ആ​ശു​പ​ത്രി​യി​ൽ​നി​ന്നു മോ​ച​നം; പ​ക്ഷേ..,

ഇ​പ്പോ​ൾ ഞ​ങ്ങ​ൾ​ക്കു കാ​ര്യ​ങ്ങ​ൾ വ്യ​ക്ത​മാ​ണ്. വി​ക​ലാം​ഗ ബ്ലോ​ക്കി​ൽ എ​ത്തു​ന്ന ദി​വ​സം മു​ത​ൽ ഏ​താ​നും ആ​ഴ്ച​ക​ളി​ലേ​ക്ക് നി​ങ്ങ​ളു​ടെ ആ​യു​സ് ചു​രു​ങ്ങി​യി​രി​ക്കു​ന്നു.

ആ​ശു​പ​ത്രി​യി​ൽ നി​ന്ന് മോ​ച​നം; പ​ക്ഷേ...
എ​ന്‍റെ ബോ​ധം പോ​യി​ട്ട് അ​നേ​കം മ​ണി​ക്കൂ​റു​ക​ൾ ക​ഴി​ഞ്ഞി​രി​ക്കു​ന്നു. ഞാ​ൻ ഉ​ണ​ർ​ന്ന​തു പാ​തി​രാ​വി​ലാ​ണ്. ചി​ല സ്വ​ര​ങ്ങ​ൾ ഞാ​ൻ കേ​ട്ടു.

"അ​തി​ങ്ങു​ത​രൂ!''
"നി​ങ്ങ​ളൊ​രു വി​ഡ്ഢി ത​ന്നെ. അ​തു തെ​റ്റാ​യ ഇ​ൻ​ജ​ക്ഷ​നാ​ണ്.''
"അ​തു സാ​ര​മി​ല്ല. വേ​റൊ​ന്നും അ​വി​ടി​ല്ല. വേ​റൊ​ന്നു പ​രീ​ക്ഷി​ക്കാ​ൻ ഞാ​നി​ല്ല.''
ഞാ​ൻ നി​ശ​ബ്ദ​മാ​യി കി​ട​ന്നു. ചെ​റി​യൊ​രു ച​ല​നം പോ​ലും മ​ര​ണ​ത്തെ വി​ളി​ച്ചു വ​രു​ത്താം.
ആ​രോ എ​ന്‍റെ തു​ട​യി​ൽ കു​ത്തി. ക​ഠാ​ര കു​ത്തി​യി​റ​ക്കു​ന്ന​തു​പോ​ലെ വേ​ദ​ന തോ​ന്നി.

വേ​ദ​ന വേ​ഗം അ​വ​സാ​നി​ച്ചു. മൂ​ത്ര​മൊ​ഴി​ക്കാ​ൻ പോ​ക​ണ​മെ​ന്നു​ള്ള ഒ​രു തോ​ന്ന​ൽ. എ​ത്ര ഭീ​ക​ര​മാ​ണ​ത്!
പ​ര​മാ​വ​ധി ശ്ര​ദ്ധ​യോ​ടെ ഞാ​ൻ ത​റ​യി​ലേ​ക്ക് നി​ര​ങ്ങി​യി​റ​ങ്ങി. കൈ​കാ​ലു​ക​ൾ​കൊ​ണ്ടി​ഴ​ഞ്ഞ് ഒ​രു വി​ധ​ത്തി​ൽ ഞാ​ൻ ശു​ചി​മു​റി​യി​ലേ​ക്കു പോ​യി. ശ​രീ​ര​മാ​സ​ക​ലം ക​ല​ശ​ലാ​യ വേ​ദ​ന​യും.

അ​ന്നു രാ​ത്രി പി​ന്നീ​ടെ​നി​ക്ക് ഉ​റ​ങ്ങാ​നേ സാ​ധി​ച്ചി​ല്ല. കു​റെ കി​ലോ ഭാ​രം കു​റ​ഞ്ഞ​താ​യി എ​നി​ക്കു തോ​ന്നി. ആ ​ഇ​ൻ​ജ​ക്ഷ​ൻ കൊ​ണ്ടു ത​ന്നെ ഞാ​ൻ ര​ക്ഷ​പ്പെ​ട്ട​താ​യി എ​നി​ക്കു തോ​ന്നി.

നേ​രം വെ​ളു​ത്ത​പ്പോ​ൾ എ​ന്‍റെ പോ​ള​ണ്ടു​കാ​ര​ൻ സ്നേ​ഹി​ത​ന് ന​ന്ദി പ​റ​യാ​ൻ ഞാ​നാ​ഗ്ര​ഹി​ച്ചു. "നി​ങ്ങ​ൾ എ​ന്തി​നെ​ക്കു​റി​ച്ചാ​ണു പ​റ​യു​ന്ന​ത് എ​ന്നെ​നി​ക്കു മ​ന​സി​ലാ​കു​ന്നി​ല്ല'' എ​ന്നു മാ​ത്ര​മാ​ണ് അ​യാ​ൾ പ​റ​ഞ്ഞ​ത്. മു​ൻ​ക​രു​ത​ലി​ന്‍റെ് ഭാ​ഗ​മാ​യി​ട്ടാ​യി​രു​ന്നോ ഈ ​അ​ജ്ഞ​ത? അ​തോ ഞാ​ൻ ന​ന്ദി​പ​റ​യേ​ണ്ട​ത് മ​റ്റൊ​രാ​ളി​നോ​ടാ​ണോ?
ഇ​ന്നു​വ​രെ എ​നി​ക്ക​ത് അ​റി​ഞ്ഞു​കൂ​ടാ.

"ബ്രാ​ഹ് മോ​ണ്ടി​നെ അ​വ​ർ കൊ​ണ്ടു​പോ​യോ? '' രാ​വി​ലെ ബാ​റ്റി എ​ഷ് എ​നി​ക്കു സു​പ്ര​ഭാ​തം ആ​ശം​സി​ച്ച​പ്പോ​ൾ ഞാ​ൻ ആ​ദ്യ​മാ​യി ചോ​ദി​ച്ച​ത് ഇ​ക്കാ​ര്യ​മാ​ണ്. രാ​ത്രി​യി​ലെ എ​ന്‍റെ അ​നു​ഭ​വ​ങ്ങ​ളൊ​ന്നും ഞാ​ൻ പ​ങ്കു​വ​ച്ചി​ല്ല. ഡാ​ഹാ​വി​ൽ എ​ല്ലാ​വ​രും സ്വ​ന്തം സ​ഹ​ന​ങ്ങ​ൾ ത​നി​യെ സ​ഹി​ക്കു​ക​യാ​ണ് പ​തി​വ്.
"മൃ​ത​ദേ​ഹ​ങ്ങ​ൾ അ​വി​ടെ​ത്ത​ന്നെ​യു​ണ്ട്. ഏ​റ്റ​വും അ​ടി​യി​ലാ​ണ് ബ്രാ​ഹ് മോ​ണ്ട്. അ​ച്ച​നെ കാ​ണാ​ൻ ത​ന്നെ സാ​ധ്യ​മ​ല്ല.''

ഞാ​ൻ കി​ട​ക്ക​യി​ൽ നി​ന്ന് എ​ഴു​ന്നേ​ല്ക്കാ​ൻ പോ​ലും ശ്ര​മി​ച്ചി​ല്ല. കാ​ര​ണം ഒ​രു കു​ന്ന് ന​ഗ്ന​മാ​യ മൃ​ത​ശ​രീ​ര​ങ്ങ​ളു​ടെ കാ​ഴ്ച എ​ങ്ങ​നെ​യാ​യി​രി​ക്കു​മെ​ന്ന് എ​നി​ക്ക​റി​യാം. സ്വ​ർ​ണ​പ്പ​ല്ലു​ക​ൾ ഇ​ള​ക്കി​യെ​ടു​ത്ത മൃ​ത​ദേ​ഹ​ങ്ങ​ളെ ബാ​ര​ക്കി​ന്‍റെ മു​ന്നി​ൽ വി​റ​കു​മു​ട്ടി​ക​ൾ പോ​ലെ കൂ​ട്ടി​യി​ട്ടി​രി​ക്കു​ക​യാ​ണ്. ശ​വ​ങ്ങ​ൾ ദ​ഹി​പ്പി​ക്കാ​നു​ള്ള ആ​ളു​ക​ൾ വ​ണ്ടി​യു​മാ​യി വ​രും​വ​രെ മൃ​ത​ദേ​ഹ​ങ്ങ​ൾ അ​വി​ടെ കി​ട​ക്കും.

"25487, ചോ​ദ്യം​ചെ​യ്യ​ലി​നാ​യി വ​രി​ക.''

എ​ന്‍റെ ഹൃ​ദ​യം തു​ള്ളി​ച്ചാ​ടു​ക​യാ​ണോ! ന​ല്ല​തെ​ന്തോ വ​രാ​ൻ പോ​കു​ന്ന​തു​പോ​ലെ. എ​ന്താ​യാ​ലും ആ​രോ ഒ​രാ​ൾ എ​നി​ക്കു​വേ​ണ്ടി ബു​ദ്ധി​മു​ട്ടു​ക​ൾ ഏ​റ്റെ​ടു​ക്കു​ന്നു​ണ്ട് എ​ന്ന​തി​ന്‍റെ അ​ട​യാ​ള​മാ​ണ​ത്.
"അ​യാ​ൾ​ക്ക് എ​ഴു​ന്നേ​റ്റു​നി​ല്ക്കാ​ൻ സാ​ധ്യ​മ​ല്ല,'' ഡ്യൂ​ട്ടി ന​ഴ്സ് പ​റ​ഞ്ഞു.

"അ​ങ്ങ​നെ​യാ​ണെ​ങ്കി​ൽ അ​യാ​ളെ ഇ​റ​ക്കി​വി​ടാ​ൻ സാ​ധ്യ​മ​ല്ല,'' വാ​തി​ൽ​ക്ക​ൽ നി​ന്നി​രു​ന്ന നാ​സി ഉ​ദ്യോ​ഗ​സ്ഥ​ൻ പ​റ​ഞ്ഞു. ക്യാ​ന്പി​ൽ ഞാ​ൻ ആ​ദ്യ​മാ​യി കാ​ണു​ന്ന സി​വി​ലി​യ​ൻ ആ​യി​രു​ന്നു അ​യാ​ൾ. "ആ ​തെ​മ്മാ​ടി (ഒ​രു തെ​റി​യാ​ണ് അ​യാ​ൾ പ​റ​ഞ്ഞ​ത്) എ​വി​ടെ?'' അ​യാ​ൾ ചോ​ദി​ച്ചു.

"ഇ​വി​ടെ,'' ഞാ​ൻ പ​ര​മാ​വ​ധി ഉ​ച്ച​ത്തി​ൽ വി​ളി​ച്ചു​പ​റ​ഞ്ഞു.

അ​തേ നി​മി​ഷം ഞാ​ൻ ത​റ​യി​ൽ അ​റ്റ​ൻ​ഷ​നാ​യി നി​വ​ർ​ന്നു​നി​ല്ക്കു​ക​യാ​ണ്! പു​തു​പ്പു​വാ​രി​ച്ചു​റ്റി ഞാ​ൻ അ​യാ​ളെ ശു​ചി​മു​റി​യി​ലേ​ക്ക് അ​നു​ഗ​മി​ച്ചു. അ​വി​ടെ ഒ​രു ടോ​യ്‌​ല​റ്റ് സീ​റ്റി​ൽ ഇ​രി​ക്കാ​ൻ അ​യാ​ൾ ആ​ജ്ഞാ​പി​ച്ചു. ചോ​ദ്യം ചെ​യ്യ​ൽ തു​ട​ങ്ങി.

"നി​ന്നെ മോ​ചി​പ്പി​ച്ചാ​ൽ നീ ​എ​ന്താ​ണു ചെ​യ്യാ​ൻ പോ​കു​ന്ന​ത്?''

എ​ന്‍റെ ഹൃ​ദ​യം പൊ​ട്ടി​പ്പോ​കു​മെ​ന്നു ഞാ​ൻ വി​ചാ​രി​ച്ചു. ചി​ന്ത​ക​ൾ ക്ര​മീ​ക​രി​ക്കാ​ൻ ഞാ​ൻ ക​ഠി​ന​മാ​യി യ​ത്നി​ച്ചു, അ​വ ദു​ർ​ബ​ല​ങ്ങ​ളും അ​സ്വ​സ്ഥ​ങ്ങ​ളു​മാ​യി​രു​ന്നെ​ങ്കി​ൽ​കൂ​ടി. അ​യാ​ൾ ഉ​ദ്ദേ​ശി​ക്കു​ന്ന​ത് എ​ന്താ​ണെ​ന്നു ഞാ​ൻ ഊ​ഹി​ക്കു​ക​യും ചെ​യ്തു.

"ആ​രോ​ഗ്യ​കാ​ര​ണ​ങ്ങ​ളാ​ൽ എ​നി​ക്ക് അ​വ​ധി​ത​ര​ണ​മെ​ന്ന് ഞാ​ൻ എ​ന്‍റെ മെ​ത്രാ​നോ​ട് ആ​വ​ശ്യ​പ്പെ​ടും.'' ഞാ​ൻ ശ്ര​ദ്ധാ​പൂ​ർ​വം പ​റ​ഞ്ഞു.

" എ​ന്നി​ട്ട്? എ​ന്നി​ട്ടു നീ ​നി​ന്‍റെ ര​ക്തം​പു​ര​ണ്ട ളോ​ഹ വീ​ണ്ടും എ​ടു​ത്ത​ണി​യു​ക​യും പ​ഴ​യ നാ​ട​കം ആ​വ​ർ​ത്തി​ക്കു​ക​യും ചെ​യ്യും, അ​ല്ലേ? ഞാ​ൻ ധാ​രാ​ളം കേ​ട്ടു​ക​ഴി​ഞ്ഞു.''

അ​യാ​ൾ പോ​യി​ക്ക​ഴി​ഞ്ഞു. സം​ഭ​വി​ച്ച​തി​നെ​ക്കു​റി​ച്ച് എ​ന്താ​ണു മ​ന​സി​ലാ​ക്ക​ണ്ട​ത് എ​ന്ന​റി​യാ​തെ ഞാ​ൻ എ​ന്‍റെ കി​ട​ക്ക​യി​ൽ ചെ​ന്നു വീ​ണു. എ​ന്‍റെ ഉ​ത്ത​രം ശ​രി​യാ​യി​രു​ന്നോ? എ​നി​ക്ക് എ​ത്ര​ദൂ​രം​വ​രെ പോ​കാ​മാ​യി​രു​ന്നു? ഏ​താ​യാ​ലും എ​നി​ക്ക് ഒ​രു മ​ന​സ്താ​പ​വും തോ​ന്നി​യി​ല്ല.

മ​റ്റൊ​രു സ്ഥ​ല​ത്തി​രു​ന്ന് ആ​രോ ഒ​രാ​ൾ എ​നി​ക്കു​വേ​ണ്ടി, എ​ന്‍റെ മോ​ച​ന​ത്തി​നു​വേ​ണ്ടി, പ​ണി​യെ​ടു​ക്കു​ന്നു​ണ്ട് എ​ന്ന വ​സ്തു​ത എ​ന്നെ ഏ​റെ ആ​ശ്വ​സി​പ്പി​ച്ചു.

ഈ ​വി​ചാ​രം എ​ന്നെ ധൈ​ര്യ​വാ​നാ​ക്കി. ഏ​താ​നും ദി​വ​സ​ങ്ങ​ൾ​ക്ക​കം ഒ​ന്നോ ര​ണ്ടോ മ​ണി​ക്കൂ​ർ എ​നി​ക്ക് എ​ണീ​റ്റു​നി​ൽ​ക്കാ​ൻ സാ​ധി​ച്ചു. അ​പ്പോ​ൾ എ​ന്‍റെ ഇ​ഷ്ട​പ്പെ​ട്ട പ്ര​വൃ​ത്തി ബാ​ര​ക്കി​ന്‍റെ മു​ൻ​വ​ശ​ത്തെ​ത്തി ബാ​റ്റി എ​ഷി​നോ​ടൊ​പ്പം വെ​യി​ൽ​കാ​യു​ക എ​ന്ന​താ​യി​രു​ന്നു.

വാ​ന്പാ​ക്കി​നെ ഞ​ങ്ങ​ൾ കാ​ണു​ന്ന​തേ ഇ​ല്ലാ​യി​രു​ന്നു. മൂ​ന്നാം ന​ന്പ​ർ മു​റി​യി​ലെ ക​ർ​ക്ക​ശ​ക്കാ​ര​നാ​യ ന​ഴ്സ് മ​റ്റു മു​റി​ക​ളി​ലെ അ​ന്തേ​വാ​സി​ക​ളു​മാ​യി ഇ​ട​പ​ഴ​കാ​ൻ അ​വി​ട​ത്തെ രോ​ഗി​ക​ളെ അ​നു​വ​ദി​ച്ചി​രു​ന്നി​ല്ല.

ഒ​രു ദി​വ​സം വാ​ന്പാ​ക്കി​ന്‍റെ പേ​രു വി​ളി​ക്കു​ന്ന​തു​കേ​ട്ടു. അ​ദ്ദേ​ഹം നി​ര​യൊ​പ്പി​ച്ചു നി​ൽ​ക്കേ​ണ്ടി​വ​ന്നു. പി​ന്നെ മ​റ്റു​ള്ള​വ​രോ​ടൊ​പ്പം അ​ദ്ദേ​ഹ​ത്തെ​യും അം​ഗ​വൈ​ക​ല്യം വ​ന്ന​വ​രു​ടെ ബ്ലോ​ക്കി​ലേ​ക്കു മാ​റ്റി.

എ​ന്തു​കൊ​ണ്ടാ​ണ് വി​ക​ലാം​ഗ​രു​ടെ ബ്ലോ​ക്കി​ൽ? ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​ഞ്ഞ​വ​രെ ജോ​ലി​ചെ​യ്യാ​ൻ പ​റ്റാ​ത്ത​വ​ർ എ​ന്ന മു​ദ്ര​കു​ത്തി, മ​റ്റു​ള്ള​വ​രി​ൽ​നി​ന്ന​ക​റ്റി "വി​ക​ലാം​ഗ​രു​ടെ ബ്ലോ​ക്കി​ൽ' പാ​ർ​പ്പി​ക്ക​ണ​മെ​ന്ന് പു​തി​യൊ​രു നി​യ​മം ന​ട​പ്പാ​ക്കി​യി​ട്ടു​ണ്ട്. ഇ​ക്കാ​ര്യ​ത്തി​ലും വൈ​ദി​ക​ർ​ക്ക് പ്ര​ത്യേ​ക പ​രി​ഗ​ണ​ന​യു​ണ്ട്. ആ​ശു​പ​ത്രി​യി​ൽ​നി​ന്നു വി​ടു​ത​ൽ കി​ട്ടി​യ, ആ​രോ​ഗ്യം വീ​ണ്ടെ​ടു​ത്ത വൈ​ദി​ക​രെ വി​ക​ലാം​ഗ​രു​ടെ ബ്ലോ​ക്കി​ൽ മാ​ത്ര​മേ അ​യ​യ്ക്കൂ.

അ​ത് അ​ത്ര പ്രാ​ധാ​ന്യ​മു​ള്ള കാ​ര്യ​മ​ല്ല. എ​ന്നാ​ൽ ഒ​ന്നു​ണ്ട്. കൃ​ത്യ​മാ​യ ഇ​ട​വേ​ള​ക​ളി​ൽ ആ ​ബ്ലോ​ക്കി​ലെ അ​ന്തേ​വാ​സി​ക​ളെ വാ​ഹ​ന​ങ്ങ​ളി​ൽ ക​യ​റ്റി​ക്കൊ​ണ്ടു​പോ​കും. പോ​കു​ന്ന റൂ​ട്ട് ആ​ർ​ക്കു​മ​റി​ഞ്ഞു​കൂ​ടാ. വൈ​ദ്യു​ത​ശ്മ​ശാ​ന​ങ്ങ​ളി​ൽ അ​വ​രു​ടെ യാ​ത്ര അ​വ​സാ​നി​ക്കും.

ഇ​പ്പോ​ൾ ഞ​ങ്ങ​ൾ​ക്കു കാ​ര്യ​ങ്ങ​ൾ വ്യ​ക്ത​മാ​ണ്. വി​ക​ലാം​ഗ ബ്ലോ​ക്കി​ൽ എ​ത്തു​ന്ന ദി​വ​സം മു​ത​ൽ ഏ​താ​നും ആ​ഴ്ച​ക​ളി​ലേ​ക്ക് നി​ങ്ങ​ളു​ടെ ആ​യു​സ് ചു​രു​ങ്ങി​യി​രി​ക്കു​ന്നു.

ഏ​താ​നും ദി​വ​സ​ങ്ങ​ൾ​ക്ക​കം ബാ​റ്റി എ​ഷി​ന്‍റെ ത​വ​ണ വ​ന്നു. ആ​ശു​പ​ത്രി​യി​ൽ സു​ഹൃ​ത്തു​ക്ക​ളി​ല്ലാ​തെ ഞാ​ൻ ത​നി​ച്ചാ​യി. ബ്ര​സ​ൽ​സി​ൽ​നി​ന്നു​ള്ള വൈ​ദി​ക​നും എ​ന്‍റെ സ്നേ​ഹി​ത​നു​മാ​യ മോ​റി​സ് ദ ​ബെ​ക്ക​റി​ന്‍റെ ഒ​പ്പ​മാ​ണു ഞാ​ൻ കൂ​ടു​ത​ൽ സ​മ​യം ചെ​ല​വ​ഴി​ക്കു​ന്ന​ത്. തി​ക​ഞ്ഞ ആ​ധ്യാ​ത്മി​ക മ​നു​ഷ്യ​നാ​യ അ​ദ്ദേ​ഹം എ​പ്പോ​ഴും സ​മ​ചി​ത്ത​ത പാ​ലി​ക്കു​ന്നു. അ​ദ്ദേ​ഹ​വു​മാ​യു​ള്ള സ​ഹ​വാ​സം എ​നി​ക്കും ഗു​ണം​ചെ​യ്തു.

ആ ​ദി​വ​സ​ങ്ങ​ളി​ൽ ഭ​ക്ഷ​ണം കൊ​ണ്ടു​വ​ന്നു​ത​ന്നി​രു​ന്ന ഒ​രു ത​ട​വു​കാ​ര​ൻ ഡാ​ഹാ​വ് ക്യാ​ന്പി​ലു​ണ്ടാ​യി​രു​ന്ന നി​ര​വ​ധി ല​ക്സം​ബ​ർ​ഗു​കാ​രു​ടെ വി​വ​ര​ങ്ങ​ൾ എ​ന്നോ​ടു പ​റ​ഞ്ഞു: ഫ്രാ​ൻ​സ് ക്ലെ​മ​ന്‍റ് മ​രി​ച്ചു​പോ​യി; മോ​ൺ. ഒ​റി​ഗ​ർ ഇ​പ്പോ​ഴും വി​ക​ലാം​ഗ​രു​ടെ ബ്ലോ​ക്കി​ലാ​ണ്. ഫാ. ​ഡ്യു​പോം​ഗ് ഇ​പ്പോ​ൾ 14-ാം ന​ന്പ​ർ ബാ​ര​ക്കി​ലാ​ണ്, വൈ​ദി​ക​രു​ടെ ബാ​ര​ക്കി​ല​ല്ല. അ​ദ്ദേ​ഹ​ത്തെ ജോ​ലി​ക​ൾ​ക്കു നി​യോ​ഗി​ച്ചി​ട്ടു​മു​ണ്ട്. ഫാ. ​തോ​ണും ഫാ. ​നോ​പ്പെ​നി​യും രോ​ഗി​ക​ളാ​യി​രു​ന്നു. എ​ന്നാ​ലി​പ്പോ​ൾ അ​വ​ർ​ക്കും ഭേ​ദ​മു​ണ്ട്.

ഫാ. ​മോ​റി​സി​നെ​യും എ​ന്നെ​യും ആ​ശു​പ​ത്രി​യി​ൽ​നി​ന്നു ഡി​സ്ചാ​ർ​ജ് ചെ​യ്ത​ത് ജൂ​ലൈ 23-നാ​ണ്.
ഏ​താ​നും ചു​വ​ടു​ക​ൾ ന​ട​ക്കാ​ൻ മാ​ത്രം ആ​രോ​ഗ്യം ഞാ​ൻ വീ​ണ്ടെ​ടു​ത്തി​രു​ന്നു. ഞ​ങ്ങ​ളു​ടെ പൊ​തു​വാ​യ ആ​രോ​ഗ്യ​സ്ഥി​തി​ക്കു ചേ​ർ​ന്ന വി​ധ​ത്തി​ൽ വ​ള​രെ സാ​വ​ധാ​നം ത​പ്പി​ത്ത​ട​ഞ്ഞ് ഏ​താ​നും ചു​വ​ടു​ക​ൾ...
ഞ​ങ്ങ​ൾ പു​റ​ത്തു​പോ​കാ​നാ​യി വ​രി​യി​ൽ നി​ൽ​ക്കു​ന്പോ​ൾ എ​മി​ൽ ഷൗ​സ് എ​ന്നെ വി​ളി​ച്ചു. പു​റ​ത്തെ ജോ​ലി​ക​ളെ​ല്ലാം ക​ഴി​ഞ്ഞ് അ​ദ്ദേ​ഹ​വും ഇ​പ്പോ​ൾ ആ​ശു​പ​ത്രി​യി​ലാ​ണ്!

അ​ദ്ദേ​ഹ​ത്തി​ന്‍റെ നീ​രു​വ​ന്നു വീ​ർ​ത്ത മു​ഖം ക​ണ്ട​പ്പോ​ൾ "എ​ഡേ​മ'​യാ​ണ് എ​ന്നെ​നി​ക്കു തീ​ർ​ച്ച​യാ​യി.
"ബാ​റ്റി​യും മ​റ്റു​ള്ള​വ​രും എ​വി​ടെ?’

"വി​ക​ലാം​ഗ​രു​ടെ ബ്ലോ​ക്കി​ൽ. അ​വി​ടെ​നി​ന്ന് അ​വ​സാ​നം പു​റ​ത്തു​വ​രു​ന്ന​തു ഞാ​നാ​ണ്.
പെ​ട്ടെ​ന്ന് കൈ​പി​ടി​ച്ചൊ​ന്നു കു​ലു​ക്കാ​ൻ മാ​ത്ര​മേ നേ​രം കി​ട്ടി​യു​ള്ളൂ. പി​ന്നെ ഞ​ങ്ങ​ൾ മാ​ർ​ച്ചു​ചെ​യ്തു പോ​യി.

ഇ​പ്പോ​ൾ മൂ​ന്നു ബ്ലോ​ക്കു​ക​ൾ വി​ക​ലാം​ഗ​രു​ടേ​താ​യി മാ​റ്റി: 23 ഉം 25 ​ഉം 27 ഉം. ​ആ​ശു​പ​ത്രി ബ്ലോ​ക്കു​പോ​ലെ അ​വ​യും ക​ന്പി​വേ​ലി​കൊ​ണ്ട് കെ​ട്ടി വേ​ർ​തി​രി​ച്ചു. ഞ​ങ്ങ​ൾ മി​ത്ര​ങ്ങ​ൾ വീ​ണ്ടും ഒ​ന്നി​ച്ചു​വ​ന്ന​ത് സ​ന്തോ​ഷ​ക​ര​മാ​യി. മോ​ൺ​സി​ഞ്ഞോ​ർ ഒ​റി​ഗ​ർ, ബാ​റ്റി എ​ഷ്, വാ​ന്പാ​ക്ക്, ഞാ​ൻ. ഫാ. ​സ്റ്റോ​ഫെ​ൽ​സ്, ബെ​ക്ക​ർ, ബ്രാ​ഹ്‌​മോ​ണ്ട് എ​ന്നി​വ​ർ നി​ത്യ​ത​യി​ൽ വി​ല​യം പ്രാ​പി​ച്ചി​രു​ന്നു.

ഒ​റി​ഗ​റും ഞാ​നും ഒ​ന്നാം ന​ന്പ​ർ മു​റി​യി​ലും എ​ഷും വാ​ന്പാ​ക്കും മൂ​ന്നാം ന​ന്പ​ർ മു​റി​യി​ലു​മാ​ണ്.
പു​തി​യ ബ്ലോ​ക്കി​ൽ ഞ​ങ്ങ​ൾ​ക്കോ​രോ​രു​ത്ത​ർ​ക്കും ഓ​രോ ഷ​ർ​ട്ട് ന​ൽ​ക​പ്പെ​ട്ടു. ഞ​ങ്ങ​ൾ ത​ന്നെ അ​വ ത​യ്ച്ച് കേ​ടു​പോ​ക്കി ഉ​പ​യോ​ഗി​ക്ക​ണ​മാ​യി​രു​ന്നു. ചി​ല​ർ ഒ​റ്റ​യു​ടു​പ്പാ​ക്കി അ​തു മാ​റ്റി. മ​റ്റു ചി​ല​ർ മ​റ്റു തു​ണി​ക്ക​ഷ​ണ​ങ്ങ​ൾ തു​ന്നി​പ്പി​ടി​പ്പി​ച്ച് നീ​ളം​കൂ​ട്ടി. കാ​വ​ൽ​ക്കാ​ർ​ക്കോ മ​റ്റു ത​ട​വു​കാ​ർ​ക്കോ റൊ​ട്ടി കൊ​ടു​ത്തു പ​ക​രം വാ​ങ്ങി​യ​വ​യാ​ണ് ഈ ​തു​ണി​ക്ക​ഷ​ണ​ങ്ങ​ൾ. പു​തു​താ​യി വ​ന്ന​വ​ർ മാ​ത്ര​മേ തു​ണി​ക​ൾ പ​രി​ഷ്ക​രി​ക്കാ​ൻ ഒ​രു​ന്പെ​ട്ടു​ള്ളൂ. മ​റ്റു​ള്ള​വ​ർ​ക്ക് അ​വ​യി​ലൊ​ന്നും താ​ല്പ​ര്യ​മി​ല്ല. (തു​ട​രും)

ത​ട​വ​റ സ്മ​ര​ണ​ക​ൾ ഫാ. ​ജീ​ൻ ബെ​ർ​നാ​ർ​ഡ്
പ​രി​ഭാ​ഷ: ഡോ. ​വ​ർ​ഗീ​സ് പു​ളി​മ​രം