ഫോർവേഡാണ് അൾത്താരയിൽ

ക​ളി​ക്ക​ള​ത്തി​ലെ കാ​ൽ​പ്പ​ന്തു ക​ളി വ​ഴി​മാ​റി​യ​പ്പോ​ൾ പി​ന്നെ ആ​തു​ര​സേ​വ​നം. അ​തു വ​ഴി​തു​റ​ന്ന​ത് അ​ൾ​ത്താ​ര​യി​ലേ​ക്ക്. ഫു​ട്ബോ​ളി​നെ പ്ര​ണ​യി​ച്ച് ത​ല​സ്ഥാ​ന​ത്തെ​ത്തി​യ എ​ട്ടാം ക്ലാ​സു​കാ​ര​ൻ ജി​വി രാ​ജ സ്പോ​ർ​ട്സ് സ്കൂ​ളി​ലെ താ​ര​മാ​യി മാ​റി. പി​ന്നീ​ട് വരുമാനം ല​ക്ഷ്യ​മി​ട്ട് ആ​തു​ര​സേ​വ​ന രം​ഗ​ത്ത്. ഇപ്പോഴിതാ വൈദികൻ. ഫാ. ​ജോ​ണ്‍ ഐ​ക്ക​ര​യെ​ന്ന ക​പ്പൂ​ച്ചി​ൻ സ​ഭാം​ഗം.

ഫു​ട്ബോ​ളി​നെ പ്ര​ണ​യി​ച്ച പ​ഠ​ന​കാ​ലം

ആ​ല​പ്പു​ഴ ജി​ല്ല​യി​ലെ ചെ​ന്നി​ത്ത​ല ഇ​ര​മ​ത്തൂ​ർ വീ​ട്ടി​ൽ വ​ർ​ഗീ​സ് മാ​ത്യു-​കു​ഞ്ഞു​മോ​ൾ മാ​ത്യു ദ​ന്പ​തി​ക​ളു​ടെ മൂ​ത്ത​മ​ക​നാ​യി ജ​നി​ച്ച മോ​ൻ​സി മാ​ത്യു മൂ​ന്നാം ക്ലാ​സ് വി​ദ്യാ​ഭ്യാ​സം വ​രെ നാ​ട്ടി​ലും പി​ന്നീ​ട് ഒ​രു വ​ർ​ഷം മാ​ത​പി​താ​ക്ക​ൾ​ക്കൊ​പ്പം ബോം​ബെ​യി​ലും ആ​യി​രു​ന്നു. തി​രി​കെ നാ​ട്ടി​ൽ എ​ത്തി മാ​വേ​ലി​ക്ക​ര ബി​ഷ​പ് ഹോ​ഡ്ജ​സ് സ്കൂ​ളി​ൽ ഏ​ഴാം ക്ലാ​സി​ൽ പ​ഠി​ക്കു​ന്പോ​ഴാ​ണ് ഫു​ട്ബോ​ൾ പ്രേ​മി​യാ​യ മോ​ൻ​സി മാ​ത്യു​വി​ന് ജി.​വി രാ​ജ സ്പോ​ർ​ട്സ് സ്കൂ​ളി​ലേ​ക്ക് സെ​ല​ക‌്ഷ​ൻ കി​ട്ടി​യ​ത്. 2002-ൽ ​ഫു​ട്ബോ​ൾ ക​ളി​യി​ൽ മി​ക​വു പു​ല​ർ​ത്തി​യ​തോ​ടെ അ​ണ്ട​ർ-19 കേ​ര​ള ടീ​മി​ൽ ഇ​ടം നേ​ടി.

അ​ണ്ട​ർ-19​ ൽ കേ​ര​ള​വും മി​സോ​റാ​മും ത​മ്മി​ൽ ഡ​ൽ​ഹി ജ​വ​ഹ​ർ​ലാ​ൽ നെ​ഹ്റു സ്റ്റേ​ഡി​യ​ത്തി​ൽ ന​ട​ന്ന മ​ൽ​സ​ര​ത്തി​ൽ കേ​ര​ളം വി​ജ​യ​ക്കൊ​ടി പാ​റി​ച്ച​പ്പോ​ൾ കേ​ര​ള​ത്തി​ന്‍റെ മു​ൻ​നി​ര പോ​രാ​ളി​യാ​യി​രു​ന്നു മോ​ൻ​സി മാ​ത്യു. കാ​ൽ​പ​ന്തു ക​ളി​യി​ൽ​ത​ന്നെ തു​ട​രാ​നും മി​ക​ച്ച ക​ളി​ക്കാ​ര​നാ​യി പ്ര​ശ​സ്തി നേ​ടാ​നും മ​ന​സു​റ​ച്ചു നി​ൽ​ക്കു​ന്പോ​ഴാ​ണ് ഇ​തു​കൊ​ണ്ട് ജീ​വി​തം സു​ര​ക്ഷി​ത​മ​ല്ലെ​ന്ന മാ​താ​പി​താ​ക്ക​ളു​ടെ സം​ശ​യ​ത്തി​നു മു​ന്നി​ൽ മ​ന​സ് വ​ഴി​മാ​റേ​ണ്ടി വ​ന്ന​ത്.

വീ​ട്ടു​കാ​രു​ടെ ആ​വ​ശ്യ​പ്ര​കാ​രം ജോ​ലി സാ​ധ്യ​ത​യു​ള്ള ന​ഴ്സിം​ഗ് പ​ഠ​ന​ത്തി​നാ​യി ബാം​ഗ്ളൂ​രി​ലേ​ക്ക് പോ​യി. വി​ജ​യ​ന​ഗ​ർ ഹോ​സ്പി​റ്റ​ലി​ൽ മൂ​ന്ന​ര വ​ർ​ഷ​ത്തെ പ​ഠ​നം. അ​പ്പോ​ഴും ഫു​ട്ബോ​ൾ ക​ളി ജീ​വി​ത​ത്തി​ന്‍റെ ഭാ​ഗ​മാ​യി​ത്ത​ന്നെ തു​ട​ർ​ന്നു. പ​ഠ​ന ശേ​ഷം നാ​ട്ടി​ലെ​ത്തി. മൂ​ന്നു​മാ​സം പ​രു​മ​ല സെ​ന്‍റ് ഗ്രി​ഗോ​റി​യോ​സ് മി​ഷ​ൻ ആ​ശു​പ​ത്രി​യി​ലും പി​ന്നീ​ട് തി​രു​വ​ല്ല പു​ഷ്പ​ഗി​രി മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ലും ന​ഴ്സാ​യി ജോ​ലി നോ​ക്കു​ക​യാ​യി​രു​ന്നു. ആ ​സ​മ​യ​ങ്ങ​ളി​ലെ​ല്ലാം നാ​ട്ടി​ലെ പ്ര​ധാ​ന ക്ല​ബ്ബു​ക​ൾ​ക്കു വേ​ണ്ടി ഫു​ട്ബോ​ൾ ക​ളി​ക്കു​മാ​യി​രു​ന്നു.

സ​ന്യാ​സ ജീ​വി​ത​ത്തി​ലേ​ക്കു​ള്ള വ​ഴി​ത്തി​രി​വ്

പു​ഷ്പ​ഗി​രി മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ൽ ന​ഴ്സാ​യി ജോ​ലി ചെ​യ്യു​ന്പോ​ൾ ത​ന്നെ പ​ല സ​മ​യ​ങ്ങ​ളി​ലും ആ​ശു​പ​ത്രി​യി​ലെ ചാ​പ്പ​ലി​ൽ പോ​യി പ്രാ​ർ​ഥി​ക്കു​ക പ​തി​വാ​യി​രു​ന്നു. ഒ​രു ദി​വ​സം ന്യൂ​റോ സ​ർ​ജ​റി വാ​ർ​ഡി​ൽ രാ​ത്രി ഷി​ഫ്റ്റി​ൽ ജോ​ലി നോ​ക്കു​ന്പോ​ഴാ​ണ് സി​സ്റ്റ​ർ സു​മ എ​ഫ്സി​സി കൂ​ടെ ജോ​ലി​ക്കെ​ത്തി​യ​ത്. പ​രി​ച​യ​പ്പെ​ട്ട​തോ​ടെ പി​ന്നീ​ട് സൗ​ഹൃ​ദ സം​ഭാ​ഷ​ണ​ങ്ങ​ളാ​യി. സി​സ്റ്റ​ർ ധ്യാ​ന​ത്തി​നു പോ​കു​ന്ന​താ​യി പ​റ​ഞ്ഞു. ജീ​വി​ത ക​ഥ​ക​ൾ ഏ​റെ വാ​യി​ക്കാ​ൻ താ​ൽ​പ്പ​ര്യ​മു​ള്ള മോ​ൻ​സി മാ​ത്യു വി​ശു​ദ്ധ​ൻ​മാ​രു​ടെ പു​സ്ത​ക​ങ്ങ​ൾ ഉ​ണ്ടെ​ങ്കി​ൽ എ​നി​ക്ക് വാ​യി​ക്കാ​ൻ കൊ​ണ്ടു​വ​ര​ണ​മെ​ന്ന് സി​സ്റ്റ​റി​നോ​ട് ആ​വ​ശ്യ​പ്പെ​ട്ടു. ധ്യാ​ന​ത്തി​നു പോ​യി മൂ​ന്നു ദി​വ​സം ക​ഴി​ഞ്ഞ് സി​സ്റ്റ​ർ തി​രി​കെ​യെ​ത്തി. അ​വ​ർ ത​മ്മി​ൽ നേ​രി​ൽ ക​ണ്ടി​ല്ല. പ​ക്ഷെ വാ​ർ​ഡി​ലെ മേ​ശ​പ്പു​റ​ത്ത് ര​ണ്ട് പു​സ്ത​ക​ങ്ങ​ൾ വ​ച്ചി​രു​ന്നു. ഒ​ന്ന് വി​ശു​ദ്ധ വി​ൻ​സെ​ന്‍റ് ഡി ​പോ​ളി​ന്‍റെ​യും മ​റ്റൊ​ന്ന് വി​ശു​ദ്ധ ഫ്രാ​ൻ​സി​സ് അ​സീ​സി​യു​ടേ​യും ജീ​വ​ച​രി​ത്ര​ങ്ങ​ൾ ആ​യി​രു​ന്നു.

ഈ ​വാ​യ​ന​യി​ലാ​ണ് വി​ശു​ദ്ധ ഫ്രാ​ൻ​സി​സ് അ​സീ​സി 24-ാം വ​യ​സി​ൽ ദൈ​വ​ത്തെ ക​ണ്ടു​മു​ട്ടു​ന്ന​താ​യി അ​റി​ഞ്ഞ​ത്. അ​പ്പോ​ൾ മോ​ൻ​സി​ക്കും 24 വ​യ​സ് മാ​ത്ര​മാ​യി​രു​ന്നു പ്രാ​യം. ത​നി​ക്കും ഫ്രാ​ൻ​സി​സ് അ​സീ​സി​യെ പോ​ലെ സാ​ഹോ​ദ​ര്യ​ത്തി​ന്‍റെ സ​ന്ന്യാ​സ ജീ​വി​തം വേ​ണ​മെ​ന്ന ആ​ഗ്ര​ഹം മ​ന​സി​ൽ തോ​ന്നി.

ഭ​ര​ണ​ങ്ങാ​ന​ത്തേ​ക്കു​ള്ള യാ​ത്ര

സ​ന്ന്യാ​സ ജീ​വി​ത​ത്തോ​ട് ഏ​റെ അ​ടു​പ്പം തോ​ന്നി​യ​പ്പോ​ൾ അ​ന്ന് വൈ​ദി​ക വി​ദ്യാ​ർ​ഥി​യാ​യി​രു​ന്ന സ​ഹോ​ദ​ര​നോ​ട് ക​പ്പൂ​ച്ചി​ൻ സ​ഭ​യെ കു​റി​ച്ച് അ​ന്വേ​ഷി​ച്ചു. പി​ന്നീ​ട് ഭ​ര​ണ​ങ്ങാ​നം ആ​ശ്ര​മ​ത്തി​ലെ അ​ച്ച​നെ ഫോ​ണി​ൽ ബ​ന്ധ​പ്പെ​ടു​ക​യാ​യി​രു​ന്നു. ജോ​ലി രാ​ജി​വ​ച്ച് സ​ന്ന്യാ​സ​ത്തി​ലേ​ക്ക് പോ​കാ​നു​ള്ള ആ​ഗ്ര​ഹ​ത്തെ കു​റി​ച്ച് അ​ച്ച​നോ​ട് പ​റ​ഞ്ഞു. പ​ക്ഷെ അ​ച്ച​ൻ പ​റ​ഞ്ഞ​ത്, നീ ​ജോ​ലി രാ​ജി വ​യ്ക്ക​രു​ത് എ​ന്നാ​യി​രു​ന്നു. അ​ച്ച​ൻ മോ​ൻ​സി​യെ ആ​ശ്ര​മ​ത്തി​ലേ​ക്ക് ക്ഷ​ണി​ച്ചു. നീ ​ഇ​വി​ടെ വ​ന്നു ക​ണ്ട്, മ​ന​സി​ലാ​ക്കി, തെ​ര​ഞ്ഞെ​ടു​ക്കു​ക എ​ന്നാ​യി​രു​ന്നു അ​ച്ച​ൻ ന​ൽ​കി​യ ഉ​പ​ദേ​ശം.

സി​സ്റ്റ​ർ സു​മ​യോ​ട് താ​ൻ സെ​മി​നാ​രി​യി​ൽ ചേ​രാ​ൻ പോ​കു​ക​യാ​ണ് എ​ന്ന് മോ​ൻ​സി അ​റി​യി​ച്ചു. പി​ന്നീ​ട് വീ​ട്ടി​ൽ ചെ​ന്ന് അ​മ്മ​യോ​ട് പ​റ​ഞ്ഞു: എ​നി​ക്ക് സെ​മി​നാ​രി​യി​ൽ പോ​ക​ണം. പ​ക്ഷെ അ​മ്മ​യ്ക്ക് ഇ​ത് ഒ​ട്ടും സ്വീ​കാ​ര്യ​മ​ല്ലാ​യി​രു​ന്നു. ഇ​തി​നി​ട​യി​ൽ ആ​രും അ​റി​യാ​തെ പു​ഷ്പ​ഗി​രി ആ​ശു​പ​ത്രി​യി​ലെ ന​ഴ്സിം​ഗ് ജോ​ലി രാ​ജി​വ​ച്ചു. മു​ന്പ് അ​ച്ച​ൻ പ​റ​ഞ്ഞ​തു പോ​ലെ സ​ന്ന്യാ​സ ജീ​വി​ത​ത്തെ കു​റി​ച്ച് മ​ന​സി​ലാ​ക്കാ​ൻ ഭ​ര​ണ​ങ്ങാ​നം ആ​ശ്ര​മ​ത്തി​ലേ​ക്ക് പോ​യി. അ​വി​ടെ സെ​മി​നാ​രി​ക്കാ​രോ​ട് ചേ​ർ​ന്ന് മൂ​ന്നു ദി​വ​സം താ​മ​സി​ച്ചു. ഈ ​ദി​വ​സ​ങ്ങ​ളി​ലാ​ണ് അ​വി​ടെ​നി​ന്ന് ഒ​രു അ​ച്ച​ൻ റോ​മി​ലേ​ക്ക് പോ​യ​ത്. അ​ച്ച​നെ എ​ല്ലാ​വ​രും കെ​ട്ടി​പ്പി​ടി​ച്ച് ആ​ശ്ലേ​ഷി​ച്ച് യാ​ത്ര​യാ​ക്കു​ന്ന വേ​ള​യി​ൽ മോ​ൻ​സി​യും അ​ച്ച​നെ കെ​ട്ടി​പ്പി​ടി​ച്ച് ആ​ശ്ലേ​ഷി​ച്ചു. പ​ല​പ്പോ​ഴും വി​ദേ​ശ​ത്തേ​ക്ക് പോ​കു​ന്ന പി​താ​വി​നെ പോ​ലും താ​ൻ ഒ​രി​ക്ക​ലും ആ​ശ്ലേ​ഷി​ച്ചി​ട്ടി​ല്ല. എ​ന്നാ​ൽ ര​ക്ത​ബ​ന്ധ​ത്തേ​ക്കാ​ൾ വ​ലി​യ ആ​ത്മ​ബ​ന്ധം ഇ​വി​ടെ കാ​ണാ​നാ​യ​ത് അ​വ​ന്‍റെ മ​ന​സി​നെ ഏ​റെ സ്വാ​ധീ​നി​ച്ചു.

എ​തി​ർ​പ്പു​ക​ളെ അ​തി​ജീ​വി​ച്ച ദൈ​വി​ക പ​ദ്ധ​തി

ഭ​ര​ണ​ങ്ങാ​ന​ത്തു​നി​ന്നു വീ​ട്ടി​ലെ​ത്തി. പി​ന്നീ​ട് പ​ത്ത​നം​തി​ട്ട​യി​ൽ അ​ഞ്ചു ദി​വ​സ​ത്തെ ക്യാ​ന്പി​ൽ പ​ങ്കെ​ടു​ത്തു.​ ബ​ന്ധു​ക്ക​ൾ എ​ല്ലാം താ​ൻ സെ​മി​നാ​രി​യി​ൽ പോ​കു​ന്ന വി​വ​രം അ​റി​ഞ്ഞു. എല്ലാവരും എ​തി​ർ​ത്തു. ഇ​ട​വ​ക വി​കാ​രി​യാ​യി​രു​ന്ന ജോ​സ​ഫ് സ​ദ​നം അ​ച്ച​നെ പോ​യി നേ​രി​ൽ ക​ണ്ടു. എ​തി​ർ​പ്പു​ക​ൾ ശ​ക്ത​മാ​ണ​ന്നും അ​റി​യി​ച്ചു. ഇ​തെ​ല്ലാം കേ​ട്ട ശേ​ഷം അ​ച്ച​ൻ പ​റ​ഞ്ഞു. ഒ​രു വ​ർ​ഷം ആ​ശ്ര​മ​ജീ​വി​തം ക​ണ്ടു പ​ഠി​ക്കാ​നാ​യി പോ​കു​ക​യാ​ണെ​ന്ന് എ​ല്ലാ​വ​രോ​ടും പ​റ​യു​ക. അ​ങ്ങ​നെത​ന്നെ എ​ല്ലാ​വ​രോ​ടും പ​റ​ഞ്ഞു.

ഒ​രു ദി​വ​സം രാ​ത്രി​യി​ൽ ഉ​റ​ങ്ങു​ന്ന​തി​ന് മു​ന്പാ​യി വ​ച​ന​പ്പെ​ട്ടി​യി​ൽ നി​ന്ന് ഒ​രു വ​ച​നം എ​ടു​ത്തു വാ​യി​ച്ചു. യോ​ഹ​ന്നാ​ൻ 15:16. അ​തി​ൽ ഇ​പ്ര​കാ​രം പ​റ​യു​ന്നു. നി​ങ്ങ​ൾ എ​ന്നെ തെ​ര​ഞ്ഞെ​ടു​ക്കു​ക​യ​ല്ല, ഞാ​ൻ നി​ങ്ങ​ളെ തെ​ര​ഞ്ഞെ​ടു​ക്കു​ക​യാ​ണു ചെ​യ്ത​ത്. നി​ങ്ങ​ൾ പോ​യി ഫ​ലം പു​റ​പ്പെ​ടു​വി​ക്കു​ന്ന​തി​നും നി​ങ്ങ​ളു​ടെ ഫ​ലം നി​ല​നി​ൽ​ക്കു​ന്ന​തി​നും വേ​ണ്ടി ഞാ​ൻ നി​ങ്ങ​ളെ നി​യോ​ഗി​ച്ചി​രി​ക്കു​ന്നു. കി​ട്ടി​യ വ​ച​ന​ത്തെ മ​ന​സി​ൽ ധ്യാ​നി​ച്ച് അ​ന്ന് രാ​ത്രി ശാ​ന്ത​മാ​യി കി​ട​ന്ന് ഉ​റ​ങ്ങി. പി​റ്റേ​ന്ന് ഉ​ണ​ർ​ന്ന് എ​ഴു​ന്നേ​റ്റു. അ​തി​രാ​വി​ലെത​ന്നെ അ​പ്ര​തീ​ക്ഷി​ത​മാ​യ​ത് സം​ഭ​വി​ച്ചു. അ​മ്മ​യി​ൽ​നി​ന്ന് അ​നു​കൂ​ല​മാ​യ മ​റു​പ​ടി വ​ന്നു. എ​നി​ക്ക് ഒ​രു പ്ര​ശ്ന​വു​മി​ല്ല. നീ ​സെ​മി​നാ​രി​യി​ൽ പൊ​യ്ക്കോ എ​ന്ന് അ​മ്മ പ​റ​ഞ്ഞു.

വി​വ​രം അ​റി​ഞ്ഞ വി​ദേ​ശ​ത്താ​യി​രു​ന്ന പി​താ​വ് ഒ​ന്നു മാ​ത്ര​മേ പ​റ​ഞ്ഞു​ള്ളു. നി​ന്നെ വി​ളി​ച്ച ദൈ​വ​ത്തോ​ട് മ​ര​ണം വ​രെ നീ ​വി​ശ്വ​സ്ഥ​നാ​യി​രി​ക്ക​ണം. മോ​ൻ​സി 2009 ജൂ​ണ്‍ 4ന് ​വൈ​ദി​ക പ​ഠ​ന​ത്തി​നാ​യി സെ​മി​നാ​രി​യി​ലേ​ക്ക് പോ​യി.

2012ൽ ​ക​പ്പൂ​ച്ചി​ൻ സ​ഭാ​വ​സ്ത്രം സ്വീ​ക​രി​ച്ചു. 2018-ൽ ​സ​ന്ന്യാ​സ​ത്തി​ലേ​ക്കു​ള​ള നി​ത്യ​വൃ​ത വാ​ഗ്ദാ​നം ന​ട​ത്തി. 2019 ന​വം​ബ​ർ 9-ന് ​മാ​വേ​ലി​ക്ക​ര പു​ന്ന​മൂ​ട് സെ​ന്‍റ് മേ​രീ​സ് ക​ത്തീ​ഡ്ര​ൽ ദേ​വാ​ല​യ​ത്തി​ൽവ​ച്ച് മാ​വേ​ലി​ക്ക​ര രൂ​പ​ത അ​ധ്യ​ക്ഷ​നും ഇ​പ്പോ​ഴ​ത്തെ സി​ബി​സി​ഐ ഫ​സ്റ്റ് വൈ​സ് പ്ര​സി​ഡ​ന്‍റു​മാ​യ ഡോ. ​ജോ​ഷ്വാ മാ​ർ ഇ​ഗ്നാ​ത്തി​യോ​സ് തി​രു​മേ​നി​യി​ൽ നി​ന്നു തി​രു​പ്പ​ട്ടം സ്വീ​ക​രി​ച്ച് ഫാ. ​ജോ​ണ്‍ ഐ​ക്ക​ര എ​ന്ന നാ​മ​ത്തി​ൽ ക​പ്പൂ​ച്ചി​ൻ സ​ഭ​യി​ലെ വൈ​ദി​ക​നാ​യി തീ​ർ​ന്നു.

എ​ല്ലാ​വ​ർ​ക്കും സ​ഹോ​ദ​ര​ൻ

ജോ​ണ്‍ ഐ​ക്ക​ര അ​ച്ച​ൻ ഇ​പ്പോ​ൾ മാ​വേ​ലി​ക്ക​ര രൂ​പ​ത​യി​ലെ ചെ​ങ്ങ​ന്നൂ​ർ, കോ​ടു​കു​ള​ഞ്ഞി എ​ന്നീ ദേ​വാ​ല​യ​ങ്ങ​ളി​ൽ വി​കാ​രി റോ​ബ​ർ​ട്ട് പാ​ല​വി​ള​യി​ൽ അ​ച്ച​നൊ​പ്പം സ​ഹ​വി​കാ​രി​യാ​യി സേ​വ​നം ചെ​യ്യു​ന്നു. തു​ട​ക്ക​ത്തി​ൽ 6 മാ​സ​ക്കാ​ലം സ്വ​ന്തം രൂ​പ​ത​യി​ൽ സേ​വ​നം ചെ​യ്യ​ണ​മെ​ന്ന​തി​നാ​ലാ​ണ് ഇ​വി​ടെ ശു​ശ്രൂ​ഷ​യ്ക്കാ​യി നി​യോ​ഗി​ച്ച​ത്. ഇ​നി​യു​ള്ള ശു​ശ്രൂ​ഷ​ക​ൾ​ക്കാ​യി ജൂ​ൺ അ​വ​സാ​നം പ​ത്ത​നം​തി​ട്ട മു​ണ്ടു​കോ​ട്ട​യ്ക്ക​ൽ ക​പ്പൂ​ച്ചി​ൻ ആ​ശ്ര​മ​ത്തി​ലേ​ക്കു പോ​കും.

താ​ൻ മു​ൻ​പ് പ്ര​ണ​യി​ച്ച ഫു​ട്ബോ​ളി​നാ​യി യു​വാ​ക്ക​ൾ​ക്കൊ​പ്പം ക​ളി​ക്ക​ളം നി​റ​ഞ്ഞു ക​ളി​ക്കാ​നും അ​ച്ച​ൻ ഓ​ടി​യെ​ത്താ​റു​ണ്ട്. ഇ​നി ദൈ​വ​ത്തി​ന്‍റെ പ​ട​യാ​ളി​യാ​യും ക​ളി​ക്ക​ള​ത്തി​ലെ പോ​രാ​ളി​യാ​യും ഐ​ക്ക​ര അ​ച്ച​ൻ ഉ​ണ്ടാ​കും.