കോവിഡ് മഹാമാരി സൃഷ്ടിച്ച ശൂന്യതയെ മറികടക്കുകയാണ് സിനിമാ പ്രവർത്തകർ. സർക്കാർ അനുവദിച്ച ഇളവുകളോടെ ഒക്്ടോബറിൽ മാത്രം പത്തിലധികം ചിത്രങ്ങളുടെ ഷൂട്ടിംങ്ങാണ് ആരംഭിച്ചത്. സെപ്റ്റംബറിൽ ഷൂട്ട് ആരംഭിച്ച മോഹൻലാലിന്റെ ദൃശ്യവും ലോക്ഡൗണിനു മുന്പ് പാതിയിലായ സുരേഷ് ഗോപിയുടെ കാവൽ അടക്കമുള്ള ചിത്രങ്ങളും ഇതിനൊപ്പം പുരോഗമിക്കുന്നുണ്ട്. പോയ മാസം ഷൂട്ടിംഗ് ആരംഭിക്കുകയും അനൗണ്സ് ചെയ്തതുമായ ചില ചിത്രങ്ങളുടെ വിശേഷങ്ങളിലേക്ക്...
ജനഗണമന
പൃഥ്വിരാജ്, സൂരാജ് വെഞ്ഞാറമൂട് എന്നിവരെ പ്രധാന കഥാപാത്രങ്ങളാക്കി ഡിജോ ജോസ് ആന്റണി സംവിധാനം ചെയ്യുന്ന ജനഗണമന കൊച്ചിയിൽ ആരംഭിച്ചു. പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ സുപ്രിയ മേനോൻ, ലിസ്റ്റിൻ സ്റ്റീഫൻ എന്നിവർ ചേർന്ന് നിർമിക്കുന്ന ചിത്രത്തിൽ ഷമ്മി തിലകൻ, ധ്രുവൻ, രാജാ കൃഷ്ണമൂർത്തി, മംമ്ത മോഹൻദാസ്, ശാരി, വിൻസി, ചിത്ര അയ്യർ എന്നിവരും അഭിനയിക്കുന്നു. തിരക്കഥ: സരീഷ് മുഹമ്മദ്. ഛായാഗ്രഹണം: സുധീപ് ഇളമൻ. ലൈൻ പ്രൊഡ്യുസർ: ഹാരീസ് ദേശം, പ്രൊഡക്ഷൻ കണ്ട്രോളർ: റിന്നി ദിവാകർ.
കാണെക്കാണെ
ടോവിനോ തോമസ്, സൂരാജ് വെഞ്ഞാറമൂട്, ഐശ്വര്യ ലക്ഷ്മി എന്നിവരെ പ്രധാന കഥാപാത്രങ്ങളാക്കി ഉയരേയ്ക്കു ശേഷം മനു അശോകൻ സംവിധാനം ചെയ്യുന്ന കാണെക്കാണെ എറണാകുളത്ത് ആരംഭിച്ചു. 983, ക്യൂൻ എന്നീ ചിത്രങ്ങൾക്കു ശേഷം ഡ്രീം കാച്ചറിന്റെ ബാനറിൽ ടി.ആർ. ഷംസുദ്ദീൻ നിർമിക്കുന്ന ചിത്രത്തിന്റെ തിരക്കഥ ബോബി സഞ്ജയ് എഴുതുന്നു. റോണി ഡേവിഡ് രാജ്, പ്രേം പ്രകാശ്, ശ്രുതി രാമചന്ദ്രൻ എന്നിവരും ചിത്രത്തിലെത്തുന്നു. വിനായക് ശശികുമാറിന്റെ വരികൾക്ക് രഞ്ജിൻ രാജ് ഈണം പകർന്നിരിക്കുന്നു. ക്യാമറ: ആൽബി ആന്റണി, പ്രൊഡക്ഷൻ കണ്ട്രോളർ: സബീർ മലവട്ടത്ത്.
നിഴൽ
കുഞ്ചാക്കോ ബോബൻ, നയൻതാര എന്നിവരെ പ്രധാന കഥാപാത്രങ്ങളാക്കി സംസ്ഥാന അവാർഡ് ജേതാവ് എഡിറ്റർ അപ്പു എൻ. ഭട്ടതിരി ആദ്യമായി സംവിധാനം ചെയ്യുന്ന നിഴൽ എറണാക്കുളത്ത് ആരംഭിച്ചു. ആന്റോ ജോസഫ്, അഭിജിത്ത് എം. പിള്ള, ബാദുഷാ, ഫെല്ലിനി ടി.പി., ഗണേഷ് ജോസ് എന്നിവർ ചേർന്ന് നിർമിക്കുന്ന ചിത്രത്തിന്റെ ഛായാഗ്രഹണം ദീപക് ഡി. മേനോൻ നിർവഹിക്കുന്നു. തിരക്കഥ: എസ്. സഞ്ജീവ്, സംഗീതം: സൂരജ് എസ്. കുറുപ്പ്, പ്രൊഡക്ഷൻ കണ്ട്രോളർ: ഡിക്സണ് പൊടുത്താസ്.
അണ്ലോക്ക്
നടനും തിരക്കഥാകൃത്തും സംവിധായകനുമായ സോഹൻ സീനുലാൽ തിരക്കഥയെഴുതി സംവിധാനം ചെയ്യുന്ന മൂന്നാമത്തെ ചിത്രം അണ്ലോക്ക് തൃപ്പൂണിത്തുറയിൽ ചിത്രീകരണം ആരംഭിച്ചു. മൂവി പേ മീഡിയാസിന്റെ സഹകരണത്തോടെ ഹിപ്പോ പ്രെം മോഷൻ പിക്ച്ചേഴ്സിന്റെ ബാനറിൽ സജീഷ് മഞ്ചേരി നിർമിക്കുന്ന ചിത്രത്തിൽ ചെന്പൻ വിനോദ്, ശ്രീനാഥ് ഭാസി, ഇന്ദ്രൻസ്, പാഷാണം ഷാജി, ചെന്പിൽ അശോകൻ, അഭിലാഷ് പട്ടാളം, മംമ്ത മോഹൻദാസ്, ശ്രിത ശിവദാസ് തുടങ്ങിയവർ അഭിനയിക്കുന്നു. ഛായാഗ്രഹണം: അഭിലാഷ് ശങ്കർ, സംഗീതം: അനിൽ ജോണ്സ്, എഡിറ്റർ: വി. സാജൻ, പ്രൊഡക്ഷൻ കണ്ട്രോളർ: ഡേവിസണ് സി.ജെ.
വേലുക്കാക്ക
ഇന്ദ്രൻസിനെ കേന്ദ്ര കഥാപാത്രമാക്കി നവാഗതനായ അശോക് ആർ. കലീത്ത കഥയെഴുതി സംവിധാനം ചെയ്യുന്ന വേലുക്കാക്ക പാലക്കാട് ആരംഭിച്ചു. പിജെവി ക്രിയേഷൻസിന്റെ ബാനറിൽ സിബി വർഗീസ് പുല്ലുരുത്തികരി നിർമിക്കുന്ന ചിത്രത്തിന്റെ ഛായാഗ്രഹണം ഷാജി ജേക്കബ് നിർവഹിക്കുന്നു. സത്യൻ എം.എ തിരക്കഥ സംഭാഷണമെഴുതുന്നു. മുരളി ദേവ്, ശ്രീനിവാസ് മേമുറി എന്നിവരുടെ വരികൾക്ക് റിനിൽ ഗൗതം, യുനുസ്യോ സംഗീതം പകരുന്നു. എഡിറ്റർ: ഐജു. പ്രൊഡ്കഷൻ കണ്ട്രോളർ: ചെന്താമരാക്ഷൻ. പ്രൊഡക്ഷൻ ഡിസൈനർ: പ്രകാശ് തിരുവല്ല.
ഫോർ
പറവ എന്ന ചിത്രത്തിലൂടെ ഏറെ ശ്രദ്ധേയരായ അമൽ ഷാ, ഗോവിന്ദ പൈ, ഗൗരവ് മേനോൻ, മിനോൻ എന്നിവരെ പ്രധാന കഥാപാത്രങ്ങളാക്കി നവാഗതനായ സുനിൽ ഹനീഫ് സംവിധാനം ചെയ്യുന്ന ഫോർ എറണാക്കുളത്ത് ആരംഭിച്ചു. ബ്ളൂം ഇന്റർ നാഷണലിന്റെ ബാനറിൽ വേണു ഗോപാലകൃഷ്ണൻ നിർമിക്കുന്ന ചിത്രത്തിൽ മമിത ബൈജു നായികയാവുന്നു. സിദ്ധിഖ്, ജോണി ആന്റണി, സുരേഷ് കൃഷ്ണ, അലൻസിയർ, സാധിക, ഗോപിക, പ്രശാന്ത് അലക്സാണ്ടർ, സ്മിനു, ഷൈനി സാറ തുടങ്ങിയവരാണ് മറ്റു താരങ്ങൾ. വിധു ശങ്കർ, വൈശാഖ് എന്നിവർ ചേർന്ന് തിരക്കഥ, സംഭാഷണമെഴുതുന്ന ചിത്രത്തിന്റെ ഛായാഗ്രഹണം പ്രകാശ് വേലായുധൻ നിർവഹിക്കുന്നു. ബി.കെ. ഹരിനാരായണൻ, സന്തോഷ് വർമ എന്നിവരുടെ വരികൾക്ക് ബിജിബാൽ സംഗീതം പകരുന്നു. ആലാപനം: സഹബാസ് അമൻ. എഡിറ്റർ: ഇ.എസ്. സൂരജ്, പ്രൊഡക്ഷൻ കണ്ട്രോളർ: ജാവേദ് ചെന്പ്.
വൂൾഫ്
അർജുൻ അശോകൻ, ഷൈൻ ടോം ചാക്കോ, സംയുക്ത മേനോൻ എന്നിവരെ പ്രധാന കഥാപാത്രങ്ങളാക്കി ഷാജി അസീസ് സംവിധാനം ചെയ്യുന്ന വൂൾഫ് പെരുന്പാവൂരിൽ തുടങ്ങി. ദാമർ സിനിമയുടെ ബാനറിൽ സന്തോഷ് ദാമോദരൻ നിർമിക്കുന്ന ചിത്രത്തിൽ ഇർഷാദ്, ജാഫർ ഇടുക്കി എന്നിവരും അഭിനയിക്കുന്നു. തിരക്കഥ, സംഭാഷണം ജി.ആർ. ഇന്ദുഗോപൻ എഴുതുന്നു. ബി.കെ. ഹരിനാരായണന്റെ വരികൾക്ക് രഞ്ജിൻ രാജ് സംഗീതം പകരുന്നു. ഛായാഗ്രഹണം: ഫായിസ് സിദ്ദീഖ്, പ്രൊജക്റ്റ് ഡിസൈനർ: അനുട്ടൻ വർഗീസ്, ലൈൻ പ്രൊഡ്യൂസർ യെല്ലോ എന്റർടൈൻമെന്റ്സ്.
കടൽ കുതിര
കിരണ് രാജ്, നിമിഷ നന്പ്യാർ, രമ്യ കിഷോർ എന്നിവരെ പ്രധാന കഥാപാത്രങ്ങളാക്കി സെന്നൻ പള്ളാശേരി സംവിധാനം ചെയ്യുന്ന കടൽ കുതിര വർക്കലയിൽ ആരംഭിച്ചു. സെന്നൻ സിനിമ സ്റ്റുഡിയോ, ബോസ് കുമാർ കിഴക്കതിൽ എന്നിവർ അവതരിപ്പിക്കുന്ന ചിത്രത്തിൽ ശിവജി ഗുരുവായൂർ, സ്ഫടികം ജോർജ്, കോട്ടയം പ്രദീപ്, ജയകുമാർ, ജയകുമാർ നാവായികുളം, ബോസ് കിഴക്കതിൽ, ആരോമൽ, സീമ ജി. നായർ, കുളപ്പുള്ളി ലീല തുടങ്ങിയവരും അഭിനയിക്കുന്നു. ശിവകുമാർ ആർട്ട് ആൻഡ് ഷൂട്ട് ഛായാഗ്രഹണം നിർവഹിക്കുന്നു. സെന്നൻ പള്ളാശേരിയുടെ വരികൾക്ക് ജെ.ആർ. കൃഷ്ണൻ സംഗീതം പകരുന്നു. എഡിറ്റർ: അഖിൽ ഏലിയാസ്. പ്രൊഡക്ഷൻ കണ്ട്രോളർ: പ്രമോദ് ദേവനന്ദ.
മേപ്പടിയാൻ
ഉണ്ണി മുകുന്ദനെ നായകനാക്കി വിഷ്ണു മോഹൻ തിരക്കഥയെഴുതി സംവിധാനം ചെയ്യുന്ന മേപ്പടിയാൻ വിജയദശമി ദിവസം ഈരാറ്റു പേട്ടയിൽ ആരംഭിച്ചു. ഉണ്ണി മുകുന്ദൻ ഫിലിംസിന്റെ ബാനറിൽ ആദ്യമായി നിർമിക്കുന്ന ചിത്രത്തിൽ അഞ്ജു കുര്യനാണ് നായിക. അജു വർഗീസ്, സൈജു കുറുപ്പ്, കലാഭവൻ ഷാജോണ്, അപർണ ജനാർദനൻ, നിഷാ സാരംഗ്
തുടങ്ങിയവർ മറ്റു പ്രധാന വേഷങ്ങളിൽ അഭിനയിക്കുന്നു. ഛായാഗ്രഹണം: നീൽ ഡി കൂഞ്ഞ, സംഗീതം: രാഹുൽ സുബ്രഹ്മണ്യം. ചിത്രസംയോജനം: ഷമീർ മുഹമ്മദ്, ലൈൻ പ്രൊഡ്യുസർ: ഹാരീസ് ദേശം, പ്രൊഡക്ഷൻ കണ്ട്രോളർ: റിന്നി ദിവാകർ.
ബൗ വൗ
തെന്നിന്ത്യൻ നായിക നമിത മലയാളം ഉൾപ്പെടെ നാല് ഭാഷകളിലായി നിർമിക്കുന്ന ചിത്രം ബൗ വൗ തിരുവനന്തപുരത്ത് ആരംഭിച്ചു. ആർഎൽ രവി, മാത്യു സ്ക്കറിയ എന്നിവർ തിരക്കഥയെഴുതി സംവിധാനം ചെയ്യുന്നു. എസ്. നാഥ് ഫിലിംസ്, നമിതാസ് പ്രൊഡക്ഷൻസ് എന്നിവയുടെ ബാനറിൽ നമിത, സുബാഷ് എസ്. നാഥ് എന്നിവർ നിർമിക്കുന്നു. ചിത്രത്തിൽ നമിതയാണ് കേന്ദ്ര കഥാപാത്രത്തെ അവതരിപ്പിക്കുന്നത്. പി.എസ്. ക്യഷ്ണ ഛായാഗ്രഹണം നിർവഹിക്കുന്നു. മുരുകൻ മന്ദിരത്തിന്റെ വരികൾക്ക് റെജി മോൻ സംഗീതം പകരുന്നു.
നിയോഗം
മാമുക്കോയയെ പ്രധാന കഥാപാത്രമാക്കി അനീഷ് വർമ്മ സംവിധാനം ചെയ്യുന്ന നിയോഗം പാലക്കാട് ആരംഭിച്ചു. ഛായാഗ്രഹണം പ്രസാദ് കാവിൽപ്പാട്ട് നിർവഹിക്കുന്നു.
ഉടന് വരുന്നു 11 സിനിമകള്
07:58 AM Nov 08, 2020 | Deepika.com