ജീവിതശൈലീരോഗങ്ങളുടെ നീരാളിപ്പിടിത്തം

കൊ​ളസ്ട്രോൾ ശ​ത്രു​വും മി​ത്ര​വും; ഇ​നി​യും വി​ട്ടു​മാ​റാ​ത്ത ദു​രൂ​ഹ​ത​ക​ൾ -1

ന​മ്മു​ടെ പ്ര​പി​താ​മ​ഹ​രി​ൽ​നി​ന്ന് ഇ​ന്ന​ത്തെ മ​നു​ഷ്യ​രി​ലേ​ക്കു​ള്ള പ​രി​ണാ​മ​ച​രി​ത്രം, പോ​ഷ​ണ ച​രി​ത്ര​വു​മാ​യി ബ​ന്ധ​പ്പെ​ട്ടി​രി​ക്കു​ന്നു. ആ​ദിമ​മ​നു​ഷ്യ​ന് ഒ​റ്റ ആ​വ​ശ്യ​മേ ഉ​ണ്ടാ​യി​രു​ന്നു​ള്ളൂ. ഭ​ക്ഷ​ണം. മ​റ്റാ​വ​ശ്യ​ങ്ങ​ളെ​ല്ലാം വി​ശ​പ്പ​ക​റ്റി​യ​ശേ​ഷം മാ​ത്രം.

ച​രി​ത്രാ​തീ​ത കാ​ല​ത്ത് മ​നു​ഷ്യ​ൻ ആ​യു​ധ​മു​പ​യോ​ഗി​ക്കാ​ൻ പ​ഠി​ച്ച​തി​ന്‍റെ പ്ര​ധാ​ന ല​ക്ഷ്യ​വും ഇ​ര​തേ​ടാ​ൻ ത​ന്നെ​യാ​യി​രു​ന്നു. ഇ​ര​തേ​ടി​യു​ള്ള ക​ഠി​ന പ്ര​യ​ത്ന​ങ്ങ​ൾ​ക്ക് വി​രാ​മ​മു​ണ്ടാ​യ​ത് അ​വ​ൻ കൃ​ഷി ചെ​യ്യാ​ൻ പ​ഠി​ച്ച​തു​മു​ത​ലാ​ണ്.

ഏ​താ​ണ്ട് പ​തി​നാ​യി​രം വ​ർ​ഷ​ങ്ങ​ൾ​ക്കു മു​ന്പ് നി​യോ​ലി​ത്തി​ക് വി​പ്ല​വം എ​ന്നാ​ണ് ഈ ​പ​രി​വ​ർ​ത്ത​ന​ഘ​ട്ട​ത്തെ വി​ല​യി​രു​ത്തു​ന്ന​ത്. മ​നു​ഷ്യ​ൻ അ​ടി​സ്ഥാ​ന​പ​ര​മാ​യി സ​സ്യ​ഭു​ക്കോ മാം​സ​ഭു​ക്കോ എ​ന്ന ത​ർ​ക്കം ശാ​സ്ത്ര​ലോ​ക​ത്ത് ഇ​ന്നും ദു​രൂ​ഹ​ത​ക​ളോ​ടെ നി​ല​നി​ൽ​ക്കു​ന്നു.

നാ​ൽ​പ​ത് ല​ക്ഷം വ​ർ​ഷ​ങ്ങ​ൾ​ക്ക് മു​ന്പ് ഭൂ​മു​ഖ​ത്തു​ണ്ടാ​യി​രു​ന്ന ആ​സ്ത്ര​ലോ​പി​ഥേ​ക്ക​സു​ക​ളു​ടെ ദ​ന്ത​ഘ​ട​ന, അ​വ സ​സ്യ​ഭു​ക്കാ​യി​രു​ന്നു​വെ​ന്ന് തെ​ളി​യി​ക്കു​ന്നു​ണ്ട്. ചു​രു​ക്ക​ത്തി​ൽ മ​നു​ഷ്യ​ൻ അ​ടി​സ്ഥാ​ന​പ​ര​മാ​യി സ​സ്യ​ഭു​ക്കാ​യാ​ണ് സൃ​ഷ്ടി​ക്ക​പ്പെ​ട്ടി​രി​ക്കു​ന്ന​തെ​ങ്കി​ലും ആ​ധു​നി​ക​വ​ത്ക്ക​ര​ണം അ​വ​നെ മി​ശ്ര​ഭു​ക്കാ​ക്കി മാ​റ്റി​യെ​ടു​ക്ക​പ്പെ​ടു​ക​യാ​ണു​ണ്ടാ​യ​ത്.

അ​പ്പോ​ൾ പ്ര​കൃ​തി​ത​ത്വ​ങ്ങ​ൾ​ക്ക് വി​പ​രീ​ത​മാ​യി പോ​ഷ​ണ​ശാ​സ്ത്ര​ത്തെ മാ​റ്റി​മ​റി​ച്ച മ​നു​ഷ്യ​നു കാ​ലാ​ന്ത​ര​ത്തി​ൽ രോ​ഗ​പീ​ഡ​ക​ൾ ഒ​ന്നൊ​ന്നാ​യി വ​ന്നു​പെ​ട്ടു​വെ​ന്നു പ​റ​യു​ന്ന​താ​യി​രി​ക്കും ശ​രി. വി​ശ​പ്പു​മാ​റ്റാ​ൻ മാ​ത്ര​മ​ല്ല, ആ​സ്വ​ദി​ക്കു​വാ​ൻ കൂ​ടി​യു​ള്ള​താ​ണ് ഭ​ക്ഷ​ണം എ​ന്ന ചി​ന്ത ആ​ധു​നി​ക മ​നു​ഷ്യ​നെ രോ​ഗാ​തു​ര​ത​ക​ളി​ലേ​ക്ക് എ​ത്തി​ച്ചു. വി​ചി​ത്ര​മാ​യ ഭ​ക്ഷ​ണ​വി​ഭ​വ​ങ്ങ​ൾ​ക്ക് പി​റ​കെ അ​വ​ൻ വെ​റി​പൂ​ണ്ട് ഓ​ടി​ത്തു​ട​ങ്ങി.

കേരളീയ പാരന്പര്യഭക്ഷണം കൈവിട്ടതോടെ...

രു​ചി​യൂ​റു​ന്ന കൊ​ഴു​പ്പും അ​ത് സ​മൃ​ദ്ധ​മാ​യി അ​ട​ങ്ങി​യി​ട്ടു​ള്ള മാം​സാ​ഹാ​ര​ങ്ങ​ളും തേ​ടി​യാ​ണ് പി​ന്നെ മ​നു​ഷ്യ​ൻ പ​ര​ക്കം പാ​ഞ്ഞ​ത്. കേ​ര​ളീ​യ​രു​ടെ കാ​ര്യ​മാ​ണ് ഏ​റെ വി​ചി​ത്രം. ഒ​രു​കാ​ല​ത്ത് പൂ​ർ​ണാ​രോ​ഗ്യ​ത്തി​ന്‍റെ ശു​ദ്ധ​സ്രോ​ത​സാ​യി​രു​ന്ന ന​മ്മു​ടെ കേ​ര​ളീ​യ പാ​ര​ന്പ​ര്യ​ഭ​ക്ഷ​ണം മ​ല​യാ​ളി​ക​ൾ വെ​ടി​ഞ്ഞു.

മൂ​ന്പ് ലോ​ക​ത്തി​ന്‍റെ ആ​രോ​ഗ്യ​ശ്ര​ണി​ക​ളി​ൽ​ത്ത​ന്നെ സ്ഥാ​നം പി​ടി​ച്ചി​രു​ന്നു ഈ ​കൊ​ച്ചു​കേ​ര​ള​ത്തി​ന്‍റെ ആ​ഹാ​ര​ശൈ​ലി. കേ​ര​ള​ത്തി​ന്‍റേ​താ​യ സാ​ന്പാ​റും അ​വി​യ​ലും തീ​യ​ലും തോ​ര​നും പു​ഴു​ക്കും പു​ട്ടും ദോ​ശ​യും ഇ​ഡ​ലി​യു​മൊ​ക്കെ പോ​ഷ​ക​സ​ന്പു​ഷ്ട​ങ്ങ​ളാ​യ വി​ഭ​വ​ങ്ങ​ളാ​യി​രു​ന്നു.

സ്വ​ന്തം പ​റ​ന്പി​ലോ പാ​ട​ത്തോ കൃ​ഷി ചെ​യ്ത് വി​ഷം ത​ളി​ക്കാ​തെ പ​റി​ച്ചെ​ടു​ത്ത കാ​യ്ക​നി​ക​ൾ കേ​ര​ളീ​യ​രെ രോ​ഗാ​തു​ര​തക​ളി​ൽ​നി​ന്ന് പ​രി​ര​ക്ഷി​ച്ചു. എ​ന്നാ​ൽ, ഇ​ന്ന് കേ​ര​ള​ത്തി​ന്‍റെ സ്ഥി​തി മാ​റി​ക്ക​ഴി​ഞ്ഞു. കൃ​ഷി​യെ​യും കൃ​ഷി​ക്കാ​രെ​യും ആ​ദ​രി​ക്കു​ക​യും അ​വ​രു​ടെ പ്രാ​ധാ​ന്യം വി​ല​യി​രു​ത്തു​ക​യും ചെ​യ്യു​ന്ന ഒ​രു സം​സ്കാ​രം കേ​ര​ള​ത്തി​ലി​ല്ലാ​താ​യി.

വൈ​റ്റ് കോ​ള​ർ ജോ​ലി​ക​ൾ​ക്കു പി​റ​കേ ക്യൂ ​നി​ന്ന മ​ല​യാ​ളി വി​ശ​പ്പ​ട​ക്കാ​ൻ കു​റു​ക്കു​വ​ഴി​ക​ൾ തേ​ടി. അ​ങ്ങ​നെ സ്വ​ന്തം പ​രി​സ്ഥി​തി​ക്കും ശ​രീ​ര​ഘ​ട​നാ സ​വി​ശേ​ഷ​ത​ക​ൾ​ക്കും ചേ​രാ​ത്ത ഫാ​സ്റ്റ് ഫു​ഡു​ക​ളെ അ​ഭ​യം​പ്രാ​പി​ച്ചു. എ​ന്നാ​ൽ അ​ത​വ​ന്‍റെ പ​ച​ന​യ​ന്ത്ര​ത്തെ ത​കി​ടം മ​റി​ക്കു​ക​യാ​ണു​ണ്ടാ​യ​ത്.

മ​ല​യാ​ളി​യു​ടെ ഇ​ടം​വ​ലം നോ​ക്കാ​ത്ത നെ​ട്ടോ​ട്ട​ത്തി​ൽ അ​വ​നെ ഒ​രു നീ​രാ​ളി​യെ​പ്പോ​ലെ ജീ​വി​ത​ശൈ​ലീ രോ​ഗ​ങ്ങ​ൾ വാ​രി​പ്പു​ണ​ർ​ന്നു. ഇ​ന്ന​ത്തെ മ​ല​യാ​ളി, ര​ക്ഷ​പ്പെ​ടാ​നാ​വാ​ത്ത വി​ധം അ​പ​ഥ്യ​മാ​യ ജീ​വി​ത - ​ഭ​ക്ഷ​ണ​ശൈ​ലി​ക​ൾ​ക്കും അ​ടി​മ​പ്പെ​ട്ടു. ഈ ​അ​ടി​മ​ത്ത​മാ​ക​ട്ടെ അ​വ​നെ ഏ​റെ സ​ങ്കീ​ർ​ണ​മാ​യ ജീ​വി​ത​ശൈ​ലി രോ​ഗ​ങ്ങ​ളി​ൽ കൊ​ണ്ടെ​ത്തി​ച്ചു.

ചെറുപ്പക്കാരിലെ ഹൃദ്രോഗത്തിനു പിന്നിൽ

പ​ണ്ട് വ​യോ​ധി​ക​രെ മാ​ത്രം വേ​ട്ട​യാ​ടി​യി​രു​ന്ന ഹൃ​ദ്രോ​ഗം ഇ​ന്ന് കേ​ര​ള​ത്തി​ലെ ചെ​റു​പ്പ​ക്കാ​രി​ലേ​ക്കും ഭീ​ഷ​ണ​മാം​വി​ധം പ​ട​രു​ന്നു. അ​തി​നു​ള്ള കാ​ര​ണ​ങ്ങ​ൾ തേ​ടി​യു​ഴ​ലു​ന്ന ഗ​വേ​ഷ​ക​ർ എ​പ്പോ​ഴും പ്ര​ധാ​ന​മാ​യി ചെ​ന്നെ​ത്തി ന​ൽ​കു​ന്ന ഒ​രു ആ​പ​ത്ഘ​ട​ക​മു​ണ്ട് - കൊ​ളസ്ട്രോൾ.

തി​രു​വ​ന​ന്ത​പു​ര​ത്തെ ശ്രീ​ചി​ത്തി​ര തി​രു​നാ​ൾ ഇ​ൻ​സ്റ്റി​റ്റ്യൂ​ട്ട്, ഹാ​ർ​ട്ട​റ്റാ​ക്കു​മാ​യി പ്ര​വേ​ശി​പ്പി​ക്ക​പ്പെ​ട്ട മു​പ്പ​ത് വ​യ​സി​ന് താ​ഴെ​യു​ള്ള ചെ​റു​പ്പ​ക്കാ​രെ ആ​സ്പ​ദ​മാ​ക്കി 40 വ​ർ​ഷ​ക്കാ​ലം ന​ട​ത്തി​യ പ​ഠ​ന​
ഫ​ലം 2020 സെ​പ്റ്റം​ബ​റി​ലെ ഇ​ന്ത്യ​ൻ ജേ​ർ​ണ​ൽ ഓ​ഫ് മെ​ഡി​ക്ക​ൽ റി​സേ​ർ​ച്ചി​ൽ പ്ര​കാ​ശി​ത​മാ​യി.

ഹാ​ർ​ട്ട​റ്റാ​ക്കു​മാ​യി തീ​വ്ര​പ​രി​ച​ര​ണ​വി​ഭാ​ഗ​ത്തി​ൽ പ്ര​വേ​ശി​പ്പി​ക്ക​പ്പെ​ട്ട​വ​രി​ൽ ഏ​റ്റ​വും പ്ര​ധാ​ന​മാ​യി ക​ണ്ടെ​ത്തി​യ ആ​പ​ത്ഘ​ട്ടം (88.3ശ​ത​മാ​നം) വ​ർ​ധി​ത കൊ​ള​സ്ട്രോളാ​യി​രു​ന്നു​വെ​ന്ന് തെ​ളി​ഞ്ഞു.
(തുടരും)

വിവരങ്ങൾ: ഡോ. ജോർജ് തയ്യിൽ
MD, FACC, FRCP
സീനിയർ കൺസൾട്ടന്‍റ് കാർഡിയോളജിസ്റ്റ്,
ലൂർദ് ആശുപത്രി, എറണാകുളം