ഇങ്ങനെയുമൊരു കേരളയാത്ര

മീ​ൻവി​ൽ​പ​ന​യ്ക്കി​ടെ സ​മ​യം ക​ണ്ടെ​ത്തി പ്ലാ​സ്റ്റി​ക് പെ​റു​ക്കി​മാ​റ്റി മ​ണ്ണി​നെ​യും പ്ര​കൃ​തി​യെ​യും പോ​ഷി​പ്പി​ക്കു​ന്ന അ​പൂ​ർ​വ​മൊ​രാ​ൾ. വിശ്രമമില്ലാതെ പത്താം വർഷത്തിലാണ് പാലക്കാട്ടുകാരൻ മുരളീധരൻ...

ദി​വ​സം അ​ൻ​പ​തു കി​ലോ പ്ലാ​സ്റ്റി​ക് പെ​റു​ക്കി​ക്കൂ​ട്ടാ​തെ മു​ര​ളീ​ധ​ര​ന് വി​ശ്ര​മ​മി​ല്ല. ക​ണ്ണൂ​ർ മു​ത​ൽ തി​രു​വ​ന​ന്ത​പു​രം വ​രെ പ്ലാ​സ്റ്റി​ക് ശേ​ഖ​ര​ണ​മെ​ന്ന യ​ജ്ഞ​വു​മാ​യി യാ​ത്ര തി​രി​ച്ചി​ട്ട് പ​ത്തു വ​ർ​ഷം പി​ന്നി​ടു​ന്നു.

പാ​ല​ക്കാ​ട് തൃ​ത്താ​ല കൂ​ട​ല്ലൂ​ർ ക​ട​വ​ത്തു​കാ​ടു​പ​റ​ന്പി​ൽ മു​ര​ളീ​ധ​ര​ന് ഇ​ത് ഉ​പ​ജീ​വ​മാ​ർ​ഗ​ത്തേ​ക്കാ​ൾ ഉ​ദാ​ത്ത​മാ​യ പ​രി​സ്ഥി​തി സം​ര​ക്ഷ​ണ ത​പ​സ്യ​യാ​ണ്. മീ​ൻ വി​ൽ​പ​ന​യ്ക്കി​ടെ സ​മ​യം ക​ണ്ടെ​ത്തി പ്ലാ​സ്റ്റി​ക് നീക്കംചെയ്ത് മ​ണ്ണി​നെ​യും പ്ര​കൃ​തി​യെ​യും പോ​ഷി​പ്പി​ക്കു​ന്ന അ​പൂ​ർ​വ​മൊ​രാ​ൾ.

ക​ണ്ണൂ​രി​ൽ തു​ട​ങ്ങി ആ​റു ജി​ല്ല​ക​ൾ പി​ന്നി​ട്ട ശു​ചീ​ക​ര​ണം കോ​ട്ട​യ​ത്ത് ത​ന്പ​ടി​ച്ചി​രി​ക്കെ ഇ​തോ​ട​കം സം​ഭ​രി​ച്ച പ്ലാ​സ്റ്റി​ക് മാലിന്യം അ​ൻ​പ​തു ട​ണ്ണി​ലേ​റെ വ​രു​മെ​ന്നതിൽ മു​ര​ളീ​ധ​ര​ൻ അ​ഭി​മാ​നി​ക്കു​ന്നു.

ത​ല​ശേ​രി​യി​ൽ മീ​ൻ​ക​ട​യി​ൽ ജോ​ലി ചെ​യ്യു​ന്പോ​ഴാ​ണ് പ്ലാ​സ്റ്റി​ക് പ്ര​കൃ​തി​ക്ക് ദോ​ഷ​മാ​ണെ​ന്ന തി​രി​ച്ച​റി​വു​ണ്ടാ​യ​ത്. ഓ​രോ ദി​വ​സ​വും മ​ത്സ്യം പൊ​തി​ഞ്ഞു​കൊ​ടു​ക്കു​ന്ന നൂ​റു ക​ണ​ക്കി​ന് പ്ലാ​സ്റ്റി​ക്ക് കവറുകൾ മ​ണി​ക്കൂ​റു​ക​ൾ​ക്കു​ള്ളി​ൽ കു​പ്പ​ത്തൊ​ട്ടി​യി​ലേ​ക്ക് വ​ലി​ച്ചെ​റ​ിയപ്പെ​ടു​ന്നു. കു​റ​യൊ​ക്കെ ന​ദി​ക​ളി​ലൂ​ടെ ഒ​ഴു​കി ക​ട​ലി​നെ മ​ലി​ന​മാ​ക്കും. അ​തി​ലേ​റെയെണ്ണം മ​ണ്ണി​ൽ അ​ടി​ഞ്ഞ് മ​ഴ​യെ​യും ഉ​റ​വ​യെ​യും ത​ട​യുന്നു.

പ​ത്താം ക്ലാ​സി​നു മു​ക​ളി​ൽ പ​ഠി​പ്പി​ല്ലാ​ത്ത മു​ര​ളീ​ധ​ൻ ഈ ​തി​രി​ച്ച​റി​വി​ലാ​ണ് തനിക്കാവുംവി​ധം പ​രി​സ്ഥി​തി​യെ വീ​ണ്ടെ​ടു​ത്തു പോ​ഷി​പ്പി​ക്ക​ണ​മെ​ന്ന തി​രു​മാ​ന​മെ​ടു​ത്ത​ത്. ഒ​രേ സ്ഥ​ല​ത്തുമാ​ത്രം പ്ലാ​സ്റ്റി​ക് ശേ​ഖ​ര​ണം ന​ട​ത്തു​ന്ന​തി​നേ​ക്കാ​ൾ അ​നേ​ക​ർ​ക്ക് മാ​തൃ​ക​യാ​കാ​നാ​ണ് ഇ​ത്ത​ര​ത്തി​ലൊ​രു കേ​ര​ള പ​ര്യ​ട​ന​ത്തി​ന് തു​ട​ക്ക​മി​ട്ട​ത്. മൈ​ലു​ക​ൾ പി​ന്നി​ട്ട യാ​ത്ര ക​ണ്ണൂ​രി​ൽ​നി​ന്നും കോ​ഴി​ക്കോ​ട്, മ​ല​പ്പു​റം, പാ​ല​ക്കാ​ട്, തൃ​ശൂ​ർ, എ​റ​ണാ​കു​ളം ജി​ല്ല​ക​ൾ താ​ണ്ടി കോ​ട്ട​യ​ത്തെ​ത്തി​യി​രി​ക്കു​ന്നു.

മീ​ൻവി​ൽ​പ​ന​യു​ടെ ഇ​ട​വേ​ള​ക​ളി​ൽ വ​ഴി​യോ​ര​ങ്ങ​ളി​ലും പു​ഴ​ക​ളി​ലു​മൊ​ക്കെ പ്ലാ​സ്റ്റി​ക്ക് പെ​റു​ക്കി​യെ​ടു​ക്കും. മ​ണ്ണി​ൽ​പൂ​ഴ്ന്ന​തും പു​ഴ​യി​ൽ ത​റ​ച്ച​തു​മൊ​ക്കെ ക്ലേ​ശ​ക​ര​മാ​യി ചാ​ക്കി​ൽ ശേ​ഖ​രി​ക്കും. ഒ​രു ജി​ല്ല​യി​ൽ വി​വി​ധ​യി​ട​ങ്ങ​ളി​ലാ​യി ര​ണ്ടു വ​ർ​ഷം വ​രെ താ​മ​സി​ക്കു​ക​യാ​ണ് പ​തി​വ്. അ​ങ്ങ​നെ പ​ല നാ​ട്ടി​ൻ​പു​റ​ങ്ങ​ളി​ലും ന​ഗ​ര​ങ്ങ​ളി​ലു​ം മു​ര​ളീ​ധ​രന്‍റെ പ​രി​സ്ഥി​തി പ്ര​തി​ബ​ദ്ധ​ത വാ​ർ​ത്ത​യും ച​ർ​ച്ച​യു​മാ​കും.

ര​ണ്ടു വ​ർ​ഷം മു​ൻ​പ് കോ​ട്ട​യം മൂ​ലേ​ടം ദി​വാ​ൻ​ക​വ​ല​യി​ൽ മീ​ൻ വി​ല്പ​ന​യും ന​ഗ​ര​ത്തി​ൽ പ്ലാ​സ്റ്റി​ക് ശേ​ഖ​ര​ണ​വു​മാ​യി നീ​ങ്ങു​ന്പോ​ഴാ​ണ് കോ​വി​ഡി​ന്‍റെ വ്യാപനം. കോ​വി​ഡി​ൽ മീ​ൻ വി​ല്പ​ന നി​ല​ച്ച​പ്പോ​ഴും പ്ലാ​സ്റ്റി​ക് ശേ​ഖ​ര​ണം മു​ട​ക്കി​യി​ല്ല. ഓ​രോ പ്ര​ള​യ​വും ന​ദി​യോ​ര​ങ്ങ​ളി​ൽ ശേ​ഷി​പ്പി​ക്കു​ന്ന പ്ലാ​സ്റ്റി​ക് കൂ​ന്പാ​ര​ങ്ങ​ളു​ടെ അ​ള​വും വ്യാ​പ്തി​യും അ​റി​ഞ്ഞ​തോ​ടെ മീ​ൻ​വ്യാ​പാ​രം നി​റു​ത്തി പ​ല ദി​വ​സ​ങ്ങ​ളി​ലും പ്ലാ​സ്റ്റി​ക് പെ​റു​ക്കാ​ൻ മാ​റ്റി​വ​യ്ക്കു​ന്നു.

വ​ഴി​യോ​ര​ങ്ങ​ളി​ൽ ഉ​ന്തു​വ​ണ്ടി​യി​ലാ​ണ് പ്ലാ​സ്റ്റി​ക് കു​പ്പി​ക​ളും ക​വ​റു​ക​ളു​മെ​ല്ലാം ശേ​ഖ​രി​ക്കു​ന്ന​ത്. ദി​വ​സം കു​റ​ഞ്ഞ​തു 50 കിലോ പ്ലാസ്റ്റിക് ശേഖരിക്കും. കു​പ്പി​ക​ളും മ​റ്റും വ​ലി​യ ചാ​ക്കി​ലാ​ക്കി ആ​ക്രി ക​ട​ക​ളി​ൽ വി​ല്പ​ന ന​ട​ത്തും. പ്ലാ​സ്റ്റി​ക് ക​വ​റു​ക​ളും മ​റ്റും മീ​ന​ച്ചി​ലാ​റ്റിലെ ചു​ങ്കം ക​ട​വി​ൽ ക​ഴു​കി ചാ​ക്കു​ക​ളി​ലാ​യി സൂ​ക്ഷി​ക്കുകയാണ് പതിവ്. ര​ണ്ടു​മാ​സം കൂ​ടു​ന്പോ​ൾ ന​ഗ​ര​ത്തി​ലെ റീ​സൈ​ക്ലിം​ഗ് കേ​ന്ദ്ര​ത്തി​ലെ​ത്തി​ക്കും.

പ്ലാ​സ്റ്റി​ക് ക​ത്തി​ക്കു​ന്പോ​ഴും മ​ണ്ണി​ൽ അ​ടി​യു​ന്പോ​ഴു​മു​ണ്ടാ​കു​ന്ന ദോ​ഷ​ങ്ങ​ളെ​ക്കു​റി​ച്ച് മു​ര​ളീ​ധ​ര​ൻ ആ​ധി​കാ​രി​ക​മാ​യി സം​സാ​രി​ക്കും. ആ​യി​രം പ്ലാ​സ്റ്റി​ക് ക​വ​റു​ക​ൾ ഒ​രേ സ്ഥ​ല​ത്ത് മ​ണ്ണി​ൽ​താ​ഴു​ന്പോ​ൾ ഒ​രു സെന്‍റോളം സ്ഥ​ല​ത്ത് തു​ള്ളി മ​ഴ​വെ​ള്ളം മ​ണ്ണി​ൽ താ​ഴി​ല്ല. ഇ​ത്ത​ര​ത്തി​ൽ ല​ക്ഷ​ക്ക​ണ​ക്കി​ന് പ്ലാ​സ്റ്റി​ക് ക​വ​റു​ക​ൾ മേ​ൽ​മ​ണ്ണി​ൽ​പു​ത​ഞ്ഞ​തോ​ടെ മേൽമ​ണ്ണി​ന് വെ​ള്ള​ത്തെ ആ​ഗി​ര​ണം ചെ​യ്യാ​നാ​കാ​തെ​വ​ന്നിരിക്കുന്നു.

അ​ങ്ങ​നെ ​മ​ണ്ണി​ൽ പ്ലാ​സ്റ്റി​ക് പ​ടു​ത പൊ​തി​ഞ്ഞു​മൂ​ടി​യ സ്ഥി​തി​യാ​യി. പെ​യ്തി​റ​ങ്ങു​ന്ന മ​ഴ മ​ണ്ണി​ലി​റ​ങ്ങാ​തെ പ്ര​ള​യ​മാ​യി കു​ത്തി​യൊ​ഴു​കുന്ന സാഹചര്യം. നൂ​റു വ​ർ​ഷം കി​ട​ന്നാ​ലും ഇ​വ മ​ണ്ണി​ൽ അ​ലി​ഞ്ഞു​ചേ​രു​ക​യു​മി​ല്ല. കോ​ടാ​നു​കോ​ടി സൂ​ക്ഷ്മ​ജീ​വി​ക​ളു​ടെ ഈ​റ്റി​ല്ല​മാ​യ മ​ണ്ണി​ലെ ജൈ​വാം​ശ​ത്തെ പ്ലാ​സ്റ്റി​ക് ഇ​ല്ലാ​യ്മ ചെ​യ്യു​ന്നു. പ്ലാ​സ്റ്റി​ക് ക​ത്തി​ച്ചാ​ൽ കാ​ർ​ബ​ണ്‍ ഉ​ൾ​പ്പെ​ടെ ഉ​യ​രു​ന്ന വി​ഷ​വാ​ത​കങ്ങൾ മ​നു​ഷ്യ​നും പ​രി​സ്ഥി​തി​ക്കു​മു​ണ്ടാ​ക്കു​ന്ന ഭീ​ഷ​ണി​യു​ടെ തീ​വ്ര​ത​യും മാരകമാണ്.

ആ​ഗോ​ള​താ​പ​ന​ത്തെ​യും കാ​ലാ​വ​സ്ഥാ വ്യ​തി​യാ​ന​ത്തെ​യും ഓ​സോ​ണ്‍ പാ​ളി​യി​ലെ വി​ള്ള​ലി​നെ​യും ക​ട​ൽ​​നി​ര​പ്പ് ഉ​യ​രു​ന്ന​തി​നെ​യും കു​റി​ച്ചൊ​ക്കെ പ​ര​ന്ന വാ​യ​ന​യി​ലൂ​ടെ മുരളീധരൻ അ​റി​വു​നേ​ടി​യി​രി​ക്കു​ന്നു. പ​രി​സ്ഥി​തി​യു​മാ​യി ബ​ന്ധ​പ്പെ​ട്ട പു​സ്ത​ക​ങ്ങ​ളും ലേ​ഖ​ന​ങ്ങ​ളു​മൊ​ക്കെ വായിച്ചു പ​ഠി​ക്കും. ഇ​ത്ത​രം അ​റി​വു സ​മ്മാ​നി​ക്കു​ന്ന ഒ​രു പു​സ്ത​ക​വും പ​ണം കൊ​ടു​ത്തു വാ​ങ്ങാ​റി​ല്ല.

വീ​ടു​ക​ളി​ൽ നി​ന്ന് പ​ഴ​യ വ​സ്തു​ക്ക​ൾ ശേ​ഖ​രി​ക്കു​ന്പോ​ൾ പ​രി​സ്ഥി​തി സം​ബ​ന്ധ​മാ​യ പു​സ്ത​ക​ങ്ങ​ളും മാ​സി​ക​ക​ളും ധാ​രാ​ള​മാ​യി ല​ഭി​ക്കാറുണ്ട്. ഇ​വ ആ​ക്രി​ച്ചാ​ക്കി​ൽ നി​ക്ഷേ​പി​ക്കാ​തെ നി​ധി​പോ​ലെ ഭ​ദ്ര​മാ​യി വീ​ട്ടി​ൽ കൊ​ണ്ടു​പോ​കും. വാ​യി​ച്ച​തി​നു ശേ​ഷം നാട്ടിൽ പോ​കു​ന്പോ​ൾ മ​ക്ക​ൾ​ക്ക് സ​മ്മാ​ന​മാ​യി ന​ൽ​കും. ശേ​ഷി​ക്കു​ന്ന​വ വാ​യ​ന​ശാ​ല​ക​ൾ​ക്ക് ന​ൽ​കു​ക​യാ​ണ് പ​തി​വ്. തന്‍റെ ​പ്ലാസ്റ്റിക് നിർമാർജന യ​ജ്ഞം കാ​ണാ​നെ​ത്തു​ന്ന​വ​രോ​ടൊ​ക്കെ പ​രി​സ്ഥി​തി സം​ര​ക്ഷ​ണ​ത്തെ​ക്കു​റി​ച്ച് ബോ​ധ​നം ന​ൽ​കു​ക​യും ചെ​യ്യും.

മാ​സ​ത്തി​ലൊ​രി​ക്ക​ൽ നാ​ട്ടി​ലെ​ത്തി കു​ടും​ബാം​ഗ​ങ്ങ​ളെ സ​ന്ദ​ർ​ശി​ക്കും. കോ​ട്ട​യ​ത്തു നി​ന്നും അ​ടു​ത്ത പ​ര്യ​ട​നം തി​രു​വ​ല്ല​യി​ലേ​ക്ക് പുറപ്പെടാനാണ് ഉ​ദ്ദേ​ശി​ക്കു​ന്ന​ത്. കു​ട്ടി​യാ​ത്ത് അ​പ്പ​ന്‍റെ​യും ച​ക്കി​യു​ടെ​യും മ​ക​നാ​ണ് ഈ ​നാ​ൽ​പ​ത്തി​ര​ണ്ടു​കാ​ര​ൻ. ഭാ​ര്യ ഷൈ​നി​മോ​ളും മ​ക്ക​ൾ അ​വ​ന്തി​ക​യും അ​ലം​കൃ​ത​യും ഈ ​മാ​തൃ​കാ​യ​ജ്ഞ​ത്തി​ൽ മു​ര​ളീ​ധ​ര​നു പി​ന്തു​ണ ന​ൽ​കു​ന്നു.

ജെ​വി​ൻ കോ​ട്ടൂ​ർ