ധനുവിന്‍റെ തേടിയ കൂവി

ഇ​രു​ൾ​പ​ര​ന്ന പെ​ട്ടി​മു​ടി​യി​ലെ ഉ​രു​ൾ പു​ത​ഞ്ഞ ചെ​ളി​യി​ൽ മാ​ന്തി​യും മ​ണ​ത്തും അ​ല​ഞ്ഞു ന​ട​ന്ന കു​വി. മൂ​ന്നാ​ർ രാ​ജ​മ​ല​യ്ക്കു മു​ക​ളി​ൽ പെ​ട്ടി​മു​ടി​യി​ലെ നാ​ലു നി​ര ലാ​യ​ങ്ങ​ളെ മ​ല​വെ​ള്ളം ന​ക്കി​ത്തു​ട​ച്ച രാ​ത്രി​ദു​ര​ന്ത​ത്തി​ന് സാ​ക്ഷി​യാ​ണ് ഒ​രു വ​യ​സു​ള്ള പെ​ണ്‍​നാ​യ. ഓ​ഗ​സ്റ്റ് ആ​റി​ന് പെ​ട്ടി​മു​ടി​യെ പി​ള​ർ​ന്ന പ്ര​ള​യം എ​ഴു​പ​തി​ലേ​റെ ജീ​വ​നു​ക​ളെ മ​ണ്ണി​ലാ​ഴ്ത്തി​യ വി​റ​ങ്ങ​ലി​ച്ച രാ​ത്രി തു​ട​ങ്ങി​യ​താ​ണ് ഉ​റ്റ​വ​രെ തേ​ടി കു​വി​യു​ടെ തെ​ര​ച്ചി​ലും ക​ര​ച്ചി​ലും.

അ​ന്നു വൈ​കു​ന്നേ​ര​വും ഒ​രു​മി​ച്ചു​ണ്ടു പി​രി​ഞ്ഞ യ​ജ​മാ​ന​ത്തി​യെ​യും പ്ര​ള​യ​ത്തി​ൽ ധ​നു​ഷ്ക​യെ​യും കാ​ണാ​താ​യി​രി​ക്കു​ന്നു. അ​ച്ഛ​ൻ പ്ര​ദീ​ഷും അ​മ്മ ക​സ്തൂ​രി​യും സ​ഹോ​ദ​രി പ്രി​യ​ദ​ർ​ശി​നി​യും മ​ണ്ണി​ലെ​വി​ടെ​യോ മ​റ​ഞ്ഞു​പോ​യി. ഉൗ​രു​ക​ളും കൂ​ര​ക​ളും മൂ​ടി​യ കൂ​ന​ക​ൾ​ക്കു മു​ക​ളി​ലൂ​ടെ മ​ണ​ത്തു ന​ട​ന്ന കു​വി​ക്ക് ജീ​വ​ന്‍റെ തു​ടി​പ്പു​ക​ളൊ​ന്നും ആ ​രാ​ത്രി മ​ണ​ത്ത​റി​യാ​നാ​യി​ല്ല. ചെ​ളി​യി​ൽ പു​ത​ഞ്ഞ കു​ഞ്ഞു​ടു​പ്പു​ക​ളെ മ​ണ​ത്ത് പെ​ട്ടി​മു​ടി കു​ന്നു​ക​ളി​ലൂ​ടെ ആ​ഴ്ച​യി​ലേ​റെ അ​വ​ൾ അ​ല​ഞ്ഞു​ന​ട​ന്നു. മ​ണ്ണി​നെ മാ​ന്തി​ക്കീ​റി​യ യ​ന്ത്ര​ക്കൈ​ക​ൾ ഓ​രോ ദി​വ​സ​വും ഓ​രോ മ​ണി​ക്കൂ​റി​ലും മൃ​ത​ദേ​ഹ​ങ്ങ​ളെ കോ​രി​യെ​ടു​ത്തു​കൊ​ണ്ടി​രു​ന്നു. ഈ ​കോ​രി​യെ​ടു​ക്കു​ന്ന മ​ണ്ണി​ൽ​നി​ന്നും ധ​നു ജീ​വ​നോ​ടെ മ​ട​ങ്ങി​വ​രു​മോ അ​തോ അ​വ​ളു​ടെ ശ​രീ​രം ഇ​തി​ൽ മാ​ഞ്ഞു​പോ​യി​ട്ടു​ണ്ടാ​കു​മോ. അ​പ​രി​ചിത​രാ​യ ആ​ൾ​ക്കൂ​ട്ട​ത്തി​ൽ​നി​ന്ന് അ​ക​ലം പാ​ലി​ച്ചു നി​ന്ന നാ​യ​യു​ടെ ആ​കാം​ഷ അ​ത്ര​യേ​റെ തീ​ക്ഷ്ണ​മാ​യി​രു​ന്നു.

ധ​നു എ​ന്ന ധ​നു​ഷ്ക​യെ​ത്തേ​ടി അ​ല​ഞ്ഞ കു​വി എ​ട്ടാം നാ​ൾ ല​ക്ഷ്യ​സ്ഥാ​ന​ത്തെ​ത്തു​ന്പോ​ൾ കു​ഞ്ഞു​ശ​രീ​രം അ​ത്ര​മേ​ൽ വി​ള​റി വെ​ളു​ത്തു പോ​യി​രു​ന്നു. എ​ങ്കി​ലും ആ ​ഹൃ​ദ​യ​ബ​ന്ധം ആ ​വി​റ​ങ്ങ​ലി​ച്ച ശ​രീ​ര​ത്തെ തി​രി​ച്ച​റി​ഞ്ഞു.

രാ​വി​ലെ 11 മ​ണി​യോ​ടെ ര​ണ്ടേ​കാ​ൽ വ​യ​സു​കാ​രി ധ​നു​ഷ്ക​യു​ടെ മൃ​ത​ദേ​ഹം ര​ക്ഷാ​പ്ര​വ​ർ​ത്ത​ക​ർ പു​ഴ​യി​ൽ​നി​ന്നു പൊ​തി​ഞ്ഞെ​ടു​ത്ത നി​മി​ഷം അ​രി​കു ചേ​ർ​ന്നു നി​ന്ന കു​വി​യു​ടെ തേ​ങ്ങ​ൽ പ​ല ക​ണ്ണു​ക​ളെ​യും ന​ന​ച്ചു. അ​ന്നു രാ​വി​ലെ മു​ത​ൽ കു​ര​ച്ചും നീ​ന്തി​യും ത​ല​താ​ഴ്ത്തി​ക്കി​ട​ന്നും ആ ​നാ​യ സൂ​ച​ന​ക​ൾ ന​ൽ​കു​ന്നു​ണ്ടാ​യി​രു​ന്നു.

ഫ​യ​ർ​ഫോ​ഴ്സും പോ​ലീ​സും പെ​ട്ടി​മു​ടി​യി​ൽ നി​ന്ന് നാ​ലു​കി​ലോ​മീ​റ്റ​ർ ദൂ​രെ ഗ്രാ​വ​ൽ ബ​ങ്ക് എ​ന്ന സ്ഥ​ല​ത്താ​യി​രു​ന്നു അ​ന്നു തെ​ര​ച്ചി​ൽ. അ​വി​ടെ പാ​ല​ത്തി​നു താ​ഴ്വ​ശ​ത്താ​യി​രു​ന്നു ധ​നു​ഷ്ക​യു​ടെ വി​ള​റി​ച്ചീ​ർ​ത്ത ശ​രീ​രം വെ​ള്ള​ത്തി​ൽ താ​ഴ്ന്നു കി​ട​ന്ന​ത്.

പു​ഴ​യോ​ര​ത്തു ക​ര​ഞ്ഞും ഞ​ര​ങ്ങി​യും നി​ന്ന കു​വി​യി​ൽ സം​ശ​യം തോ​ന്നി​യ​വ​ർ ആ ​പ്ര​ദേ​ശ​ത്ത് തെ​ര​ച്ചി​ൽ ന​ട​ത്തി​യ​തോ​ടെ​യാ​ണ് അ​ന്വേ​ഷ​ണം അവരെ മ​ര​ക്കൊ​ന്പി​ന​ടി​യി​ൽ​വ​രെ എ​ത്തി​ച്ച​ത്.
എ​ങ്ങ​നെ വി​വ​രി​ക്കാ​നാ​കും വ​ള​ർ​ത്തു നാ​യ​യും യ​ജ​മാ​ന​ത്തി​യും ത​മ്മി​ലു​ള്ള അ​പാ​ര​മാ​യ ഈ ​സ്നേ​ഹം. ധ​നു മ​ട​ങ്ങി​വ​രും എ​ന്ന പ്ര​തീ​ക്ഷ​യി​ലാ​യി​രി​ക്കു​മ​ല്ലോ തേ​യി​ല​ക്കാ​ടു​ക​ളി​ലും ക​ല്ലി​ടു​ക്കു​ക​ളി​ലും പു​ഴ​യോ​ര​ത്തു​മൊ​ക്കെ എ​ട്ടു പ​ക​ലും രാ​വും കൂവി തെ​ര​ഞ്ഞു ന​ട​ന്ന​ത്.

തീ​റ്റ​യും വെ​ള്ള​വു​മെ​ടു​ക്കാ​തെ ക്ഷീ​ണി​ത​യാ​യി ന​ട​ന്ന നാ​യ​യു​ടെ ക​ണ്ണു​ക​ൾ നി​റ​ഞ്ഞൊ​ഴു​കു​ന്ന കാ​ഴ്ച ദു​ര​ന്ത​ത്തി​നു പി​റ്റേ​ന്നു മു​ത​ൽ ര​ക്ഷാ​പ്ര​വ​ർ​ത്ത​ക​ർ​ക്കു നൊ​ന്പ​ര​കാ​ഴ്ച​യാ​യി​രു​ന്നു.
കു​വി പെ​ട്ടി​മു​ടി​യി​ൽ അ​തി​ഥി​യാ​യി എ​ത്തി​യ​ത് ക​ഴി​ഞ്ഞ വ​ർ​ഷ​മാ​ണ്. ധ​നു​ഷ്ക​യു​ടെ ബ​ന്ധു​ക്ക​ൾ 20 കി​ലോ​മീ​റ്റ​ർ അ​ക​ലെ ഇ​ട​മ​ല​ക്കു​ടി​യി​ൽ പാ​ർ​ക്കു​ന്നു​ണ്ട്. ഒ​ന്ന​ര മാ​സ​ം പ്രാ​യ​മു​ള്ള​പ്പോ​ൾ കു​വി​യെ അ​വി​ടെ​നി​ന്നും ധ​നു​ഷ്ക​യു​ടെ ആ​ഗ്ര​ഹ​ത്തി​ൽ വീ​ട്ടു​കാ​ർ പെ​ട്ടി​മു​ടി​യി​ലേ​ക്കു കൊ​ണ്ടു​വ​ന്ന​താ​ണ്. അ​ന്നു​മു​ത​ൽ ധ​നു​ഷ്ക​യ്ക്ക് ക​ളി​ക്കൂ​ട്ടു​കാ​രി​യാ​യി കു​വി കൂ​ടെ വ​ള​ർ​ന്നു. അ​ച്ഛ​ന​മ്മ​മാ​ർ കൊ​ളു​ന്തു​നു​ള്ളാ​ൻ പോ​കു​ന്പോ​ൾ ധ​നു​വി​ന് കൂ​ട്ടും കാ​വ​ലു​മാ​യി ലാ​യ​ത്തി​ൽ അ​വ​ൾ കൂ​ടെ ക​ഴി​ഞ്ഞു. ചോ​റി​ന്‍റെ പ​ങ്ക് ര​ണ്ടു നേ​രം ത​ന്നു വ​ള​ർ​ത്തി​യ​വ​രെ​ല്ലാം ആ ​ദു​ര​ന്ത രാ​ത്രി ഇ​രു​ളാ​ഴ​ങ്ങ​ളി​ലേ​ക്കു യാ​ത്ര​യാ​യി. ഇ​നി കു​വി​ക്ക് സ്വ​ന്ത​മാ​യി പെ​ട്ടി​മു​ടി​യി​ൽ ആ​രു​മി​ല്ല.

ദു​ര​ന്ത​രാ​ത്രി​യി​ലെ ത​ണു​പ്പി​ൽ അ​പ്പു​റ​ത്തൊ​രു തി​ണ്ണ​യി​ൽ ചു​രു​ണ്ടു​റ​ങ്ങു​ക​യാ​യി​രു​ന്നു ഇ​വ​ൾ. അ​വി​ടെ പാ​ർ​ത്ത നാ​ലു പേ​രും കു​വി​യും മാ​ത്രം ഉ​രു​ൾ​പൊ​ട്ട​ലി​ൽ​നി​ന്നു ത​ല​നാ​രി​ഴ​യ്ക്കു ര​ക്ഷ​പ്പെ​ട്ടു.


ധ​നു​ഷ്ക​യു​ടെ ശ​രീ​രം കാ​ണി​ച്ചു​കൊ​ടു​ത്ത കു​വി​യോ​ട് അ​വി​ടെ ര​ക്ഷാ​പ്ര​വ​ർ​ത്ത​ന​ത്തി​നെ​ത്തി​യ ഇ​ടു​ക്കി ഡോ​ഗ് സ്ക്വാ​ഡി​ലെ പ​രി​ശീ​ല​ക​നും സി​വി​ൽ പോ​ലീ​സ് ഓ​ഫീ​സ​റു​മാ​യ അ​ജി​ത് മാ​ധ​വ​ന് അ​നു​ക​ന്പ തോ​ന്നി. പെ​ട്ടി​മു​ടി​യി​ൽ ര​ക്ഷാ​പ്ര​വ​ർ​ത്ത​ന​ത്തി​നു ചെ​ന്ന വേ​ള​യി​ൽ​ത​ന്നെ ഇ​ങ്ങ​നെ​യൊ​രു നാ​യ​യെ​ക്കു​റി​ച്ച് അ​ജി​ത് കേ​ട്ടി​രു​ന്നു. ഏ​വ​രെ​യും ക​രു​ണ​യോ​ടെ നോ​ക്കി​യും ഉ​റ്റ​വ​രെ അ​ന്വേ​ഷി​ച്ചും കു​വി​യെ തി​ര​ക്കി ചെ​ല്ലു​ന്പോ​ൾ ആ​ളൊ​ഴി​ഞ്ഞ ഒ​രു വീ​ടി​നു മു​ന്നി​ലാ​യി​രു​ന്നു അ​വ​ൾ. അ​ടു​ത്തു​വ​രാ​ൻ താ​ത്​പ​ര്യ​പ്പെ​ടാ​തെ വി​ഷാ​ദി​ച്ചു ന​ട​ന്ന കു​വി​ക്ക് തീ​റ്റ ന​ൽ​കി​യി​ട്ടും ആ​ദ്യ​മൊ​ക്കെ അ​ക​ന്നു നി​ന്ന​തേ​യു​ള്ളു. നാ​യ​ക​ളെ പ​രി​ശീ​ലി​പ്പി​ച്ച് ഏ​റെ പ​രി​ചി​ത​നാ​യ അ​ജി​ത് കു​വി​യു​മാ​യി ഒ​രു വി​ധം ച​ങ്ങാ​ത്ത​ത്തി​ലാ​യി. അ​വ​ളെ സ്വ​ന്തം വീ​ട്ടി​ലേ​ക്കു കൊ​ണ്ടു​പോ​യി വ​ള​ർ​ത്തി​യാ​ലോ എ​ന്നാ​യി​രു​ന്ന അ​ജി​തി​ന്‍റെ ചി​ന്ത. ഈ ​നീ​ക്ക​ങ്ങ​ൾ​ക്കൊ​ടു​വി​ൽ കു​വി​യെ പോ​ലീ​സ് ഡോ​ഗ് സ്ക്വാ​ഡി​ലേ​ക്ക് ഏ​റ്റെ​ടു​ക്കാ​ൻ പോ​ലീ​സ് വ​കു​പ്പ് മേ​ധാ​വി​ക​ൾ അ​നു​മ​തി ന​ൽ​കി. അ​ങ്ങ​നെ ധ​നു​ഷ്ക​യു​ടെ കൂ​ട്ടു​കാ​രി കാ​ക്കി​യു​ടെ കാ​വ​ൽ​ക്കാ​രി​യാ​യി​മാ​റി​യി​രി​ക്കു​ന്നു. പെ​ട്ടി​മു​ടി​യി​ൽ നി​ന്ന് കു​വി​യ്ക്ക് സ്നേ​ഹാ​ർ​ദ്ര​മാ​യ യാ​ത്ര​യ​യ​പ്പു ന​ൽ​കി​യാ​ണ് കു​വി​യെ പോ​ലീ​സി​ലേക്ക് നാ​ട്ടു​കാ​ർ യാ​ത്ര​യാ​ക്കി​യ​ത്.

ചെ​റു​തോ​ണി പോ​ലീ​സ് ഡോ​ഗ് സ്ക്വാ​ഡി​ലാ​ണ് കൂ​വി​യി​പ്പോ​ൾ. ഒ​രു വ​യ​സു​കാ​രി നാ​യ​യ്ക്ക് ഇ​നി പ​രി​ശീ​ല​നം തു​ട​ങ്ങും. എ​ങ്ങ​നെ എ​ന്തു പ​രി​ശീ​ല​നം അ​ന്ന​തി​ൽ തീ​രു​മാ​ന​മാ​യി​ട്ടി​ല്ല. സാ​ധാ​ര​ണ മൂ​ന്നു മാ​സ​മാ​യ വി​ദേ​ശ ഇ​നം നാ​യ​ക​ളെ​യാ​ണ് പോ​ലീ​സ് ഡോ​ഗ് സ്ക്വാ​ഡി​ലേ​ക്ക് എ​ടു​ക്കാ​റു​ള്ള​ത്. ലാ​ബ്ര​ഡോ​റും ജെ​ർ​മ​ൻ ഷെ​പ്പേ​ഡും ആ​ധി​പ​ത്യം പു​ല​ർ​ത്തു​ന്ന അ​ന്വേ​ഷ​ണ ടീ​മി​ലേ​ക്കാ​ണ്് നാ​ട​ൻ നാ​യ കു​വി​യും അ​ണി​ചേ​രു​ന്ന​ത്. നാ​ട​ൻ നാ​യ്ക്ക​ളെ അ​പൂ​ർ​വ​മാ​യി മാ​ത്ര​മേ പോ​ലീ​സ് സ്ക്വാ​ഡി​ൽ എ​ടു​ക്കാ​റു​ള്ളു. ഉ​ത്ത​രാ​ഖ​ണ്ഡ് പോ​ലീ​സ് ഡോ​ഗ് സ്ക്വാ​ഡി​ൽ മു​ൻ​പ് ര​ണ്ടു നാ​ട​ൻ നാ​യ​യ്ക്ക​ളു​ണ്ടാ​യി​രു​ന്നു. എ​ന്നാ​ൽ കേ​മ​ൻ​മാ​രാ​യ ഉ​ന്ന​ത ജ​നു​സി​ൽ​പ്പെ​ട്ട വി​ദേ​ശ ഇ​ന​ങ്ങ​ളാ​ണ് പോ​ലീ​സ് സേ​ന​യ്ക്കൊ​പ്പ​മു​ള്ള നാ​യ്ക്ക​ളേ​റെ​യും. ഇ​ടു​ക്കി​യി​ൽ നി​ല​വി​ൽ അ​ഞ്ച് പോ​ലീ​സ് നാ​യ​ക​ളു​ണ്ട്. മ​ണ്ണി​ന​ട​യി​ൽ പൂ​ഴ്ന്നു​പോ​യ മൃ​ത​ദേ​ഹം മ​ണ​ത്തു ക​ണ്ടു​പി​ടി​ക്കാ​ൻ രാ​ജ്യ​ത്തു ത​ന്നെ ആ​ദ്യം പ​രി​ശീ​ല​നം പൂ​ർ​ത്തി​യാ​ക്കു​ന്ന ക​ഡാ​വ​ർ ഡോ​ഗും ഇ​വി​ടെ​യു​ണ്ട്. ഇ​നി കു​വി പോ​ലീ​സി​ന് കാ​വ​ലാ​ളാ​യി സേ​ന​യി​ലു​ണ്ടാ​കും.

റെ​ജി ജോ​സ​ഫ്