ആന്ധ്രാപ്രദേശിലെ അനന്തപൂർ ജില്ലാ കോടതിയാണ് രംഗം. കച്ചവടക്കാരൻ ഭക്ഷ്യസാധനങ്ങളിൽ മായംചേർത്തു (Adulteration) വിറ്റു എന്നതാണ് കേസ്.
കാപ്പിപ്പൊടിയിൽ "ചിക്കറി' (chicory) ചേർത്തുവെന്നാണ് കുറ്റപത്രത്തിൽ പറയുന്നത്. കോഫിയിൽ മായം ചേർക്കുന്ന രീതി ബ്രിട്ടിഷ് ഭരണകാലം മുതലേ ഇന്ത്യയിൽ ആരംഭിച്ചിരുന്നു. സരസനും നിയമപണ്ഡിതനുമായ എ എസ് പി അയ്യരാണ് ജില്ലാ ജഡ്ജി. ബാരിസ്റ്റർ ന്യൂജെന്റ് ഗ്രാന്റ് പ്രതിഭാഗം അഭിഭാഷകനും.
വക്കീൽ: "ചിക്കറി ' കോഫിയെക്കാൾ ഗുണനിലവാരമുള്ളതും മികച്ചതുമായതിനാൽ കോഫിയോടൊപ്പം ചിക്കറി ചേർത്ത് വിറ്റതിനെ മായം കലർത്തി വിറ്റു എന്ന് പറയാനാവില്ല '
പ്രതിഭാഗം വക്കീലിന്റെ ഈ വാദത്തെ അതിശക്തമായി എതിർത്തുകൊണ്ട് ജഡ്ജി പറഞ്ഞു:
"മിസ്റ്റർ ഗ്രാന്റ്... അഡൾട്രേഷൻ (മായംചേർക്കൽ), അഡൽറ്ററി (വിവാഹേതരബന്ധം)എന്നിവയിൽ ഒറിജിനലിനേക്കാൾ പകരക്കാരൻ മികച്ചതാണെന്ന വാദം ഒരുതരത്തിലും നിലനിൽക്കില്ല!'
നർമവിസ്താരം: അഡ്വ. ഡി.ബി. ബിനു
മായം ചേർക്കലും വ്യഭിചാരവും
02:18 AM Oct 18, 2020 | Deepika.com