പല്ലിന് അഞ്ചു പ്രതലങ്ങളാണ് - മുൻഭാഗം, പുറകുഭാഗം, രണ്ട് സൈഡുകൾ, ചവയ്ക്കുന്ന പ്രതലം
* ബ്രഷ് മോണയ്ക്ക് സമാന്തരമായി പിടിച്ച് അധികം ശക്തി ചെലുത്താതെ മേൽപ്പോട്ടും താഴോട്ടും തേയ്ക്കുക. ഓരോ പല്ലിലും ഇത് ആവർത്തിക്കുക. (ചിത്രം നോക്കുക) * ഓരോ പല്ലിന്റെയും ഉൾവശവും ഇതേ പ്രകാരം തന്നെ തേയ്ക്കുക * ഓരോ പല്ലിന്റെയും ചവയ്ക്കുന്ന ഭാഗങ്ങളും ബ്രഷ് ചെയ്യുക
* ബ്രഷിന്റെ അഗ്രഭാഗം ഉപയോഗിച്ച് മുകളിലത്തെയും താഴത്തെയും പല്ലുകളുടെ ഉൾഭാഗം തേയ്ക്കുക * നാക്കു ബ്രഷ് ചെയ്യുക. ഫ്ളോസ് ചെയ്യുക
ആദ്യഘട്ടം
1. എപ്പോഴും സോഫ്റ്റ് ബ്രിസിൽസ് ഉള്ള ടൂത്ത് ബ്രഷ് ഉപയോഗിക്കുക. ഹാർഡ് ആയുള്ള ബ്രഷ് മോണയ്ക്കും പല്ലിനും തകരാറുണ്ടാക്കും.
2. ഒരു പയർമണിയുടെ അത്രയും പേസ്റ്റ്് ടൂത്ത് ബ്രഷിൽ
എടുക്കുക.
3. ബ്രഷ് 45 ഡിഗ്രി ചരിച്ചു പിടിച്ച് മുകൾ മോണയിലെ പല്ലുകൾ ആദ്യം വൃത്തിയാക്കുക. മുൻഭാഗത്തുനിന്നും ബ്രഷിംഗ് തുടങ്ങുക. ഒരു സമയം മൂന്നു പല്ലുകൾ ഒരുമിച്ചു തേയ്ക്കുക.
രണ്ടാം ഘട്ടം
1.മുൻഭാഗത്തെ പല്ലുകൾ മോണയും പല്ലുകളും ചേരുന്ന സ്ഥലത്ത് 45 ഡിഗ്രി ചരിവിൽ ബ്രഷ് പിടിച്ച് മുകളിൽ നിന്നും താഴേക്കു ബ്രഷ് ചെയ്യുക.
2. പുറകിലെ അണപ്പല്ലുകൾ ബ്രഷ് 45 ഡിഗ്രി ചരിച്ചു പിടിച്ച് മോണയും പല്ലുകളും ചേരുന്ന സ്ഥലത്തു നിന്നു താഴേക്കു ബ്രഷ് ചെയ്യുക.
3. പല്ലിന്റെ ഉപരിതലം പുറകിലേക്കും മുൻപിലേക്കും ബ്രഷ്
ചലിപ്പിച്ച് ബ്രഷ് ചെയ്യുക.
4. കീഴ്ത്താടിയിലെ പല്ലുകൾ 45 ഡിഗ്രി ബ്രഷ് ചരിച്ചുപിടിച്ച് താഴെനിന്നും മുകളിലേക്കു ബ്രഷ് ചെയ്യുക.
5. നാക്കിന്റെ അറ്റം തൊടുന്ന മുൻ നിരയിലെ പല്ലുകളുടെ ഉൾഭാഗം ബ്രഷിന്റെ അറ്റത്തെ ബ്രസിൽസ് ഉപയോഗിച്ച് ബ്രഷ് ചെയ്യുക. മിതമായ ബലം കൊടുത്ത് ബ്രഷ് ചെയ്യുക.
മൂന്നാം ഘട്ടം
1. രണ്ടാം ഘട്ടം പൂർത്തിയാക്കിയതിനുശേഷം വായ വൃത്തിയായി കഴുകുക, കണ്ണാടിയിൽ നോക്കി അഴുക്കു പൂർണ്ണമായും നീക്കിയിട്ടുണ്ടോ എന്നു പരിശോധിക്കുക.
2.മോണയിൽനിന്നു രക്തം വരുന്ന ഏതെങ്കിലും സ്ഥലം ഉണ്ടെങ്കിൽ ഡോക്ടറെ കണ്ടു പരിശോധിപ്പിക്കുവാൻ ശ്രദ്ധിക്കുക. ഡോക്ടറുടെ നിർദ്ദേശപ്രകാരം ഇന്റർ ഡന്റെൽ ബ്രഷ്, ഇന്റർ പ്രോക്സിമൽ ബ്രഷ്, ഡന്റൽ ഫ്ളോസ്, ഗം സ്റ്റിമിലേറ്റർ, സിംഗിൾ ടഫ്റ്റഡ് ബ്രഷ് എന്നീ തരത്തിലുള്ള ബ്രഷുകൾ ഉപയോഗിക്കുക.
3. ബ്രഷ് ഉപയോഗിച്ചോ പ്രത്യേകം ഡിസൈൻ ചെയ്ത ടങ്ങ് ക്ലീനർ ഉപയോഗിച്ചോ നാക്കു വൃത്തിയാക്കുക.
4. ഡന്റൽ ഫ്ളോസിംഗ് ബ്രഷിംഗിനോടൊപ്പം ആവശ്യമുള്ള ശീലമാണ്. കൃത്യമായി ഫ്ളോസിംഗ് ചെയ്യാൻ പഠിക്കുക.
വിവരങ്ങൾ - ഡോ. വിനോദ് മാത്യു മുളമൂട്ടിൽ
(അസിസ്റ്റൻറ് പ്രഫസർ, പുഷ്പഗിരി കോളജ് ഓഫ് ദന്തൽ സയൻസസ്, തിരുവല്ല).
ഫോൺ - 9447219903