അ​ദ്ഭു​ത​ങ്ങ​ളു​ടെ ക്രി​സ്മ​സ് അ​നു​ഭ​വ​ങ്ങ​ൾ

ഓ​രോ ക്രി​സ്മ​സി​ലും ഉ​ണ്ണീ​ശോ​യു​ടെ ക​രു​ത​ലും ക​ന്യാ​മാ​താ​വി​ന്‍റെ​യും യൗ​സേ​പ്പി​താ​വി​ന്‍റെ​യും കാ​രു​ണ്യ​വും ഞാ​ൻ അ​നു​ഭ​വി​ച്ച​റി​യാ​റു​ണ്ട്. അ​നാ​ഥ​ർ​ക്ക് ഭ​ക്ഷ​ണ​വും രോ​ഗി​ക​ൾ​ക്ക് മ​രു​ന്നും കു​ഞ്ഞു​ങ്ങ​ൾ​ക്ക് കേ​ക്കു​ക​ളും മി​ഠാ​യി​ക​ളു​മാ​യി അ​നേ​ക​രെ ഉ ​ണ്ണി​യേ​ശു എ​നി​ക്ക​രി​കി​ലേ​ക്ക് പ​റ​ഞ്ഞ​യ​യ്ക്കും.

മ​ഹാ​പ്ര​ള​യ​ത്തി​ൽ വീ​ടും കി​ട​പ്പാ​ട​വും ഒ​ലി​ച്ചു​പോ​യ മു​ണ്ട​ക്ക​യം കൂ​ട്ടി​ക്ക​ലി​ലെ നൂ​റു കു​ടും​ബ​ങ്ങ​ൾ​ക്ക് ഈ ​ക്രി​സ്മ​സി​ന് ആ​ശ്വാ​സ​മാ​യി മൂ​വാ​യി​രം രൂ​പ​യും ഓ​രോ കേ​ക്കും ന​ൽ​കാ​ൻ ആ​ഗ്ര​ഹി​ച്ചു. ഇ​തി​നാ​യി മൂ​ന്നു മാ​സ​ത്തേ​ക്ക് മൂ​ന്നു ല​ക്ഷം രൂ​പ ക​ണ്ടെ​ത്ത​ണം. കാ​ഞ്ഞി​ര​പ്പ​ള്ളി ബി​ഷ​പ് മാ​ർ ജോ​സ് പു​ളി​ക്ക​ലി​നെ ഇ​ക്കാ​ര്യം ധ​രി​പ്പി​ച്ച് ഞാ​ൻ കോ​ട്ട​യം ആ​ർ​പ്പൂ​ക്ക​ര​യി​ലെ ന​വ​ജീ​വ​ൻ മ​ന്ദി​ര​ത്തി​ൽ മ​ട​ങ്ങി​യെ​ത്തു​ന്പോ​ൾ ഒ​രാ​ൾ എ​ന്നെ കാ​ത്തു നി​ൽ​പ്പു​ണ്ട്. എ​നി​ക്ക് പ​രി​ചി​ത​ന​ല്ലാ​ത്ത ആ ​വ്യ​ക്തി ബാ​ങ്ക് അ​ക്കൗ​ണ്ടി​ൽ മൂ​ന്നു ല​ക്ഷം രൂ​പ നി​ക്ഷേ​പി​ച്ച​ശേ​ഷം മ​ട​ങ്ങി​പ്പോ​യി. ഇ​ത്ത​ര​ത്തി​ൽ ദൈ​വ​പ​രി​പാ​ല​ന​യു​ടെ ഒ​ട്ട​ന​വ​ധി ഇ​ട​പെ​ട​ലു​ക​ളു​ടെ വേ​ള​യാ​ണ് ഓ​രോ ക്രി​സ്മ​സും.

ന​വ​ജീ​വ​ൻ പു​തി​യ അ​ഗ​തി​മ​ന്ദി​രം പ​ണി​യു​ന്ന പ​ഴ​യ കാ​ലം. നൂ​റി​ലേ​റെ വ​രു​ന്ന മ​നോ​രോ​ഗി​ക​ളും അ​നാ​ഥ​രു​മാ​യ അ​ന്തേ​വാ​സി​ക​ളെ പാ​ർ​പ്പി​ക്കാ​നു​ള്ള പു​തി​യ മ​ന്ദി​ര​ത്തി​ന്‍റെ നി​ർ​മാ​ണം സാ​ന്പ​ത്തി​ക ഞെ​രു​ക്ക​ത്തി​ൽ നി​ല​ച്ചു. അ​ക്കൊ​ല്ല​ത്തെ ക്രി​സ്മ​സി​ന് പു​ൽ​ക്കൂ​ട് ഒ​രു​ക്കി​ക്കൊ​ണ്ടി​രി​ക്കേ കു​റു​പ്പ​ന്ത​റ​യി​ൽ​നി​ന്നും ഒ​രു വീ​ട്ട​മ്മ എ​ന്നെ കാ​ണാ​നെ​ത്തി. 16 സ്വ​ർ​ണ​വ​ള​ക​ൾ ഒ​രു തൂ​വാ​ല​യി​ൽ പൊ​തി​ഞ്ഞ് എ​ന്നെ ഏ​ൽ​പ്പി​ച്ചു പ​റ​ഞ്ഞു. ഏ​ക​മ​ക​ന് അ​ർ​ബു​ദ​ത്തി​ൽ​നി​ന്നു രോ​ഗ​ശാ​ന്തി ല​ഭി​ച്ച​തി​നു ദൈ​വ​ത്തി​നു ന​ന്ദി​യാ​യി അ​വ​ർ​ക്ക് സ്ത്രീ​ധ​നം ല​ഭി​ച്ച സ്വ​ർ​ണ​വ​ള​ക​ൾ സം​ഭാ​വ​ന​യാ​യി ന​വ​ജീ​വ​ന് ന​ൽ​കു​ക​യാ​ണെ​ന്ന്.

ന​വ​ജീ​വ​നി​ലെ അ​ന്തേ​വാ​സി​ക​ൾ​ക്ക് ഉ​ണ്ണാ​ൻ അ​രി​യി​ല്ലാ​തെ വി​ഷ​മി​ച്ചു​പോ​യ ഒ​രു ക്രി​സ്മ​സ് വേ​ള​യി​ൽ കു​വൈ​റ്റി​ൽ നി​ന്നൊ​രാ​ൾ ആ​യി​രം കി​ലോ അ​രി അ​ങ്ക​മാ​ലി​യി​ലെ ഒ​രു മി​ല്ലി​ൽ​നി​ന്നും കൊ​ടു​ത്ത​യ​ച്ച സം​ഭ​വം. ഇ​തു​പോ​ലൊ​രി​ക്ക​ൽ നാ​ഴി അ​രി ക​രു​ത​ലി​ല്ലാ​തെ അ​ന്തേ​വാ​സി​ക​ൾ​ക്ക് കൊ​ടു​ക്കാ​ൻ ചൂ​ടു വെ​ള്ളം തി​ള​പ്പി​ച്ചു​കൊ​ണ്ടി​രി​ക്കെ ഒ​രു ചാ​ക്ക് അ​രി​യു​മാ​യി ഒ​രാ​ൾ ഓ​ട്ടോ റി​ക്ഷ​യി​ൽ ന​വ​ജീ​വ​നു മു​ന്നി​ലെ​ത്തി. ഞാ​നും വ​ന്ന​യാ​ളും കൂ​ടി ആ ​അ​രി ക​ഴു​കി ആ ​തി​ള​ച്ച വെ​ള്ള​ത്തി​ൽ വേ​വി​ച്ച ു നൂ​റു​പേ​രു​ടെ വി​ശ​പ്പ​ട​ക്കി​യ അ​നു​ഭ​വം.

കോ​ട്ട​യം ക​ല്ല​റ​യി​ൽ കൊ​യ്ത്തി​നു പോ​യ ഒ​രു വീ​ട്ട​മ്മ​യ്ക്ക് ക​റ്റ ചു​മ​ന്നു​നീ​ങ്ങി​യ​പ്പോ​ൾ ക​ഴു​ത്തി​നു ക​ടു​ത്ത വേ​ദ​ന. അ​ക്കൊ​ല്ല​ത്തെ കൊ​യ്ത്ത് മു​ട​ങ്ങു​ന്ന സാ​ഹ​ച​ര്യം. പാ​ട​ത്തി​രു​ന്നു പ്രാ​ർ​ഥി​ച്ച​പ്പോ​ൾ നി​മി​ഷ​നേ​രം കൊ​ണ്ട് വേ​ദ​ന പൂ​ർ​ണ​മാ​യി ശ​മി​ച്ചു. അ​ക്കൊ​ല്ല​ത്തെ നെ​ല്ല് ന​വ​ജീ​വ​നി​ലെ അ​ന്തേ​വാ​സി​ക​ൾ​ക്ക് ദാ​നം ന​ൽ​കാ​ൻ ആ ​സ്ത്രീ തീ​രു​മാ​നി​ച്ചു. നെ​ല്ലു കു​ത്തി അ​രി​യു​മാ​യി വീ​ട്ട​മ്മ​യെ​ത്തി​യ​തും മ​റ​ക്കാ​ത്ത ക്രി​സ്മ​സ് ഓ​ർ​മ​യാ​ണ്.

ക്രി​സ്മ​സി​നു വീ​ട്ടി​ൽ പോ​കാ​നാ​കാ​തെ ഗു​രു​ത​രാ​വ​സ്ഥ​യി​ൽ വി​വി​ധ ആ​ശു​പ​ത്രി​ക​ളി​ൽ ക​ഴി​യു​ന്ന എ​ത്ര​യോ പേ​ർ ന​മു​ക്കു ചു​റ്റു​മു​ണ്ട്. ഇ​വ​രി​ൽ പ​ല​രും അ​ടു​ത്ത ക്രി​സ്മ​സു​വ​രെ ന​മു​ക്കൊ​പ്പ​മു​ണ്ടാ​ക​ണ​മെ​ന്നു​മി​ല്ല.

പ​തി​റ്റാ​ണ്ടു​ക​ളാ​യി മു​ട​ങ്ങാ​തെ ദി​വ​സം അ​യ്യാ​യി​രം പേ​ർ​ക്ക് കോ​ട്ട​യം മെ​ഡി​ക്ക​ൽ കോ​ള​ജി​ലും ജി​ല്ലാ ആ​ശു​പ​ത്രി​യി​ലും കു​ട്ടി​ക​ളു​ടെ ആ​ശു​പ​ത്രി​യി​ലും ന​വ​ജീ​വ​ൻ ചോ​റും ക​റി​ക​ളും വി​ത​ര​ണം ചെ​യ്യു​ന്നു​ണ്ട്. ചോ​റു​മാ​യി എ​ത്തു​ന്പോ​ൾ മ​രു​ന്നി​നും ഭ​ക്ഷ​ണ​ത്തി​നും ന​യാ​പൈ​സ​യി​ല്ലാ​തെ വ​ല​യു​ന്ന അ​നേ​കം രോ​ഗി​ക​ളെ​യും അ​വ​രു​ടെ കൂ​ട്ടി​രി​പ്പു​കാ​രെ​യും കാ​ണാ​റു​ണ്ട്. മ​നോ​രോ​ഗി​ക​ളു​ടെ വാ​ർ​ഡി​ലും കു​ഞ്ഞു​ങ്ങ​ളു​ടെ ആ​ശു​പ​ത്രി​യി​ലും ചോ​റി​നു പു​റ​മെ അ​പ്പ​വും റൊ​ട്ടി​യും മു​ട്ട​യും മ​റ്റ് വി​ഭ​വ​ങ്ങ​ളും പൊ​തി​യാ​യി കൊ​ടു​ക്കും. ഇ​ടു​ക്കി​യി​ലെ തോ​ട്ടം മേ​ഖ​ല​യി​ൽ​നി​ന്നു ചി​കി​ത്‌​സി​ക്കാ​നെ​ത്തു​ന്ന പ​ര​മ​ദ​രി​ദ്ര​രാ​യ അ​നേ​കം രോ​ഗി​ക​ൾ. ഒ​രു പ​ഴ​ന്തു​ണി​പോ​ലും കൈ​വ​ശ​മി​ല്ലാ​തെ പ്ര​സ​വ​ത്തി​നു വ​രു​ന്ന തോ​ട്ടം തൊ​ഴി​ലാ​ളി സ്ത്രീ​ക​ൾ. ഇ​വ​ർ​ക്ക് മ​രു​ന്നു​ക​ളും കി​ട​ക്ക​യും പു​ത​പ്പും കൊ​തു​കു​വ​ല​യും കു​ഞ്ഞു​ടു​പ്പും മാ​ത്ര​മ​ല്ല പ​ത്തു കി​ലോ അ​രി​യും ഒ​രു മാ​സ​ത്തേ​ക്ക് വീ​ട്ടി​ലേ​ക്കു​ള്ള വേ​ണ്ട ഭ​ക്ഷ്യ​ക്കി​റ്റും വ​ണ്ടി​ക്കൂ​ലി​യും ന​ൽ​കി​യാ​ണ് യാ​ത്ര​യാ​ക്കു​ക.

ഓ​രോ നി​മി​ഷ​വും ന​വ​ജീ​വ​നു മു​ന്നി​ൽ ചി​കി​ത്സാ​സ​ഹാ​യ​ത്തി​നെ​ത്തു​ന്ന അ​നേ​കം ദ​രി​ദ്ര​ർ.​ഓ​രോ ക്രി​സ്മ​സും ദാ​രി​ദ്ര്യ​ത്തി​ന്‍റെ അ​രൂ​പി​യാ​ണ് എ​നി​ക്കു സ​മ്മാ​നി​ക്കു​ന്ന​ത്. വേ​ദ​ന​യി​ലും ദുഃ​ഖ​ത്തി​ലും ക​ണ്ണീ​രൊ​ഴു​ക്കു​ന്ന രോ​ഗി​ക​ൾ​ക്കും അ​നാ​ഥ​ർ​ക്കും ന​മു​ക്ക് ന​ൽ​കാ​വു​ന്ന ആ​ശ്വാ​സം അ​ൽ​പം ഭ​ക്ഷ​ണ​വും സ്നേ​ഹ​ത്തി​ന്‍റെ സാ​ന്ത്വ​ന​വു​മാ​ണ്.

സാ​യാ​ഹ്ന​ങ്ങ​ളി​ൽ മെ​ഡി​ക്ക​ൽ​കോ​ള​ജി​ൽ വി​ത​ര​ണം ചെ​യ്യു​ന്ന ചോ​റ് പ​കു​തി ക​ഴി​ച്ച് ബാ​ക്കി വെ​ള്ളം ഒ​ഴി​ച്ചു ക​രു​തി​വെ​ച്ച് പി​റ്റേ​ന്ന് രാ​വി​ലെ പ​ഴ​യ​ൻ​ചോ​റ് ക​ഴി​ച്ചു​വി​ശ​പ്പ​ട​ക്കു​ന്ന​വ​രു​ടെ ദു​രി​ത​ക്കാ​ഴ്ച​ക​ൾ​ക്കു ന​ടു​വി​ലാ​ണ് എ​ന്‍റെ ഓ​രോ ക്രി​സ്മ​സും.

കൈ​ഞ​ര​ന്പി​ൽ ട്രി​പ്പു​കു​ത്തി​യ സൂ​ചി​യു​മാ​യി ഒ​രു ക​ഷ്ണം കേ​ക്കി​നും ഒ​രു മി​ഠാ​യി​ക്കും കൈ​നീ​ട്ടു​ന്ന കു​ഞ്ഞു​ങ്ങ​ളെ ഞാ​ൻ കാ​ണാ​റു​ണ്ട്. അ​വ​രു​ടെ വാ​വി​ട്ട കൂ​ട്ട​ക്ക​ര​ച്ചി​ലും കു​ഞ്ഞു​മു​ഖ​ങ്ങ​ളി​ൽ ഒ​ഴു​കു​ന്ന വേ​ദ​ന​യു​ടെ ക​ണ്ണീ​രും എ​ന്നെ​യും ക​ര​യി​ക്കാ​റു​ണ്ട്. ആ ​അ​നു​ഭ​വ​ങ്ങ​ളാ​ണ് ക്രി​സ്മ​സി​ന് ആ​ശു​പ​ത്രി​ക​ളി​ൽ കേ​ക്ക് കൊ​ടു​ക്കാ​ൻ നി​മി​ത്ത​മാ​യ​ത്. മൂ​വാ​യി​ര​ത്തി​ലേ​റെ കേ​ക്കു​ക​ൾ രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും കൊ​ടു​ക്കും. വേ​ണ്ടി​ട​ത്തോ​ളം കേ​ക്കി​നു​ള്ള പ​ണ​വു​മാ​യി ഉ​ണ്ണി​യേ​ശു അ​നേ​ക​രെ ന​വ​ജീ​വ​നി​ലേ​ക്ക് അ​യ​ക്കു​മെ​ന്ന​താ​ണ് ഓ​രോ ക്രി​സ്മ​സ് കാ​ല​ത്തെ​യും അ​നു​ഭ​വം. കോ​ട്ട​യം മെ​ഡി​ക്ക​ൽ കോ​ള​ജി​ലെ രോ​ഗി​ക​ൾ​ക്ക് കേ​ക്ക് വാ​ങ്ങാ​ൻ ഒ​രു ല​ക്ഷം രൂ​പ​യു​മാ​യി ഇ​ന്ന​ലെ ഒ​രാ​ൾ എ​നി​ക്കു മു​ന്നി​ലെ​ത്തി. യാ​ത്ര പ​റ​ഞ്ഞി​റ​ങ്ങു​ന്പോ​ൾ നി​ർ​ധ​ന​രോ​ഗി​ക​ൾ​ക്ക് മ​രു​ന്നു​വാ​ങ്ങി​ക്കൊ​ടു​ക്കാ​ൻ വേ​റെ​യും പ​ണം ത​ന്നു. ഒ​രു രോ​ഗി​ക്കും കൂ​ട്ടി​രി​പ്പു​കാ​ർ​ക്കും ക്രി​സ്മ​സ് കേ​ക്ക് മു​ട​ങ്ങാ​ൻ പു​ൽ​ക്കൂ​ട്ടി​ലെ ഉ​ണ്ണി​പ്പൈ​ത​ൽ അ​നു​വ​ദി​ച്ചി​ട്ടി​ല്ല.

കേ​ക്ക് വാ​ങ്ങു​ന്ന പ​ല​രും അ​ടു​ത്ത ക്രി​സ്മ​സി​ന് ഈ ​ലോ​ക​ത്തി​ലു​ണ്ടാ​വ​ണ​മെ​ന്നി​ല്ല. ആ​ശു​പ​ത്രി​യി​ൽ ഇ​വ​ർ​ക്കൊ​രു കേ​ക്ക് കി​ട്ടാ​ൻ സാ​ഹ​ച​ര്യ​വു​മി​ല്ല. കേ​ക്കു​ക​ളു​മാ​യി ഓ​രോ കി​ട​ക്ക​യ്ക്ക് അ​രി​കി​ലൂ​ടെ​യും ന​ട​ക്കു​ന്പോ​ൾ മി​ന്നി​മ​റ​യു​ന്ന ഭാ​വ​ങ്ങ​ൾ ഞാ​ൻ ശ്ര​ദ്ധി​ക്കാ​റു​ണ്ട്. കേ​ക്കി​ന്‍റെ മ​ധു​ര​ത്തേ​ക്കാ​ൾ മു​ഖ​ത്തു​തെ​ളി​യു​ന്ന പ്ര​ത്യാ​ശ​യു​ടെ പ്ര​കാ​ശ​മാ​ണ് എ​ന്‍റെ ക്രി​സ്മ​സ് സ​ന്തോ​ഷം. വേ​ദ​ന മ​റ​ന്നു പു​ഞ്ചി​രി​യോ​ടെ ആ ​സ​മ്മാ​നം വാ​ങ്ങി ചി​രി സ​മ്മാ​നി​ക്കു​ന്ന രോ​ഗി​ക​ൾ. വീ​ട്ടി​ലു​ള്ള കു​ട്ടി​ക്കു കൊ​ടു​ക്കാ​ൻ ഒ​രു കേ​ക്കു​കൂ​ടി ത​രാ​മോ എ​ന്ന് ചോ​ദി​ക്കു​ന്ന അ​മ്മ​മാ​ർ.

ഈ ​ദി​വ​സ​ങ്ങ​ളി​ൽ യാ​ത്ര പോ​കു​ന്പോ​ഴൊ​ക്കെ വാ​ഹ​ന​ത്തി​ൽ കു​റെ കേ​ക്കു​ക​ൾ ക​രു​തി​വ​യ്ക്കും. വ​ഴി​യോ​ര​ങ്ങ​ളി​ലി​രി​ക്കു​ന്ന പാ​വ​ങ്ങ​ൾ​ക്കും രോ​ഗി​ക​ൾ​ക്കു​മൊ​ക്കെ ഓ​രോ കേ​ക്ക് യാ​ത്ര​ക​ളി​ൽ കൊ​ടു​ത്തു​പോ​കും. വാ​ങ്ങു​ന്ന​വ​രു​ടെ സ​ന്തോ​ഷ​ത്തേ​ക്കാ​ൾ ഇ​ര​ട്ടി​യാ​ണ് അ​ത് കൊ​ടു​ക്കു​ന്പോ​ൾ മ​ന​സി​ൽ നി​റ​യു​ന്ന സം​തൃ​പ്തി.

ക്രി​സ്മ​സ് പ​ങ്കു​വ​യ്ക്ക​ലി​ന്‍റേ​താ​യി​രി​ക്ക​ണം. നാം ​ഒ​രു കേ​ക്ക് വീ​ട്ടി​ൽ വാ​ങ്ങു​ന്പോ​ൾ പാ​വ​പ്പെ​ട്ട അ​യ​ൽ​ക്കാ​ര​നും ഒ​രെ​ണ്ണം വാ​ങ്ങി​ക്കൊ​ടു​ക്ക​ണം. ഇ​റ​ച്ചി​ക്കും അ​പ്പ​ത്തി​നും വ​ക​യി​ല്ലാ​ത്ത അ​യ​ൽ​ക്കാ​ര​നു​മു​ണ്ട് ഇ​തൊ​ക്കെ ക​ഴി​ക്കാ​നു​ള്ള വി​ശ​പ്പും ആ​ഗ്ര​ഹ​വു​മെ​ന്ന് മ​റ​ന്നു​കൂ​ടാ. പി​റ​ന്നാ​ളു​ക​ളി​ലും പെ​രു​ന്നാ​ളു​ക​ളി​ലും വി​ശേ​ഷ​ങ്ങ​ളി​ലു​മൊ​ക്കെ വീ​ട്ടി​ൽ വി​ശേ​ഷ ഭ​ക്ഷ​ണ​മു​ണ്ടാ​ക്കു​ന്പോ​ൾ അ​യ​ൽ​പ​ക്ക​ത്തെ ഇ​ല്ലാ​ത്ത​വ​ർ​ക്കു​കൂ​ടി ഒ​രു വി​ഹി​തം കൊ​ടു​ക്ക​ണം. ആ ​പു​ണ്യ​ത്തി​ന് പ​ര​മോ​ന്ന​ത ബ​ഹു​മ​തി​ക​ൾ കി​ട്ട​ണ​മെ​ന്നി​ല്ല. എ​ന്നാ​ൽ പ​ര​മോ​ന്ന​ത​ദൈ​വ​ത്തി​ന്‍റെ അ​നു​ഗ്ര​ഹ ബ​ഹു​മ​തി അ​ങ്ങു സ്വ​ർ​ഗ​ത്തി​ൽ ന​മ്മെ കാ​ത്തി​രി​പ്പു​ണ്ടാ​കും. അ​യ​ൽ​പ​ക്ക സ​ഹാ​യ​സം​സ്കാ​രം ജ​നി​പ്പി​ക്കു​ന്ന​താ​വ​ണം ക്രി​സ്മ​സു​ക​ൾ.

പി.​യു. തോ​മ​സ്, ന​വ​ജീ​വ​ൻ