ്പോ​ൾ അ​തൊ​ക്കെ ക​വി​ത​ക​ളാ​യി. ഈ ​ക​വി​ത​ക​ളെ അ​ക്ഷ​ര​ത്താ​ളു​ക​ളി​ൽ കോ​ർ​ത്തി​ണ​ക്കി​യ​പ്പോ സാ​ഹി​ത്യ​സൃ​ഷ്ടി​യാ​യി. തി​ര​ക്കി​ൽ പാ​യു​ന്ന ആ​ൾ​ക്കൂ​ട്ട​ങ്ങ​ൾ​ക്ക് ന​ടു​വി​ൽ ഇ​ത്തി​രി​വ​ട്ട​ത്തി​ലു​ള്ള ചെ​രു​പ്പ് ത​ട്ടാ​ണ് റാ​സി​യു​ടെ ചി​ന്താ​ലോ​കം. വാ​രി​യി​ട്ട ചെ​രി​പ്പു​ക​ൾ​ക്കു പി​ന്നി​ൽ ഉ​ല​യു​ന്ന ക​സേ​ര​യി​ലി​രു​ന്ന് റാ​സി ആ​വേ​ശ​ത്തോ​ടെ വാ​യ​ന​യി​ലാ​ണ്, ഒ​പ്പം എ​ഴു​ത്തും.

തി​രു​വ​ന​ന്ത​പു​രം പ​ത്മ​നാ​ഭ​സ്വാ​മി ക്ഷേ​ത്ര​ത്തി​ന്‍റെ കി​ഴ​ക്കേ​ന​ട​യ്ക്ക​രി​കി​ലെ ന​ട​പ്പാ​ത​യി​ലാ​ണ് റാ​സി​യു​ടെ ചെ​രു​പ്പ് ത​ട്ട്. അ​റു​പ​തി​ലേ​റെ ക​വി​ത​ക​ള​ട​ങ്ങി​യ എ​ൻ​റോ​യു​ടെ പ്ര​കാ​ശ​ന​വും വ​ഴി​യോ​ര​ത്തു ത​ന്നെ​യാ​വ​ണ​മെ​ന്ന് റാ​സി ആ​ഗ്ര​ഹി​ച്ചു. അ​തി​നാ​ൽ എ​ൻ‌‌​റോ പു​റ​ത്തി​റ​ക്കി​യ​തു വ​ഴി​യോ​ര വാ​ണി​ഭ​ക്കാ​രെ​യും അ​വി​ട​ത്തെ ആ​ൾ​ക്കൂ​ട്ട​ത്തെ​യും സാ​ക്ഷി​യാ​ക്കി​യാ​ണ്.

കാ​ലി​ക്ക​ട്ട് യൂ​ണി​വേ​ഴ്സി​റ്റി​യി​ലെ പ്ര​ഫ. എ​ൽ. തോ​മ​സ്കു​ട്ടി ന​വ​മാ​ധ്യ​മ എ​ഴു​ത്തു​കാ​ര​ൻ സു​ധീ​ർ രാ​ജി​ന് കോ​പ്പി ന​ൽ​കി ക​ഴി​ഞ്ഞ​ദി​വ​സം എ​ൻ​റോ​യു​ടെ പ്ര​കാ​ശ​നം നി​ർ​വ​ഹി​ച്ചു. അ​ഭി​മാ​നി​ക്കാ​നും അ​നു​മോ​ദി​ക്കാ​നും കൂ​ടെ നി​ന്ന​ത് ന​ഗ​ര​വീ​ഥി​യി​ലെ കൂ​ട്ടു​ക​ച്ച​വ​ട​ക്കാ​രൊ​ക്കെ​യാ​ണ്. പി​ന്നാ​ന്പു​റ​ത്ത് അ​ന്യ​സം​സ്ഥാ​ന​ക്കാ​രും ഭി​ക്ഷ​ക്കാ​രു​മൊ​ക്കെ ഇ​ടം​പി​ടി​ച്ചി​രു​ന്നു.

റാ​സി​യു​ടെ ആ​ദ്യ പു​സ്ത​കം 2013ൽ ​പു​റ​ത്തി​റ​ങ്ങി​യ എ​ഴ് മു​റി​ക​ളി​ൽ ക​വി​ത എ​ന്ന​താ​യി​രു​ന്നു. പ​ത്മ​നാ​ഭ​സ്വാ​മി ക്ഷേ​ത്ര​ത്തി​ന്‍റെ കി​ഴ​ക്കേ​ന​ട​യ്ക്ക​രി​കി​ലെ ന​ട​പ്പാ​ത​യി​ലു​ള്ള ചെ​രു​പ്പ് ത​ട്ട് റാ​സി​ക്കു സ്വ​ന്ത​മ​ല്ല. ഈ ​ക​ട​യി​ൽ ദി​വ​സ​ക്കൂ​ലി​ക്കാ​ണു ജോ​ലി. ജീ​വി​ത​മ​ത്സ​ര​ത്തി​ലെ ദൈ​നം​ദി​ന ഓ​ട്ട​പ്പാ​ച്ചി​ലു​ക​ൾ​ക്കി​ട​യി​ൽ മ​ന​സി​ൽ ആ​ശ​യ​ങ്ങ​ളും വി​കാ​ര​ങ്ങ​ളും നി​റ​യു​ന്പോ​ൾ അ​പ്പോ​ൾ​ത​ന്നെ കു​റി​ച്ചു വ​യ്ക്കു​ക​യാ​ണ് പ​തി​വ്. അ​തി​ന് വെ​ള്ള​ക്ക​ട​ലാ​സു​ക​ൾ സൂ​ക്ഷി​ക്കാ​റി​ല്ല.

ഹൃ​ദ​യ​സ്പ​ന്ദ​ന​ങ്ങ​ളെ കു​റി​ച്ചി​ടാ​ൻ ഒ​രി​ട​വും കി​ട്ടി​യി​ല്ലെ​ങ്കി​ൽ അ​തു കൈ​വെ​ള്ള​യി​ൽ​വ​രെ കു​റി​ച്ചി​ടാ​ൻ മ​ടി​യി​ല്ല. പി​ന്നീ​ട് അ​വ ക​ട​ലാ​സി​ൽ പ​ക​ർ​ത്തി ചെ​രി​പ്പു​ക​ൾ​ക്ക​ടി​യി​ലെ ത​ട്ടി​നു​ള്ളി​ൽ നി​ധി പോ​ലെ ക​രു​തി​വ​യ്ക്കും.

പ​ല​പ്പോ​ഴും ജോ​ലി​ത്തി​ര​ക്കി​ന​ട​യി​ൽ റാ​സി സ്വ​ന്തം ചെ​രി​പ്പ് ഈ​രി​യി​ടു​ക​യാ​ണ് പ​തി​വ്. ഇ​ത്ത​രം നേ​ര​ങ്ങ​ളി​ലാ​ണു എ​ഴു​താ​ൻ ഇ​ടം കി​ട്ടാ​നി​ല്ലാ​തെ​വ​ന്നാ​ൽ ചെ​രു​പ്പി​ന്‍റെ വെ​ള്ള​പ്പു​റം സ​ർ​ഗ​ഭാ​വ​ന​യു​ടെ ഈ​റ്റി​ല്ല​മാ​കു​ന്ന​ത്. അ​തി​നും ഇ​ട​മി​ല്ലാ​താ​യാ​ൽ പി​ന്നി​ലെ ഒ​ഴി​ഞ്ഞ ചു​മ​രി​ലാ​കും എ​ഴു​ത്ത്.

വി​ള്ള​ൽ വീ​ണ് പാ​യ​ൽ​മൂ​ടി​യ ഭി​ത്തി ചു​ര​ണ്ടി അ​വി​ടെ തെ​ളി​യു​ന​ന്ന ഇ​ത്തി​രി​യി​ട​ത്ത് പേ​ന​യി​ലോ പെ​ൻ​സി​ലി​ലോ ക​വി​ത കു​റി​യ്ക്കും. സ​മ​യം കി​ട്ടു​ന്പോ​ൾ അ​തു ക​ട​ലാ​സു​ക​ളി​ലാ​ക്കും. ഇ​പ്പോ​ൾ മൊ​ബൈ​ൽ ഫോ​ണി​ലേ​ക്കും എ​ഴു​ത്ത് നീ​ണ്ടു​തു​ട​ങ്ങി​യി​ട്ടു​ണ്ട്. അ​ക്ഷ​രം കു​റി​ച്ചു തു​ട​ങ്ങി​യ കാ​ലം മു​ത​ൽ ക​വി​ത മ​ന​സി​ലു​ണ്ടെ​ങ്കി​ലും പ​ത്താം ക്ലാ​സി​ൽ പ​ഠി​ക്കു​ന്പോ​ഴാ​ണു റാ​സി​യു​ടെ ക​വി​ത ആ​ദ്യം മ​ഷി പു​ര​ളു​ന്ന​ത്.

അ​ധ്യാ​പ​ക​ൻ സു​നി​ൽ കു​മാ​റി​ന്‍റെ നി​ർ​ബ​ന്ധ​ത്തി​നു വ​ഴ​ങ്ങി സ്കൂ​ൾ മാ​സി​ക​യി​ൽ ക​വി​ത എ​ഴു​തി. ആ ​വ​ള​ർ​ച്ച​യു​ടെ പ​രി​ണാ​മം ഇ​ന്നു ര​ണ്ടു പു​സ്ത​ക​ങ്ങ​ളു​ടെ ര​ച​യി​താ​വാ​യി അ​ക്ഷ​ര​ലോ​ക​ത്ത് റാ​സി​യെ വ​ള​ർ​ത്തി. പ​ത്താം ക്ലാ​സി​ൽ പ​ഠ​നം നി​ർ​ത്തി ജോ​ലി​ക​ൾ​ക്ക് തെ​രു​വോ​ര​ങ്ങ​ൾ താ​ണ്ടി​യ​പ്പോ​ഴും വാ​യ​ന​യും എ​ഴു​ത്തും കൈ​വി​ട്ടി​ല്ല. വി​ഴി​ഞ്ഞം കെ​എ​സ്ആ​ർ​ടി​സി കാ​ന്‍റീ​നി​ൽ ക്ലീ​നിം​ഗ് ബോ​യി​യാ​യാ​ണു തു​ട​ക്കം. പി​ന്നീ​ട് പ​ഴ​ക്ക​ച്ച​വ​ടം, പ​ച്ച​ക്ക​റി ക​ച്ച​വ​ടം.

ജീ​വി​ക്കാ​നാ​യി ഒ​രു പാ​ടു വേ​ഷ​ങ്ങ​ൾ അ​ണി​ഞ്ഞ​യൊ​ടു​വി​ൽ ചെ​രു​പ്പ് ക​ച്ച​വ​ട​ത്തി​ലെ​ത്തി നി​ൽ​ക്കു​ന്നു. ദി​വ​സ​ക്കൂ​ലി​യു​ടെ നേ​ർ​പ​കു​തി പു​സ്ത​ക​ങ്ങ​ളും ആ​നു​കാ​ലി​ക​ങ്ങ​ളും വാ​ങ്ങാ​നാ​ണ് റാ​സി വി​നി​യോ​ഗി​ക്കു​ന്ന​ത്. അ​തി​നു​ള്ള പ​ണം മി​ച്ചം പി​ടി​ക്കാ​ൻ പ​ല​പ്പോ​ഴും ചോ​റും ചാ​യ​യു​മൊ​ക്കെ ഒ​ഴി​വാ​ക്കും. വാ​യ​ന​യു​ടെ ല​ഹ​രി​യി​ലേ​ക്ക് മ​ന​സ് ആ​ഴ്ന്നി​റ​ങ്ങു​ന്പോ​ൾ വ​യ​റി​ന്‍റെ എ​രി​ച്ചി​ൽ മ​റ​ന്നു​പോ​കു​മെ​ന്ന​താ​ണ് റാ​സി​യു​ടെ അ​നു​ഭ​വം.

വ​ഴി​യോ​ര​ത്തെ ക​വി വാ​യ​ന​യി​ൽ ആ​ന​ന്ദം ക​ണ്ടെ​ത്തു​ന്പോ​ൾ ഇ​ല്ലാ​യ്മ​ക​ളെ മ​റ​ക്കും. പൊ​രി​വെ​യി​ലി​ൽ ചെ​രു​പ്പു​ക​ൾ​ക്കു മീ​തെ നി​ര​ത്തി​യ പു​സ്ത​ക​ങ്ങ​ളി​ലൂ​ടെ ക​ണ്ണു​ക​ൾ പ​ര​തു​ന്പോ​ൾ ശ​രീ​രം വി​യ​ർ​ക്കും. എ​ന്നാ​ൽ മ​ന​സി​ലു​ള​വാ​കു​ന്ന വാ​യ​ന​യു​ടെ കു​ളി​ർ​മ വി​യ​ർ​പ്പു​തു​ള്ളി​ക​ളെ മാ​യി​ച്ചു​ക​ള​യും.

ക​രി​മ​ഠം പ​രേ​ത​നാ​യ ഹ​സ​ന്‍റെ മ​ക​നാ​ണ് റാ​സി. ഉ​മ്മ നൂ​ർ​ജ​ഹാ​ൻ. സ​ഹോ​ദ​ര​ൻ ബാ​ദു​ഷ. അ​ന്പ​ല​ത്ത​റ​യി​ലാ​ണു താ​മ​സം.

വ​ഴി​യോ​ര​മാ​ണ് റാ​സി ക​വി​ത​ക​ളു​ടെ സ​ർ​ഗ​ക്ഷേ​ത്രം. മു​ന്നി​ലെ​ത്തു​ന്ന പാ​ദ​ങ്ങ​ളി​ൽ അ​യ​വു​ള്ള​തും ഇ​റു​കി​യ​തു​മാ​യ ചെ​രു​പ്പു​ക​ൾ അ​ണി​ഞ്ഞെ​ത്തു​ന്ന​വ​രു​ണ്ട്. ഏ​റ്റ​വും പാ​ക​മാ​യ​ത് തെ​ര​ഞ്ഞെ​ടു​ത്ത​ണി​യു​ന്പോ​ഴാ​ണ് പാ​ദ​ര​ക്ഷ​ക​ൾ​ക്കും അ​തി​ന്‍റെ യാ​ത്ര​ക​ൾ​ക്കും അ​ർ​ഥ​മു​ണ്ടാ​കു​ന്ന​ത്. തി​ര​ക്കു​ക​ൾ​ക്കും വ്യ​ഗ്ര​ത​ക​ൾ​ക്കും ന​ടു​വി​ൽ പ​ല​പ്പോ​ഴും പാ​ക​മാ​യ​തു തെ​ര​ഞ്ഞെ​ടു​ക്കാ​ൻ പ​ല​ർ​ക്കു​മാ​കു​ന്നി​ല്ല. അ​യ​വു​ള്ള​തും ഇ​റു​കി​യ​തു​മാ​യ യാ​ഥാ​ർ​ഥ്യ​ങ്ങ​ളെ ചേ​ർ​ത്തു​പി​ടി​ച്ച് ഏ​റെ​പ്പേ​രു​ടെ​യും ജീ​വി​ത​യാ​ത്ര മു​ന്നോ​ട്ടു​പോ​കു​ന്നു.

ചെ​രി​പ്പു​ക​ൾ​പോ​ലെ തേ​ഞ്ഞും ചി​വി​ട്ടി​മെ​തി​ച്ചും അ​ട​യാ​ളം പ​തി​ച്ചു​മു​ള്ള പ്ര​യാ​ണം. ന​ല്ല​തി​ലും അ​ഴു​ക്കി​ലും ച​വി​ട്ടി​യു​ള്ള സ​ഞ്ചാ​രം. ചെ​രി​പ്പു​ക​ൾ അ​ണി​യു​ന്ന​വ​രു​ടെ​യും വി​ൽ​ക്കു​ന്ന​വ​രു​ടെ​യുംം അ​നു​ഭ​വ​ങ്ങ​ൾ​ക്ക് ഈ​ടും പാ​വും അ​ക്ഷ​ര​ങ്ങ​ളി​ൽ നെ​യ്യു​ക​യാ​ണ് തെ​രു​വോ​ര​ത്തെ യു​വ​ക​വി.

ജോ​മി കു​ര്യാ​ക്കോ​സ്