സോയാബീൻ ഒരുതരം വെള്ളപ്പയർ ആണ്. നിറയെ പ്രോട്ടീൻ അടങ്ങിയിരിക്കുന്ന ഇതിന്റെ പാൽകൊണ്ടും പരിപ്പുകൊണ്ടും പലതരത്തിലുള്ള വിഭവങ്ങൾ തയാറാക്കാം.
സോയാമിൽക്ക്
ഒരു കപ്പ് സോയാബീൻ കുതിർത്തതിനുശേഷം ഇടിച്ചുപിഴിഞ്ഞു പാൽ എടുക്കുക. ഇത് അരിച്ചെടുത്ത് പഞ്ചസാര ചേർത്തോ അല്ലാതെയോ കഴിക്കാം.
കട്ട്ലെറ്റ്സ്
സോയാ തരികൾ ഒരു കപ്പ്, സവോള അരിഞ്ഞത് ഒന്ന്, ഇഞ്ചിയും പച്ചമുളകുംകൂടി അരച്ചത് ഒരു വലിയ കരണ്ടി, പട്ടയും ഗ്രാന്പുവും ഏലയ്ക്കയും പൊടിച്ചത് ഒരു ചെറിയ കരണ്ടി, കുരുമുളകുപൊടി-ഒരു ചെറിയ കരണ്ടി, പെരുംജീരകം പൊടിച്ചത്- ഒരു വലിയ കരണ്ടി, ഉരുളക്കിഴങ്ങ് പുഴുങ്ങി പൊടിച്ചത്- ഒന്നര കപ്പ്, ജീരകം- അര സ്പൂണ്, മുട്ട-1, ആവശ്യത്തിന് എണ്ണ. ഉപ്പ്, കറിവേപ്പില ആവശ്യത്തിന്.
ഉണ്ടാക്കുന്ന വിധം
സോയാ തരികൾ അല്പനേരം കുതിർത്തതിനുശേഷം പിഴിഞ്ഞെടുക്കുക. രണ്ടു തവി എണ്ണ ചൂടാക്കി ജീരകവും കറിവേപ്പില അരിഞ്ഞതും കൂടിയിട്ട് ഇളക്കിയതിനുശേഷം സവോളയും പച്ചമുളക്, ഇഞ്ചി എന്നിവചേർത്തു വഴറ്റുക. ഇതിലേക്കു സോയാ പൊടിയിട്ട് നല്ലതുപോലെ വഴറ്റിയെടുക്കുക. പിന്നീടു മസാലപ്പൊടികൾ എല്ലാം ചേർത്തിളക്കുക.
ഇതിലേക്ക് ഉരുളക്കിഴങ്ങും ഉപ്പും ചേർത്ത് നല്ലതുപോലെ കുഴച്ചെടുക്കുക. കൈവെള്ളയിൽ ചെറിയ ഉരുളകൾ എടുത്ത് കട്ലറ്റ് ഉണ്ടാക്കിവയ്ക്കുക, എണ്ണ ചൂടാക്കി ഇവ ഓരോന്നും മുട്ടയുടെ വെള്ളയിൽ മുക്കി പൊരിച്ചെടുക്കുക.
ഓമന ജേക്കബ്
സോയാബീൻ വിഭവങ്ങൾ
02:04 AM Jun 27, 2021 | Deepika.com