പുതിയ അധ്യയനവർഷം സാങ്കേതികവിദ്യകളുടെ സഹായത്തോടെ- 2 / ഡോ. ജൂബി മാത്യു
അറിവ് നേടാനായി ഇന്‍റർനെറ്റിനെ സമീപിക്കുന്ന ഏതൊരാൾക്കും സന്ദർശിക്കാവുന്ന ചില വെബ്സൈറ്റുകളും പ്രയോഗിച്ചു നോക്കാവുന്ന ആപ്ലിക്കേഷനുകളെയും പരിചയപ്പെടാം.
1. മൂഡിൽ
ഓൺലൈൻ വിദ്യാഭ്യാസത്തിന്‍റെ സകലസാധ്യതകളെയും ഉപയോഗിക്കുന്ന കാര്യക്ഷമമായ ഓപ്പൺസോഴ്സ് ലേണിംഗ് മാനേജ്മെന്‍റ് സിസ്റ്റമാണ് മൂഡിൽ (Moodle). ഓൺലൈനായി അസൈൻമെന്‍റ് സമർപ്പിക്കാനും പഠനോപാധികൾ പങ്കുവയ്ക്കാനും പരീക്ഷകൾ നടത്തുവാനുമുള്ള അനുയോജ്യമായ പ്ലാറ്റ്ഫോമാണ് മൂഡിലിന്‍റേത്.
https://moodle.org/
2. മൂക്
മാസീവ് ഓപ്പൺ ഓൺലൈൻ കോഴ്സ് എന്ന നൂതന സമ്പ്രദായത്തിലൂടെ ലോകത്തെ ഉന്നത വിദ്യാഭ്യാസ മേഖല അടിമുടി മാറുകയാണ്. അടിസ്ഥാനപരമായി ഒരേസമയം ലോകമെമ്പാടുമുള്ള പതിനായിരക്കണക്കിന് വ്യക്തികൾക്ക് പങ്കെടുക്കാവുന്ന ക്ലാസ് മുറികളുടെ സൃഷ്‌ടിക്ക് വഴിയൊരുക്കുന്ന സാങ്കേതിവിദ്യ സൂചിപ്പിക്കുന്ന പദമാണ് മൂക് (MOOC- Massive open online course). ലോകത്തെ ഏറ്റവും മികച്ച യൂണിവേഴ്സിറ്റികളിലെയും പ്രഫസർമാരുടെയും ക്ലാസുകൾ ലോകത്ത് എവിടെയുള്ളവർക്കും സൗജന്യമായി ലഭ്യമാകും ഇതിലൂടെ.
https://www.coursera.org/
https://www.edx.org/
https://www.udemy.com/
3. സ്വയം
കേന്ദ്ര മാനവശേഷി വകുപ്പിനു കീഴിലുള്ള മൂക് സംരംഭമാണ് സ്വയം (SWAYAM - Study Webs of Active Learning for Young Aspiring Minds). ഒമ്പതാം ക്ലാസ് മുതൽ ബിരുദാനന്തര ബിരുദം വരെയുള്ള കോഴ്സുകൾ ലഭ്യമാക്കുകയാണ് ഈ സേവനത്തിന്‍റെ ലക്ഷ്യം. സ്വയത്തിന്‍റെ വെബ്സൈറ്റ് സന്ദർശിച്ചാൽ വിഷയത്തിനടിസ്ഥാനത്തിലും പഠിപ്പിക്കുന്ന സ്ഥാപനത്തിന്‍റെ അടിസ്ഥാനത്തിലും കോഴ്സുകൾ കണ്ടെത്തി ചേരാവുന്നതാണ് . ഇതിലെ കോഴ്സുകൾക്ക് ഇന്ത്യയിൽ എവിടെയും അംഗീകാരമുണ്ട്. 15 ആഴ്ചയാണു മിക്ക കോഴ്സുകളുടേയും ദൈര്‍ഘ്യം. അനുബന്ധ അധ്യയനക്കുറിപ്പുകൾ, ഗൃഹപാഠങ്ങൾ എന്നിവ ഉണ്ടാകും. ഏറ്റവും പിന്നാക്കം നിൽക്കുന്നവരുൾപ്പെടെ എല്ലാവരിലേക്കും മികച്ച അധ്യാപന പഠനവിഭവങ്ങൾ എത്തിക്കുകയെന്നതാണ് ഈ ശ്രമത്തിന്‍റെ ലക്ഷ്യം.
https://swayam.gov.in/
4. എൻപിടിഇഎൽ
മാനവ വിഭവശേഷി വകുപ്പിന്‍റെ ധനസഹായമുള്ള മറ്റൊരു മൂക് സംരംഭമാണ് എൻപിടിഇഎൽ (National Programme on Technology Enhanced Learning). ഐഐടികളും ഐഐഎസുമാണ് ഇതു നടപ്പിലാക്കുന്നത്. കോഴ്സുകൾ സൗജന്യമായി പഠിക്കാം. താത്പര്യമുണ്ടെങ്കിൽ ചെറിയൊരു ഫീസ് നൽകി പരീക്ഷയെഴുതി സർട്ടിഫിക്കറ്റ് കരസ്ഥമാക്കാം.
https://nptel.ac.in/
5.സമഗ്ര
അധ്യാപകർക്കും വിദ്യാർഥികൾക്കും ആവശ്യമായ പഠനവിഭവങ്ങൾ പൂർണമായും ലഭ്യമാക്കുന്ന പോർട്ടലാണ് സമഗ്ര (Samagra). എൻസിഇആർടിയും ഐടി അറ്റ് സ്കൂളും ചേർന്നാണ് ഇതു തയാറാക്കുന്നത്. കേരള സർക്കാർ സംരംഭമായ കൈറ്റിനു കീഴിലെ ഇ -വിഭവശേഖരമാണു സമഗ്ര. അധ്യാപകർക്ക് പഠനവിഭവങ്ങളും മാതൃകാചോദ്യങ്ങളുമെല്ലാം ഇതിൽ അപ്‌ലോഡ് ചെയ്യുകയും ഡൗൺലോഡ് ചെയ്യുകയും ചെയ്യാം. സ്കൂൾ സമൂഹത്തിന്‍റെ ഭാഗമല്ലാത്തവർക്കടക്കം അക്കൗണ്ടൊന്നുമില്ലാതെ ഇവ ഡൗൺലോഡ് ചെയ്യാം. ഒന്നുമുതൽ 12 വരെയുള്ള ക്ലാസുകളിലെ മുഴുവൻ പാഠപുസ്തകങ്ങളും സമഗ്ര പോർട്ടലിൽ ലഭ്യമാണ്.
പ്ലേസ്റ്റോറിൽ സമഗ്ര എന്നു നൽകി ഇൻസ്റ്റാൾ ചെയ്യുന്ന മൊബൈൽ ആപ്പ് വഴിയും മുഴുവൻ പാഠപുസ്തകങ്ങളും ഡിജിറ്റൽ റിസോഴ്സുകളും പൊതുജനങ്ങൾ ഉൾപ്പെടെ എല്ലാവർക്കും സൗജന്യമായി ഡൗൺലോഡ് ചെയ്യാൻ കഴിയുന്ന രൂപത്തിൽ കൈറ്റ് ലഭ്യമാക്കിയിട്ടുണ്ട്.
https://samagra.kite.kerala.gov.in/
6. ദിക്ഷ
ദിക്ഷ (Digital Infrastructure for Knowledge Sharing) എന്നത് സ്കൂൾ വിദ്യാഭ്യാസത്തിനായുള്ള ഒരു ദേശീയ പ്ലാറ്റ്ഫോമാണ്. ഇത് വിദ്യാഭ്യാസമന്ത്രാലയത്തിന്‍റെ ആഭിമുഖ്യത്തിൽ നാഷണൽ കൗൺസിൽ ഫോർ എഡ്യുക്കേഷണൽ റിസർച്ച് ആൻഡ് ട്രെയിനിംഗിന്‍റെ (NCERT) സംരംഭമാണ്. ഒരാളുടെ മുഴുവൻ അധ്യാപനജീവിതവും ഡിജിറ്റലാക്കുകയാണ് കേന്ദ്രസർക്കാരിന്‍റെ ദിക്ഷ പോർട്ടലിന്‍റെ ലക്ഷ്യം. ഇവിടെ നിരവധി പഠനവിഭവങ്ങൾ ലഭ്യമാണ്.
https://diksha.gov.in/
7. ഇൻഫ്ലിബ്നെറ്റ്
സർവകലാശാല ഗ്രന്ഥാലയങ്ങളും വിജ്ഞാനവും ഡിജിറ്റലാക്കുക എന്ന ലക്ഷ്യത്തോടെ 1991 മുതൽ മാനവ വിഭവശേഷിവകുപ്പിന്‍റെ കിഴിൽ പ്രവർത്തിച്ചുവരുന്ന ഇൻഫർമേഷൻ ആൻഡ് ലൈബ്രറി നെറ്റ്‌വർക്ക് സെന്‍ററാണു ഇൻഫ്ലിബ്നെറ്റ് (INFLIBNET). ദേശീയതലത്തിൽ സർവകലാശാലകളെയും ഗവേഷണസംരംഭങ്ങളെയും ബന്ധിപ്പിക്കുന്നതിൽ വലിയൊരു പങ്കാളിത്തമാണ് ഇൻഫ്ലിബ്നെറ്റ് വഹിക്കുന്നത്.
ഇൻഫ്ലിബ്നെറ്റ് നടപ്പിലാക്കുന്ന ചില സംരംഭങ്ങൾ
ശോധ് ഗംഗ(Shodhganga): ഇന്ത്യയിലെ സർവകലാശാലകളിൽനിന്നുള്ള ഗവേഷണ പ്രബന്ധങ്ങളുടെ ഡിജിറ്റൽ ശേഖരം. ഇന്ത്യയിലെ സർവകലാശാലകൾക്കു കീഴിലുള്ള ഗവേഷണപ്രബന്ധങ്ങൾ ഡിജിറ്റൽ രൂപത്തിൽ ശേഖരിച്ചു വിതരണം ചെയ്യുക എന്ന ലക്ഷ്യത്തോടെ ആരംഭിച്ച ഒരു പദ്ധതിയാണ് ശോധ്ഗംഗ.
ഇ-പിജി പാഠശാല(e-PG Pathshala): ബിരുദാനന്തര ബിരുദ പഠനത്തിന് സഹായകമായ ഡിജിറ്റൽ വിഭവങ്ങൾ ഇവിടെ ലഭ്യമാണ്.
https://epgp.inflibnet.ac.in
https://www.inflibnet.ac.in/
https://vidwan.inflibnet.ac.in/
https://ess.inflibnet.ac.in/
http://soul.inflibnet.ac.in/
8. ഇ -ബുക്ക് ശേഖരങ്ങൾ
സൗജന്യവും അല്ലാത്തതുമായ ഒരുപാട് ഇ-ബുക്ക് സ്രോതസുകൾ ഇന്‍റർനെറ്റിൽ ഉണ്ട്. അതിൽത്തന്നെ പ്രോജക്‌ട് ഗുട്ടൺബർഗ്(https://www.gutenberg.org/), വിക്കി ബുക്സ് (https://en.wikibooks.org/), വിക്കി സോഴ്സ് (https://wikisource.org/) എന്നിങ്ങനെ സ്വതന്ത്ര ലൈസെൻസോടുകൂടിയതാണ്.
ഇന്‍റർനെറ്റിൽ ഏറ്റവും പ്രശസ്തമായ ഇ-ബുക്ക് സ്രോതസാണു പ്രോജക്‌ട് ഗുട്ടൻബർഗ്. ഇംഗ്ലീഷിനു പുറമേയുള്ള ഭാഷകളിലും പുസ്തകങ്ങൾ ലഭ്യമാണ്.
9. വിക്കിപീഡിയ
മനുഷ്യൻ ഇന്നോളം ഉണ്ടാക്കിയതിൽ വച്ച് ഏറ്റവും വലിയ വൈജ്ഞാനിക സംരംഭങ്ങളിൽ ഒന്നാണ് വിക്കിപീഡിയ. നിഘണ്ടു, ഉദ്ധരണികൾ, പകർപ്പവകാശം ബാധകമല്ലാത്തതോ തീർന്നതോ ആയ പുസ്തകങ്ങൾ, വാർത്തകൾ, വഴികാട്ടി, പഠനവിഭവങ്ങൾ തുടങ്ങിയവ ചിലതു മാത്രമാണ്.
https://www.wikipedia.org/
https://en.wikiversity.org/
https://en.wikivoyage.org/
https://en.wiktionary.org/
10. വിജ്ഞാന കോശങ്ങൾ
വിക്കിപീഡിയയുടെ പ്രഭാവലയത്തിൽ നാം കാണാതെ പോകുന്ന ഒരുപാട് വൈജ്ഞാനിക സൈറ്റുകൾ ഉണ്ട് .വലിപ്പം കൊണ്ടോ സ്വാതന്ത്ര്യം കൊണ്ടോ അവയിൽ പലതും വിക്കിപീഡിയയോളം വരില്ലെങ്കിലും ഓരോന്നിനും അതിന്‍റേതായ സ്ഥാനമുണ്ട്.
https://www.britannica.com/
https://www.encyclopedia.com/
https://ml.vikaspedia.in/
https://eol.org/
11. ഡ്യൂയൂലിംഗോ
ഭാഷാപഠനം എളുപ്പമാക്കാൻ സഹായിക്കുന്ന ആപ്പാണ് ഡ്യൂയൂലിംഗോ (Duolingo). ഇംഗ്ലീഷ്, ഫ്രഞ്ച്, സ്പാനിഷ്, ലാറ്റിൻ, ജർമൻ തുടങ്ങി വിവിധ ഭാഷകൾ പഠിക്കാനായി ഈ ആപ്പ് സഹായകമാകും. ചിത്രങ്ങളിലൂടെയാണു പരിശീലനം ആരംഭിക്കുന്നത്. നിരവധി ഇൻട്രാക്‌ടീവ് കഥകൾ ലഭ്യമാണ്.
https://www.duolingo.com/
12. ഫോട്ടോമാത്
പലപ്പോഴും വിദ്യാർഥികളെ ബുദ്ധിമുട്ടിക്കുന്ന ഒരു വിഷയമാണ് ഗണിതം. ഫോട്ടോമാത് (Photomath) എന്ന ആപ്ലിക്കേഷൻ ഉപയോഗിച്ച് സങ്കീർണമായ കണക്കുകൾപോലും അനായാസം ചെയ്യാൻ കഴിയും. കൈകൊണ്ട് എഴുതിയതോ പ്രിന്‍റെടുത്തതോ ആയ ചോദ്യത്തിന്‍റെ ഒരു ഫോട്ടോയെടുക്കുക. ഈ ചോദ്യം പരിഹരിക്കുന്നതിനുള്ള മാർഗങ്ങൾ ആപ്പ് പറഞ്ഞുതരും. ആനിമേറ്റ് ചെയ്ത് നിർദേശങ്ങളും ഇൻട്രാക്‌ടീവ് ഗ്രാഫുകളും സയന്‍റിഫിക് കാൽക്കുലേറ്ററുമെല്ലാം ഇതിന്‍റെ പ്രത്യേകതകളാണ്.
https://photomath.com/
13. സോളോലേൺ
കോഡിംഗും പ്രോഗ്രാമിംഗും ഇന്ന് വളരെയധികം സാധ്യതകൾ നിറഞ്ഞ മേഖലയാണ്. കോഡിംഗ് ഇഷ്ടപ്പെടുന്നവർക്കായി തയാറാക്കിയിരിക്കുന്ന ആപ്പാണ് സോളോലേൺ (Sololearn). തുടക്കക്കാർക്കും പ്രഫഷണലുകൾക്കും കോഡിംഗ് സുഗമമാക്കാൻ ഉപകരിക്കുന്ന ആപ്ലിക്കേഷനാണിത്. ജാവ, പൈത്തൺ, PHP, HTML , ജവാസ്ക്രിപ്റ്റ്, സിഎസ്എസ് തുടങ്ങിയ എല്ലാ ഭാഷകളിലുമുള്ള കോഡിംഗ് ട്യൂട്ടോറിയലുകളുടെ ഒരു ശേഖരംതന്നെ സോളോലേണിൽ ഉണ്ട്.
https://www.sololearn.com/
14. ഗൂഗിൾ ട്രാൻസ്‌ലേറ്റ്
ഒരു ഭാഷയിലുള്ള വിവരങ്ങൾ മറ്റൊരു ഭാഷയിലേക്ക് വിവർത്തനം ചെയ്യുന്നതിനുള്ള സേവനമാണ് ഗൂഗിൾ ട്രാൻസ്‌ലേറ്റ്. ടെക്സ്റ്റ്, ഡോക്യുമെന്‍റ്, വെബ് പേജ് തുടങ്ങിയവയ്ക്കൊപ്പം ചിത്രങ്ങളിലെ ടെക്സ്റ്റുകൾ ഇഷ്‌ടമുള്ള ഭാഷയിലേക്ക് വിവർത്തനം ചെയ്യാം. വോയിസ് ഇൻപുട്ടും ലഭ്യമാണ്. ഇപ്പോൾ നിലവിൽ 133 ഭാഷകളെ ഗൂഗിൾ ട്രാൻസ്‌ലേറ്റ് പിന്തുണയ്ക്കുന്നുണ്ട്.
https://translate.google.com/
15. ഗൂഗിൾ എർത്ത്
ഗൂഗിൾ പുറത്തിറക്കുന്ന ഒരു ഭൂമിശാസ്ത്ര വിവരസം‌വിധാന സോഫ്റ്റ്‌വേറാണു ഗൂഗിൾ എർത്ത് (Google earth). ജോഗ്രഫി പഠിക്കുന്ന കുട്ടികൾക്ക് വലിയ മുതൽക്കൂട്ടാണ് .
https://earth.google.com/
https://www.google.com/sky/
16. ഗൂഗിൾ ലെൻസ്
കാണുന്നത് എന്താണെന്ന് മനസിലാക്കാനും അവയെക്കുറിച്ചുള്ള വിവരങ്ങൾ നൽകാനും കഴിയുന്ന ദൃശ്യങ്ങളിൽ അധിഷ്ഠിതമായ സാങ്കേതികവിദ്യയാണ് ഗൂഗിൾ ലെൻസ് (Google lens). അതായത് നിങ്ങൾ കാണുന്ന ഒരു വസ്തുവിനെക്കുറിച്ചുള്ള വിവരങ്ങൾ നൽകാൻ ലെൻസിന് സാധിക്കും.
ആർട്ടിഫിഷൽ ഇന്‍റലിജൻസ്, മെഷീൻ ലേണിംഗ്, ഓഗ്‌മെന്‍റഡ് റിയാലിറ്റി തുടങ്ങിയ സാങ്കേതികവിദ്യകൾ കൂടിച്ചേരുകയാണ് ഇവിടെ. ഉദാഹരണത്തിന് നിങ്ങൾ പോകുന്ന വഴിയിൽ ഒരു പൂവ് ഉണ്ടെന്നിരിക്കട്ടെ ഏതു പൂവാണെന്ന് പിടികിട്ടാത്ത അവസ്ഥയിൽ അത് അറിയണമെങ്കിൽ ഗൂഗിൾ ലെൻസ് പ്രവർത്തിപ്പിക്കുക. കാമറയിൽ ഫോട്ടോയെടുക്കുക. പൂവിന്‍റെ പേര്, ശാസ്ത്രീയ നാമം തുടങ്ങി സകല വിവരങ്ങളും ഗൂഗിൾ ലെൻസ് പറഞ്ഞുതരും. https://lens.google/
( അവസാനിച്ചു)
(ലേഖകൻ കാഞ്ഞിരപ്പള്ളി അമൽജ്യോതി എൻജിനിയറിംഗ് കോളജിലെ കംപ്യൂട്ടർ സയൻസ് ആൻഡ് എൻജിനിയറിംഗ് വിഭാഗം മേധാവിയാണ്.)
അറിവ് നേടാനായി ഇന്‍റർനെറ്റിനെ സമീപിക്കുന്ന ഏതൊരാൾക്കും സന്ദർശിക്കാവുന്ന ചില വെബ്സൈറ്റുകളും പ്രയോഗിച്ചു നോക്കാവുന്ന ആപ്ലിക്കേഷനുകളെയും പരിചയപ്പെടാം.
1. മൂഡിൽ
ഓൺലൈൻ വിദ്യാഭ്യാസത്തിന്‍റെ സകലസാധ്യതകളെയും ഉപയോഗിക്കുന്ന കാര്യക്ഷമമായ ഓപ്പൺസോഴ്സ് ലേണിംഗ് മാനേജ്മെന്‍റ് സിസ്റ്റമാണ് മൂഡിൽ (Moodle). ഓൺലൈനായി അസൈൻമെന്‍റ് സമർപ്പിക്കാനും പഠനോപാധികൾ പങ്കുവയ്ക്കാനും പരീക്ഷകൾ നടത്തുവാനുമുള്ള അനുയോജ്യമായ പ്ലാറ്റ്ഫോമാണ് മൂഡിലിന്‍റേത്.
https://moodle.org/
2. മൂക്
മാസീവ് ഓപ്പൺ ഓൺലൈൻ കോഴ്സ് എന്ന നൂതന സമ്പ്രദായത്തിലൂടെ ലോകത്തെ ഉന്നത വിദ്യാഭ്യാസ മേഖല അടിമുടി മാറുകയാണ്. അടിസ്ഥാനപരമായി ഒരേസമയം ലോകമെമ്പാടുമുള്ള പതിനായിരക്കണക്കിന് വ്യക്തികൾക്ക് പങ്കെടുക്കാവുന്ന ക്ലാസ് മുറികളുടെ സൃഷ്‌ടിക്ക് വഴിയൊരുക്കുന്ന സാങ്കേതിവിദ്യ സൂചിപ്പിക്കുന്ന പദമാണ് മൂക് (MOOC- Massive open online course). ലോകത്തെ ഏറ്റവും മികച്ച യൂണിവേഴ്സിറ്റികളിലെയും പ്രഫസർമാരുടെയും ക്ലാസുകൾ ലോകത്ത് എവിടെയുള്ളവർക്കും സൗജന്യമായി ലഭ്യമാകും ഇതിലൂടെ.
https://www.coursera.org/
https://www.edx.org/
https://www.udemy.com/
3. സ്വയം
കേന്ദ്ര മാനവശേഷി വകുപ്പിനു കീഴിലുള്ള മൂക് സംരംഭമാണ് സ്വയം (SWAYAM - Study Webs of Active Learning for Young Aspiring Minds). ഒമ്പതാം ക്ലാസ് മുതൽ ബിരുദാനന്തര ബിരുദം വരെയുള്ള കോഴ്സുകൾ ലഭ്യമാക്കുകയാണ് ഈ സേവനത്തിന്‍റെ ലക്ഷ്യം. സ്വയത്തിന്‍റെ വെബ്സൈറ്റ് സന്ദർശിച്ചാൽ വിഷയത്തിനടിസ്ഥാനത്തിലും പഠിപ്പിക്കുന്ന സ്ഥാപനത്തിന്‍റെ അടിസ്ഥാനത്തിലും കോഴ്സുകൾ കണ്ടെത്തി ചേരാവുന്നതാണ് . ഇതിലെ കോഴ്സുകൾക്ക് ഇന്ത്യയിൽ എവിടെയും അംഗീകാരമുണ്ട്. 15 ആഴ്ചയാണു മിക്ക കോഴ്സുകളുടേയും ദൈര്‍ഘ്യം. അനുബന്ധ അധ്യയനക്കുറിപ്പുകൾ, ഗൃഹപാഠങ്ങൾ എന്നിവ ഉണ്ടാകും. ഏറ്റവും പിന്നാക്കം നിൽക്കുന്നവരുൾപ്പെടെ എല്ലാവരിലേക്കും മികച്ച അധ്യാപന പഠനവിഭവങ്ങൾ എത്തിക്കുകയെന്നതാണ് ഈ ശ്രമത്തിന്‍റെ ലക്ഷ്യം.
https://swayam.gov.in/
4. എൻപിടിഇഎൽ
മാനവ വിഭവശേഷി വകുപ്പിന്‍റെ ധനസഹായമുള്ള മറ്റൊരു മൂക് സംരംഭമാണ് എൻപിടിഇഎൽ (National Programme on Technology Enhanced Learning). ഐഐടികളും ഐഐഎസുമാണ് ഇതു നടപ്പിലാക്കുന്നത്. കോഴ്സുകൾ സൗജന്യമായി പഠിക്കാം. താത്പര്യമുണ്ടെങ്കിൽ ചെറിയൊരു ഫീസ് നൽകി പരീക്ഷയെഴുതി സർട്ടിഫിക്കറ്റ് കരസ്ഥമാക്കാം.
https://nptel.ac.in/
5.സമഗ്ര
അധ്യാപകർക്കും വിദ്യാർഥികൾക്കും ആവശ്യമായ പഠനവിഭവങ്ങൾ പൂർണമായും ലഭ്യമാക്കുന്ന പോർട്ടലാണ് സമഗ്ര (Samagra). എൻസിഇആർടിയും ഐടി അറ്റ് സ്കൂളും ചേർന്നാണ് ഇതു തയാറാക്കുന്നത്. കേരള സർക്കാർ സംരംഭമായ കൈറ്റിനു കീഴിലെ ഇ -വിഭവശേഖരമാണു സമഗ്ര. അധ്യാപകർക്ക് പഠനവിഭവങ്ങളും മാതൃകാചോദ്യങ്ങളുമെല്ലാം ഇതിൽ അപ്‌ലോഡ് ചെയ്യുകയും ഡൗൺലോഡ് ചെയ്യുകയും ചെയ്യാം. സ്കൂൾ സമൂഹത്തിന്‍റെ ഭാഗമല്ലാത്തവർക്കടക്കം അക്കൗണ്ടൊന്നുമില്ലാതെ ഇവ ഡൗൺലോഡ് ചെയ്യാം. ഒന്നുമുതൽ 12 വരെയുള്ള ക്ലാസുകളിലെ മുഴുവൻ പാഠപുസ്തകങ്ങളും സമഗ്ര പോർട്ടലിൽ ലഭ്യമാണ്.
പ്ലേസ്റ്റോറിൽ സമഗ്ര എന്നു നൽകി ഇൻസ്റ്റാൾ ചെയ്യുന്ന മൊബൈൽ ആപ്പ് വഴിയും മുഴുവൻ പാഠപുസ്തകങ്ങളും ഡിജിറ്റൽ റിസോഴ്സുകളും പൊതുജനങ്ങൾ ഉൾപ്പെടെ എല്ലാവർക്കും സൗജന്യമായി ഡൗൺലോഡ് ചെയ്യാൻ കഴിയുന്ന രൂപത്തിൽ കൈറ്റ് ലഭ്യമാക്കിയിട്ടുണ്ട്.
https://samagra.kite.kerala.gov.in/
6. ദിക്ഷ
ദിക്ഷ (Digital Infrastructure for Knowledge Sharing) എന്നത് സ്കൂൾ വിദ്യാഭ്യാസത്തിനായുള്ള ഒരു ദേശീയ പ്ലാറ്റ്ഫോമാണ്. ഇത് വിദ്യാഭ്യാസമന്ത്രാലയത്തിന്‍റെ ആഭിമുഖ്യത്തിൽ നാഷണൽ കൗൺസിൽ ഫോർ എഡ്യുക്കേഷണൽ റിസർച്ച് ആൻഡ് ട്രെയിനിംഗിന്‍റെ (NCERT) സംരംഭമാണ്. ഒരാളുടെ മുഴുവൻ അധ്യാപനജീവിതവും ഡിജിറ്റലാക്കുകയാണ് കേന്ദ്രസർക്കാരിന്‍റെ ദിക്ഷ പോർട്ടലിന്‍റെ ലക്ഷ്യം. ഇവിടെ നിരവധി പഠനവിഭവങ്ങൾ ലഭ്യമാണ്.
https://diksha.gov.in/
7. ഇൻഫ്ലിബ്നെറ്റ്
സർവകലാശാല ഗ്രന്ഥാലയങ്ങളും വിജ്ഞാനവും ഡിജിറ്റലാക്കുക എന്ന ലക്ഷ്യത്തോടെ 1991 മുതൽ മാനവ വിഭവശേഷിവകുപ്പിന്‍റെ കിഴിൽ പ്രവർത്തിച്ചുവരുന്ന ഇൻഫർമേഷൻ ആൻഡ് ലൈബ്രറി നെറ്റ്‌വർക്ക് സെന്‍ററാണു ഇൻഫ്ലിബ്നെറ്റ് (INFLIBNET). ദേശീയതലത്തിൽ സർവകലാശാലകളെയും ഗവേഷണസംരംഭങ്ങളെയും ബന്ധിപ്പിക്കുന്നതിൽ വലിയൊരു പങ്കാളിത്തമാണ് ഇൻഫ്ലിബ്നെറ്റ് വഹിക്കുന്നത്.
ഇൻഫ്ലിബ്നെറ്റ് നടപ്പിലാക്കുന്ന ചില സംരംഭങ്ങൾ
ശോധ് ഗംഗ(Shodhganga): ഇന്ത്യയിലെ സർവകലാശാലകളിൽനിന്നുള്ള ഗവേഷണ പ്രബന്ധങ്ങളുടെ ഡിജിറ്റൽ ശേഖരം. ഇന്ത്യയിലെ സർവകലാശാലകൾക്കു കീഴിലുള്ള ഗവേഷണപ്രബന്ധങ്ങൾ ഡിജിറ്റൽ രൂപത്തിൽ ശേഖരിച്ചു വിതരണം ചെയ്യുക എന്ന ലക്ഷ്യത്തോടെ ആരംഭിച്ച ഒരു പദ്ധതിയാണ് ശോധ്ഗംഗ.
ഇ-പിജി പാഠശാല(e-PG Pathshala): ബിരുദാനന്തര ബിരുദ പഠനത്തിന് സഹായകമായ ഡിജിറ്റൽ വിഭവങ്ങൾ ഇവിടെ ലഭ്യമാണ്.
https://epgp.inflibnet.ac.in
https://www.inflibnet.ac.in/
https://vidwan.inflibnet.ac.in/
https://ess.inflibnet.ac.in/
http://soul.inflibnet.ac.in/
8. ഇ -ബുക്ക് ശേഖരങ്ങൾ
സൗജന്യവും അല്ലാത്തതുമായ ഒരുപാട് ഇ-ബുക്ക് സ്രോതസുകൾ ഇന്‍റർനെറ്റിൽ ഉണ്ട്. അതിൽത്തന്നെ പ്രോജക്‌ട് ഗുട്ടൺബർഗ്(https://www.gutenberg.org/), വിക്കി ബുക്സ് (https://en.wikibooks.org/), വിക്കി സോഴ്സ് (https://wikisource.org/) എന്നിങ്ങനെ സ്വതന്ത്ര ലൈസെൻസോടുകൂടിയതാണ്.
ഇന്‍റർനെറ്റിൽ ഏറ്റവും പ്രശസ്തമായ ഇ-ബുക്ക് സ്രോതസാണു പ്രോജക്‌ട് ഗുട്ടൻബർഗ്. ഇംഗ്ലീഷിനു പുറമേയുള്ള ഭാഷകളിലും പുസ്തകങ്ങൾ ലഭ്യമാണ്.
9. വിക്കിപീഡിയ
മനുഷ്യൻ ഇന്നോളം ഉണ്ടാക്കിയതിൽ വച്ച് ഏറ്റവും വലിയ വൈജ്ഞാനിക സംരംഭങ്ങളിൽ ഒന്നാണ് വിക്കിപീഡിയ. നിഘണ്ടു, ഉദ്ധരണികൾ, പകർപ്പവകാശം ബാധകമല്ലാത്തതോ തീർന്നതോ ആയ പുസ്തകങ്ങൾ, വാർത്തകൾ, വഴികാട്ടി, പഠനവിഭവങ്ങൾ തുടങ്ങിയവ ചിലതു മാത്രമാണ്.
https://www.wikipedia.org/
https://en.wikiversity.org/
https://en.wikivoyage.org/
https://en.wiktionary.org/
10. വിജ്ഞാന കോശങ്ങൾ
വിക്കിപീഡിയയുടെ പ്രഭാവലയത്തിൽ നാം കാണാതെ പോകുന്ന ഒരുപാട് വൈജ്ഞാനിക സൈറ്റുകൾ ഉണ്ട് .വലിപ്പം കൊണ്ടോ സ്വാതന്ത്ര്യം കൊണ്ടോ അവയിൽ പലതും വിക്കിപീഡിയയോളം വരില്ലെങ്കിലും ഓരോന്നിനും അതിന്‍റേതായ സ്ഥാനമുണ്ട്.
https://www.britannica.com/
https://www.encyclopedia.com/
https://ml.vikaspedia.in/
https://eol.org/
11. ഡ്യൂയൂലിംഗോ
ഭാഷാപഠനം എളുപ്പമാക്കാൻ സഹായിക്കുന്ന ആപ്പാണ് ഡ്യൂയൂലിംഗോ (Duolingo). ഇംഗ്ലീഷ്, ഫ്രഞ്ച്, സ്പാനിഷ്, ലാറ്റിൻ, ജർമൻ തുടങ്ങി വിവിധ ഭാഷകൾ പഠിക്കാനായി ഈ ആപ്പ് സഹായകമാകും. ചിത്രങ്ങളിലൂടെയാണു പരിശീലനം ആരംഭിക്കുന്നത്. നിരവധി ഇൻട്രാക്‌ടീവ് കഥകൾ ലഭ്യമാണ്.
https://www.duolingo.com/
12. ഫോട്ടോമാത്
പലപ്പോഴും വിദ്യാർഥികളെ ബുദ്ധിമുട്ടിക്കുന്ന ഒരു വിഷയമാണ് ഗണിതം. ഫോട്ടോമാത് (Photomath) എന്ന ആപ്ലിക്കേഷൻ ഉപയോഗിച്ച് സങ്കീർണമായ കണക്കുകൾപോലും അനായാസം ചെയ്യാൻ കഴിയും. കൈകൊണ്ട് എഴുതിയതോ പ്രിന്‍റെടുത്തതോ ആയ ചോദ്യത്തിന്‍റെ ഒരു ഫോട്ടോയെടുക്കുക. ഈ ചോദ്യം പരിഹരിക്കുന്നതിനുള്ള മാർഗങ്ങൾ ആപ്പ് പറഞ്ഞുതരും. ആനിമേറ്റ് ചെയ്ത് നിർദേശങ്ങളും ഇൻട്രാക്‌ടീവ് ഗ്രാഫുകളും സയന്‍റിഫിക് കാൽക്കുലേറ്ററുമെല്ലാം ഇതിന്‍റെ പ്രത്യേകതകളാണ്.
https://photomath.com/
13. സോളോലേൺ
കോഡിംഗും പ്രോഗ്രാമിംഗും ഇന്ന് വളരെയധികം സാധ്യതകൾ നിറഞ്ഞ മേഖലയാണ്. കോഡിംഗ് ഇഷ്ടപ്പെടുന്നവർക്കായി തയാറാക്കിയിരിക്കുന്ന ആപ്പാണ് സോളോലേൺ (Sololearn). തുടക്കക്കാർക്കും പ്രഫഷണലുകൾക്കും കോഡിംഗ് സുഗമമാക്കാൻ ഉപകരിക്കുന്ന ആപ്ലിക്കേഷനാണിത്. ജാവ, പൈത്തൺ, PHP, HTML , ജവാസ്ക്രിപ്റ്റ്, സിഎസ്എസ് തുടങ്ങിയ എല്ലാ ഭാഷകളിലുമുള്ള കോഡിംഗ് ട്യൂട്ടോറിയലുകളുടെ ഒരു ശേഖരംതന്നെ സോളോലേണിൽ ഉണ്ട്.
https://www.sololearn.com/
14. ഗൂഗിൾ ട്രാൻസ്‌ലേറ്റ്
ഒരു ഭാഷയിലുള്ള വിവരങ്ങൾ മറ്റൊരു ഭാഷയിലേക്ക് വിവർത്തനം ചെയ്യുന്നതിനുള്ള സേവനമാണ് ഗൂഗിൾ ട്രാൻസ്‌ലേറ്റ്. ടെക്സ്റ്റ്, ഡോക്യുമെന്‍റ്, വെബ് പേജ് തുടങ്ങിയവയ്ക്കൊപ്പം ചിത്രങ്ങളിലെ ടെക്സ്റ്റുകൾ ഇഷ്‌ടമുള്ള ഭാഷയിലേക്ക് വിവർത്തനം ചെയ്യാം. വോയിസ് ഇൻപുട്ടും ലഭ്യമാണ്. ഇപ്പോൾ നിലവിൽ 133 ഭാഷകളെ ഗൂഗിൾ ട്രാൻസ്‌ലേറ്റ് പിന്തുണയ്ക്കുന്നുണ്ട്.
https://translate.google.com/
15. ഗൂഗിൾ എർത്ത്
ഗൂഗിൾ പുറത്തിറക്കുന്ന ഒരു ഭൂമിശാസ്ത്ര വിവരസം‌വിധാന സോഫ്റ്റ്‌വേറാണു ഗൂഗിൾ എർത്ത് (Google earth). ജോഗ്രഫി പഠിക്കുന്ന കുട്ടികൾക്ക് വലിയ മുതൽക്കൂട്ടാണ് .
https://earth.google.com/
https://www.google.com/sky/
16. ഗൂഗിൾ ലെൻസ്
കാണുന്നത് എന്താണെന്ന് മനസിലാക്കാനും അവയെക്കുറിച്ചുള്ള വിവരങ്ങൾ നൽകാനും കഴിയുന്ന ദൃശ്യങ്ങളിൽ അധിഷ്ഠിതമായ സാങ്കേതികവിദ്യയാണ് ഗൂഗിൾ ലെൻസ് (Google lens). അതായത് നിങ്ങൾ കാണുന്ന ഒരു വസ്തുവിനെക്കുറിച്ചുള്ള വിവരങ്ങൾ നൽകാൻ ലെൻസിന് സാധിക്കും.
ആർട്ടിഫിഷൽ ഇന്‍റലിജൻസ്, മെഷീൻ ലേണിംഗ്, ഓഗ്‌മെന്‍റഡ് റിയാലിറ്റി തുടങ്ങിയ സാങ്കേതികവിദ്യകൾ കൂടിച്ചേരുകയാണ് ഇവിടെ. ഉദാഹരണത്തിന് നിങ്ങൾ പോകുന്ന വഴിയിൽ ഒരു പൂവ് ഉണ്ടെന്നിരിക്കട്ടെ ഏതു പൂവാണെന്ന് പിടികിട്ടാത്ത അവസ്ഥയിൽ അത് അറിയണമെങ്കിൽ ഗൂഗിൾ ലെൻസ് പ്രവർത്തിപ്പിക്കുക. കാമറയിൽ ഫോട്ടോയെടുക്കുക. പൂവിന്‍റെ പേര്, ശാസ്ത്രീയ നാമം തുടങ്ങി സകല വിവരങ്ങളും ഗൂഗിൾ ലെൻസ് പറഞ്ഞുതരും. https://lens.google/
( അവസാനിച്ചു)
(ലേഖകൻ കാഞ്ഞിരപ്പള്ളി അമൽജ്യോതി എൻജിനിയറിംഗ് കോളജിലെ കംപ്യൂട്ടർ സയൻസ് ആൻഡ് എൻജിനിയറിംഗ് വിഭാഗം മേധാവിയാണ്.)
